رواية ويشاء القدر الفصل الواحد والعشرين بقلم أية محمد
رواية ويشاء القدر الفصل الواحد والعشرين
لسه الحوار شغال
أحمد : الخوف من كلمه حاضر دي و منك انت بالذات .
رفعت : ما تتكلم بـ أدب يالا .
الدكتور محمد : من وقت ما جه و لسانه طول .
ماجد : حصل .
أحمد : انت بالذات تسكت يـ.. أكمل . و يغمزله .
ماجد : لا و حياة اللي خلقك ما تقول .
أحمد : طيب .
أيه : فيه اي ؟
أحمد : هتعرفي مع الأيام متقلقيش .
أيه : شكله موضوع خطير .
أحمد : اكيد .
ماجد : نحترم نفسنا بقى .
أحمد : انا سكت اهو خلاص .
على بتريقة بـ صوت بنت : يـفطمطم .
يضحكوا كلهم بصوت عالي علي " علي " .
أحمد : انا مقلتش حاجه اهو .
و يضحكوا كلهم تاني لحد ما ماجد يوقفهم .
ماجد بزعيق : خلاص يجماعه بقى الله يفضحكوا .
أيه : هو اي الموضوع ؟
على : هحكيلكـ....
ماجد بصوت عالي : اخرص .
على : كنا في السوبر ماركت و واحده كانت بتنادي على بنتها فـ بتقولها يـفطمطم راح ماجد هو اللي رد عليها من غير ما ياخد باله فـ الست بالفعل افتكرت بنتها هي اللي ردت و قالت تعالى اشتالي الحاجات دي و بالفعل راح اشتال معاه شويه أغراض للبيت تقريبا و هو تقريبا كان مندمج في حاجه بس لحد دلوقتي معرفش اي هي و فجأه الست بتبص لقته راحت بتقوله هو انت كمان اسمك فطمطم و للأسف ماجد معرفش يرد عليها من الصدمه .
يضحكوا كلهم بصوت عالي اوي و مش هيبطلوا ضحك .
ماجد بضيق : هي بقت كدا اهدوا عليا و هتشوفوني مطلع نقط الضعف اللي بتقعوا فيها قدام البنات .
أحمد : لا ياسيدي خلاص معدش فيه بنات هي بقت بنت .
ماجد : هقولها و النعمه لـ هفضحكوا زي ما فضحتوني .
على : خاف بقى يـ أحمد .
أحمد : انا متكلمتش و الله ابدا انا قولت حاجه يجماعه .
أيمن : ابدا .
أحمد : شوفت .
و يكملوا ضحك و بعدين يسكتوا تروح أيه ضاحكة تاني .
أيه : يـفطمطم .
أحمد بضحكه : اوعاا..
و مازالوا بيضحكوا .
____________________
هيفضلوا شويه و بعدين هيطلعوا يناموا و يصحوا بدري يفطروا و وقت الغدا رفعت اللي هيعزمهم على أكل جاهز .
أحمد و علي هينزلوا يجيبوا الاكل من تحت و بعدين يطلعوا .
ماجد هيكون لسه نايم و كله صاحي ، فطروا و قاعدين مع بعض لحد ما الاكل يجي .
الاكل هيجي هيستنوا شويه و بعدين يحضروا الاكل و ياكلوا سوا و ماجد مازال نايم نايم .
هيخلصوا غدا و كل واحد يقوم يعمل اللي عليه هديل هتغسل الأطباق و البنات هيطلعوا يلبسوا و يرتبوا حاجتهم عشان يمشوا بعد الخطوبه ، أحمد و على هيدخلوا يصحوا ماجد و بعدين يجهزوا هما كمان .
الدكتور محمد و رفعت و أيمن هيلبسوا و ينزلوا تحت عشان لو حد من المعازيم جه .
____________________
في الاوضه البنات بيلبسوا .
ياسمين : يلا اخلصوا يجماعه هنتاخر .
أيه : هي الساعه كام ؟
هاجر : الساعه داخله على تلاته انجزي .
أيه بتوتر : طب احط أنهى لون مناكير .
ياسمين : اسود .
تاليا : كله اسود كدا .
ياسمين : ما هي ي بنتي الاسوره لونها بيبي بلو .
هاجر : اه تمام .
___________________
هيخلصوا و بعدين ينزلوا و يتصوروا كذا صوره لحد ما كلهم يتجمعوا .
ياسمين واقفه بتصورهم و أحمد واقف جمبها .
ياسمين بزعيق : ممكن تتعدلوا شويه عشان اعرف اصور .
أيه : حاضر .
أحمد : عقبال خطوبتك يارب .
ياسمين : ميرسي .
أحمد : هاتي اصور مكانك شكلك زهقتي .
ياسمين : اه ياريت .
