رواية عندما يعشق العلماء الفصل الثالث والعشرون بقلم دينا عويس
رواية عندما يعشق العلماء الفصل الثالث والعشرون
جاسر ومروان بأنتباه :_أتفضل قول
الاب محمود :_ دلوقتي انا عاوزكوا تكونوا أيد واحده عشان ننجز شغلنا مع بعض في مناقصة هتبدأ والشركة اللي بتنافسنا مش عاوزها تفوز عشان كده هي للي هتملك السوق
مروان :_شركة ايه دي يا بابا
الاب محمود :_ شركة الزين
جاسر :_ اه زين المحمدي بس دا صعب في المعاملة
الاب محمود :_لو عرفنا نجمع معلومات كتير يبقى الفوز من نصيبنا ان شاءالله
مروان وجاسر :_ ان شاءلله
مروان :_طيب انا هشتغل فين
الاب محمود :_معقول دي أنساها أحلى مكتب ليك طبعا
ويتصل على منى
الاب محمود :_بعد اذنك تاخدي مروان على مكتبه اللي انا مجهزه
منى :_حاضر جايه حالا
قبل دخول منى الى المكتب
مروان :_الصراحة انا مش حابب منى دي
ازاي تشتغل عندنا اصلا بطريقتها دي
الاب محمود :_هعمل ايه بنت شاطرة بصراحه بتخلص شغلها بسرعه بتجبلي معلومات كتيره وبعدين دا كده حلو أمال لو شفت سهيله
جاسر بضحك :_بتفكرني ليه يا عمي ااه دا سهيله دي حكاية هههه
مروان بفضول :_عاوز اعرف
الاب محمود :_بعدين
أدخل
منى بدلع وهي تنظر الى مروان :_أتفضل يا استاذ مروان عشان تشوف المكتب
مروان :_تمام
جاسر بضحك وبغمز :_الليلة ليلتك يا عريس
مروان وهو يسير خلفها :_والله حاضر يا جزمة استغفرالله العظيم بس اشوفك على أنفراد بس
منى بدلع :_ما يالا بقى
مروان بتفأف :_يالا
أتفضلي وانا وراكي
منى بدلع :_لا كده كويس
مروان :_أسمعي يأ أنسة أو مدام
منى :_أنسة يا عيوني
مروان :_ما هو واضح بقولك ايه أبعدي عني خالص انا مش في الطريق دا حرام ثم حرام وبعدين حرام عليكي تعرضي جسمك للكل
منى بغباء وبدلع :_شكلنا بنغير بقى
مروان بصدمة :_أغير وعليكي انتي
منى :_أتفضل ياباشا أحلى مكتب
كادت أن تغلق الباب ولكن
_______________________
على شط اسكندرية (الكورنيش)يقف الاربع فتيات في مكان يسحر الجميع أصوات الامواج العالية وبها شئ من الدفي يبعث الي قلوبهم الاطمئنان
مي بتوهان :_يااه المكان هنا ممتع اووي بحب المية وبحب هدوئها والله كنتوا واحشني اووي
نسمة :_فعلا المية بتغير المزاج والمكان هنا جميل واخيرا التقينا بعد مدة طويلة
دينا بضحك :_ اه والله كنتوا واحشنى وخصوصا المكان دا عشان عمو بتاع البليلة هو فين صح ههه
سما بغيظ :_خليكي انتي بس في كيس اللب دا وسيبي الرومانسية لناسها عيلة غم
مي ونسمة :_بنت تجيب الشلل
دينا بضحك وباللهجة الصعيدية :_والله اتوحشتوني جوووي يا ولااد ههه
سما بزعيق :_واااااو وااااو هايل كملي كملي
دينا بخضة :_مالك يابت فيكي ايه
سما :_كان حلم حياتي اسمع اللهجة دي تحفة اتعلمتيها فين
دينا بفخر :_ جامدين ومفيش الا احنا والله هي لهجة محتاجة شويه تركيز وتدريس وملاحظة وتعرفي تتعلميها يا حبيبتي
مي :_ديناااا
دينا :_خلاص يا حجة خلاص انا يا بنتي بعرف اتكلم كده عشان صحابي بيتكلموا كده فأتعودت على اللهجة
سما :_اه عشان كده يبقى أجي معاكي شويه
دينا :_تشرفي يا قلبي
وبالمرة تاخدي شويه مقالب مني مع سمر وصفاء
نسمة بصدمة :_انتي بتعملي مقالبك دي في البنات حقيقي
دينا بفخر :_اكيد طبعا هو في زيي والله قطعتلهم الخلف ههه
مي :_لسه مقعدتش معاكي بس حاضر ليكي قعدة تظبطك
دينا تختبأ خلف سما :_خلاص يباشااا
مي :_المهم احكولي عملتوا ايه في مدة الدراسة
نسمة :_انا حاسه ان صيدلة دي رخمة صعبة عليا
سما :_وانا مواد تربية دي دوختني
دينا بضحك :_انا في غنى عن التعريف ههه طبعا فاشلة ههه
مي بغيظ :_هبل اوووي قولنا ايه عاوزين نحقق أحلام كتير في حياتنا عاوزين يبقى لينا كيان ايه الاستهبال دا
نسمة :_والله بحاول يا مي بس في مواد رخمة اووي
سما :_وانا ان شاءالله هشد حيلي كمان وكمان متقلقيش
دينا كادت أن تنطق
مي.:_دينا انتي بالذات ليكي محاضره لوحدك بس الصبر
سما بهمس لدينا :_شكلك هتودعي قريب يا حبيبتي اللي اللقاء
دينا بخوف :_ربنا يسترها
مي :_بصوا هقول كلام مهم اووي
يتبع الفصل الرابع والعشرون اضغط هنا
- الفهرس يحتوي على جميع فصول الرواية كاملة :"رواية عندما يعشق العلماء" اضغط على اسم الرواية