رواية ماذا يسمى هذا العشق الفصل السابع بقلم رحمة كريم
رواية ماذا يسمى هذا العشق الفصل السابع
الدكتور :للأسف والدتك عندها سرطان
نيروز بصدمه :لا طبعا اكيد التحاليل دي اتبدلت صح
الدكتور :للأسف هي التحاليل بتاعها
نيروز بعياط هستيري :لا ماما مش هتسبني لا
الدكتور وهو بيحاول يهديها :اهدي لازم تهدي عشان تقفي جمبها وتعالج هي لسه في المراحل الأولى
نيروز :في امل انها تتعالج
الدكتور :في امل كبير بس الأمل الأكبر في ربنا انشاء الله هتبقى كويسه
نيروز :يارب اشفيلي امي انا ماليش غيرها يارب
*******************
عند سمرا
سمرا:انا مش مصدقه انها خلاص كلها ٣اسابيع ودبلتك هتكون في أيدي
طارق وهو بيمسك ايديها :انا بحسبها بالايام والساعات اليوم إلى هتكون في مراتي
سمرا :انا مستنيه اليوم بقالي اربع سنين اربع سنين بحبك فيهم وانت مش واخد بالك يا استاذ
طارق :ومين قالك اني مكنتش واخد بالي انا كنت واخد بالي منك كويس ااوي كنت بتاعتك خطوه بخطوه عارف بتحبي ايه وبتكرهي ايه عارف انتي بتخافي من ايه عارف كل حاجه تخصك عارف
سمرا :تعرف عني ايه بقي
طارق :عارف انك بتحبي النوتيلا عارف انك بتحبي تسمعي ام كلثوم بليل وانتي قاعده بتتفرجي على القمر والنجوم عارف انك بتحبي فيلم TiTanic عارف انك بتخافي من الضلمه عارف ان لمياء البيست فريند بتاعتك عارف انك بتحبي اللون الأحمر واللون الأسود
سمرا :انت عارف كل الحاجه دي ازاي
طارق :انا بحبك من أربع سنين في خلال الأربع سنين اتكلمت مع لمياء وعرفت منها كل حاجه عنك وطلبت منهآ متقولش ليكي
سمرا :لما انت بتحبني ااوي كده مصارحتنيش ليه من زمان
طارق :وقتها مكنتش بشتغل اشتغلت وقدرت احوش حق الشقه والمهر والشبكه ولما بقى معايا حقهم عرفتك
سمرا :وماخفتش اني اتخطب لحد غيرك
طارق :كنت خايف في الأول بس كنت كل ما اصلي كنت بدعي ربنا إنك تكوني من نصيبي
سمرا :انا فعلا عرفت اختار صح عرفت اختار راجل هيحافظ عليا لانه تعب لحد موصلي راجل مش هيسمح في يوم ان دموعي تنزل مني هيخاف عليا ويحافظ عليا
طارق :سمرا
سمرا :نعم
طارق :انا بحبك
سمرا :وانا بموت فيك
***************
عند عشق في قصر البحرواي
عشق :هو في ايه يداده الهانم من الصبح وهي مصممه نتطبخ احسن اكل
الداده :اصل يونس بيه هيوصل انهارده
عشق :بجد
عشق في نفسها :هو انا فرحانه ااوي كده ليه انا المفروض اكون مضايقه كنت مرتاحه وهو مسافر
قلبها :متأكده كنتي مضايقه انه مش موجود وهو مسافر
عشق في نفسها :اكيد
قلبها :لازم تكوني صريحه مع نفسك
عشق وضعت ايديها الاثنين على ودنها :كفايه بقى
الداده :هو ايه الي كفايه
عشق بتورتر :اقصد كفايه الاكل ده ولا نعمل أكتر
الداده :لا كده كفايه
فجاءه باب القصر اتفتح ودخل منه يونس
عشق شعرت بشعور غريب ااوي اول ماشفته داخل من باب القصر قلبها دق
عشق في نفسها :انا ليه كل ما بشوفه قلبي بيدق معقول اكيد لا
هاله وهي بتحضن يونس :وحشتني ااوي يابني كل دي تأخير
يونس :تأخير ايه بس دول اسبوعين بس
هاله :اسبوعين من غير ما اطمن عليك ولا اسمع صوتك
يونس :حقك عليا والله كان عندي شغل كتير حقك عليا
هاله :عشق يا عشق
يونس بعصبيه :بتنادي ليها ليه دلوقتي
عشق :نعم يا مدام
هاله :حضري الغذاء لاستاذ يونس
