رواية حب وراء الانتقام الفصل الثالث والثلاثون بقلم نورهان عبدالستار
رواية حب وراء الانتقام الفصل الثالث والثلاثون
جذب سليم نور وادخلها غرفته ثم ألقاها على السرير واغلق الباب بإحكام
كانت نور تراقبه بخوف 😧 : في ايه ......انا مش فاهمة حاجة
اقترب منها وامسكها من شعرها بقوه
سليم بانفعال 😡 : انا للدرجه ديه مغفل...... أنا سليم اللي ما حدش فكر يوقف قصاده تيجي انتي و تخدعيني وبالطريقه الحقيره دي ......متجوزاه وكمان من وراء اهلك
احكم قبضته على شعرها
نور بألم وهي تحاول نزع شعرها من بين يديه : اااه ....استنى بس انت فاهم غلط..... انا ما عملتش حاجه اديني فرصه اشرحلك طب اقولك الحقيقه
سليم : لا والله ....الوش وش ملائكه والافعال افعال شياطين
ابتسم بسخريه ثم اكمل : ال وانا لما عرفت انك الجاسوسه قلت اكسرك باني اتجوزك على سنه الله ورسوله ومقربش منك...... وانتي متجوزاه بورقة ومن غير شهود .......لا حلوه
نور ببكاء 😢: اسمعني بس ......والله ما انا صدقني دي وفاء هي اللي متجوزه معتز ....اه هي
سليم بغضب : كمان بتبيعي صاحبتك..... البنت الكويسه اللي واثقت فيكي......... طبعا وانتظر ايه من واحده زيك ......بس انا اللي هربيكي
ابتعد عنها ونزع جاكيته والقاه على الارض ثم طوى اكمام قميصه و بدا يقترب منها
تراجعت نور بفزع 😨 : انت هتعمل ايه ......والله صدقني وفاء هي.............
قطع حديثها : بس بقى كل حاجه وضحت خلاص..... اه وبخصوص هاعمل ايه فهتشوفي دلوقتي
نور بدموع : لا استنى ما تظلمنيش كل اللي انت فهمته ده غلط ......دي لعبه واحنا الاثنين اتخدعنا فيها
اقترب سليم منها اكثر وضحك بسخريه 😆 : اخدعتي لاء.... ومين اللي خدعك معتز لأ اخص عليه ...بس الاكيد انها فعلا لعبة..... وانا اللي هنهيهى وهبدا بيكي
حولت نور الفرار منه وفتح الباب لكنه امسكها وحاصرها بيدي عند الحائط
نور برجاء : سيبني يا سليم..... انا باقول الحقيقة ..... ثم اكملت بصراخ : الحقوني .....الحقيني يا ليلي يا ساره
تركها سليم بصدمه 🤨 : ساره ! .... انتي تعرفيها ازاي... اه مش متجوزة الزفت اكيد قيلك كل حاجه عليها....... بس انتي عرفتي انها هنا منين ؟!
فجاه سامعوا صوت طرقات الباب
ساره بخوف : افتح يا سليم ..... أنا ساره..... نور مظلومه انا هاقولك الحقيقه .....افتح
ليلي بلهفة : افتح يا استاذ سليم ........نور ما عملتش حاجه احنا معنا الادله اللي تثبت براءتها
فتح سليم الباب وكان يتمني من داخله أن يكن كل هذا كذب حقا و نور تقل الحقيقة....... دخلت الفتاتان بسرعه للغرفة واحتضنا نور
ساره وليلى بلهفه : انتي كويسه يا حبيبتي
امأت نور براسها : اطمنوا أنا كويسة
سليم : ايه الادله اللي بتقولوا عليها....و وجهه كلامه لساره : وانتي تعرفيهم منين .....انا عايز افهم كل حاجه حالا
ساره : حاضر انا هفهمك...... حكت له كل شيء كيف تعرفت على نور وليلى وحديثهم وكيف كشفت وفاء وخطه نور .... ثم اسمعه التسجيل الذي اعترفت فيه وفاء بكل شيء وكل شيء قامت به هي ومعتز وكيف وورطوا نور
سليم بعدم تصديق : كل ده حصل....اه يا ولاد ال... خططوا لكل حاجة .......ده ولا مكر الثعالب
ليلي : ومش بس كدة .......نور قدرت توصل للاوراق اللي كنت بدور عليها من زمان
تفاجأ سليم : تقصدي اه اوراق صفقات معتز وفارس المشبوهة .....ازاي
سارة : انت ظلمت نور قوي تعرف عملت ايه علشان تجيب الاوراق ديه باعت شبكة اختها
نظر سليم لنور : عملت اه.... انتم مخرجتوش من البيت
قصت كلا من ليلى وسارة حديث نور وحسن ونجاح خطتهم
سليم بزعيق : يعني اه .....يعني نور اللي كانت بتكلم حسن الصبح وهو مسجلها على تليفونه حب عمري
الفتيات بدهشة : حب عمره !!
