رواية حبك نار الفصل الواحد والأربعون بقلم أسماء الكاشف
رواية حبك نار الفصل الواحد والأربعون
عند مروه وغادة خرجو من المدرسة ملقوش حد مستنيهم اتضايقت اووي غادة لانها افتكرت معاذ هيجي يوصلها بس مروه ابتسمت بسخرية علي نفسها لانها عارفه ان عاصم عمره ما هيجي علشانها وكفاية تفكر فيه فتحت عينيها بخضه لما شافت اياد واقف قدامها مره واحده
* عايز ايه يا اياد
قولتها بحده فابتسم بلطف ومد ايده ليه زفرت بضيق بس فتح كفه ونزل سلسله بين صوابعه بس متعلقة طرفها في صابعه الي في النصف ابتسمت بحب دي السلسلة الي بقالي شهور بدور عليها قولت بفرحة
* الله حلوه انت ازاي قدرت توصل للسلسلة دي بقالي شهور بحاول اوصل ليها ماعرفتش خالص
ابتسم بثقة وقال بغرور وهو بيغمز ليه بعنيه ..
= عارف بس انا مش اي حد الي عايزه بوصله علي طول وعرفت اد ايه نفس مروه فيها فطبعا جيبتهالها
لوت غادة فمها بضيق
_ عرفت ازاي انها عيزاها يا سبع الرجال
قرب من مروه أكثر وعينيه في عينيها ...
= الي بيحب حد بيعرف كل حاجة تخصه
فتحت عيني بصدمة من صراحته وكحيت بصدمة فقرب مني بخوف ...
= انتي كويسه يا مروه
بلعت ريقي بتوتر ورفعت ايدي براحه قدام وشه علشان يقف مكانه واتنفست بصعوبة
* كويسه كويسه بس مش هقدر اقبل الهدية دي اسفة يا اياد انا ما بفكرش بالحب والكلام الفارغ ده دلوقتي تمام
قولتها علشان اوقفه عند حده واعرفه ان ما فيش امل لوجود علاقة حب بينا عينيه اتبدلت لهفتها لوجع قدرت اشوفه بس ابتسم بلطف رغم وجعه ومد ليه بالسلسله وقال وهو بيطلع السلسة الثانية...
= حتي لو مش هتحبيني بس السلسلة جات باسمك وهي ليكي تنحنح بحرج واكمل ..
= أنا اشتريت اثنين واحده ليكي والثانية ليكي قالها وبيشاور على غادة الي بصاله باستغراب مسك ايدي وحط السلسلتين فيها ومشي زفرت بقوة وانا ببص علي ضهره وحسيت بغادة الي وقفت جنبي بصيت عليها من غير كلام ومديت ايدي ليها بالسلسة مسكتها بهدوء ولبستها
_ بما انها كده كده جت خلاص نلبسها
قالتها بهدوء وهزت كتفها ببرود
* يله نمشي
_ اوك
جينا نمشي لقينا عربية جاية ناحيتنا قضبت حاجبي وحسيت بفرحة غادة الي ابتسمت وقالت بفرحة كبيرة ..
_ ايه ده ده معاذ يا مروه ايه الي جابه
ابتسمت ورفعت حاجبي بخبث..
* جاي لحبيبة القلب اكيد
سكتنا لما وقفت العربية قدامنا ومعاذ نزل الشباك وبص علينا واتكلم بهدوء...
= اطلعو علشان هوصلكم
* شكرا احنا هنركب تاكسي
بصوت حاد ونبرة قوية
_ اركبوا عاصم قال اوصلك لانه مشغول يله اتفضلوا غادة اركبي
مجرد ما سمعت غادة اسمها منه حسيت بخوف نبرته القوية بتخوفها منه حتي لو بتحبه بس ما تنكرش فرحتها لوجوده علشانها جيت اتكلم واعترض بس غادة مسكت ايدي وضغطت عليها علشان اسكت وهمست في ودني
_ خلاص يا مروه خليه يوصلنا متعمليش مشكلة وعاصم كده هيزعل منك
زفرت بضيق وفتحت الباب الي ورا ركبنا جنب بعض وهو اتحرك بسرعة كبيرة خوفتنا بصيت من الشباك وبدعي اوصل بسلام وأيدي حطاها علي رجلي وبتكا جامد وغادة هيمانه علي الاخر فيه وكل شويه هو يبص من المرايه علي غادة ويغمز ليها بمشاكسة فبتتحرج وبتبعت عينيها عنه بكسوف وبتضغط علي شفايفها في وقت قياسي كان واقف قدام شقة عاصم نزلت من العربية وشاورت لغادة ودخلت الشقة لفت غادة وشها لقته بيبص عليها بعشق لعبت في ضوافرها بكسوف وهو ضحك علي كسوفها فكشرت في وشه ثاني قالها بوقاحة
= ما تيجي يا حلو انت جنبي هنا
وشها احمر وضغطت علي شفايفها فرفع حاجبة ومثل الجدية
= انتي هتنحيلي اطلعي جنبي هنا هو انا سواق الهانم ولا ايه
رمشت عدة مرات مستغربة فتكلم بصوت عالي
= يله يا بت انجزي
في لحظة واحده كانت نزلت وفتحت الباب الي قدام بس مجرد ما فتحت لقت علي الكرسي دبدوب كبير صرخت بفرحة ....