يونس :مش عايزها تعملي حاجه ايه طمني ممكن تكون حطتت ليا سم
هاله :ايه الي بتقوله ده يا يونس
عشق بعياط :شكرا جدا يا استاذ يونس بس انا مش بأذى حد من مهما كان مين ومهما هو اذاني في حياتي انا كتير في حياتي بيأذوني لحد دلوقتي ومفكرتش اني أذى حد وانت بقي طول الوقت وانت بتحاول تضايقني وبرده مفكرتش أذيك شكرا جدا يا استاذ يونس بس عشان حضرتك تقدر تاكل وتشرب في البيت براحتك بدون خوف انا هريحك مني
هاله :ايه الي انتي بتقوليه حد
عشق :عن انذك يا مدام
عشق جريت برا القصر
هاله :عجبك كده اهي مشيت خالص
يونس لأول مره يشعر بأذنب تجاه عشق
يونس :هو انا الي قولتلها تمشي
هاله :كفايه كلامك معاها إلى بيضايقها طول الوقت بتعمل معاها ليه كده
يونس :طول الوقت شايفها شبها
هاله :عشق مش هيا افهم بقى مش كلهم زيها
يونس :انا هفضل طول عمري اشوفهم واحد
هاله :هما مش واحد افهم بقى
يونس :انا هيفضل فكري كده
هاله :انت هاتخرج حالا تدور على عشق وتجيبها هنا وتعتزر ليها كمان
يونس :مستحيل طبعا
هاله :لو مروحتش حالا هاسيبلك القصر ومش هرجع تاني فاهم
يونس بضيق :حاضر
************
رضوى :خلاص كده يا ستي كل إجراءات السفر خلصت وتقدري تسافري
رحمه :انا بجد مش عارفه اشكرك ازاي انا لوكان ليا اخت مكانتش عملت معايا إلى عملتيه ده
رضوى :متقوليش كده انتي اختي وهيصعب انك هتسبيتي وتسافري
رحمه :والله مجبوره على كده غصب عني بس الي يشوفه صعب اني اتحمله
رضوى :هتعملي معاهم ايه
رحمه :مش هعرفهم اني هسافر
رضوى :اومال هتخرجي ازاي من البيت
رحمه :انا رحلتي بكره الساعه ٧صباحا هكلمك الصبح تخديني بعربيتك توديني المطار لو مش هاتبعتك
رضوى :تتعبني ايه بس يا بنتي انتي تؤمري،قولتي لخالتك انك جايه
رحمه :قولتها اكيد وحكتلها على كل حاجه وهي زعلانه عليا ااوي وقالت ليا اول مأوصل المطار هلاقي ابنها هناك بس معرفوش ولا اعرف شكله حتى
رضوى :اومال هتعرفيه ازاي
رحمه :معرفش بقى، بس الأهم من ده اي حد هيسأل عليا من اهلي انتي متعرفيش عني حاجه
رضوى :اكيد طبعا يا بنتي سرك في بير
*********************
عشق كانت قاعده على الكورنيش وقاعده أمام البحر وتعيط
عشق بعياط :انا علمت ايه في حياتي عشان الاقي كل ده كل الي حواليا كلهم بيكرهوني ابويا بيكرهوني وكان السبب في موت امي ولا مرات ابويا إلى فركتها هتبقى حنينه عليا ولا اخويا إلى مفروض يبقى سند ليا واخد عني فكره وحشه وابويا رافض يصرف عليا عشان مراته وغاصب عليا اتجوز واحد بكرهه واشتغل خدامه وازل نفسي واعمل ايه يارب انا ماليش غيرك كل الأبواب أتقفلت في وشي اعمل ايه يارب تبعتلي دليل للخير إلى ليا وتبعتلي عوض ليا يعوضني على كل الي شوفته يارب
عشق وهي بتدعي شافت يونس نازل من عربيه
عشق في نفسها :لا اكيد مش هو الدليل لا
يونس قعد جمب عشق :اتفضلي روحي معايا القصر
عشق :بسهوله دي لازم تتأسف اولا
يونس بسخريه :من الواضح انتي مش عارفه انتي بتتكلمي مع مين
عشق :عارفه كويس اووي
يونس :لا متعرفيش لو كنتي تعرفي كنتي عرفتي أن يونس البحرواي مش بيعتذر لحد
عشق :اي التكبر والغرور إلى فيك ده انت غلطت ولا يعتذر احنا كلنا واحد مافيش حد احسن من حد
يونس :انا مش بعتذر لحد وهترجعي معايا