سليم بغضب 😡 : اه
نور : ده ميقصدنيش أنا يقصد حد تاني...ثم نظروا جميعاً لليلي التي احمرت وجنتيها : انتوا بتبوصولي كدة ليه انا مليش دعوه....
ليلي بصوت منخفض : اما اشفتك يا حسن...ماشي صبرك عليا بس
ضحكوا جميعا عليها 😂
نظر سليم لنور نظرات تجمع بين الحب والاعتزاز والسعادة لظهور برائتها والحزن لظلمه لها وكانت نور تنظر له أيضاً تنتظر ان يتحدث يقول اي شئ
اقترب سليم من نور : نور انا...............
ولكن لم يكمل حديثه عندما سمعوا صراخ وفاء : الحقوني .....يا نور ........
جروا بسرعه لغرفه وفاء.. ووجودها ساقطة علي الارض وتضع يدها على بطنها بوجع
ذهبت إليها نور بلهفة وجلست بجانبها علي الارض وامسكت بيدها
نور بخوف : في ايه مالك يا وفاء
وفاء وهي تبكي من شدة الالم : ابني يا نور......حس بطني بتتقطع...هموت يا نور.
نور : لاء متخفيش مش هيحصل لكم اي حاجه ...ثم نظرت لسليم وسارة وليلي الذين يتابعون كل شيء بصدمه
نور بزعيق 😡 : انتوا وقفين بتتفرجوا اعملوا حاجة
ثم ذهبت بسرعة لسليم
نور : لو سمحت اتصل بسرعة بالدكتور ....ديه هتموت...علشان خطري
سليم : حاضر....ثم امسك بالهاتف واتصل بالدكتور
بعد عده دقائق ....⏳
كان الدكتور يكشف علي وفاء وسليم يقف خارج الغرفة ينتظر خروجه لكنه وجد حسن يأتي مسرعاً لداخل القصر ويظهر علي وجهه ملامح الفرح وفي يده الكثير من الاكياس
حسن : سليم أنا عندي ليك اخبار
سليم : عرفت....صحيح انت اتاخرت ليه..انت مش قول انك جي من ساعة
حسن : يعني مجبش دول معايا......ورفع الاكياس
سليم : فيهم اه الاكياس ديه
ابتسم حسن : فكرت أن لازم اجيب تورتة وحلويات وعصاير علشان نحتفل بانتصارنا عليهم اه رايك
سليم بضيق : لاء ذكي قوي....اسكت بقي
حسن : هو في اه هو مش انت عرفت الحقيقة وان نور مظلومة وكل حاجة بقت تمام ولا اه......................
وغمز له 😉
سليم : افضل نقلي فيها كدة...لحد ما خربت
حسن : ليه بس كدة
في هذه اللحظه خرج الدكتور من الغرفة ومعه الفتيات
سليم بلهفة : خير يا دكتور في اه
الدكتور : المدام كانت واخدة مخدر للجسد مما اثر عليها هي والجنين وعرضهم للخطر ده غير حالتها النفسية السيئة وقلت التغذية
سليم : يعني اه يا دكتور الجنين مات
الدكتور : لاء الحمد لله ادتها حقنة لكن ديه مفعولها مؤقت لازم تجبولها الدواء ده في اسرع وقت لان التاخير هيعرض الام والابن الخطر وسعتها مش هقدر اساعدكم في حاجة...