و تديله الكاميرا و تقف جمبه .
____________________
هيخلصوا تصوير و الحفله هتبدا .
يلبسوا الدبل و بعدين يهيصوا شويه و يرقصوا و يخلصوا على الساعه 8 مساءا
الكل مشي لسه بس البنات و الدكتور محمد و رفعت و هديل .
ياسمين : يلا بقى نمشي و لا ناويين تقعدوا هنا .
الدكتور محمد : ها مش ناويه برضو تسيبي العماره و تيجي تقعدي في البيت عندي .
ياسمين : و الله لسه مش عارفه يدكتور هشوف الموضوع دا كدا و هرد عليك حاضر .
الدكتور محمد : أن شاء الله .
أحمد : انا هاجي اوصلكوا .
على : خليك هوصلهم انا .
أحمد : استريح انا هوصلهم انا و خلاص .
ياسمين : هتوصلنا ازاي و احنا خمسه .
على : شوفت يعم يلا هضطر اجي انا كمان اوصلهم .
أحمد : ماشي يلا .
أيه و ماجد واقفين بيتكلموا .
ياسمين : يلا يـ أيه مش وقتك انتي و ماجد خالص .
ماجد : هنتعشي برا .
ياسمين : عندنا محاضرات بكرا يعريس ابقى عوضها يوم تاني ان شاء الله .
أيه : خلاص مش مشكله يماجد نعوضها في يوم تاني .
ماجد : خلاص اوك ، متنسيش الصور ها .
ياسمين : حاضر يعم .
____________________
كلهم هيمشوا ، تاليا و هاجر هيركبوا مع على في عربيته .
و ياسمين و ساجدة و أيه مع أحمد في عربيته .
هيوصلوا مع بعض الخمسة العمارة و بعدين علي و أحمد هيرجعوا ، أحمد هياخد والده و يمشوا.
____________________
البنات هيطلعوا يغيروا هدومهم و بعدين يقعدوا .
ياسمين : امبارح كان الخميس و مقعدناش مع بعض تعالوا بقى نعوض اليوم دا قبل ما انام .
تاليا : احنا ازاي نسينا موضوع زي دا .
هاجر : كله لـ أجل يويو برضو .
ياسمين : فداها و الله ، المهم يلا و ساجدة سجلي ريكورد عشان طنط هديل تسمعه .
ساجدة : حاضر .
و تفتح الريكورد و كل واحده تبدأ تتكلم .
ياسمين : طبعا بقالنا فتره مقعدناش القعدة دي ، اسبوعين بعيد عن بعض رغم أن احنا في نفس الاوضه يمكن الفترة دي كلنا كنا محتاجين لـ راحه مع ان راحه كل واحد فينا مع التاني ، بعيدا برضو عن الأسبوعين دول الأسبوع دا بقى عرفنا قيمة كل وقت بنعيشه ، أيه خلاص اتخطبت و الحمدلله ربنا عوضها بالاحسن ، اتعرفنا على ناس جديده بحياة جديده يمكن الفتره دي غيرتنا كتير و عرفتنا قيمه بعض و عوضتنا عن ناس بقت بالنسبه لنا احن ناس في الدنيا ، يمكن متفهمونيش بس مع الوقت هتفهموا ، بس مبسوطه جدا أن اتجمعنا تاني لكن بناس اكتر بصحاب احلى و أجمل ، ربنا يديمنا نعمه في حياة بعض يارب .
أيه : يارب و ميحرمناش من وجودك ابدا يارب .
ياسمين : حبيبتي تسلميلي .
____________________
يرن موبايل ياسمين كلهم هيتخضوا .
تاليا : موبايلك بيرن يياسمين .
ياسمين : اي دا ؟ أحمد ؟
أيه : فيه حاجه و لا اي ؟
ياسمين : مش مهم ، يلا نكمل .
هتقفل الموبايل و هتلاقيه برضو بيرن تاني .
تاليا : دا عمال يرن تاني ي بنتي ردي شوفي فيه اي ؟
ياسمين : خلاص هرد اعمل اي يعني .
ياسمين هترد علي أحمد هتلاقيه بيزعق جامد .
أحمد : ياسمين لو سمحتي امشي من العماره دلوقتي حالا .
ياسمين بقلق : فيه اي طيب فهمني ؟
أحمد : بدون مناقشه ارجوك مفيش وقت هفهمك بعدين .
ياسمين : نروح فين طيب ؟
أحمد : روحي لعمي محمد و بسرعه ياريت متتاخروش اكتر من كدا .
ياسمين : حاضر طب...
ياسمين بقلق : دا قفل
أيه : فيه اي ؟
ياسمين : هو انا لحقت اعرف قفل السكه في وشي ، المهم قوموا بسرعه يلا هنروح للدكتور محمد .
