Ads by Google X

رواية احببت مصارع الجزء الثاني 2 الفصل السابع 7 - بقلم يوستينا سامي

الصفحة الرئيسية

 رواية احببت مصارع الفصل السابع 7 - بقلم يوستينا سامي

رواية احببت مصارع الفصل السابع 7 

ادهم بضحك :كان علي عيني يا بنتي 
وحضنهاااا.....وهي كمان كانت مستغربة في الأول وبعد كدة بادلته الحضن بحب ......
وبدأ ادهم يقرب من شاهندة 🤭
_______________________________&&
في المستشفي ..
يوسف بندفاع :طمنا يا دكتور عليه  .. هو كويس صح 
الدكتور :لو سمحت اهدوا شوية ..
فهد: ماشي وبعدين هو عامل اي  دلوقتي ....
الدكتور: هو احنا قدرنا نخرج الرصاصتين 
لكن ...
يوسف بحدة :لكن اي ..متدخل في الموضوع علطول
الدكتور: هو ممكن ميقدرش يحرك أيده لفترة لأن الرصاصتين كانوا في نفس المكان تقريبا واثروا علي اعصاب ايدو..بس ده لفترة ...
علي بحزن :فترة طويلة يعني .  
الدكتور: لا الفترة دي هتعرفوا طويلة أو قصيرة لما يفوق باذن لله ويتابع مع دكتور علاج طبيعي 
بس متقلقوش كتير اوي اتعرضوا لنفس الحالات 
وعدت علي خير والله 
فهد :ميرسي لحضرتك يا دكتور ...طب هو هيفوق امتي 
الدكتور: لا هو ممكن يفوق خلال ساعة أو ساعتين بالكتير بعد اذنكواااا.     .
يوسف قعد علي الارض وسند رأسه علي الحيطة 
نور بخوف: هو كويس يا يوسف الدكتور طمنا 
ولو علي موضوع دراعه ده دي مسئلة وقت مش اكتر 
علي: عندها حق يا يوسف الحمدلله أنه قام منها علي خير ..بس وحياه امي عندي لحد ما اجيب ولاد الك.لب
الي عملوا فيه كدة ...
تمارا: اكيد لازم تجيبوهم بس خلينا نركز دلوقتي مع امير الاول وبعدين نفكر في الحوار ده يا علي 
علي: امير اي. ..انت مالك ومالوا يا بت انت 
تعالي اروح الوقت اتاخر اوي ... كفاية شحططة
يوسف هروحها وهاجي ماشي ....
يوسف بتعب ...استني يلا انت كمان وانت يا عمر روحوا مافيش فايدة القاعدة ...
نور: اروح اي واسيبك كدة ..لا طبعا انا قاعدة معاك 
يوسف :نور انا قولت روحي انا مش ناقص كلام انا مخنوق لوحدي ....
ابراهيم: تعالي يا نور نروح انا وانت وسيبيه هو محتاج يبقي لوحدة شوية ...
.
نور: لا مش همشي يا عمووو   ومسكن في ايد يوسف 
فهد :خلاص يا بابا هي مش هتمشي ..روح انت علشان شمس وهنا ...
ابراهيم: ماشي يا ابني.  بس ابقي طمني لما يفوق 
فهد: حاضر يا بابا ...
علي: يلا قدامي ...
تمارا برخامة :ماشي يا علي هات ايديك بقي ..
علي :يسلام يا اختي .تعالي هاتي ايديك ..هو انا اطول 
وفعلا علي اخد تمارا وروحها وكذلك ابراهيم روح ...
_________________________________
أوضة ادهم ....
شاهندة: اوعي ابعد عني يا ادهم ...
ادهم فتح النور :في اي يا شاهندة ..انت خايفة مني 
شاهندة بدموع: ادهم انت مش بتحبني و انا مش عايزة اي حاجة تحصل بينا تربطني بيك 
ادهم :انا مش بحبك .. وبعدين اي حاجة تربطني بيكي ازاي يعني ..ما انت اصلا مربوطة بيا انت ناسية انك مراتي يا شاهندة 
شاهندة :ادهم افهم بقي ...جوازنا ده كبيره يومين وينتهي انت مجبور علياااا ..افهم .
ادهم: لا افهمي انت بقي ..انا محدش يقدر يجبرني يا شاهندة ..انا حبيتك من اول يوم وقعتي قدام عربيتي .. ولما كنتي بتختفي كنت بحس أن انا تايه
