رواية حورية الفارس الفصل الثامن عشر بقلم أمل السقا
رواية حورية الفارس الفصل الثامن عشر
فارس قفل مع حنان وخبط عجلة العربيه برجله جامد وجاسر ااخض من حركته دي.
جاسر: فيه ايه يا فارس وايه تطلب ايد حور دي انا مش فاهم حاجة هو انت لما قولتلي انك هتتجوز كان قصدك على حور؟
فارس بشرود : ايوه كان قصدي على حور يا جاسر ولازم اخطبها ف اسرع وقت.
جاسر بعدم فهم : ودا ليه بقى ان شاء الله؟ مش المفروض تتكلم مع والدك و والدتك وتتكلم مع حور ذات نفسها وتشوف اي الأجواد انت مفكر بالسرعه دي هتقدر تتجوزها؟
فارس بضيق : عارف يا جاسر عارف والله كل اللي انت بتقوله دا بس انا معنديش حل تاني ولازم اخطبها ف اسرع وقت ممكن "وبعدين بصله بتفكير وقال" بقولك ايه؟ مش والد ندى بقا كويس؟
جاسر :ايوه بس ليه؟
فارس بتجاهل لسؤاله وسأله تاني : يعني ينفع يمشي النهارده؟
جاسر بغباد وعدم فهم : احتمال لو بقا كويس الدكتور يكتبله على خروج بس ليه برضو.
فارس بتفكير : عشان خير البر عاجله.
&_________عند سها وهي مروحه بالليل متأخر و كانت شبه سكرانه وف مكان شبه مقطوع، فجأة العربيه عطلت بيها.
سها وهي في حاله من اللاوعي : يووه ايه اللي حصل دلوقتى ده "اما انزل اشوف ايه اللي حصل"
(وبالفعل نزلت عشان تشوف ايه اللي عطل العربيه ولقت العجله اللي ورا نايمه) خبطت العربيه بإيدها ووقفت محتاره وفكرت ترن على السواق بتاعها ييجي ياخدها بس ملقتش شبكه في المكان اللي هي فيه.
سها : ياربييييي طب هعمل ايه دلوقتى اكيد مش هلاقي اي تاكسي في الوقت ده وفضلت واقفه شوية مش كتير وبتتسند على العربيه لحد ما تشوف صرفه ف اللي هي فيه، بس بعدين لقت حد وقفلها بالعربيه بتاعته.
حازم بترقب بصلها من شباك العربيه : اقدر اساعدك في حاجه يا آنسه؟
سها رفعت راسها ليه وقالت : ياريت والله دا انا عربيتي العجل بتاعها نام ومش عارفة اروح بيتي ومفيش اي مواصلات دلوقتي حتى.
حازم قال ف نفسه الشخصيه دي مش غريبه عني بس وماله القمر يأمرني وانا انفذ : احم اكيد طبعاً اتفضلي وانا اوديكي المكان اللي انتي عايزاه.
سها بابتسامه وتشبيه عليه برضو : ميرسي اوي "فتحت باب العربيه وركبت جنبه وبعدين بصتله وقالت" بس انااااا مش عارفه حاسه اني شايفاك قبل كده بس دماغي دلوقتي مش فيا بصراحه عشان افتكرك.
حازم بابتسامه خبيثه : انا برضه بشبه عليكي جامد وحاسس اني اعرفك بس مفيش مشكله حتي لو منعرفش بعض نتعرف من تاني يا قمر.
سها بنوم سندت راسها على شباك العربيه وقالت : اكيد طبعاً هو انا أطول يلا بقى بسرعه روحني عشان السرير بيناديني هناك اهه هههههههه "و غطت ف نوم عميق"
حازم بخبث ونظره كلها رغبه : قصدك بينادينا يا قطتي.
(وساق العربيه بأقصى سرعه عنده)
&______احمد روح كلم سجى شويه واطمنوا على بعض ومفيش اي جديد بينهم.