ساجدة : ليه ؟
ياسمين : معرفش حاجه ، قوموا بسرعه يلا .
هيقوموا كلهم يلبسوا بسرعه و بعدين ينزلوا يلاقوا أحمد باعتلهم سواق من المديرية بعربيته يركبوا معاه و يوصلهم لبيت الدكتور محمد و يمشي علي طول اول ما يوصلهم
____________________
و هما واقفين قدام بيت الدكتور محمد .
ياسمين : دا حتى السواق معندوش صبر نعرف اي اللي حصل ؟
أيه : استرها يارب .
ياسمين : يارب .
هيطلعوا فوق و أحمد هيكون اتصل على الدكتور محمد و قاله .
____________________
البنات قاعدين في الصالون في شقة الدكتور محمد مع الدكتور محمد و هديل .
ياسمين : دكتور ،، أحمد قالك حاجه ؟
الدكتور محمد : اطمني يـ ياسمين المهم دلوقتي انتو تنزلوا ترتاحوا و الصبح تطلعوا تفطروا معانا و هنعرف الموضوع بإذن الله خير ان شاء الله .
ياسمين بخوف و قلق : انا قلقانه اوي .
الدكتور محمد : متقلقيش كله هيبقى تمام .
ياسمين : يارب .
أيه : يلا ننزل احنا نرتاح .
تاليا : اه يلا .
هديل : انزل معاكوا لو انتو خايفين ؟
ساجدة : ياريت اهو الواحد يكون مطمن .
ياسمين : خليكي يطنط مع دكتور محمد .
هديل : متقلقيش هو هينام و انا مش جايلي نوم .
هاجر بتعب : طنط مفيش هنا اي حاجه أكلها مكلتش حاجه من الصبح و حاسه اني دايخه .
هديل : فيه يحبيبتي ، هجيبه و انزل وراكوا .
تاليا : انا هساعدك .
هينزلوا كلهم و بعدين هديل و تاليا هيحضروا اكل و ينزلوا وراهم .
___________________
قاعدين سوا فب الصالون في الشقة اللي تحت .
أيه هتبص لـ ياسمين هتلاقيها قاعده متوتره و خايفه
أيه : مالك يـياسمين .
ياسمين بحزن : مخنوقه شويه .
هديل : فيه حاجه و لا اي ؟
ياسمين : قلقانه اوي ، طريقه كلام أحمد كانت غريبة جدا و كان بيزعق و كله قلق كدا ،، انا خايفه اوي .
تاليا : متقلقيش خير بإذن الله .
ياسمين : يارب .
هديل : يلا لازم تاكلوا انتو كلكوا انهارده كنتو مشغولين و محدش اكل حاجه انهارده .
ياسمين : لا انا مليش نفس .
أيه : ياسمين انتي تقريبا مكلتيش حاجه غير وجبه الفطار الصبح بس .
ياسمين : اتغديت في الخطوبه الحمدلله .
هديل : كل واحد ياكل اللي يقدر عليه ممكن .
ياسمين : حاضر .
____________________
يجي تاني يوم الصبح كلهم وراهم محاضرات بس للأسف بعد ما جهزوا نفسهم ياسمين هتبص من الشباك هتكتشف أن أحمد باعت حراسة جامده على البيت و مانع أن حد فيهم يخرج برا البيت .
ياسمين بضيق : اي دا بقي ، انا بقيت مرعوبه اكتر و الله .
تاليا : هو أحمد مكلمكيش ؟
ياسمين : لا و صحيت الصبح لقيت فيه حراسه .
أيه بتوتر : حراسه ؟ ليه ؟
ياسمين : معرفش و دا اللي رعبني .
تاليا : يعني الناس اللي برا دي حراسه ؟
ياسمين بزعيق : اه يستي حراسه و اسكتوا بقى .
ياسمين هتدهل الاوضه و تسيبهم و تقفل عليهت الباب و تعيط .
____________________
هاجر هتطلع برا من اوضتها و ساجدة معاها .
هاجر : صباح الخير .
أيه : صباح النور .
هاجر : اي يجماعه فيه اي ؟
أيه : ياسمين جوا بتعيط .
ساجدة : بتعيط ؟
و تقوم ساجدة تدخل لـ ياسمين بس رجليها هتوجعها لأنها هتجري و ممنوع انها تجري لحد ما تعيد كشف .
ساجدة : ااه ، رجلي .
أيه : فيه اي ؟
ساجدة : رجلي شدت عليا بس .
تاليا : ارتاحي انتي و انا هدخلها .
ساجدة : لا هدخل انا ، ميعاد الدكتور انهارده و كدا كدا هروح مش مشكله استحمل شويه .
أيه : متقلقيش مفيش خروج .
ساجدة بقلق : ليه ؟ دا انا لازم اروح انهارده .
