رواية خادمتي البريئة الفصل الثاني عشر 12 بقلم أسماء سليم

الصفحة الرئيسية

   رواية خادمتي البريئة الفصل الثاني عشر بقلم أسماء سليم


رواية خادمتي البريئة الفصل الثاني عشر

كريم سمر أنا اتجوزت
سمر 🥺🥺😶😡
كريم أنا عارف انى صدمتك بس غصب عنى 
سمر ايه اللى غصب عنك،هو حد ضربك على ايدك علشان تتجوز ،انت خدعتنى ومقدرتش حبى ليك بعد العمر ده كله ويا ترى مين بقى حبيبة القلب الى اتجوزتها عليا ويا ترى قولتلها انك عقيم ولا لأ
كريم حس بالإهانة من كلامها بس رد علشان هى معاها حق فى كل كلمة قالتها ، أنا اتجوزت رغد وده حصل من اسبوعين وبجد غصب عنى بس انا حبيتها وخفت لتضيع من ايدى 
سمر بضحك بقى تتجوز رغد الخدامة عليا يعنى دى اللى ملت عينك يا كريم واتارى هى عماله تمثل البراءة وتغريك بس مكنتش مفكراك ضعيف اوى كده يا كريم ، بس انا مقصرتش معاك فى حاجة علشان تتجوز عليا ،بجد خزلتنى اوى يا كريم بعملتك دى
كريم أنا آسف يا سمر والله وليكى الحق انك تزعلى بس قوليلى عايزة ايه وانا اوعدك انى هعمله علشان تسامحينى وتتقبلى رغد
سمر انت مش محتاج تتأسف يا كريم، خلاص اللى حصل حصل بس دلوقتى ايه اللى هيحصل 
كريم قصدك ايه باللى هيحصل ،يعنى رغد هتعيش هنا معانا ولا انتى عندك رأى تانى
سمر انت بتقول ايه !!!، ازاى يعنى هتعيش معانا عادى ، تمام يا كريم بس لو هتعيش معانا هنا يبقى تقعد فى غرفة الخدم زى ما هى قاعدة دلوقتي


كريم ايه اللى بتقوليه ده يا سمر مينفعش كده دى مراتى زيها زيك ولازم العدل بينكم
سمر تمام اعمل اللى يريحك يا كريم بس انا لسه عند قرارى وهو أنها تقعد فى غرفة الخدم وإلا أنا اللى همشى ، اختار انت بقى وسابته ومشيت  
كريم بص لرغد اللى جت وسمعت كل حاجة
رغد ليه زعلتها يا كريم، هى معاها حق وانا عادى بالنسبة ليا لو قعدت فى اوضة الخدم مدام هكون معاك وده الاهم بس ما تزعلش
كريم بس يا ر.....
رغد قاطعته وقالت خلاص يا كريم أنا مش زعلانه ، يلا روح صالحها يا كريم
كريم راح يصالح سمر  والحمد رضيت
سمر بتكلم على
سمر ازيك يا على الحقنى أنا واقعة فى مصيبة
على مصيبة ايه قولى 
سمر كريم اتجوز عليا وعارف مين ، رغد الخدامة
على أنا قولتلك مليون مرة حرصى منها علشان دى خبيثة ومش سهلة واديكى شوفتى اهو انها خلته يقع فى شباكها وهيضيع كل اللى بنخططله من سنين


