رواية عاصفة القدر الفصل الثاني 2 بقلم إيمان المهدى

الصفحة الرئيسية

   رواية عاصفة القدر  الفصل الثاني بقلم إيمان المهدى


رواية عاصفة القدر الفصل الثاني 

أدهم  لأنك راجل كبير أنا كنت قتلتك بعد ال عملته دا 
فايد بقمة غضبه  انت ازاى تتجرأ تقول ل فايد سليمان كدا يا گ....
وبص للحرس وطبوه خليه يتعلم ويعرف مقامه كويس وازاي يرد على اسياد
أدهم. اسياد مين دول يا ....  ولم يكمل حتى تلقى ضربات متتاليه من الحرس 
فايد عايزه ميعرفش يقف تانى على رجله عشان يبقى يبقى يعرف يلعب كويس على بنات الناس
نور  ببكاء وترجى لا يابابا ارجوك هو معملش حاجة والله بتبص عليه وهو بيحاول يتصدى لضربهم بس الكترة تغلب الشجاعة 
خرج الكل من داخل الفيلا برعب وبسبب الأصوات ال برة وصوت نور العالى. 
سميرة  مامت نور فيه ايه ال بيحصل هنا يافايد 
نور. ماما ارجوكى خالى بابا يسيبوا يمشى والله ما عمل حاجة 
أحمد. أخو نور.  عمل ايه دا يابابا وليه بيضربوه بالشكل دا 
فايد ما أنتم لو مش نايمين على ودانكم انت والهانم امك مكنتش اختك باتت برة البيت. ورجعالى الفجر. راكبه ورا واحد وحضناه.  والله اعلم كان مع بيعملوا ايه
سميرة. متقولش كدا على بنتك نور يستحيل تعمل حاجة غلط. 
فايد. ورجوعها دلوقتى تسميه ايه ولبسها لجاكته وهدومها المتبهدله.وشعرها دا. كل دا يأكدلى انها على علاقه زباله مع الگ..... دا 
أدهم. بألم والدماء تملأ وجه وجسمه كله. بصوت ضعيف ااانا معملتش غير الصح مع بنتك أنا كنت بحافظ عليها. بس انت وبنتك حيوانات مينفعش معاهم خير ...
فايد.  سامعة الگ... ال بتدافعه عنه بيقول علينا ايه. حيوانات.  أنا عضو مجلس الشعب وليا هيبتى ف الدولة يتقال عليا حيوان ف قلب بيتى.  
أحمد  اهدى يابابا بس نفهم بس.  
فايد. كلمه زيادة يا احمد. انت عارف أنا ممكن أعمل ايه وربى هقتله ارموا الک... دا ف الإسطبل مع الحيوانات واقفلوا عليه كويس لحد ما أرجع من السفر اشوف أعمل ايه فيه. نهايتك على ايدى. يا گ....
نور. بصدمه لالالا اسمعنى يابابا. انت فاهم غلط والله ما ف حاجة من ال ف بالك  حصلت 
فايد. بغضب.  سميرة. خدى بنتك من قدامى بدل ما اقتلها ...
سميرة. شدت نور تدخلها. بس هيا رافضه بتحاول تجرى ورا الحرس عشان يسيبوا معتز مع انها متأكدة انها محاولات فاشله. 
فايد يعنى ايه مفيش فيكى فايدة. وبعلو صوته للحارس تتحبس ف اوضتها وتقف حارس عليها ممنوع تخرج او حد يدخلها الا بأمر منى 
سميرة. انت عايز تحبس بنتى ف بيتها يافايد. 
فايد. مردش عليها. وقال للحارس فيها رقبتك لو كلامى متنفذش بالحرف وفونها يجيلى
بالفعل الحارس أجبر نور على المشى. ولما طلع بيها فوق  الحارس بزعل والله آسف يا آنسه نور غصب عنى. انت عارفة فايد بيه بينفذ كلامه وانا عندى ولاد عايز اربيهم 
نور عطيته الفون. ولا يهمك يا مصطفى أنا عارفه اوامره لو صدرت مفيش فيها رجعه بس حرام والله الشاب دا برئ هو حتى مش عطينى فرصه يسمعنى 
مصطفى أنا عارف أنك صادقه وباين كمان ان الشاب دا محترم متقلقيش كله هيتحل بعد اذنك 
الرواية حصرى على بيدج حكآيات إيمى
بعد عدة ساعات. 