تاليا : فيه حراسه .
كلهم هيبصوا لبعض في دهشة .
ياسمين هتطلع من برا الاوضه و ترزع الباب وراها و تمشي .
أيه : هتروحي فين يـ ياسمين .
ياسمين بعياط : هروح لـ أحمد لأنه مش بيرد .
تاليا : هتخرجي ازاي طيب ؟
ياسمين : هخرج يعني هخرج .
و تخرج و تسيبهم .
____________________
لما تطلع برا
واحد من الحراس هيوقفها .
الحارس : يـ انسه لو سمحتي ادخلي تاني .
ياسمين : مش داخله و همشي يعني همشي .
صاحب أحمد هيروحلها .
عمرو : هتمشي تروحي فين ؟
ياسمين بزعيق : و انت بقى تبقى مين عشان تسألني .
عمرو : انا زميل أحمد ، و أحمد مأمني أن مفيش حد يخرج من هنا ممكن اعرف بقى عايزه تروحي فين ؟
ياسمين : عايزه اروح لـ أحمد اعرف منه ليه كل دا ؟
عمرو : انا هقولك بس اهدي ممكن .
ياسمين بزعيق : مش ههدي .
عمرو : طب روقي طيب ، عايزاني اقولك انك انتي و صحابك في خطر .
ياسمين بقلق : في خطر ازاي يعني ؟
عمرو : ايوا اهدي كدا عشان اعرف افهمك .
ياسمين : اوك .
عمرو : نادر هرب من السجن .
ياسمين بتوتر : هرب ؟ ازاي هرب ؟
عمرو : تخطيط منه و من الراجل اللي بيشتغل معاه قدر يهرب مننا و قرر أن ينتقم من تاليا و منك انتي بالذات عشان مفكر انك خطيبة أحمد فـ عايز ينتقم منه و يحرمه من أقرب حد ليه اللي هو انتي
ياسمين بخوف : بس انا و أحمد مفيش بينا اي حاجه ؟
عمرو : لما لقى أن أحمد كان جايلك في الوقت اللي هو جه فيه اول حاجه جات في دماغه أن فيه بينكو حاجه .
ياسمين : طمني أحمد كويس ؟
عمرو : اه هو كويس بس مينفعش يخرج من المديريه غير لما يلاقوا نادر الأول .
ياسمين : وديني لـ أحمد ارجوك .
عمرو : حاضر ، بس هاخد منه الأذن الأول .
ياسمين : بسرعه ارجوك .
عمرو : حاضر .
يرن عمرو على واحد زميله في المديرية .
عمرو : خالد ممكن تبلغ أحمد أن انا هجيب ياسمين و هاجي .
خالد : ثواني .
خالد هينادي علي أحمد
خالد : أحمد ،، عمرو بيقولك هيجيب ياسمين و يجي .
أحمد : قوله لا .
خالد : تمام
خالل هيمسك الموبايل تاني و يكلمه .
خالد : لا يعمرو .
عمرو : تمام ، لا ييـاسمين .
ياسمين هتشد منه التليفون و تكلم خالد و هي منهاره عياط .
ياسمين : هات التلفيون ، لو سمحت ممكن تدي التلفيون لـ أحمد .
خالد : تمام ،، أحمد ياسمين على التليفون عايزاك .
أحمد هياخد التليفون من خالد و يكلم ياسمين .
أحمد : ايوا يياسمين .
ياسمين بخوف : ممكن اجي اشوفك عشان خاطري .
أحمد : مش هينفع و الله صدقيني انا خايف عليكي .
ياسمين : عشان خاطري .
أحمد بقلق : تمام ، أدى التليفون لـ عمرو .
ياسمين : اتفضل يعمرو .
و تديله التليفون و بعدين تركب معاه العربيه و معاهم حارس و هيمشوا يروحوا المديريه .
____________________
ساجدة و أيه و تاليا و هاجر سامعين كل حاجة لأنهم كانوا واقفين ورا الشباك .
تاليا بحزن : كله بسببي ، انا بجد اسفه ليكو يجماعه و الله حقيقي اسفه .
أيه : اسفه على اي بس دا مش ذنبك ، خير ان شاء الله متقلقيش .
تاليا : خير ازاي بس ، انتو ازاي مستحملين كل دا .
ساجدة : عارفه ليه ؟ عشان انتي مش صاحبتنا لا انتي اختنا .
هاجر : ياريت تفهمي النقطه دي و ان شاء الله كله هيبقى تمام و الله متقلقيش .
تاليا : ربنا يخليكوا ليا يارب .
أيه : و يخليكي لينا يارب
يتبع الفصل الثاني والعشرين اضغط هنا
- الفهرس يحتوي على جميع فصول الرواية كاملة :"رواية ويشاء القدر" اضغط على اسم الرواية