رواية حورية الفارس الفصل التاسع عشر بقلم أمل السقا
رواية حورية الفارس الفصل التاسع عشر
سها صحت من نومها دماغها تقيله ومش فاكره اي حاجه، بصت حواليها لقت نفسها في اوضه غريبه عنها وعمرها ما دخلتها وقامت مخضوضه مره مره واحده لما لقت راجل غريب داخل عليها الاوضه وهو لابس شورت لحد الركبه وبقيت جسمه عريان ولما صحصحت شويه لقت نفسها هي كمان عريانه ف شدت الماليه عليها عشان تستر نفسها وهي مش فاهمه حاجه.
سها بتوهان وصوت عالي : انت مين؟ انا جيت هنا ازاي؟ وليه شكلي كده؟ انا ايه اللي حصل معايا " و فضلت تعيط جامد وحطت ايدها على وشها بخوف وبعدين بصتله تاني وهو حاطت ايد ف جيب وماسك سيجاره بالأيد التانيه"
سها بدموع : محصلش حاجه صح؟ "وبعدين قالت بصريخ " رد عليا قولي محصلش حاجه.
حازم ببرود راح قعد جنبها على طرف السرير وحط ايده على كتفها بوقاحه : سها يا حبيبتي انتي معملتش حاجه غلط انتي طلعتي كل أحاسيسك معايا بس و كل حاجه كانت برغبتك انا معملتش حاجه غصب عنك بالعكس انا معملتش كدا غير لما حسيت فعلاً انك محتاجالي زي ما انا كنت محتاج وجودك جنبي بالظبط اي نعم مفيش بيننا حاجه رسميه بس انا على كامل استعدادي اني أصلح الغلط دي.
(هو قال كل دا وسها باصه ليه وعينها الاتنين مفتوحه على آخرها ومش مستوعبه اللي بيتقال)
سها بصدمه :انت كداب انت ملمستنيش انت معملتش معايا حاجه انت كداب انت كداب " وفضلت تضرب فيه على صدره بإيديها الاتنين بس هو حتى متحركش من مكانه لان فرق الجسم برضو بيأثر..
(حازم قام من مكانه وجابلها فوطه بيضه وعليها بقع حمرا وهي استنتجت انها بقع دم وبعدين رمالها الفوطة وقام جابلها Cd وجاب اللاب توب بتاعه وقعد على السرير ببرود شديد وشغل ال Cd قدامها وهي بتشوف ال Cd ومش مصدقه اللي بيحصل او إنها تكون عملت كل دا)
سها بهمس لنفسها وضياع ودموع ألم وحسره : انا ضيعت انا ضيعت " وبعدين بصت لحازم بغل" انت السبب انت السبب وديني ما هسيبك وديني ما هسيبك يا حيوانا ابن ال...... وفضلت تضرب فيه برضو وهو مسك ايدها لواها ورى ضهرها وبص ف عينيها بتحدي.
حازم بغضب : متنسيش نفسك يا بت انا ملمستكيش غصب عنك كل حاجه كانت برضاكي والفيديو قدامك اسمعيه مره واتنين وتلاته لو مش مصدقه " وبعدين بص على جسمها من فوق لتحت بوقاحه" وبعدين اكيد محدش هيلاقي الجمال ده كله قدامه ويقوله لأ دا حتى الشيطان يزعل ههههههههه.
سها بغل وحقد وكره : انت بني آدم حقير وانتهازي.
حازم قام وقف وحط ايده في جيوبه وفضل يروح وييجي في الاوضة ببرود : بصي يا قطه انا مستعد أصلح غلطتي معاكي واتجوزك عشان الفضيحه بس هحتاج منك حبت خدمات كدا عملتيهم؟ يبقى حلو اوي ومشكوره وهعملك اللي انتي عايزاه واوعدك اللي حصل بينا محدش يعرفه أبدا وهكسر ال Cd، إنما لو معملتيش؟؟؟ "هز كتفه لفوق وتحت باستفزاز" يبقى بعد ساعه بالظبط هتلاقي مصر كلها شافت الفيلم بتاعك وقاللي الفضيحة بقا.
سها بصدمه : فيلم؟؟؟
حازم بتمثيل البراءة : ايوه طبعاً يا حبيبتي انتي مفكره ايه شاهد أحدث فيلم اباحي كذا كذا كذا مع شويه تعديلات مني بقا وكدا هيبقى فيلم عالمي يعني هتتشهري هتتشهري "وبعدين وطي على ودنها وقال بهمس" بس هتتشهري بالفضيحه العالميه.
سها باستنكار : طب ما انت كمان ف الفيديو يعني لو نشرته هتبقى فضيحه ليك انت كمان.
حازم بضحكه عاليه : هههههههههههه هههههههههههه هههههههههههه لا يا حبيبتي ما انا هبدا وشي بوش حد تانى يعني الفضيحه هتبقى ليكي انتي..
سها بضياع وكسره : ايه المطلوب مني؟
حازم بتفكير : اممممممم بصراحة لسه مش عارف لسه محددتش بالظبط بس اللي هتعمليه دلوقتي انك تقومي زي الشاطر كدا تلبسي حاجه حلوه من الدولاب دا "وشاورلها على ضلفه معينه" وتحضريلنا الفطار عشان نفطر سوا ونكمل كلامنا اللي مكملناهوش بالليل عشان انتي نمتي بسرعه.
سها بقرف : اول مره اشوف بني آدم بالقزاره والحقاره دي.
