Ads by Google X

رواية عروس الليل الفصل الثاني 2 - بقلم اسراء المتولي

الصفحة الرئيسية

  رواية عروس الليل الفصل الثاني 2 - بقلم اسراء المتولي

رواية عروس الليل  - بقلم اسراء المتولي

رواية عروس الليل الفصل الثاني


وقفنا المرة اللي فاتت لما ليل اعترف لورد بكل حاجه نور كانت مصدومه باللي هو بيقوله ومش قادرة تنطق هي بس بتبص عليه وعلي عيونه اللي بتلمع بخبث 
...
زين دخل عليهم وليل اول لما شافه جاي ساب ايدين نور وبعد عنها 
زين بص ليهم بشك : حصل حاجه!! واقفين ليه 
ولما ملقتش رد فعل من نور حط ايديه علي كتفها وهزها :نور انتي كويسه !!
نور اول ما حط ايده عليها اترعشت جامد كأنها اتكهربت 
زين مسكها جامد لتقع وسألها بخوف : نور مالك !!!
نوركانت هتتكلم وتقوله علي اللي حصل بس ليل قطع كلامها لما اخد باله انها مش في وعيها وهتحكي كل حاجه : مفيش ي زين هي بس داخت شويه وهي جايه تقف وكنت جاي اسندها انت جيت ...صح ي نور !!
قال الجملة دي وهو بيبصلها 
نور  بعد ما فاقت من صدمتها و افتكرت تهديده  : هااا ااه ااه ده اللي حصل ..عن اذنكم 
زين: طب استني اسندك استن...
مكملش كلامه كانت مشت وسابتهم دخلت اوضتها 
ليل : احمم طب استاذن انا واتمني تبلغوني بالرد في اقرب وقت 
زين سلم عليه وودعه وهو باله مشغول باللي حصلها: اهاا ان شاء الله مع السلامه 
...بعد ما ليل مشي 
زين دخل لنور الاوضه لقاها نايمه او بتمثل ده قرب منها وقعدت علي حافة السرير 
زين بصوت هادئ: نور انا عارف انك صاحيه ياريت تقومي محتاجين نتكلم مع بعض 
نور وهي بتتعدل وصوتها باين فيه التعب : ايوه ي زين عايز ايه 
زين رفع عيونها ليه : مالك يا نوري من ساعه ما ياسين مشي وانتي قافله علي نفسك مالك معجبكيش نرفضه!!
نور اتخضت لينفذ ليل تهديده: لا لا انا موافقه... انا موافقه ي زين انا بس كنت دايخه شويه هبقي تنام متقلقش 
زين بفرحه : وووه قولي بقي انك زعلانه انك هتمشي وتسيبينا متخفيش ي ستي هجيب هدوم واجي اقعد معاكوا متقلقيش 
نور ضحكت بتعب عشان ميشكش فيها اكتر من كده: ايوه ي سيدي زعلانه عشان هبعد عنكم 
زين بحب وهو بيحط ايده علي راسها : حتي وان كان بينا بلاد وبلاد هتفضلي قطعه من قلبي 
نور حضنته وكانت هتبكي بس مسكت نفسها : قوم بقي يلا بلاش جو التلزيق ده عايزه اريح شويه اليوم كان طويل وهبطت منه جااامد
زين وهو بيغمزلها: ايوه ايوه من لقي احبابه نسي اصحابه ي سيدي ي سيدي اوعدني ي رب
نور بغضب طفولي : قوم يلا قامت قيامتك 
وشوحته بالمخده زين طلع يجري وقفل الباب وراه والمخده مجتش فيه فتحه تاني وطلع لسانه كانت لسه هتقوم تجري وراه قفله ومشي 
نور كانت سامعه صوت ضحكه بره وهو كل شويه يبعد وبعدين سمعت الهيصه اللي حصلت قالت في نفسها" اكيد قالهم اني موافقه المجنون ده " العيله دخلت تباركلها وبعدين سابوها لحالها عشان ترتاح 
نور حضنت المخده و بعد ما قعدت مع نفسها شويه تفكر ممكن تعمل ايه قررت حاجه ممكن تنقذها وتنقذ عيلتها من ليل 
.....مر ٣ ايام معرفتش تنزل فيهم عشان تنفذ اللي في دماغها وكانت كل ما بتحاول تتهرب من امها وخالتها زين يطلعلها 
....
كانت قاعدة في اوضتها بتفكر تخرج بأي حجه من غير ما يشكوا فيها
زين دخل فجأة عليها وعيونه مليانه سعاده: مين هتبقي احلي عروسه في الكون
نور اول لما سمعت كلمه عروسه دي حست بنغزه في قلبها : عرو.. سة انا!!
زين وهو فرحان : ايون انتي ي نوري ، باباكي بلغ ياسين انك وافقتي متتصوريش الولد كان فرحان إزاي 
حضنها وبعدين قال الجملة اللي  حست وقتها ان الدنيا بتلف بيها : يلا اما اسيبك انا بقي عشان تجهزي ليل هيكون هنا بكره عشان نتفق علي كل حاجه 
نور فضلت في صدمتها فتره بعد ما زين سابها قلبها بينبض بخوف مكنتش قادرة تتحرك بس قررت انها مش هتستني لبكره وهتتحرك دلوقتي قامت لبست ومشت من غير ما تقول لحد 
.....
قدام مركزالشرطة 
 كانت نور واقفه تتلفت يمين وشمال خايفه تخش بس استجمعت شجاعتها وهي بتردد جواها " ده الحل الوحيد هقدم شكوة وهم هيقدروا يحموني انا وعيلتي منه اكيد " ولسه داخله لقت اللي بيشدها من ايديها وبيركبها العربيه 
نور وهي مش شايفه قدامها من الغضب: انت ي حيوان ازاي تمسك...
سكتت من صدمتها وخوفها في نفس الوقت: لي..ل 
ليل وهو واقف قدامها وماسك الباب وبيبصلها بعيون حمرا : ايه كنت عايزاه حد تاني ولا ايه عايزه تسجنيني ي نور ماشي طب انا هوريكي انا هعمل ايه 
قفل الباب بغضب وركب العربية وساق بسرعه كبيره جداا ونور كانت مرعوبه ولازقت في الكرسي اللي قاعده عليه من كتر خوفها منه ومن سرعته
لما وصلوا تحت بيتهم نور فهمت انه هيأذي حد منهم ، ليل خرج سكينه من العربيه وطلع يجري لفوق نور لحقته وهي بتعيط وبتنهج من الجري وراه : لا.. ي ليل انا اسفه ولله ما عدت هعمل حاجه لا استني
...قدام باب الشقه رن ليل الجرس بعنف 
فاطمة فتحت الباب وزين  كان خارج من اوضته في الوقت ده كانت نور طلعت وراه ولحقته بس كان متجه نحيه زين وهي شايفه السكينه في ايده 
نور بصريخ: زييينننن لاااااا

يتـبـــــــــــــــــــــــع الفصل الثالث اضغــــــــط هنا
الفهرس يحتوي على جميع فصول الرواية " رواية عروس الليل " اضغط على اسم الرواية


google-playkhamsatmostaqltradent