سميرة. فايد انت هتسافر ازاى وتسيب بنتك محبوسه كدا.  وكمان الشاب دا مينفعش
فايد  قلت مش عايز كلام ف الموضوع دا تانى
سميرة. من امتى وانت كدا طول عمرك متفهم مبتخدش قرارات غير وانت متأكد عمرك مااتعاملت كدا معانا وبالأخص نور   عايزة افهم ازاى تتغير بين يوم وليله وتتقلب كدا على بنتك حتى مفيش فرصه تسمعها
فايد. لان متأكد من كلامى. 
سميرة. ازاي متأكد يعنى
فايد لان بنتك كان الأستاذ عازمها على اليخت بتاعه يسهروا ويتسلوا سوا. ويشربوا خمرا. واظن أخدتى بالك من ريحة بنتك 
سميرة. انت عرفت معلوماتك دى منين 
فايد. من هايا جات وحذرتنى ان نور معزومه مع شاب ف وسط البحر لوحدهم وبنتك مفهماكى انها كانت مع زميلاتها وان دى حفله لبنات بس اسألى بقا بنتك لمدة يوم كامل كانت بتعمل ايه مع الزفت دا لوحدهم ومنظرها ال رجعت بيه 
سميرة لالالا مستحيل نور تعمل كدا أنا واثقه ف بنتى أكيد هايا بتتبلى عليها انت عارف الزعل ال بينهم. 
قصدك ان بنت اخويا هتكدب عليا. وتعرض بنت عمها لموقف زي دا. فوقى يا هانم بنتك بتضيع الا إذا مكنتش ضاعت فعلا. 
أحمد. لو فعلا زي ما بتقول أنا هقتلها واقتله بإيديا 
سميرة انت كمان بتقول كدا وانت عارف هايا بتكرة اختك ازاي ولا عشان بتحبها تظلم اختك
أحمد  ماما لوسمحتى أولا هايا مش هتكدب بالشكل دا وتورط نفسها معانا  أنا واثق من كدا
سميرة. بقا كدا كلكم واثقين ف هايا ومش واثقين ف نور وانتوا عارفين اخلاقها  يا خسارة ياخسارة  
فايد أنا مسافر يومين بالكتير  ومصطفى بس ال مسموح يدخل لاختك يقدملها الأكل ولا أنت حتى تدخلها. فاهم 
إيمان المهدى
ف بيت بسيط  على شاطئ النيل يتكون من طابقين. امامه حديقة صغيرة ويلتف حولهم سور  تسكن عائله محمود البحيرى  والد أدهم
عبير مامت أدهم يالا يا ولاد الفطار جاهز 
مروة. الله الله ياست الكل تسلم ايدك ريحة الأكل مفحفحه. 
عبير. بطلى بكش دا فول وبطاطس وجبن. وبيض فين بقا الروايح المفحفحة 
محمد. ياست الكل بلاش تقللى من قدراتك. دا انت عليكى طبق فول بالزبدة والطحينة يرجع الميت من قبرة وبعدين كفايه أنك بتفطرينا ف الجنينه وسط الورود 
عبير موت ايه بس يابنى حرام عليك. ال فال الوحش دا 
محمد أنا بهزر يابيرو مبتهزريش 
عبير. بيرو ف عينك اتلم يا ولا أنا امك مش واحدة صاحبتك  
محمد وانا أطول تكون صاحباتى بالجمال دا. 
عبير. صحباتك. مين يا استاذ محمد. انت بتقابل بنات وبتواعدهم. أهو دا ال ناقص. يخسارة تربيتك فيهم ياعبير. طيب راعى ان عندك اخت ترضى حد يوعدها ويطلع ندل
محمود. ومروة بيضحكوا. على محمد ال واقف بيصب عرق
محمد يا اختاااااى  أنا عملت ايه ف نفسى ياريتنى ما نطقت  أنا طلعت ندل وبوعد بنات يالهوووى. 
عبير متظبط ياااد. بتولول زي الستات خيبه عليك وعلى ال خلاك وكيل نيابه بتاعى. 
محمد بيبص لمحمود عشان ينقذه من الورطه دى 
محمود بضحك البس عشان تحاسب على كلامك بعد كدا 
عبير. كلام ايه يا محمود دا بيقول مصاحب. 