اخذ سليم الروجتة من يد الدكتور : شكراً يا دكتور
الدكتور : على اه.... أنا علشان اعرف حضرتك كويس مش هقدم بلاغ بسبب الأدوية اللي اخدتها المدام لان ده يعتبر محاولة الإجهاد وكان بعتبر انتحار
سليم : كلك واجب يا دكتور
ذهب الدكتور
سليم : يلا يا حسن نجيب الدواء بسرعة
حسن : أنا مش فاهم حاجة....بس ماشي
ذهبا ودخلت كل الفتيات لغرفة وفاء
نور ببكاء : أنا اسفة يا وفاء .....سامحيني كل ده بسببي انا اللي ادتلك الحقنة ديه....بس والله مكنتش اعرف انك حامل
وفاء : انتي بتعتزي يا نور أنا عارفة انك مكنتيش تعرفي وكان كل همك تعرفي الحقيقة لكن انتي اللي انقذتيني دلوقتي وانقذتي ابني بالرغم من معرفتك الحقيقة
نور : خلاص المهم صحتك دلوقتي
ساره وفي يدها كأسا من الماء بحدة : اتفضل
وفاء بتعجب :المياة ديه ليا
اخذت نور الكأس من سارة واعطته لوفاء : اه اشربي
جاءت ليلي ومعها الكثير من الطعام : أنا جبتلك اكل علشان ابنك
جاء سليم وحسن ومعهم الدواء
سليم : اتفضلوا الدواء ده تخده بعد الاكل.....وتنام
وفاء بصدمة وبكاء شديد 😭 : انتم بتعاملوني كدة ازاي ... حتي بعد كل اللي عملتوا ده بتساعدوني.......انتم طيبين قوي...... أنا اذتكم معاكم كتير وعارفة انكم مستحيل تسامحوني لكن هحاول اعتزلكم بأي طريقة ولو عايزني اساعدكم في حاجة أنا معاكم.....بس حاولوا تسامحوني... أنا اسفة
ثم انهارت من البكاء
سليم : خلاص .....احنا هنسيبك تستريحي دلوقتي وبكرة لينا كلام تاني........
خرجوا جميعاً وكاد كلا من سليم ونور ليخرجوا من الغرفه
لكن اوقفهم صوت وفاء
وفاء : يا استاذ سليم ...يا نور.... تعرفوا أه احسن حاجه حصلت في الخطة ديه اه..... انكم اتقابلتوا
ثم وجهت حديثها لسليم : انت ونور شبه بعض قوي....
نظر كلا من سليم ونور لبعضهما البعض ثم تركا الغرفة وذهبا ليجلسا مع الجميع في الصالون
في غرفة الصالون .......
حسن : ها...هنعمل ايه دلوقتي
سليم : بعد ما معتز وفارس خسارتوا كل حاجة...لو عرفوا كمان اننا وصلنا للاوراق ديه اكيد هيهربوا...فلازم نمسكهم بسرعة
سارة : أزاي
سليم : انا عندي خطة وهي.....................
.................
جميعهم : حلوة الفكرة....تمام
نور : هي الفكرة حلوة وكل حاجة بس ممكن استفسار
سليم بهيام : نعم
نور : هو مين فارس ده.......
غضب سليم وبدأ الدم يغلي في عروقه 🔥
احس حسن بعصبيته فرد مكانه : ده يكون رئيس معتز واللي ورا الصفقات المشبوهة ديه كلها
ثم اكمل بتوتر : احممم..... ويكون الشاب اللي كلمك في الفرح يا نور
ابتسمت نور عند تذكرها هذا اليوم : بجد...ماشي
سليم بانفعال 😠 : ماشي اه
نور ببراءة مصطنعة 😇 : في اه...يعني عرفت مين
سليم : لا بجد ولا....