سمر لأ مستحيل اخليها تاخد كل حاجة منى بس لازم نتخلص منها فى اسرع وقت ، ايه رأيك نقتلها ونخلص وكإنها مدخلتش حياتنا
على - غبية وهتفضلى طول عمرك غبية 
سمر ليه أنا قولت حاجة غلط
على قصدك قولتى اى حاجة صح ، انتى دلوقتى لو قتلتيها هتستفادى ايه، الشرطة هتشك فيكى أول واحدة لأنها ضرتك وده بعد لما كريم يقول إنه قالك على زواجه منها و معدش كام وهى ماتت وهتكون العين عليكى ، فكرى الاول ، حتى لو هى ماتت برده كريم ممكن يحب ويتجوز غيرك ويبقى كده رجعنا لنقطة الصفر من تانى
سمر- معاك حق يا حبيبي، طب نعمل ايه دلوقتي، أنا لو بايدى كنت قتلتها لحظة لما قالى انه اتجوزها
على اهدى كده وخلينا نفكر بهدوء، هو صحيح هو عرفك ازاى وعملتى ايه لما عرفتى
سمر حكتله على كل اللى حصل من ساعت لما كريم قالها انه اتجوز لغاية لما رضى أن رغد تبقى فى غرفة الخدم زى ما كانت
على برافوا عليكى ، انتى كده عملتى حاجة انتى متتخيليش قد ايه هتفيدنا
سمر عملت ايه قولى
على انتى كده شلتى الشك من قلب كريم انك ممكن تأذى رغد وده لانك اتقبلتى أنها تكون مراته بس متعش معاكم عادى وبكده لو حصل حاجة فانتى مش هتكونى فى دائرة الشك
سمر بسرعة يبقى نقتلها 
على هو كل حاجة عندك قتل اهدى بقى شوية 
سمر نفسى اعرف ازاى انت مش مشجعنى على القتل وخصوصاً انت اللى كنت علطول اى حد نبوظ مخطاطتنا تقوم تقتله بدم بارد ، ايه اللى غيرك كده ولا نسيت احنا قتلنا مين ولا افكرك
على مفيش حاجة اتغيرت ومنسيتش حاجة بس المرة دى مختلفة علشان الموت هيكون خسارة لينا اكتر ما هيكون مكسب واحنا عايزين المكسب
سمر بضحك😂 تمام كده اصل بحسبك توبت عن القتل فاستغربت، ومدام الموت مش الحل،ايه الحل بقى علشان نخلص من المصيبة دى 
على هقولك ...................
سمر بضحك 😂 يخربيتك دماغك دى قنبلة ، بجد روعة ، دى احسن خطة سمعتها
على بغرور طبعا هى أول مرة بس هنوصل لغرضنا بكل هدوء ومن غير مجهود كبير زى كل مرة ، احنا نقعد نتفرج بس وهما بيدمروا حياتهم بايديهم ، احنا نرمى الكرة فى الملعب ونستنى الحريق بس اعملى اللى قولتك عليه وعاملى رغد عادى علشان محدش يشك فينا 
سمر اه معاك حق ونستنى كريم لما يقتل رغد بايده وبكده يتعقد من كل الستات ويرجعلى زى الكلب ويعرف قيمتى ، او يبعد عن رغد ويكره برده صنف الستات ويعرف قيمتى بس انا برجح الاحتمال الأول لأن كريم دمه حامى ومش هيرضى يسكت كده
على هههههههههههه نفسى الوقت يعدى علشان اشوفه وهو مذلول 
سمر اه والله دى هتكون لحظة تخلد فى التاريخ
على شوفتى بقى دماغى وتفكيري عاملين ازاى، بس سيبك من كريم ده ، بقولك ايه انتى وحشانى اوى 
سمر هو انا لحق، امال لو مكنتش معاك فى المصيف كام يوم ، انت مش بتزعق منى هههههه
على بخبث هو فى حد يبقى معاه القمر ده ويزعق يلا بقى عايز اقابلك انتى بتوحشينى بسرعة
سمر انت اكتر يا روحى، هحاول اقابلك قريب سلام