ولما كنت بتجيلي كنت بحس أن روحي اتردت فيا 
يمكن ظروفنا مش صح ..وحياتك مختلفة عن حياتي 
بس في الاخر ربنا أراد لينا أننا نتقابل وتبقي مع بعض
شاهندة: في يوم من الايام هتندم يا ادهم 
ادهم قرب منها: ولو قولتلك أن جون حكالي كل حاجة يوم كتب الكتاب عنك وعن جوز امك وعن شغلك معاهم ....
شاهندة :وانت وافقت تتجوز واحدة كانت شغالة 
مع تجار سلاح ماخفتش علي نفسك منهم ...
ادهم: انا ماليش دعوة بيهم انا حبيت  انت يا هيا الي كانت بتعزف وتغني كورال ....لكن هما ولا يفرقوا معايا ولازم ننساهم بقي   
شاهندة: بس هيا دي ماتت من يوم موت والدها 
وبعدين يا ادهم هما مش هيسيبوووك في حالك 
ادهم: طب اولا كدة  تفتكري بقي بكل بطولاتي دي انا ادهم مش هقدر ارجع هيا تاني .... وبعدين انا مش عايزك تخافي عليا هيا انا لو وصلت بيا أن اخدك اخر بلاد العالم علشان محدش يوصلك ويخدك مني هعمل كدة ....ده لو اصلا حد قدر يخدم من حضني 
شاهندة بضحك: ومش خايف ....
ادهم  وهو بيشدها ليه  : امممم والله انا من وجهه نظري انا .انت الي احسنلك تخافي مني.  اوي 
شاهندة ضحكت بكسوف ...
ادهم قرب منها وباسها بحب ..
شاهندة اد..
ادهم شالها وراح بيها علي السرير......
وبعد كدة ملناش دعوة .....😂🤭..
__________________________________$$$$
تاني يوم الصبح .......
في المستشفى ...
فهد: الووووو 
ندي: الووو مين ..
فهد :انا فهد يا ندي ...
ندي: اه ..افندم يا كابتن .
فهد: ندي ..انا مش عارف انا كلمتك ليه دلوقتى بس امير فعلا محتاجك اوي 
ندي: انا متاسفة اوي الرقم غلط ..وامير ده انا كل حاجة بيني وبينه انتهت 
فهد :ندي اصبري متقفليش الخط ...
ندي :اعتقد مافيش كلام تاني ممكن يتقال 
انا قولت كل الي عندي .....
فهد: امير في المستشفي ....
ندي بخضة: اي ....انت بتقول أي 
فهد :والله ما بكدب عليكي فعلا امير في المستشفي 
ده حتي لسه مافقش من البينج . 
ندي ..بدموع قولي عنوان المستشفي بسرعة يا فهد .
__________________________________&
في اسكندريه في بيت عادل
منال  وهي بتحط الفطار :يلا يا عمر الفطار جاهز يلا يا عادل انت كمان
عادل :عمال ارن على يوسف وفهد ونور ما فيش حد فيهم بيرد علىا.... العيال دي بتنزل مصر بتختفي كده
منال بضحك :يا عم تلاقيهم مشغولين في اختيار القاعات والفساتين سيبهم ممكن يكون نايمين 
عادل ..علي رايك .....صحيح منال بلاش تكلمي مع عمر في الموضوع فريده وتعب اللي عندها اتكلمي معاه في حاجات لذيذه يعني مثلا هنروح نتقدم امتى ..تكلمي مامتها تتعرفي على العيله كدة يعني ...ما تفتحيش اي حاجه توجع هو مش ناقص
منال: طبعا يا عادل انا فاهمه طبعا
حبيبي صباح الفل 
عمر ابتسم ابتسامه بهتانه :صباح الخير يا ماما عاملين ايه
منال: لسه فاكر تسال على امك ولا نسيتني
عمر :وانا برده اقدر انساكي يا ست الكل
عادل :صحيح انا قررت قرار هتجهز النهارده ونروح مع بعض عند فريده وباباها عشان تطلب ايديها 
عمر :بس هو ما ردش عليا يا بابا.
عادل: ما لكش دعوه انت كلام الكبار بيفرق احنا هنروح ونجيب كده جاتوه ونروح نتقدم لها ونطلب يديها وانا الي هقنع ابوها ما لكش فيه
عمر بسعادة: بجد يا بابا بجد