&___فارس وجاسر دخلوا المستشفى بعد شويه مكالمات فارس عملها وهو خارج المستشفى ودخل وعلى وشه ابتسامه متوتره وجاسر مش اقل منه توتر ولما دخلو لقوا ان ندى عند والدها وحور دخلت اتطمنت عليه وسابته مع بنته شويه على راحتهم. ولما خرجت من الاوضه.
فارس بهدووء: والد ندى عامل ايه دلوقتي؟
حور بخفوت :كويس الحمد لله احسن بكتير وممكن يخرج النهارده كمان.
فارس براحه :تمام كويس قوي "وأولها كيس الأكل" دا اكل ليكي عشان انتي مكلتيش واكيد جعانه.
حور ابتسمت ابتسامه بهتانه : ميرسي انا مش جعانه اديه ل ندى او الأطفال دول.
فارس بضيق من طريقتها : جاسر جابلهم وعموما برضو انا عامل حساب الكل بس برضو انتي لازم تاكلي عشان متتعبيش وهتتعبينا معاكي برضه.
حور ابتسمت بحزن جامد وقالت لنفسها "دا انت متتقل مني قوي على كده" : احم احم لو جوعت هاكل شكرا ليك.
فارس بصلها بضيق و سابها وراح وقف جنب جاسر وهو بيتأفف
حور طبعاً مكلتش لأنها عنيده وبالرغم من امها جعانه جداً بس برضو متنازلتش و سابت الاكل زي ما هو.
جاسر : ايه يا فارس ناوي تعمل ايه؟ المفروض حور تعرف باللي انت ناوي تعمله دا على فكره.
فارس بضيق : يا عم ما انا عارف انها لازم تعرف اومال هتجوزها من وراها يعني، بس انا بصراحه مش متوقع رد فعلها وانا شخصياً محتار بس مينفعش أتراجع في قراري انا وعدتها اني هحافظلها على بنتها.
جاسر بحزن على حال صاحبه : ااه لو تقولي بس هو ايه الموضوع كان ممكن اتحل بدل موضوع الجواز المستعجل دا.
فارس بلا مبالاه : لا ريح نفسك مفيش حل تاني غير دا.
&_____ندى خرجت من عند والدها وعلى وشها ابتسامه رضا و وشها نور من تاني.
حور : عمو كويس يا ندى؟
ندى : ايوه يا حور الحمد لله الدكتور بيقول انا حاسس انه حصلت معجزه بس الحمد لله انه بخير هو فين جاسر عشان اقوله يخلي الدكتور يجبلنا إذن بالخروج انا بابا مش بيحب المستشفيات.
حور شاورتلها بإيدها باتجاه خلف ندى : هناك اهه وراكي.
ندى لفت وشها وشافته وراحت قالتله على حاله والدها وطلبت منه يتكلم مع الدكتور عشان جواب الخروج بتاع والدها وبالفعل دا اللي حصل وخدو الأذن مع التنبيه بالراحه التامه لمده لا تقل عن اسبوعين.
&_________خارج المستشفى جاسر اخد والد ندى وأخواتها وهي معاه في العربيه و حور ركبت مع فارس على مضض و في الطريق.
فارس وقف العربيه على جنب، حور استغربت جداً من الموقف وقالت ممكن هيعمل اي حاجه او حصلت اي حاجه وانه ممكن ينزل من العربيه بس هو من لش وفضل باصصلها ل دقايق بتوتر وحيره.
حور بدهشه : انت وقفت ليه بالعربيه؟ و بتبصلي كدا ليه؟
فارس بتوتر واضح جداً : حور انا عايز اتكلم معاكي في موضوع مهم.
حور : موضوع ايه دا؟ فيه ايه؟
فارس بدون مقدمات : حور انا بحبك وهاجي انا وأهلي النهارده بالليل اتقدملك واخطبك واتمنى انك توافقي عشان انا بحبك بجد.
{الفصل الجاي هيبقى دمار استنوني}
يتبع الفصل التاسع عشر اضغط هنا
- الفهرس يحتوي على جميع فصول الرواية كاملة :"رواية حورية الفارس" اضغط على اسم الرواية