ليلى وسارة وحسن نظروا لبعضهم ثم قالوا : جر اه احنا هنتخانق ولا ايه
سليم : يعني مش شيفين اللي بتقوله..... بتسأل ليه يعني
نور : أنا مقولتش حاجة وبعدين ده كان مجرد سؤال عادي
سليم : عادي ده......
ليلي وسارة وحسن : خلاص
نور : طب بعد اذنكم بقى داخله انام شوية
ثم ذهبت للغرفة
سليم : وأنا كمان عايز انام
انفجرت جميعاً من الضحك 😂
سليم : انتوا بتضحكوا علي اه......يلا علشان نصحي بدري وننفذ خطتنا....وانت كمان يا حسن يلا طرقنا
حسن : يعني اه امشي...طب والتورتة والحفل..مفيش
سليم : اه ......هنبقي نعملها بعدين...
حسن : حرام عليك ليه كدة
سليم : يا سيدي انا مفتري روح بقي اه وسيب التورته والحلويات ديه..ماشي
حسن : نعم !...كمان ديه بفلوسي
سليم : هتسبهم ولا
حسن : خلاص ماشي اهوه....ربنا علي الظالم والمفتري
سليم : ايوة كدة شاطر....نشوفك بكرة إن شاء الله
حسن : إن شاء الله
تركهم سليم وذهب بسرعة لغرفته هو ونور
اقترب حسن من ليلي : بزمتك ينفع كدة
سارة : احممم..احممم..طب ادخل انام أنا كمان...تصبحوا علي خير
وذهبت سارة لغرفتها
حسن : تصدقي سارة ديه بتفهم
ليلي : انت عايز اه.... أنا كمان هنام
حسن : استني هنا رايحة فين
ليلي بعصبية 😠 : ثانية..صحيح هو اه موضوع حب عمرك ده
حسن بتفاجؤ : اه ده عرفتي منين اني مسجلك علي تليفوني حب عمري.....اه اكيد سليم صح...
ليلى : اه....وانت تسجلني كدة ليه
حسن : عادي يعني اسم زي كل الاسماء ...بس اه رايك مش حلو
ليلي : لأ زفت...امشي بقى بدل ما أنادي لسليم يمشيك هوا
حسن بزعل مصتنع 😔: كدة ماشي...وانا اللي كنت عملك مفاجاه
ليلي بتسأل : مفاجاه اه
حسن : خبر حلو كدة هيفرحك
ليلي بنفاذ صبر : متقول اه
حسن : لاء مش هقول....لو عايزة تعرفب ابقي كلميني اول ما اوصل البيت
ليلي : أنا مش هكلم حد...وهتقول دلوقتي
حسن ببرود وهو يتجه لباب القصر : متنسيش كلميني كمان ربع ساعة كدة...تمام
ليلي : انت يا......
لكنه تجاهلها وذهب
اما عند سليم ونور....
دخل سليم الغرفة ووجد نور تجهز مكان نومها علي الارض كالمعتاد....
سليم : انتي بتعملي ايه
نور : انت شايف ايه هنام
سليم : لأ انتي هتنامي على السرير
نور : يعني ايه
سليم : يعني انا اللي هنام على الارض
نور : لأ انا خلاص اتعودت
اقترب سليم منها واخذ نفسا عميقا ثم تحدث : نور انا مش عارف أقولك ايه او اعتزرلك ازاي ......لان مهما قولت أو اعتزرتلك مش هيكفي علشان تسامحيني....... انا ظلمتك جدا بس صدقيني غصب عني كل حاجه كانت متلخبطه قدامي انتي عرفتي هم كانوا مظبطنها ازاي ........ وزي ما قولتي احنا الاثنين اتخدعنا في اللعبه دي
نور : خلاص.... المهم دلوقتي اننا ننهى اخر خطوه في لعبتهم واحنا اللي نقول كش ملك
سليم : صح ! .... بس يعني خلاص قشدة
ابتسمت نور : قشدة ..... وهنام علي السرير...ياه ده انا ظهري كان وجعني بشكل
ضحك سليم عليها 🤣 : اااه خلاص هترتاحي.... ٠
واكمل بحزن 😔 : يا عيني عليك يا ظهري هتبوظ
ضحكت نور 😂 :احسن علشان تحس بمعانات الناس الغلابة اللي زي حلاتي
سليم : ماشي يا ستي...