محمد. أنا قولت كدا 
عبير. واد انت انجز قولى هي مين وانا اروح اشوفها ان عجبتنا اخطبهالك  
محمد. ت تخطبيلى مين يا ست الكل. ما ترد يا بابا
محمود. بضحك. وانا مالى. 
محمد بقا كدا.  طيب أنا اهرب أحسن. باى عشان هتأخر على شغلى 
مروة.  بضحك باي يابتاع البنات والله عيب عليك
محمد وهو بيخرج. من باب الجنينه لما ارجعك 
عبير بتفكير وتعابير الحزن بانت على وجهها فجأه
مروة غمزت لباباها يشوف مالها
محمود. مالك يا ام محمد. ملامحك اتغيرت ليه فجأة
عبير بقلق. أدهم خايفة عليه وقلبى مش مرتاح 
مروة.  ليه ياماما هو أول مرة يطلع بالمركب ويغيب كام يوم وبعدين احنا متعودين على كدا وكمان خالد وعبد الرحمن معاه
عبير معرفش مالى هو قال ان هيرجع بعد يومين المفروض كان وصل مع الفجر
محمود ياستى متقلقيش أكيد زمانه على وصول او يمكن هيتأخر كام ساعة كمان ربنا يرزقه. شايل الهم من صغره
مروة. والله يابابا أدهم مفيش زيه اتخلى عن دراسته وحلمه ان يدخل كليه عشان اكمل أنا  ومحمد مع ان هو اصغر من محمد بسنتين بس تحسه كبير .. كبير اوووى يابابا 
محمود. أنا عارف ان قصرت معاه بس أنا حاولت معاه يكمل دراسته رفض وشال همنا كلنا الكبير والصغير 
عبير ربنا يعوضه على قد تعبه وصبره كل خير 
مروة. يابختك يا أدهم كل الدعوات ليك حاضر كنت او غايب
عبير.  ربنا ما يغيبله حس ابدا. وبعدين أنا بدعيلك ليل نهار. ولا لازم تسمعى بودانك دى 
مروة ياحبيبتى أنا عارفة ربنا يخليكى ليا وميحرمناش منك.  يالا أنا هدخل اجهز عشان اروح شغلى.  ايام والجامعة هتفتح وهرجع تانى اتقل على ادهم
عبير ادهم لو عرف بشغلك مش هيحصل طيب أنت عارفة ان مانعك تشتغلى
مروة.لا مش هيعرف ياماما ان شاء الله  يالا يابابا تعالا ادخلك 
محمود لا الجو حلو ومريح الورد حوليا والنيل قدامى ادخل جوه اعمل ايه روحى انتى شغلك 
مروة طيب سلام. يا حلوين 
مر يومان. ...
عبير  لا بقا كدا كتير ابنك مش باين وتلفونه مقفول أنا خلاص مفيش صبر تانى 
محمد. ماما أنا هصرف متقلقيش فعلا الموضوع زاد خصوصا ان مأكد ان هيغيب يومين بس 
مروة. محمد كلم خالد اوعبد الرحمن هما معاه أكيد هيطمنونا وأدهم فونه يكون فصل ولا حاجة
محمد حاضر. ....
عبير ايه. 