طب مش هنقول ليوسف و فهد يجوا معنا ده حتى ادهم كمان رجع من السفر 
عادل :لا هنروح احنا النهارده نربط كلام واول يا سيدي انت تجمعو تجيبوا الشبكه يبقوا  نقولوهم 
عمر: خلاص اتفقنا وانا هارن على باباها هاقول احنا جايين النهارده
عادل :ماشي يلا....
______________________
الاوتيل عند ادهم
ادهم صحي من بدري وقعت جنب شاهنده وكان مبسوط قوي فضل يلعب في شعرها 
شاهنده بنوم :انت صحيت  امتي وبتبصلي كده ليه
ادهم :معجب يا سيتي ..وبعدين لا معجب قوي كمان 
وبعدين وانت مالك واحد ومعجب بمراته واحد و بيحب مراته انت ايش اخششك 
شاهنده: بيحبها بجد ولا
ادهم بعصبيه بس بهزار :بعد كل اللي حصل امبارح ده لسه بتقولي ولا لا  انا لازم اثبتلك من اول وجديد
شاهنده الضحكه :لا خلاص انا مصدقه والله مصدقه ادهم بس بطل قلة اد.ب
ادهم :وانت لسه شوفتي  قله ا.دب ده انا كدة بسخن بس تعالي بقي افرجك قلة الأدب الي علي حق الحق كمان. . تعالي بقي. . 
وفعلا اخدها.............
مالناااش دعوة 😜😜😜😜
_______________________________&&&
في المستشفى 
امير اخيرا ان البنج
يوسف :حمد لله على سلامتك يا وحش كده برده خوفتني عليك
نور :حمد لله على سلامتك يا امير والله قلقتنا عليك 
يوسف بغيره: لا والنبي ..وانت مالك 
نور ضحكت وسكتت 
فهد :خلاص يا عم فكك منه عشان هيتخانقوا دلوقت حمد لله على سلامتك يا برنس 
علي بتعب :طلعت عينينا و بهدلتنا الهي وانت جاهي يا امير يا ابن ام امير ربنا يهدك
امير :بتدعي على يا حيوان وانا لسه خارج من العمليات
علي: يا نجم ما تقولش كده انت صحتك زي الفل طب اقول لك حاجه بقى انت صحتك بتيجي على البنج
يوسف ونور وفهد ضحكوا 
امير بتعب: ماشي ماشي عادي بس لما افوق لك
شباب هي امي عرفت حاجه
يوسف :لا ما تقلقش ما قدرناش نقول  حاجه احنا عارفين ان هي تعبانه احنا كلمناها وقلنا ان انت هتبات النهارده عند علي بس متخفش 
امير ...طب 
دخلت ندي  بتجري بلهفه وخوف
ندى بحب :امير امير انت كويس امير ردي عليا 
الحمد لله يارب انك فوقت 
فهد الفرحه: اه يا طبعا كويس والله يا شباب مش يلا  نرتاح برا شوية 
علي: ماشي هخلع بس بمزاجي ها بمزاجي
اهلا اخرج يوسف ونور وفهد و على بره
ندي حضنت امير جامد وامير اتوجع من حضنها بس بادلها  الحضن بحب وكانه كان ياس من الحياه وهي رجعت له حياته من جديد 
ندي بحب :كنت هاموت لو حصل لك حاجه
امير بتعب :بعد الشر عليك يا ندى انا اروح  في ستين  داهيه انت لا ....صحيح  انت عرفت ازاي
ندى: فهد كلمني وقال لي اللي حصل... بص انا ما كنتش هاجي لك ابدا ولا  عمري هارجعلك وكنت خلاص اقنعت نفسي أن  انا نسيتك وهشوف حد غيرك ..........وانهي حياتي  القديمه دي وابدا حياه جديده لكن اول ما عرفت انك تعبان كنت  باموت بجد كنت هاموت حسيت احساس صعب قوي يا امير لبست  بسرعه وجيت ..وعرفت ان كل الكلام اللي كنت موجوده انا مش هاقدر اعمله انا باحبك قوي
امير مسك ايدها وباسها :انا اللي باحبك قوي وغلطت فيكي كثير وجرحتك كثير بس والله  والله ما هاعمل كده تاني تعالى ننسى اي حاجه فاتت ونبدأ من جديد 
ندي ببتسامه : وانا موافقه.....


يتبع الفصل الثامن اضغط هنا 

google-playkhamsatmostaqltradent