عم الصمت لفترة وهم ينظرون لبعضهم البعض
سليم : طب ايه
نور : ايه
سليم : تصبحي على خير
نور : وانت من اهله
نام سليم على الارض ونامت هي على السرير لكن هو ظل ينظر لها.... احست نور به
نور بخجل : في ايه مش هتنام
سليم : بكره اخر يوم في اللعبه دي و هنكسب ان شاء الله انتي ناويه على ايه بقى
نور بمكر : المفروض انا اللي اسالك مش انت اللي خطفنا سليم : ماشي..... تصبحي على خير
نور : اه ده ما قلنا وانت من اهله
نظر لها سليم بغيظ ثم اعطاها ظهره لينام
ابتسمت نور ثم حدثت نفسها وهي تنظر له : تعرف يا سليم حتي لو مش عايزة اسامحك قلبي مش هيسمعلي......اه لو تعرف أنا نفسي في اه .......نفسي افضل هنا جنبك.....
اخدت نفسا عميقا ثم اكملت بحزن 😔 : بس ازاى وانت بتحب واحدة تانية وهتتجوزها واكيد هتطلقني بعد ما كل حاجه هتخلص بكرة ......بص أنا بردوا فرحانة عارف ليه لانك هتبقي سعيد حتي لو هتبعد عني ....... واتمنالك الخير دائما
نزلت دمعة رقيقة علي خدها وقالت بصوت منخفض جداً : بحبك يا سليم
مسحت آثار دمعتها...... واغمضت عينيها لتسبح في نوم عميق
أما سليم فكان يفكر فيما سيحدث بالغد ويحدث نفسه هو الآخر :نور أنا مش عارف دلوقتي انتي بتفكر في ايه.... ..بس اللي اعرفه انك مستحيل تسامحيني حتي لو قولتي عكس كدة وعندك حق انا جرحتك بكلامي قبل تصرفاتي ..... ومتأكد أن لو حتي كان في أي فرصة تخليكي تحبيني فقلت جداً...... أنا مستحيل اظلمك تاني واجبرك انك تكملي معايا حتي لو هموت وانتي بعيدة عني...... يكفيني انك تكوني سعيدة ...
ثم استدار لينظر لها وهي نائمة كالملاك البرئ وابتسم ابتسامة حزينة : بحبك يا نور....
ثم نام
✨✨✨✨✨✨✨✨✨✨✨
اما ليلي فذهبت بسرعة لغرفة سارة
ليلي : سارة حبيبتي افتحي
فتح سارة بنعاس : في ايه يا ليلي أنا عايزة انام
ليلي : معلش أنا عايزة التليفون بس
رفعت سارة حاجبها بتعجب 🤨 : ليه....هتكلمي مين
ليلي بتوتر : مش هكلم حد
سارة بدهشة : معقولة هتكلمي حسن.......ده لسة ماشي مكملش خمس دقائق ....... ازاي ده انتي اللي يشوفك من شوية يقول مبطقهوش....لاء بقي أنا كدة عايزة افهم
ليلي بغضب 😠 : عايزة تفهمي اه يا بنتي.....مش انتي كنتي لسة بتقولي انك عايزة تنامي..... دلوقتي فوقتي ابتسمت لها سارة : اه فوقت .... يلا كلميه هنا علشان عايزة اسمع
ليلي : نعم !!....ما تنامي بقي وسيبيني في حالي
سارة : لاء يا تكلميه هنا يا مفيش تليفونات
ليلي بضيق : حاضر يا سارة
ثم امسكت بالهاتف واتصلت بحسن
ليلي : الو
حسن : اه ده....انتي مقدرتيش تستني لحد ما اوصل البيت ....معقولة لحقت اوحشك
ليلي وهي تجز على سنانها : اخلص اه هو الخبر الحلو