محمد. برن على خالد فونه غير متاح 
عبير يارب استر طيب رن على عبد الرحمن 
محمد. بيرن.  بلهفة الووو الوووو ايوة ياعبد الرحمن 
عبير افتح الصوت يابنى  عايز اسمع
عبد الرحمن. اهلا ازيك يامحمد. عاملين ايه 
محمد  مش وقته. ... قولى أدهم معاكم 
عبد الرحمن. أدهم لأ معانا مين وفين
محمد  معاك انت وخالد مش كنتم سوا بالمركب 
عبد الرحمن ايه ال بتقوله دا احنا رجعنا بقالنا يومين. ازاي بتسأل على معتز وهو كمان رجع
محمد. انت بتقول ايه متأكد من كلامك 
عبد الرحمن. طبعا يا محمد. والله رجعنا قبل الفجر بساعة وركبت ف عربيه خالد وروحنا وأدهم كمان ركب ماكنته قدامنا 
محمد طيب ازاي يا عبد الرحمن بقالنا يومين منعرفش عنه حاجة 
صفحة حكآيات إيمى متابعة ولايك ليصلك الجديد
#شخصيات البارت
فايد.  رجل اعمال وعضو مجلس شعب. معروف بحزمه وصرامته ف اتخاذ القرارات بيحب عيلته مش سهل يأذى حد بس لكل قاعدة شواذها صعب حد يأذى عيلته ويتهاون مع الأمر 
سميرة. سيدة طيبه تمسك ادارة جمعيات نسائيه وآخرى لمساعدة المحتاجين
أحمد. 27 سنه خريج ادارة اعمال ماسك شغل ابوه طيب بس بردوا يمتلك قوة القرار 
محمود. راجل بسيط عاجز يمشى بمساعد كرسى متحرك نتيجة حادثه من كام سنه. طيب القلب حنين على ولاده. بالرغم من عجزة بس قوة ايمانه بتميزه بالرضا والإبتسامه الدائمه
عبير. ربه منزل  محافظه بتحس اولادها على الأخلاق والخوف من ربنا دايما
مروة. 19 سنه اولى كليه فنون   بنت هاديه ومحجبه بتشتغل اوقات الصيف ف صيدليه بجوار المنزل لمساعدة معتز ف مصاريفها
محمد  27 سنه.  اشتغل وكيل نيابه فورا بعد تخرجه ودا بفضل امتيازه طول سنوات الجامعة. 
ف جيم وسط البلد. 
  بصوت عالى مايا 
مايا  حسام. ايه ال جابك ف حاجة 
حسام شدها من ايديها بقوة انت ايه ال عملتيه دا 
مايا. سيب ايدى. يا حسام وبعدين أنا عملت ايه 
حسام. مش عارفة عملتك المهببه وكلامك الزفت ال قولتيله على نور
مايا قول كدا لازم تزعل على ست نور بتاعتك  وبعدين أنا مقولتش حاجة غير ال سمعته
حسام مايا انت أختى وانا عارفك كويس وعارف قد ايه بتكرهى نور. بس مش للدرجة دى يا مايا أنك تطعنى ف شرفها وتفقدى ثقه عيلتها فيها وبعدين دى عمنا يعنى سمعة العيله تمسنا 
مايا. بلا سمعة بلا زفت. 
حسام أنا غلبت معاكى طيب كنت راعى عمك ال عايشين بفضله ومن خيره بعد موت اهلنا 
مايا بغيظ. كفايه بقا ام الإسطوانه دى يا اخى زهقت. وبعدين انت مش هتموت على ست نور فرصتك جات روح اطلبها من ابوها ف سبيل أنك تحافظ على شرف العيله الكريمة وسابته ومشيت
حسام. أه بحبها بس  مش كدا مش كدا ابدا يا مايا. مش أنا ال استغل الموقف لمصلحتى 
 عبير ببكاء. هااا يا محمد عملتى ايه يابنى 
محمد. وزعت صورته على كل الأقسام والمستشفيات واكيد هنلاقيه...
عبير. مستشفيات لأ أنا إبنى كويس وبخير 
عبد الرحمن. محمد. هو فيه حاجة كدا حصلت بس مش عارف بيها علاقه بإختفاء أدهم ولا لأ
محمد. وساكت قول أي حاجة دلوقتى ولو صغيرة ممكن تفدنى احل لغز اختفاءه
عبد الرحمن. واحنا ف عرض البحر سمعنا صوت استغاثه ....... وحكالهم عن لقائهم بنور 
محمد وبعدين. ايه ال حصل. 
عبد الرحمن. بس أنا روحت مع خالد وهو راح يوصلها 
محمد ازاي متحكوش حاجة مهمه زي كدا
عبد الرحمن. مكنتش اعرف ان ممكن يكون ليه دخل وكمان أنا راح من بالى الحوار خالص 
محمد. طيب وبعدين اعرف هو فين دلوقتى ولا مكان البنت دى فين 
خالد. البنت اظن قالت انها ساكنه ف فيلا ف الشيخ زايد أنا افكر كويس عشان المكان كان بعيد جدا فثبت ف دماغى 
محمد. يبقى أنا هروح ادور ف الشيخ زايد أكيد هناك هلاقى حل لأسلتنا
عبير.  أنا اسمع ان هناك جبال وكدا وف اماكن مقطوعة هناك. واكيد وهو راجع حد طلع .... لالالا يارب استرها 
مصطفى. بردوا مش هتاكلى يا ست نور
نور  أكل ازاى بس وانا اتسببت ف اذيه انسان كل جزاءه ان ساعدنى  وبابا سافر وحابسنى وانا مش عارفة اعمله اي حاجة 
مصطفى. أنا مش عارف أعملك ايه ولا اساعدك ازاى 
نور بتفكير. تقدر تساعدنى ارجوك يا مصطفى. ساعدنى اوصله اطمن عليه
مصطفى ازاى بس دا صعب وفايد بيه لو عرف
نور. لا مش صعب ومش هيعرف وانت الحرس كلهم بيحبوك ويحترموك واكيد لو طلبت منهم مش هيرفضوا 
مصطفى. بس ...