* ده نفس الدبدوب الي كنت عيزاه
= عارف ومقدرش اخلي نفسك في حاجه ومجبهاش ليكي
مسكته وركبت بسرعة ووشها محمر من كسوفها منه وحطت الدبدوب على رجليها وهو اتحرك بسرعة علي بيتها ابتسم بعشق لما شاف ابتسامتها وفرحتها
ساد الصمت المكان وهي بتلعب بتوتر مع الدبدوب وهو مركز في السواقه وكل شويه يبص عليها وابتسامته بتزيد بس قرر ينهي الصمت ده فاتكلم بهدوء ...
_ عامله ايه في المذاكره
* كويسه قالتها بارتباك وخفوت اتنهد جامد وقال ..
_ شاطرة علشان تجيبي مجموع كبير
ابتسمت بلطف وكملت
* ان شاء الله
_ عايزه تدخلي كلية ايه
* طب اسنان عايزه اكون دكتورة قالتها بعيون بتلمع فابتسم وكمل بدعاء...
_ ربنا يوفقك وتحققي حلمك في بيتي يا حبيبتى
ابتسمت بخجل ومسكت السلسه الي علي رقبتها بتوتر فقضب حاجبه وسألها بحده . .
_ انتي اشتريتي السلسه دي امتي
* ده اياد زميلنا اشتراها ليه قالتها بعفوية وبراءة وما اخدتش بالها من ضغطه علي اسنانه وعروق ايديه الي ظهرت وهو بيضغط علي مقود العربية ضرب بعصبية علي المقود خلاها تتخض وتترعب وبصت عليه مستغربة همجيته وتحوله المفاجئ بعد ما كان بيكلمها بهدوء رجعت بجسمها لورا ولزقت في الشباك وعلي كرسيها بعيون زائغة
* في ايه مالك
وقف العربية مره واحده فجسمها اتحرك لقدام وكانت هتتخبط بس الحزام وقفها وقبل ما تتنفس شدها من ايدها ليه وضغط عليها لدرجة وجعتها وقال بعيون حمرا وهي بترتجف بين ايديه
_ مين يا اختي الي جابهولك قربها ليه أكثر وقال بعصبية
_ ازاي تقبلي هديه من ولد
قالها وهزها بعنف
* اسمعني بس متتعصبش عليه قالتها بخوف وهي بترتجف بين ايديه
_ انطقي
* هو مجبش الهدية دي ليه انا هو جابها لمروه وعمل حسابي في واحده علشان تردي تاخذها منه
اتنفس بغضب ومد ايده لرقبتها وشد السلسلة بطريقة وجعتها
_ يبقي ما تتزفتيش تلبسيها ثاني
هزت راسها ومقدرتش تمنع نفسها ودموعها نزلت علي خدودها وهو زفر بقوه حطت ايديها علي ايده الي مسكاها
* لو سمحت سيبنى انت بتوجعني
فضل ساكت وبيبص عليها فاتكلمت برجاء
* معاذ
لما سمع اسمه منها وشاف دموعها حس بالغضب من نفسه وسابها علي طول وهي مسكت ايديها دلكتها علشان تشيل أثر ايده من عليها وتخفف الوجع وبصت عليه بخوف بس المره دي بعدت وشها عنه علشان ما تظهرش ضعفها قدامه هي حست ان عصبيته وغيرته مرضيه ومسحت دموعها وهو رجع كمل سواقه شويه وكان قدام بيتها وقف العربية وقالها بندم ..
_ انا اسف يا غادة مقصدش اتعصب عليكي بالشكل ده
* عادي قالتها ونزلت من غير ولا كلمة وجواها مكسور ومش سهل يرجع ثاني وهو بص عليها وهي داخله بيتها اتنهد بغضب وخبط على العربية جامد ومشي بسرعة كبيرة
**********
دخلت اوضتها بهدوء ووقفت قدام الشباك شافته لسه واقف بالعربية عينيها دمعت من غير ما تحس شافته اتحرك وهي كمان قفلت الشباك ورجعت تقعد على السرير طلعت الفون بتردد فتحت الواتس ولقت اسمه قدامها غمضت عينيها بتعيد ذكريات اليوم وفتحت وهي واخده قرارها كتبت رسالة ليه ودمعة نزلت علي الفون وعيطت بصوت عالي لسه صغيرة لوجع الحب رمت الفون جنبها على السرير وحطت ايدها علي وشها تخبيه وسمحت تطلع وجعها في عياط قامت بعد فترة طلعت هدومها ودخلت الحمام ونزلت تحت المايه وقعدت تعيط دموعها اختلطت مع المايه وهي تفتكر اخر كلماتها ليه في الرسالة
* كل حاجه بينا انتهي مقدرش استمر في علاقة مؤذيه انا اسفة
غمضت عينيها بس دموعها فضلت تنزل ومستنية تشوف رده فعله
************
هو بيسوق جاله اتصال فتح الخط كان من والدته الي مسافره بره في المانيا
_ ايوه يا ست الكل اخبارك ايه يا جميل
= الحقني يا معاذ محتجاك دلوقتي لازم تنزلي بسرعة
_ في ايه يا ماما محمد كويس
قالها بخضه
= اخوك محتاجلك هنا اتمسك في قضية مخدرات متلفقه ليه يا بني تعالي بسرعة انقذ اخوك يا معاذ
كور ايده بغضب وتحدث بسرعة يطمنها
_ خلاص متقلقش كل حاجة هتكون تمام وبكره هكون عندك
قفل الخط مع مامته وحط الفون في جيبه وسمع صوت رسالة جايه علي الواتس اتنهد بضيق وطلع الفون ثاني وفتح الرسالة الي بعتاها غادة وشه احمر من الغضب وايديه ضغطت علي المقود
يتبع الفصل الثاني والأربعون اضغط هنا
- الفهرس يحتوي على جميع فصول الرواية كاملة :"رواية حبك نار" اضغط على اسم الرواية