رواية ضي العامر الفصل الثاني 2 بقلم اسراء ابراهيم

الصفحة الرئيسية

   رواية ضي العامر الفصل الثاني بقلم اسراء ابراهيم


رواية ضي العامر الفصل الثاني 

طلعت صورة حازم وهو حاضن واحدة وفجأة مسدج تانية جت لو عايزة تشوفي جوزك وهو بيخونك روحي العنوان ده 
ضي /محستش بنفسي غير وانا بغير هدومي ونزلت اروح العنوان وكل تفكيري ازاي وفعلا ده حازم 
هو ده رقم العمارة وجيت اطلع 
البواب / طالعة لمين يا بنتي 
ضي /انا انا كنت عايزة اطلع لحازم وكل كلامها متلخبط 
البواب /قصدك حازم بيه المهدي ؟
ضي/تنحت اه هو هو ساكن هنا صح ؟
البواب /اه شقته الدور التاني هو ومراته وابنه 
ضي /الكلام ده بجد انت قولت مراته وابنه ازاي طيب هو امتي جمعت نفسها وقالتله اه متشكرة اوي انا طالعاله 
طلعت وانا حاسة اني بنهار وبدعي يارب يكون مش هو وتشابه اسماء ورنيت الجرس وفتحلي هو اللي فتحلي 
حازم /اتوتر ضي انتي ازاي جيتي هنا ؟
ضي/ سابته ودخلت لقيت واحدة قاعدة وشايلة ابنها باين عنده كام شهر ، مين دي يا حازم ؟
حازم /بصي هفهمك هو الموضوع مش زي ما انتي فاكرة وقاطعته مراته وقالت هو في ايه يا حازم ما تقؤلها الحقيقة يعني هنفضل مخبين لحد امتي ايوة انا مراته هبة وده ابنه عبد الرحمن واحنا متجوزين علي سنة الله ورسوله 
ضي /حسيت ان لساني اتشل اللي هو ازاي وانا فين طيب اتجوز امتي بصيتله وقولتله الكلام ده حقيقي يا حازم 
حازم /ايوة انا كنت هقؤلك والله بس مستني الوقت المناسب ارجوكي تعالي ننزل نقعد في مكان وافهمك كل حاجة لو سمحتي 
ضي /اعتقد مش وقته انهار وابين ضعفي قدامه وكسرتي مسكت نفسي ،تمام يلا 
حازم / ثواني بس اغير هدومي واحصلك  
نزلو راحو اقرب كافيه وطلب اتنين عصير لمون 
ضي /انا مش جاية اشرب انا عايزة اعرف كل حاجة 
حازم /اتنهد هبة وانا كنا بنحب بعض من ايام الجامعة بس للاسف ابويا في يوم جه فاجئني بأنه عايزني اتقدم ليكي واخطبك عشان طبعا بنت صاحبه الروح بالروح وانه شايفك انسانة كويسة وهتسعديني بس انا والله اتكلمت معاه وقولتله اني مرتبط بزميلتي في الجامعة وزعل وتعب جدا وكان لازم اعمله اللي هو عايزه اتقدمت ليكي وخطبتك وفعلا انا بيني وبين نفسي كنت ناوي اقؤلك بس لقيتك اعترفتيلي انك بتحبيني من زمان  ومرضيتش اكسر قلبك واقؤلك ان قلبي ملك واحدة تانية وقولت هحاول علي قد ما اقدر اني مجرحكيش بس انا برضه بحبها وهيا كان في حد متقدملها ومكنش ينفع اتخلي عنها واسيبها تضيع مني  واتجوزتها بعد جوزانا بشهر وكنت بعاملك بما يرضي الله ضي انا بجد كنت هقؤلك بس وسكت .
ضي / انا مش مصدقة انت ازاي كدة يعني عشان سعادتك وعشان ترضي ابوك وعشان ترضي حبيبتك تعمل فيا كدة في انسانة كل ذنبها انها حبيتك ! انت اكيد مش بني ادم انا كان ذنبي ايه ياريت كنت كسرت قلبي وقولتلي واحنا مخطوبين حتي كنت انا اللي فسخت الخطوبة وقولت مش عايزاك بس ليه تبقي اناني كدة انا بكرهك ومش مسامحاك علي اللي عملته فيا منك لله وحقي عند ربنا .
ضي /اه قبل ما امشي طلقني 
حازم /انا اسف يا ضي بجد اسف ممكن تدي علاقتنا فرصة ؟
ضي /ضحكت سخرية انت عبيط ؟ علاقة ايه اللي نديها فرصة انا المفروض اشكر اللي بعتلي الرسالة انه عرفني حقيقة انسان اناني وزبالة زيك انا بكرهك 
حازم / ايه ؟ وريني فونك ومين اللي بعتلك الرسالة 
ضي /شئ ميخصنيش المهم انه خدمني لما عرفني حقيقتك ياريت تطلقني ومش عايزة اشوف وشك تاني وبحمد ربنا اني مخلفتش من انسان زيك 
عودة من الفلاش باااك 
ضي / دموعها علي خدها انا مستاهلش كل ده كل اللي اتمنيته انه يحبني زي ما حبيته ونعيش سوا في سعادة 
خبطت عليا ودخلت ضي حبيبتي عاملة ايه ؟
ضي /الحمد لله يا قلبي انتي عاملة ايه ويه اخبار الشغل
عليا /تمام الحمد لله بس انا مخنوقة نفسي ترجعي ضي بتاعة زمان ونخرج سوا ونتفسح بجد عايزاكي تنسي كل حاجة فكري بس في نفسك وفي حياتك الجديدة 
ضي /حاضر يا حبيبتي فعلا لازم انسي وابدأ حياتي من جديد 
تعالو نتعرف علي عليا، تبقي بنوتة قمر بيضة وشعرها كيرلي وعيونها بني وهيا جميلة جدا 
دخلت امهم 
الام/ ضي في واحدة برة بتقؤل صحبتك عايزاكي 
ضي/ صحبتي ! طيب يا ماما انا جاية وخرجت اول ما شافتها اتصدمت ، انتي ايه اللي جابك هنا ؟
.......  يتبع 
يا ترا مين اللي جت ؟
وايه اللي جاي بعد كدة 
وهل ضي هتقف علي رجلها تاني وربنا هيعوضها عن اللي شافته

يتبع الفصل الثالث  اضغط هنا
  • الفهرس يحتوي على جميع فصول الرواية كاملة :"رواية ضي العامر" اضغط على اسم الرواية
رواية ضي العامر الفصل الثاني 2 بقلم اسراء ابراهيم
rana elhady

تعليقات

ليست هناك تعليقات
إرسال تعليق
    google-playkhamsatmostaqltradent