نور ببكاء ارجوك يا مصطفى انت من سنين معانا وانا عارفة أنك بتعتبرنى اختك الصغيرة. ارجوك ريحنى من تأنيب الضمير وخلينى اشوفه 
مصطفى حاضر بس ساعتين يكون الكل نام 
نور. شكرا يا مصطفى هستناك 
بعد اكثر من ساعتين. 
نور اتأخرت ليه
مصطفى. على ما اتأكدت ان الجو عادى ومفيش حد يقفشنا
نزلت نور الجنينه الخلفيه ووصلت للأسطبل 
مصطفى. شكرا يا ياسر. أنك ساعدتنا. 
ياسر. مش وقته ادخلوا بس قبل ما حد ياخد باله
نور أول مادخلت. وشمت الروايح والجو المكتوم زعلت اكتر على أدهم
مصطفى هو ف الأوضه دى ادخلى وانا هستنى قريب من ياسر عشان لو حد جه يبلغنى 
نور هزت دماغها. وفتحت الغرفة. بس اتفاجئت بيهم رابطين أدهم ومعلقينه بالشقلوب وتقريبا جسمه كله كدمات وبيجيب دم.  شهقت وجرت عليه حاولت تفكه وتنزله لاكنا معرفتش 
أنا آسفه يا أدهم والله آسفه سامحنى أنا ههربك من هنا. مش هسمح يحصلك اكتر من كدا 
أدهم كان سامعها بس مش قادر ينطق بخرف  
طلعت نادت مصطفى يساعدها. ال اتصدم من عمله الحرس فيه 
نور بسرعه يامصطفى ساعدنى ننزله 
مصطفى.  مقدرش
نور. حرام عليكم. كل دا ليه ارجوك لو فضل اكتر من كدا هيموت دا نزف كتير 
مصطفى بقلة حيله يارب ارحمنى من ال هشوفه من فايد بيه  وبقا يساعد نور ف فك أدهم ونزلوه الأرض 
نور  يالله دى جروحه عميقة جدا الكرباج مبهدل جسمه كله.  ببكاء احنا فين هنا ف غابه ليه بابا يعمل كدا يعذبه بالوحشيه دى. داعمره ما اذى حد وبيساعد الكل ايه المرة دى غير 
مصطفى هنعمل ايه دلوقتى.
نور  هاتلى الإسعافات الأوليه ومياه انظفله جروحه صعب يفصل بيها اكتر من كدا 
مصطفى خرج. يجيب ال طلبته نور
نور كانت رافعه رأس ادهم لفوق وساندها على صدرها وبخوف عليه.  سامحنى ارجوك 
ادهم مكنش قادر يتحرك ولا كان ليه اى ردت فعل. بس كان عينه مفتوحة وشايف نور وسامعها وهى بتبكى.
اتحامل على نفسه ب ال فاضل منه من قوة ومد ايدة مسح دموعها 
نور فرحت. أنا هخرجك من هنا متقلقش   
مصطفى. الإسعافات. 
نور بدأت تعمله اللازم من الإسعافات الأوليه كان باين ان بيتألم بس مش قادر ينطق 
أنا خلصت. يالا قومه معايا لازم يمشى من هنا. فورا
ياسر دخل عليهم مفزوع. الحق يامصطفى فايد بيه وصل وجي على هنا ومعاه الحرس شكله عرف بالبيحصل هنا   ...


يتبع الفصل الثالث اضغط هنا
رواية عاصفة القدر الفصل الثاني 2 بقلم إيمان المهدى
rana elhady

تعليقات

ليست هناك تعليقات
إرسال تعليق
    google-playkhamsatmostaqltradent