رواية ضي العامر الفصل الثالث 3 بقلم اسراء ابراهيم

الصفحة الرئيسية

   رواية ضي العامر الفصل الثالث بقلم اسراء ابراهيم


رواية ضي العامر الفصل الثالث 

ضي /انتي ايه اللي جابك هنا ؟ انا مش سبتهولك تشبعي بيه جاية لحد عندي ليه 
هبة /اهدي علي نفسك كدة ولمصلحتك تسمعي انا جاية اقؤلك ايه
ضي /انا مليش مصلحة من قعادي معاكي عشان اللي بيني وبينك خلاص انا نهيته من حياتي 
هبة /حتي لو قولتلك اني انا اللي بعتلك الرسالة 
ضي / ضحكت سخرية وتفتكري انا ساذجة اوي كدة انتي اول واحدة جت في بالي عارفة ليه لأن محدش ليه مصلحة ان انا اعرف انه متجوز عليا غيرك وعادي مش فارقة بالنسبالي واقؤلك الجديد عارفة انك عملتي كدة لانك عارفة اني مش هرضي بالوضع ده وهطلب الطلاق وهو يبقي ليكي لوحدك ضحكت ها ايه رأيك لسة شايفاني ساذجة برضه ؟
هبة /بصراحة برافوو متوقعتش كدة ابدا 
ضي/يبقي مع السلامة بقي ولو سمحتي مش عايزة اشوفك تاني في حياتي لا انتي ولا هو 
هبة / ماشي بس في حاجة انتي لسة متعرفهاش مفكرتيش ليه محملتيش من ساعت ما اتجوزتي ؟
ضي /اتصدمت وعنيها دمعت انتي قصدك ايه ،اكيد عشان ربنا بيحبني ومش عايزني ارتبط بيه اكتر من كدة 
هبة / بغيظ لا يا حلوة عشان هو كان بيحطلك حباية منع الحمل في العصير عارفة ليه عشان مش عايز يرتبط بيكي اكتر من كدة ولا عايز حاجة تفكره بيكي ومقلكيش عشان خاف لتروحي تقؤلي لابوه وتفضحيه قدامه 
ضي /قعدت علي الكرسي من الصدمة وعمالة تعيط ،اطلعي بررررة 
هبة /انا بس جيت أاكدلك انه مش بيحبك ولا هيحبك عشان تبعدي عننا بقي للابد يلا بااي 
اول ما خرجت هبة، ضي انهارت علي الارض وفضلت تبكي لحد ما الدنيا اسودت
الام /ضيييي بنتيييي 
...........
عامر /تمام انا كدة فهمت بس باين عليكي شاطرة عشان كدة قدرتي تاخدي منصب مديرة الحسابات 
عليا الحمد لله يا فندم اتمني اكون عند حسن ظن حضرتك 
عامر/ تمام اتفضلي انتي 
عامر /ههههههه يا بني اقفل بؤقك ده الدبان هيخش وشكلك وحش 
مازن /هيا المزة دي بجد ولا خيال 
عامر /احترم نفسك يا زفت هما كلهم زي اللي انت تعرفهم 
مازن /بس انا قررت اتوب واتجوز القمر اللي كان هنا 
عامر/ كاتك نيلة ثم دي مش زيك دي باين عليها محترمة فياريت تبعد عنها لو انت مش جد في كلامك ويلا بقي علي مكتبك عشان اشوف شغلي 
مازن /خلاص يا عم ماتزوقش خرج مازن وهو عقله مشغول بعليا 
...........
الاب/ خير يا دكتور طمني 
الدكتور /الحمد لله هيا كويسة دلوقتي انا اديتها حقنة مهدئة
 عشان كانت داخلة في انهيار عصبي ياريت تبعد عن الزعل والتوتر 
احمد /متشكرين يا دكتور اتفضل 
الاب /ايه اللي حصل يا ام احمد 
الام /بعياط معرفش يا حاج واحدة صحبتها جاتلها وسبتهم مع بعض ودخلت اعملهم حاجة يشربوها طلعت لقيتها منهارة في الارض وفجاة اغمي عليها 
احمد /والله لو طلع طليقها ليه يد في الموضوع لاروح اربيه واشوف حسابي معاه واصفيه 
الاب /لا يابني خلاص هو دلوقتي في حاله واحنا في حالنا ملوش لزوم المشاكل عشان اختك متتعبش اكتر 
ضي /فاقت بليل وفضلت تعيط وقررت انها مش هتسمح تاني لحد انه يستغلها وانها لازم تقف علي رجلها ومش هتأمن لأي راجل تاني لان كلهم خاينين وقررت تشتغل وتشوف حياتها وترمي اللي حصل كله ورا ضهرها 
تاني يوم خرجت ضي من القوضة وقعدت جنب مامتها وامها مستغربة انها خرجت وبتتكلم عادي وكويسة 
ضي /صباح الفل يا ماما 
الام /صباح الخير يا نور عيني عاملة ايه انهاردة 