عشق :ايه الثقه دي وانا مش راجعه معاكي
يونس :ماهو انا مش عايزك ترجعي عشان جمال عيونك لا ترجعي عشان هاله عايزاكي معرفش ليه
عشق :وانا بحترم المدام ومش هرجع
يونس :هدفعلك ضعف إلى بتخديه
عشق :هو انت مفكر أن كل حاجه فلوس رانك تقدر تشتري حد بفلوسك
يونس :ده فعل إلى بيحصل اقدر اشتري اي حد بفلوسي
عشق :ده للناس الرخيصه تقدر تشتريهم بفلوسك لكن انا لا عن اذنك
عشق سابته وكانت هتمشي بس يونس واقفها ومسك ايدها
يونس بنبره غاضب وهو ماسك ايديها بعنف :لما اكون بكلمك ماتمشيش وتسبيني فاهمه
عشق :ايه الجبروت ده
يونس :هترجعي معايا
عشق :مش راجعه واعمل ايه تعمله
يونس حمل عشق بين يديه
عشق :نزلني يا اما هصوت وقول خاطفني
يونس :اعملي إلى تعملي كلمتك با اذوق ومش عايزه تجي
عشق بصويت :الحقوني يا ناس الحقوني
ناس كتير اتلموا حوالين عشق ويونس
الناس :في ايه
عشق :خاطفني
يونس :دي مراتي ومش عايزه تجيي معايا
رجل كبير في السن :روحي يابنتي مع جوزك عيب
عشق :جوزي مين ياحج ده خاطفني
يونس :اسكتي بقى الناس مشيت
يونس ركب عشق عربيته
عشق :نزلني بقولك
يونس :هترجعي معايا القصر وغصب عنك فاهمه
عشق :لا
عشق كانت بتفتح باب العربيه بس معرفتش
عشق :افتح الباب
يونس :مش فاتح اخرصي خالص فاهمه
**********************
نيروز بعد ماخرجت من معمل التحاليل فضلت تمشي في الشارع وبتعيط خايفه تخسر امها في يوم زي ما خسرت ابوها
وهي ماشيه سرحان وقفت إمام عربيه
واحد نزل من العربيه: What happened, are you okay, miss?(ماذا حدث هل انتي كويسه يا انسه)
نيروز بصوت عالي :مش تحاسب كنت هتموتني، وبعدين كلمني مصري
الشاب :اسف يا انسه كنت بتكلم في التليفون
نيروز :انت كنت هتموتني فاهم يعني ايه وتقولي اسف
الشاب :شوفي حضرتك عايزه كام وانا تحت امرك
نيروز بصوت عالي :انت مفكرني اني هاخد منك فلوس اتفضل امشي يا استاذ
الشاب :طب تحبي اوصلك اي حته
نيروز :توصلني ليه انشاء الله بعرف اروح لوحدي مش عايزه منك حاجه
نيروز ركبت تاكسي وسابته
الشاب :شكلها كده مجنونه
***************
يونس :انزلي
عشق :مش نازله
يونس :براحتك بس متزعليش بقى
يونس حمل عشق بين ايديه
عشق :نزلني بقى نزلني
يونس :كلامي بيتسمع من اول مره فاهمه
يونس دخل باعشق القصر
هاله :في ايه يا يونس شايلها كده ليه
يونس :وانا جايبها وقعت في الأرض فاشلتها
هاله :طب انتي كويسه دلوقتي يا بنتي
عشق :ايوه بس خلي استاذ يونس ينزلني كفايه كده
يونس وقع عشق في الأرض
عشق :اه رجلي وجعتني حرام عليك
هاله :ليه كده يا يونس
يونس :هي طلبت انزلها ونا نزلتها زعلت ليه بقى
عشق :قولت تنزلني مش توقعني
يونس :انا طالع اوضتي احسن
هاله وهي بتمد ايديها لعشق :قومي يا بنتي حقك عليا انا
عشق :هو بيعمل معايا كده ليه
هاله :معلشي يا بنتي من ساعه ما ابوه مات وهو كده
عشق :اومال مامته فين
هاله :أياكي تذكري اسمها أمامه ساعتها مش هيرحمك
عشق :طب ليه كل ده
هاله :بعدين هبقي احكيلك عشان ده موضوع كبير ، اعملي فنجان قهوة
**********
نيروز روحت البيت وفضلت تخبطت على باب الشقه
الباب اتفتح
نيروز بصدمه :انت
يتبع الفصل الثامن اضغط هنا
- الفهرس يحتوي على جميع فصول الرواية كاملة :"رواية ماذا يسمى هذا العشق" اضغط على اسم الرواية