حسن : يعني اتصلتي بسرعه علشان كدة...ماشي...علي العموم أنا كنت عارف ومتأكد انك مش هيجيلك نوم قبل ما تعرفيه
ليلي : لم ترد
حسن : طب بصي فاكرة البنت اللي طلبتي مني اعرف سواق سليم هيوصلها لاي مكان
ليلي بلهفة : اه رشا ....بجد عرفت
حسن : اه خليت حد من رجالتي يمشي ورا السيارة و بلغني
ليلي بفرح : طب قول بسرعة راحت فين
حسن : لاء ....انتي عايزاني اقول ببلاش كدة
ليلي بتعجب : يعني اه.....عايز ايه يعني
ثم نظرت لسارة التي تنظر لها بدهشة
حسن : فكري كدة مفيش حاجة عايزة تقوليها
ليلي : لاء.....انتي هتقول ولا انهي المكالمة
حسن : خلاص.....عرفت انها نزلت امام بيت اهلها
ليلي : انت متأكد ....يعني موصلهاش لشقة جديدة اشتراها سليم علشان يتجوزها
حسن : لاء طبعا....انا متاكد انه وصلها لبيت اهلها وبعدين سليم يتجوز مين اللي قالك الكلام الفاضي ده
ليلي : سليم بنفسه قال كدة
حسن : سليم مستحيل تلاقيه قال كدة بس علشان يضايق نور بسبب سوء التفاهم اللي كان بينهم.....وبعدين البنت ديه مش ذوقه أصلا
ليلي بفرح : بجد !....... كنت شاكة
حسن : طبعا سليم بيحب نور .......وده واضح جداً لكن انتي اللي مبتفهميش في لغة القلوب...ما تفهمي بقي
ليلي :سبنالك انت الفهم كله يلا سلام
ثم اغلقت الهاتف واحتضنت الهاتف وهي تبتسم
سارة : احممم...
ليلي بخجل : في ايه يا سارة
سارة : انتي بتحبيه يا ليلي صح
ليلي : لاء طبعا انتي بتقولي ايه
سارة بحدة : ليلي
ليلي : بصراحه أنا مش عارفة هو دمه خفيف وذكي و جدع بس مجنون وغلباوي كدة...يووه بقي أنا ريحة انام
سارة : ماشي....تصبحي علي خير
ذهبت ليلي بسرعة لغرفتها لتنام
✨✨✨✨✨✨✨✨✨✨✨✨
في الصباح 🌅..............
استيقظوا جميعاً علي صوت عالي ومزعج خارج البيت
نور بنعاس : اه الصوت اللي برة ده
سليم بهيام : أنا هخرج اشوف مين اللي عامل الدوشة ديه علي الصبح ....هعلقه وارجع
نور : استني أنا هاجي معاك
خرجا من الغرفه واتجها لباب القصر ووجدا ليلي وسارة أيضا
سارة : اه الصداع ده.... انا مش عارفة أنا
ليلي : اكيد واحد غبي عايز يتهزأ علي الصبح
نور : هنشوف دلوقتي
نظروا جميعاً وجدوه حسن يضغط علي كلاكس سيارته ليوقظهم
سليم بغضب : اه ده يابني.....اه الهيصة اللي انت عاملها علي الصبح ديه
ابتسم حسن : اولا اه الكسل ده كله.....حد ينام لحد دلوقتي....
نور بتعجب : دلوقتي هيا الساعة كام ؟!
حسن : الساعة بقت تمانية الصبح....شوفتوا بقي....فقولت لنفسي اصحيكم بطرقتي
جميعهم بصدمة : الساعة تمانية الصبح .....وبتقول متاخر
ليلي بعصبية : مش قولتكم واحد عايز يتهزأ
سارة بهمس لليلي : انتي كان عندك حق ده هربانة منه علي الاخر.