ضي/ الحمد لله احسن متقلقيش عليا انا كويسة يا امي 
الام /ربنا يباركلي فيكي يارب 
عليا /صباح الخير يا ماما صباح الخير يا ضي يا حبيبتي 
ضي /صباح الفل عليكي يا روحي كنت عايزاكي في موضوع 
عليا/ قولي يا قلبي انا لسة قدامي شوية علي معاد الشغل 
ضي /انا عايزة اشتغل ياريت تسأليلي عندك في الشركة اللي شغالة فيها علي شغل 
عليا /فرحت جدا طبعا والله ده احسن قرار خدتيه ايوة كدة هيا دي ضي اللي انا عارفاها 
الام / ربنا يسعدكو يا ولادي يارب ويسترها عليكو 
عليا وضي /ويخليكي لينا يا ست الكل يارب 
عليا /انا هنزل بقي عشان متأخرش وان شاء الله يا ضي انهاردة هلاقيلك شغل ده انتي معاكي بكالريوس تجارة قد الدنيا 
ضي/متشكرة اوي يا حبيبتي متحرمش منك يارب 
........
دخلت عليا مكتبها واتفاجئت  بمازن في وشها قاعد مستنيها 
عليا/ بسم الله 
مازن /ايه شوفتي عفريت 
عليا /اسفة بس اتخضيت ، هو في حاجة حضرتك عايز حاجة
مازن /قولت اجي اصبح عالقمر 
عليا / احم افندم ؟
مازن قصدي يعني اشوف الشغل ايه 
عليا /لا حضرتك كله تمام هخلص انهاردة ورق الصفقة وابعته لحضرتك 
مازن /متنح هو جمالك ده طبيعي 
عليا /اتوترت ووشها احمر هو حضرتك بتقؤل ايه 
مازن /احم انا هستني تبعتيلي الورق وياريت تجبيه بنفسك عشان ده ورق مهم 
عليا / استغربت ،حاضر  
عليا لو سمحت يا استاذ مازن 
مازن/ بصلها هو انا اسمي احلو كدة ليه قوليه تاني كدة وحيات ابوكي 
عليا / باقتضاب افندم !
مازن /لا مفيش هو انتي كنتي عايزة ايه ؟
عليا /بصراحة انا اختي معاها بكالريوس تجارة وكنت بتمني لو الاقي شغل ليها هنا معانا في الشركة 
مازن /فرح انها طلبت منه هو كدة ، اه  طبعا خليها تيجي تعمل مقابلة بكرة ان شاء الله وانا هقابلها بنفسي 
عليا /بجد متشكرة اووي لحضرتك انا بجد مش عارفة اقؤلك ايه 
مازن /حب ضحكتها اووي وسرح فيها 
عليا /مستر مازن في حاجة ؟
مازن/هه لا مفيش لازم امشي احسن ما ارتكب فضيحة😅
عليا /استغربت، تمام يا فندم ولما مشي ضحكت ، ايه حكايتك يا مازن شكلي كدة هقع ومحدش هيسمي عليا 
..........
عليا /ضي يا ضي يا ضي 
ضي /ايه يا مجنونة في ايه 
عليا /بتلف بيها لقيتلك شغل وهتعملي بكرة مقابلة 
ضي /بجد انا مش مصدقة بالسرعة دي ربنا يخليكي ليا يا عليا يا اجمل اخت في الدنيا 
عليا /حبيبة قلبي انتي تستاهلي كل خير يلا تنامي بدري بقي وتستعدي وان شاء الله هنمشي سوا يا جميل الصبح 
.........
 قدام الشركة 
ضي /انا خايفة اوي يا عليا بجد حاسة اني اول مرة اقابل ناس في حياتي ومرعوبة 
عليا /متخفيش يا ضي انا جنبك وخليكي قوية كدة انتي اقوي من كل اللي مريتي بيه عايزاكي تفكري ان دي حياتك الجديدة وبايدك  ترسميها وتخليها سعيدة 
ضي /هزت دماغها ومسكت ايدها  ودخلو الشركة سوا وقفو عند الاسانسير 
بس الامن نده علي عليا 
عليا /ثواني يا ضي هشوف في ايه وجاية 
ضي/ ماشي يا قلبي، الاسانسير فتح وجه عامر من وراها و...... يتبع 
تفاعل ناااااار بقي عشان انزل البارت الرابع 
ياريت بقي رأيكو في البارت حلو ولا
 يا ترا ايه اللي هيحصل بين عامر وضي 
ومازن ناوي علي ايه مع عليا 
وضي هتشتغل ايه

يتبع الفصل الرابع اضغط هنا
  • الفهرس يحتوي على جميع فصول الرواية كاملة :"رواية ضي العامر" اضغط على اسم الرواية
رواية ضي العامر الفصل الثالث 3 بقلم اسراء ابراهيم
rana elhady

تعليقات

ليست هناك تعليقات
إرسال تعليق
    google-playkhamsatmostaqltradent