رواية حبك نار الفصل الثامن والثلاثون 38 بقلم أسماء الكاشف

نايمة على السرير وحسيت بحد فتح الباب وخطوات هاديه ماشيه ناحيه الستاير شويه والنور ملا الاوضه كلها فقضبت وشي بضيق واتلفت الناحية الثانية وبسحب الغطا على وشي زفرت مها بضيق وفتحت الشباك أكثر وبصت عليه بضيق وقربت مني قعدت جنبي علي السرير وشالت الغطا من علي وشي وقالت بهدوء 

= اصحي بقي يا مروه كفاية نوم حبيبتى كده هتتأخري علي المدرسة 

شديت الغطا منها وحطيته علي وشي ثاني واديتها ضهري وقولت بكسل 

* مش عايزه اروح انهارده عايزه انام وبس

سحبت الغطا بغيظ مني ونكزتني في ضهري وقالت بغيظ

= قومي يا بت بلاش كسل  

اتنهد بضيق منها وسيبت الغطا ليها وغمض عيني اكمل نوم فقامت بغيظ مني وقالت بتهديد 

= بقي هي كده يا ست مروه طيب هوريكي أيام زمان قالتها وبعدت عني شويه فاتنهد براحه وأخيرا هنام بهدوء بس شهقت بخضه لما اندلقت المايه علي وشي وغرقتي بصيت بصدمه قدامي ومها ماسكه في ايدها الكوبايه بعد ما فضيت كلها عليه وحاطه ايدها علي وسطها ورافعة حاجبها ليه بغيظ ومكر فصرخت وانا بنتفض من مكاني ومبلولوله 

* ايه الي عملتيه ده  

ادتني ضهرها ومشيت لبره وهي بتقول ببرود

= يله يا حلوه غيري وحصليني علي تحت 

وقفت قدام الباب ولفت بوشها ليه وغمزتلي بلؤوم 

= احسن تبردي 

ومدت ايدها للباب فتحته وجريت علي بره لما شافتني مسكت المخدة وبزقلها  عليها قفلت الباب وضحكت علي شكلي المبهدل وانا صرخت بغيظ 

* والله لوريكي يا مها الك*لب

روحت ناحية الدولاب وطلعت هدوم المدرسة وأنا بتأفأف وبتوعد لمها دخلت الحمام وشويه كنت قدام المرايه لابسه لبس المدرسة وبسرح شعري البني الطويل لأول مره اركز في ملامحي شكلي حلو عينيه بني واسعة ورموشي كبيرة ولوني أبيض ورثه صفاتي من مامتي الي كانت جميلة وقدرت بجمالها تسحر بابا وتخليه يدوب فيها ويعمل المستحيل علشان توافق تتجوزه وفي النهاية كنت انا ناتج وثمرة حبهم ابتسمت بثقة وانا بحط شعره ورا ودني قربت من التليفون بتاعي بصيت علي الرسالة المبعوته واتس همست

* لدلوقتي متمسك بيه يا اسمك ايه انت اتنهدت بقوة 

* يا تري انت مين واسمك ايه تعرف انا حاسه اني عايزه اديك فرصة ونكون أصحاب 

غمضت عيني بقوة وحطيت الفون في الشنطة خايفة افتح الرسالة وأعمل حاجة أندم عليها بعدين مستحيل اخلي زعلي من عاصم يدخلني في غلط كبير لبست شنطتي ونزلت لتحت لقيتهم راصين علي السفرة أكل جميل اووي بس انا مليش نفس وكلهم قاعدين عليها ومستنين

^ تعالي يا مروه افطري يا حبيبتي 

قولت وانا بقرب منها 

* شبعانه يا ماما 

قولتها وحضنتها جامد باست راسي بهدوء وكملت بحب

^ ما ينفعش يا حبيبتى تروحي المدرسة من غير فطار يله اقعدي اتنفست جامد وحركت راسي بموافقة وقعد اكل لقمتين ولاحظت غياب عاصم بس ما هتمتش اصلا قررت انساه سمعت مروه بتتكلم بسؤال 

= هو أبيه عاصم لسه مجاش من عند صاحبه 

# ايوه هيجي علي الغذا 

اضايقت لغيابه فقومت من علي السفرة 

* باي انا بقي يا دوب الحق الباص سلامو عليكو يا حلوين

قولتها بمرح وانا بمشي ناحية الباب 

^ خلي بالك من نفسك 

* حاضر يا ماما قولتها وشاورت بايدي وخرجت استنيت الباص شويه ووصل وركبت قعد جنب غادة  واتحرك بينا للمدرسة 

********

* ايه ده الجميل ايه الي ركبه معانا انهارده 

قالتها غادة بمرح فكشرت في وشها بغيظ وضربت بكوعي ايديها وقولت بغيظ 

* بطلي رخامه يا بت انتي وبلاش الجملة دي احسن يحصل ذي المره الي فاتت 

قولتها بضيق ففتحت عينيها بخوف وحطت ايديها على شفايفها 

_ بطلي نحسك مش عايزين نتخطف يا بت انتي مش حمل شيل وضرب وتعذيب اهئ اهئ

ضحكت علي تعابير وشها وهزيت راسي بلا فائدة من تفكيرك  وبصيت من الشباك واتنهد جامد حطت ايدها علي كتفي بقلق وقالت وعيونها مليانه قلق وتساؤل 