على- سلام و قفل وقال والله وقربت نهايتك يا كريم، بجد صعبان عليا اووووى 😂😂😂😂😂
(يا ترى خططتهم ايه اللى ممكن تخلى كريم يقتل رغد 🤔)
فى الوقت دى كريم كان نزل لرغد وهى بتحاول تقنعه أنها هتكون كويسه مدام هو بيحبها ومعاها وبتنصحه انه ميزعلش سمر علشان معاها علشان مفيش واحدة بتقبل أن زوجها يتجوز عليها وفى الاخر الموقف انتهى أن كريم قبل رأسها وقال ربنا يكملك بعقلك يا روحى وربنا يخليكى ليا 
سمر نزلت من فوق وندهت على كريم ورغد
سمر خلاص يا كريم أنا زى ما قولتك فوق أنا اتقبلت رغد علشان ده من حقك ثم كلمت بخبث بس يا خسارة يا رغد مش هتقدرى تبقى ام بجد صعبانه عليا اوى ربنا يصبرك
رغد بكل هدوء لأ يا حبيبتي انا مش زعلانه خالص ، دى حكمت ربنا وانا راضية بيها ومدام كريم جانبى أنا مش محتاجة حاجة وربنا يخليه ليا دائما
سمر اتغاظت أنها مقدرتش أنها تعصبها بس قالت بينها وبين نفسها أن الايام جاية وضحكت وقالت خليكى حبى فى كريم كده لحد ما يجى اليوم اللى أنا وعلى مخططينله وهتشوفى سى كريم تبعك وهو بيقتلك او بيطردك من حياته نهائيا وهبقى اشوف بقى حبك هيعملك ايه وبعدين قالت
ربنا يخليه لينا احنا الاثنين ونكون زى الاخوات 
رغد يا رب
سمر يلا روحى اعملى الاكل لينا بسرعة
رغد كانت راحة للمطبخ ولكن كريم مسك ايديها وقالها انتى راحة فين 
سمر ايه اللى راحة فين ، راحة المطبخ تعملنا الاكل
كريم : ده كان زمان ، دلوقتي رغد مش خدامة ، وزى ما قولت دى زيها زيك بالضبط هنا يا سمر ومش علشان وافقت أنها تعيش فى غرفة الخدم يبقى هتبقى خدامة  فاهمانى
سمر طب مين اللى هيطبخ دلوقتي
كريم اتفاجأة ان سمر لم تعارضه وشك أن فى حاجة غلط بس اتمنى من قبله أنها تكون أتقبل رغد بجد
كريم اكيد هنجيب خدامة والكلام منتهى وسابهم 
رغد حاولت تكلمه بس هو مرضيش يسمعها
سمر راحت لغرفتها من غير كلام وكذلك رغد
كريم طلع بره وبعدين رغد وقرر يشوف رغد الاول
رغد أول لما شافته قامت جريت عليه وحضنته جامد وقالت قلقت عليك، انت رحت فين
كريم شدد على حضنها وباس رأسها وايديها وقال رحت لمصطفى البيت وطلبت منه يدورلى على خدامة تانية 
رغد ليه كده يا كريم هو انا اشتكيت ولا قلت لك حاجة أو قولتلك انى مش عايزة اخدمك
كريم يا رغد يا حبيبتي انتى دلوقتى سيدة البيت وميلقش بيكى انك تخدمى وسمر لأ
رغد يا حبيبى أنا اللى عايزة اخدمك مش سمر وده علشان أنا اللى اهتم بيك وباكلك وااكلك بايدى واتأكد انك لابس وعايش فى مكان كويس ، يا كريم لو بتحبنى بجد وافق انى اخدمك وبجد هكون مبسوطة اوى 
كريم بس......
رغد قاطعته وقالت مفيش بس ، أنا عايزة اخدمك بايدى ولا ده كتير عليا
رغد مفيش حاجة تغلى عليك يا حبيبي
كريم ايوه بقى الحب ولع فى الدرة ومن ثم.......عيب🤭🤭 علشان الكلام ده مش لينا
 وتسكت شهرزاد عن الكلام الغير مباح وذهبا لعالمهم  الخاص الذى حلله الله لهم 
ثانى يوم كريم وسمر رجعوا من الشغل وعلى السفرة