حازم بابتسامه بارده : مش هسكت على طولت لسانك كتير عشان مراعي الصدمه بس صدقيني شويه شويه هتحبي الموضوع وانتي اللي هتطلبي مني كدا "و وطي عليها عشان يبوسها من بوقها بس هي بعدت عنه وهو ابتسم ببرود وقام" ماشي يا ستي نصبر شوية يلا بقا عجعان اوي "وخرج من الاوضه وسابها في وسط بحر من الخوف والألم والحزن والندم والحسره"
&___________حور سمعت كلام فارس وهي مصدومه اللي هو ازاي بيحبني وازاي عايز يخطبني حتى بعد ما قولتله اللي حصل معايا من حازم لا لا اكيد فيه حاجه غلط.
فارس : حور حور "اتكلم بصوت عالي نسبياً وهز كتفها "حوووووور.
حور بانتباه: فيه حاجه يا فارس.
فارس : فيه حاجه يا فارس!! انا بقالي ساعه بكلمك وانتي مش معايا خالص فيه اي.
حور بتوهان : لا لا مفيش حاجة مفيش حاجه آسفة.
فارس بدهشه من اسلوبها لأنها بتتكلم كأنها كانت نايمه او مسمعتش اي حاجه خالص من كلامه : طب انتي مرديتيش عليا.
حور باستغراب : ارد على اي؟
فارس بنفاد صبر : اني اجي اطلب ايدك النهارده "حور كانت لسه هتتكلم بس هو منعها" قبل ما تعترضي او تقولي اي حاجه فيه حاجه اسمها فتره خطوبه ابقى لتعرفي عليا فيها براحتك ولو مرتاحتيش خلاص ها ايه رايك بقا.
حور :بس انا لازم اقول لماما الأول.
فارس : انا كلمت والدتك واخدت منها معاد وهي رحبت بالفكره جدا.
حور بضيق :يعني انا اخر واحده اعرف انا لا يمكن اقبل بالوضع دا أبدا لو سمحت امشي بالعربيه عشان تعبانه وعايزه اروح وانسى الموضوع ده.
فارس بصلها بضيق وهو اصلا مش عارف يتصرف ولا يعمل ايه وقال ف نفسه " حطيتيني ف موقف صعب قوي يا ام حور" وبص قدامه وشغل العربيه واتحرك من غير ولا كلمه.
حور لنفسها "مستحيل يكون بيحبني دا حتي مفكرش يقنعني تاني لا يا حور اكيد مش هتنزلي من كرامتك عشانه انتي فعلا معجبه بيه بس لا مينفعش مينفعش" واتنهدت تنهيده كبيره وبصتله وبعدين بصت قدامها وسكت سكوت تام.
&_______جاسر قال لندى على فكره جواز فارس وحور وزعلت جداً من صاحبتها.
ندى بزعل : يعني حور هتتجوز وحتى مفكرتش تقولي دا انا صاحبتها الوحيده.
جاسر بابتسامه :يا حبيبتي هي اصلا متعرفش ان فارس هيتقدملها دا هو لسه هقولها والله أعلم بقا هتوافق ولا لا.
ندى بابتسامه من كلمه حبيبتي وفرحه برضو لان صاحبتها مخبتش عنها حاجه زي دي : لو فارس اتقدملها فعلا اكيد هتوافق.
جاسر باستغراب : اشمعنا يعني.
ندى بتفكير :لاني اظن كذا والله أعلم أن حور بتحبه وجدا كمان.
&________في بيت فارس وتحديدا عند والده و والدته وشاهي.
اتفاجئوا بدخول ليلى عليهم زي العاصفه وبتتكلم بغضب جامد وصوت عالي...
ليلي بزعيق :صحيح اللي انا سمعته دا يا عمو فارس هيتجوز البت البيئه اللي كانت في عيد ميلاد شاهي دي.
شاهي بضيق من طريقتها : اسمها حور يا لي لي ماسمهاش بيئه وبعدين متنسيش انها هتبقى مرات فارس فياريت تحترميها شوية.
شهد خوفاً من أن ليلى وشاهي يتخانقو مع بعض : شاهي اطلعي شوفي مزاكرتك يلا.
شاهي بزعل : يا ماما......
راضي بمقاطعه : اسمعي كلام ماما يا شاهي وروحي شوفي مذاكرتك وجهزي نفسك لبليل.
شاهي طلعت على السلم وهي بتخبط برجلها الأرض.
راضي وجه كلامه ل ليلى : اقعدي يا ليلي وقوليلي مالك داخله بزعابيبك كدا ليه.
ليلي بدموع : عمو حضرتك عارف قد اي انا بحب فارس وقد ايه انا استنيته يحبني عشان يتجوزني وبعد كل دا يسيبني ويروح يتجوز واحده من الشارع.
راضي بهدووء : بصي ي لي لي يا بنتى انتي عارفه غلاوتك عندي ازاي وانك زي شاهي بس بالنسبه لفارس انا مقدرش اقوله اتجوز ذي و متتجوزش دي هو راجل وقلبه اختار الانسانه دي وعايز يكمل معاها بيقت حياته انا مقدرش امنعه ولا انت كمان واكيد ربنا هيرزقك باللي احسن منه.
ليلى :يعني ايه؟ خلاص كدا فارس هيروح مني عشان دي "وقامت وقفت مره واحده" بس انا مش هسمح بكدا يا عمو وفارس هيبقى ليا دي دي طمعانه في فلوسه صدقني.
راضي وقف قصادها بهدووء : فلوس اي بس يا ليلي دي اغني منه لو متعرفيش وزي ما قولتلك محدش يقدر يمنعه ولو دي نصيبه يبقى اكيد مش هيتجوز غيرها.
ليلى بغل : ماشي يا عمو هنشوف" وسألته وخرجت بضيق شديد ومن جواها أقسمت انها تفرق بينهم"
يتبع الفصل العشرين اضغط هنا
- الفهرس يحتوي على جميع فصول الرواية كاملة :"رواية حورية الفارس" اضغط على اسم الرواية