_ مالك شكلك مضايق 

بصيت علي ايدها وبعدين رفعت راسي ليها وابتسمت بحزن 

* انا منتهيه اووي يا غادة قلبي ده 

قولتها وحطيت ايدي مكان قلبي وكملت 

* واجعني اووي ومكسور علي الاخر 

غمضت عيني بوجع فشالت ايدها من علي كتفي وحضنتني وطبطت علي ضهري وقالت 

_ ما عرفش  سبب وجعك بس عيزاكي تعرفي انك جميلة وتستاهلي يكون قلبك مرتاح 

اتنفست بهدوء وكملت 

_ احكيلي الي مضايقك يمكن ترتاحي 

بعدت عن حضنها وحطيت ايدي علي وشي وكملت بدموع

* قال انه ما بيحبنيش وشتمني كمان وقال اني مجنونه وواهمه نفسي بحبه 

كورت غادة ايديها بغضب وقالت بعصبية

_ هو  المجنون وستين مجنون هو اصلا يطولك ده انتي ملكة فاهمه ملكة برمشة عين منك بس أي واحد يترمي تحت رجلك مش كفاية انك وافقتي عليه العجوز ده 

ضحكت بسخرية وكملت 

_ مش كفاية انه عجوز وقابله بيه خليه يشوف عجوزه زيه.. عبيط والله مش شايف فرق السن بينكم بدل ما يحمد ربنا انك وافقتي عليه لاء ده بيتنك كمان وادي اخره الي بيتنازل مره 

قالت كل كلامها بغضب وخرجت مشاعر مكبوته متغاظة من ردة فعله لصديقتها الي اقرب حد ليها وكمان بتفوق نفسها من وهم حب معاذ فرق السن كبير وبدءت تفكر فيه وحست انه هيكون ذي صاحبه عاصم بصيت عليها وفاتحة بوقي  مصدومة من كلامها متوقعتش ده منها هي دايما بتشجعني اقرب منه بصت ليه  وكملت 

_ ما تبصليش كده هو انا اها كنت بشجعك واقولك ده جوزك وبيحبك بس لما يكون ده علي حساب قلبك وكرامتك يبقي لاء ارمي الحب ده تحت الجزمة

غمضت عيني للحظات ومن جوايا بقتنع بكلامها بس القلب ليه أحكامه وقف كلامنا وقوف الاتوبيس قدام المدرسة حطت ايدها علي كتفي وقالت

_ فكري في كلامي كويس  يله نلحق المدرسة من أولها قالتها وسبقتني لتحت زفرت بقوة وضربت ايدي فى الكرسي الي قدامي اتنفست بصوت عالي وعينيه حمرا مسحت وشي بايدي ونزلت وراها ولأول مره حاسه ان لازم اتخلي عن مشاعري

قاعد في غرفة الانتظار ومرجع ضهره لورا وقافل عينيه وفي ايده التحاليل وسرحان ايد اتحطت على كتفه ففتح عينيه وبص علي صاحب الايد الي كان معاذ صديق عمره الي دايما واقف معاه في كل المواقف قضب حاجبه باستفهام 

_ ايه الي جابك 

= ماقدرش اسيب صاحب عمري لوحده في الظروف دي 

سحب كرسي وقعد جنب عاصم وكمل 

= انت اخويه يا عاصم وهنعدي ده مع بعض 

ابتسم عاصم بامتنان وهو حاسس انه اختار الصديق الحقيقي الي يقف في ضهره ويعتمد عليه ابتسم بهدوء وملس علي رجل معاذ بامتنان وفخر  

_ مغلطش ابدا لما اخترتك اخويا وصاحبي 

ابتسم معاذ ليه وانتبهو علي الممرضة الي وقفت قدامهم وقالت برسمية

# اتفضل دورك جيه يا استاذ عاصم الدكتور في انتظارك جوه 

هز راسه ليها وقام ومعاذ معاه دخلو غرفة الدكتور بعد ما استأذنو 

^ اتفضل استاذ عاصم قالها الدكتور ببشاشة وهو بيشاور علي الكرسي قدام المكتب قعد عاصم قدام الدكتور وفي الكرسي الي جنبه قعد  معاذ 

_ شكرا يا دكتور 

ابتسم برسمية وقال 

^ عامل ايه 

_ الحمد لله أحسن 

ثم مد ايده بالتحاليل وكمل

_ عملت التحاليل المطلوبة 

اخذها منه وقال

^ ممتاز خليني اشوف التحاليل كده 

وشه قلب وهو بيقلب في التحاليل الي اثبتت وجود المرض بجسم عاصم تنحنح وكان لسه هيتكلم فسبقه عاصم الي قال بهدوء ...

_ عارف الي حضرتك هتقوله ما فيش داعي للتوتر أو تجميل الكلام أنا عرفت الي في التحاليل وعارف بمرضي بس 

سكت شويه وحاسس بنغزه في قلبه مش سهل يعرف بالمرض ده ويكون بخير كمل ...

_ عايز اعرف تفاصيل أكثر وايه المطلوب مني 

قال اخر كلامه بوجع وتنهيده كبيرة وجعت قلب صديقه الي حط ايده علي رجل صديقه يشجعه ويديه الطاقة ليكمل المشوار الي هم في أوله والطريق طويل    اتنهد الدكتور بقوة وحط ورق التحاليل قدامه وكمل بعمليه 

^ انا عارف ان الموضوع صعب مش سهل خالص بس المرض ده محتاج العزيمة والإرادة وكمان بيعتمد على النفسيه قبل العلاج صدقني النفسية ثمانين في المية من العلاج.. وانت مرضك لسه في أول مراحله يعني فرصة شفاك كبيرة اووي 

ضم قبضة ايده وبص لعاصم بجدية 

^  انا واثق ان العلاج هيكون فعال احنا لازم نبدء فيه في اسرع وقت بلاش تضيع وقت 

قاطعه عاصم بغموض

_ بس انا مش عايز اتعالج 

قالها فبص عليه معاذ بصدمه الي مكنتش من نصيب معاذ وبس دي كانت باينه في ملامح الدكتور الي وسع عينيه وهو بيسمع الكلام الي هدم توقعاته