ليلي : شوفتي
سليم : ماشي حسابك بعدين.... بصوا يا جماعة مدام صحينا بقي نجهز لخططنا
حسن : أنا بقول كدة بردوا
✨✨✨✨✨✨✨✨✨✨✨✨✨
ذهبوا جميعا في اتجاه غرفة وفاء وكادت نور تطرق الباب لكنهم سمعوا صوت وفاء
وفاء : اتفضلوا ادخلوا
نور : انتي صحيتي كمان
وفاء.:اه هو اه الصوت اللي برة ده
ليلي : بعيد عنك كان في زفة بره
سليم : خلاص بقي نتكلم في المهم .... بصي يا وفاء انتي هتنفذي اللي هنقولك عليه والا
وفاء : طبعا أنا قولتكم امباح اني هحاول اساعدكم بس ابني يبقي بخير
سليم :هنشوف...انتي هتكلمي معتز وتقوليله انك قدرتي تسرقي أوراق الشركة والارض الكبيرة وكمان أوراق القصر ده
وانا هديكي أوراق مزيفة علشان توريهاله....
وفاء : وبعدين
سليم : انتي هتقوليه انك طلبتي تخرجي علشان تجيبي شوية طلبات وأنا وفقت وبعت معاكي واحد من رجالتي وام السعد زي المرة اللي فاتت....
وفاء : معلش مش فاهمة ليه
سليم : انتي هتخليه يبعتلك رجالته علشان يهربوكي في السوق وتروحيله.... أنا هكون مراقب كل حاجة وبمجرد ما توصلي للمكان اللي مستخبي فيه...هكلم الشرطة ونمسكه
وفي نفس الوقت حسن هيروح يمسك فارس ومعاه بعض عناصر الشرطة
نور : وانا هاجي معاكم
سليم بتسأل : تيجي مع مين ؟!
نور : معاك انت ووفاء
سليم : لاء طبعاً.... الوضع هيبقي خطر واخاف يحصلك حاجة
نور : لاء انا مصممة انا هاجي معاكم بعني هاجي معاكم
سليم بغيظ : ماشي..بس بشرط مش هتبعدي عني أبدا
نور : حاضر
ليلي : وأنا كمان عايزة اجي معاكم
سليم : لا والله....هو احنا رايحين فرح
حسن بصوت منخفض لليلي : هتروحي فين ...ديه فرصة حلو علشان سليم ونور يتكلموا مع بعض وممكن يعترفوا بحبهم لبعض...افهمي بقي
ليلي : صح انت ذكي.....طب خلاص انا هستناكم في البيت
حسن : ليه تعالي معايا....في اكشن بردوا
سارة بهمس لليلي : وافقي بسرعة..... وغمزت لها 😉
ليلي : ماشي
سارة : وأنا هستناكم في البيت
سليم : تمام ......بس يلا ننفذ
اتصلت وفاء بمعتز واخبرته فعلا بكل كلام سليم وفرح جدآ وفعلاً وافق علي الخطة وفاء في الهروب
✨✨✨✨✨✨✨✨✨✨✨✨
الساعة الخامسة مساء 🕔......
جهزوا كل شيء ليخرجوا من القصر
ليلي : استني يا نور عايزة اقولك حاجة مهمة قبل ما تمشي
نور : خير يا ليلي قلقتيني
حكت لها ليلي عن اتصالها بحسن وكلامه عن رشا وسليم
نور بفرحة شديدة جداً : انتي متاكدة يا ليلي
جاء حسن من خلفهم : اه يا نور
نور وليلي بفزع 😱 : حرام عليك رعبتنا
ضحك حسن عليهم 🤣
جاء سليم : خلاص بقي......يلا يا نور...وفاء خرجت دلوقتي
نور : تمام......يلا سلام يا ولاد
ليلي وحسن : سلام....
سارة : ربنا معاكم يا رب
جميعهم : اللهم توكلنا عليك يا رب
فعلاً ذهب سليم ونور للسوق لتابعا وفاء..... أما حسن وليلي ذهبا لقصر فارس واتصلا بالشرطة.... أما سارة فظل في البيت
حتي لا يعلم بوجودها احد
✨✨✨✨✨✨✨✨✨✨✨✨✨✨
وصلا سليم ونور للسوق وفي نفس اللحظة رأيا رجال معتز اختبأ بسرعه حتي اخذا وفاء وركبت معهم السياره
سار سليم خلف هذه السيارة حتي وقفت السيارة امام عمارة كبيرة
اوقف سليم السيارة بعيداً عن العمارة حتي نزلت وفاء من السيارة وصعدت لشقة في تلك العمارة
اتصلت نور بالشرطة
نور : الشرطة جاية حالا
سليم : كويس.....