سمر صحيح يا رغد كلمينى عنك وعن اهلك كده وهل معاكى مؤهل ولا لأ ولو معاكى ايه
كريم ايه يا سمر الأسئلة دى كلها هو تحقيق ولا ايه
سمر لأ ابدا يا روحى بس انا عايزة نبقى اخوات ونعرف بعض كويس ولا ايه يا رغد
رغد معاكى حق وبعدين كلمتها عن نفسها وعن أهلها وان هى معاها إعدادية فقط ومكملتش علشان تشتغل وتصرف عن أهلها وبعد كلمها ده زادت فى نظر كريم اوى وحبها اكتر 
سمر يعنى مش متعلمة بقى تمام ماشى
كريم ورغد بصوا لبعض ورغد كانت خائفة لتشوف فى عين كريم نظرة إهانة أو أنها تقل من نظره بس بالعكس لقت نظرة احترام وحب وكريم مسك ايديها وباسها وقال أنا بجد فخور بيكى
سمر اتغاظت اوى وقامت سايباهم وطالعة على فوق ودبس قالت متنساش يا كريم أن النهاردة دى ليلتى 
رغد زعلت من كلامها بس حاولت تبان عادية وقامت مشية وسابته يأكل لوحده
كريم ضرارير والله العظيم وبعدين جاله اتصال
كريم الو مين معايا
سعيد أنا اللهو الخفى يا هشام معقول نسيت صوتى ومسحت نمرتى كمان ع العموم أنا سعيد البهواشى
كريم بلع ريقه وقال عايز ايه
سعيد برن علشان اقولك انى هديك فرصة شهر لو مرجعتش تشتغل معايا تانى يبقى استحمل نتيجة اعمالك وخاف فى حبيبة القلب وتخيل كمان لو عرفت أن زوجها راجل ليه سوابق وكان قتال قتلة فهل هترضى تسامحه ، فكر ورد عليا وقفل فى وشه
كريم يا رب اعمل ايه، ويا ترى عارف عن رغد ولا كان بيتكلم عن سمر اصل محدش يعرف عن زواجى أنا ورغد بس ده سعيد بيعرف دبت النملة ، دماغى هتطق من كتر التفكير
عدى شهر من غير اى أحداث
سمر بتنفذ كلام على وعماله تعامل رغد كويس بس بتحاول  تهينها فى بعض الأوقات بس رغد مش بتتأثر بحاجة 
كريم قلقان على سمر ورغد من سعيد وخصوصا رغد وقلقان من أنه يخطفهم او يأذيهم او بقولهم على ماضيه ويبعدوا عنه 
رغد بتحاول تبقى كويسه مع سمر علشان البيت ميبقاش فيه مشاكل بس هى حاسه من اسبوع أنها تعبانه اوى ومش عايز تاكل بس بتقول أن ده مش شغل البيت لانه كتير عليها
فى الصباح استيقظ كريم من النوم من غرفة الضيوف لانه بقاله اسبوع عمال يفكر وعايز يطلق سمر للنهعنس بيحمل ليها اى مشاعر ومش عايز يظلمها معاه وخلاص قرر أنه يطلقها فى اقرب وقت بس متكلمش مع اى حد فى الموضوع وبعدين جتله رسالة من رقم مجهول والرسالة بتقول قوم دور على حبيبة القلب شوفها فين
كريم اتفزع من مكانه وقام يدور على رغد فى كل البيت بس للاسف ملقهاش وبعدين جتله رسالة تانية مكتوب فيها الف الف مبروك حبيبة القلب اتخطفت وهيا معانا في الحفظ والصون هههههه😂 وقول عليها الله يرحمها 
كريم رمى الموبايل وقال بزعيق رغد اتخطفييت 😨 
  (يا ترى دى خطة مين سعيد ولا سمر وعلى؟

يتبع الفصل الثالث عشر اضغط هنا
رواية خادمتي البريئة الفصل الثاني عشر 12 بقلم أسماء سليم
rana elhady

تعليقات

ليست هناك تعليقات
إرسال تعليق
    google-playkhamsatmostaqltradent