نور : حنا هنفضل نستنا هنا لحد ما يوصلوا
سليم : لو اتاخروا عن عشر دقائق هروح وامسكه أنا لحد ما يوصلوا وانتي هتستني هنا
نور : نعم.!؟ طب وانا مجيش معاك ليه
سليم : بصي أنا وافقت انك تيجي معانا انما تروحي معايا ومن غير الشرطة لاء
نور بعصبية: ليه عيلة صغيرة
سليم بغضب : نور ..... أنا مش هسمح باي حاجة تحصلك فاسمعي الكلام وإلا انتي عرفاني هحبسك في العربية
نور بضيق : خلاص حاضر ...
واكملت بصوت منخفض : يا رب توصل الشرطة حالا
ابتسم سليم : إن شاء الله.
✨✨✨✨✨✨✨✨✨✨✨✨✨
أما عند وفاء ومعتز ........
معتز بفرح : وفاء حبيبتي...كنت متاكد انك هتنجي وتجبيهم...ها فين الاوراق بقي
اعطته وفاء الاوراق المزيفة التي اعطاها سليم لها : اتفضل اهم
نظر فيهم معتز بسعادة كبيرة : اخيرا كل الاملاك ديه بقت بتاعتي انا.....
ثم نظر لوفاء : كل ده بسببك يا حياتي..
وفاء بتوتر : اه اه
امسك معتز بيدها : مالك يا وفاء.....انتي مفروض تفرحي خلاص أنا وانتي وابننا هنعيش في سعادة وهتجوزك
تأثرت وفاء بعدما سمعت كلامه : بجد يا معتز انت عايز تتجوزني
معتز : اه طبعا.
نظرت وفاء للارض بحزن تفكر في كل شيء (داخل عقل وفاء) : ياترى اللي بعمله ده صح و لازم اساعد معتز... أنا مش عارفة
قطع تفكيرها صوت معتز بزعيق : وفاء
وفاء بخوف : نعم
معتز : انتي مش مظبوطة قولي في اه
وفاء وخوفها يزداد : لاء مفيش حاجه
صرخ بها : قولي في اه
وفاء بخضة : بصراحة الأوراق ديه مزيفة وده فخ من سليم علشان تمسكك الشرطة
معتز بانفعال 😡 : انتي بتقولي اه...ازاي
وفاء : هم ضغطوا عليا علشان اقولهم مكان الورق بتاعك انتي وفارس وسلموه للشرطة....بس صدقني والله غصب عني خفت أنهم يقتلوني او يقتلوا ابننا
اخرج معتز مسدسه والشرار يتطاير من عينيه وصوبه علي وفاء : انتي تخونيني وتسلميني لهم
وفاء برعب : أنت هتعمل ايه يا معتز..... والله ما بعتك أنا كنت........
ولم تكمل كليمتها حتي تجد رصاصة تخرج من مسدرس معتز وتخترق جسدها
معتز : اديكي انتي وابنك هتموتوا وعلي ايدي أنا
وضعت وفاء يدها علي مكان الطلقة والدماء بصدمة :انت يا معتز..
في نفس اللحظة سمع معتز صوت سليم واحد ضباط الشرطة : افتح يا معتز وإلا هنكسر الباب
جري معتز بسرعة للباب الخلفي الموجود في المطبخ
سليم : لازم نكسر الباب يا حضرت الظابط ده مش هيسلم نفسه أبدا
الشرطي : اكسروا الباب وبعضكم يذهب للباب الخلفي للعمارة
بسرعة
العساكر : تمام يا فندم
كسروا الباب
دخلت نور بسرعة ووجدت وفاء ساقطة علي الارض وتنزف الكثير من الدماء
نور برعب 😱 : وفاااء...
يتبع الفصل الرابع والثلاثون اضغط هنا
- الفهرس يحتوي على جميع فصول الرواية كاملة :"رواية حب وراء الانتقام" اضغط على اسم الرواية