رواية روح الأدهم الجزء الأول 1 الفصل الثالث عشر بقلم هاجر العفيفي
رواية روح الأدهم الجزء الأول 1 الفصل الثالث عشر
فى شركه الحديدى
أدهم انتهى من عمله وكان لسه بيلملم أشياؤه علشان يمشى بس قاطعه دخول نهى
نهى : أنسه جنه بره ومعاها واحد وعايزين حضرتك يامستر أدهم
أدهم باستغراب وتساؤل : حد مين ؟
نهى : معرفش أول مره أشوفه
أدهم جلس على مكتبه مره أخرى بتنهيده : خليهم يدخلوا
نهى : أوامرك يافندم
وخرجت ودخلت جنه وأدم
أدهم ببرود : خير
جنه بجمود : أنا جيالك بخصوص روح
أدهم بعصبيه : أنا مش عايز أسمع حاجه عنها تانى ولو هتتكلمى عليها يبقا اتفضلى بره وبعدين مين الأخ ال معاكى ده
جنه : ماهو ده الموضوع ال جايه عشانه أقدملك يامستر أدهم ده أستاذ أدم عاصم أخو روح عاصم
أدهم بصدمه : أخو روح !
جنه بجديه : أيوه أخو روح ال كان مسافر ال روح كانت بتكلمه وبنت الحلال سجلت وجت سمعتك وحضرتك صدقت
أدهم بعدم استيعاب : عايزه أفهم ازاى أخوها روح عمرها ماجابت اسمه ولا قالت ان عندها أخ مسافر
جنه : مجتش فرصه انها تقولك بس انت كان بإيدك تفهم كل حاجه
أدهم بسخريه وبرود : وانتى عايزانى أصدق ال بتقوليه ده وشوية التمثيل دول
أدم بعصبيه : وهى هتكدب عليك ليه وبعدين احمد ربنا ان سايبك سليم لحد دلوقتى بعد ال عملتوا مع أختى أنا ال مانعنى عنك هى روح وربنا
أدهم ببرود أكتر : وطى صوتك انت فى مكان شغل
أدم لسه هيتكلم قاطعته جنه من كلامه
جنه : خلاص يا أدم احنا جاين نقول كلمتين ونمشى مش عايزين مشاكل
أدم بنفاذ صبر : حاضر
أدهم : اخلصى قولى ال عندك
جنه : ال عندى يامستر أدهم ان معايا فون أدم ال كلم منه روح وفى التوقيت ولو راجعت التسجيل هتلاحظ ان نفس الوقت ال كلمت أدم فيه هو نفس تسجيل الصوت
أدهم بصدمه من كلامها : انتى أكيد بتقولى أى كلام
جنه بسخريه : وأنا هضحك عليك ليه اتفضل شوف بنفسك وأعطته التسجيل وفون أدم
أدهم بصلها بدهشه وتساؤل : مين ال اداكى التسجيل ده ؟
جنه : مش مهم ده دلوقتى المهم اتاكد بنفسك
أدهم أخدهم منها وبالفعل شاف التسجيل وشاف مكالمة روح لأدم واتأكد ان ده نفس الميعاد بالظبط وكان مصدوم
جنه بصتله بانتصار : عرفت بقا ان عمرك ماحبيت روح عشان لو كنت بتحبها بجد كنت واثقت فيها على الأقل أووى كنت سمعتها بدل ماتكسرها
أدهم كان بيبصلها بندم وحزن ودموع محبوسه واتكلم بصعوبه : هى روح فين ؟
أدم بحده : لاااا انت ملكش الحق تسال عليها تانى
جنه : روح ربنا بعدها عنك وعن شرك روح اتكسرت وصعب ترجع زى زمان وده كله بسبب مين بسبب أكتر انسان هى حبته
أدهم كان واقف ومش قادر يتكلم مش قادر يواجههم
أدم بغيظ : يلا ياجنه
جنه نظرت لأدهم نظره أخيره واتحدثت : أنصحك يا أدهم متحاولش تكلم روح تانى لأنها مش هترضى انها تشوفك وسابته وخرجت مع أدم
أدهم جلس على الكرسى وهو هيتجن ايه ال حصل ده يعنى هو كده خلاص خسر روح للأبد مش هيعرف يوصل لقلبها تانى وده كله بسبب غباؤه والشيطانه ال اسمها مايا
أدهم بوعيد : ماشى يامايا ماشى وبندم ياريت تسامحينى ياروح أنا بحبك بحبك أنا عارف ان جرحتك بس غصب عنى والله يااااارب
رقام لملم أشياؤه وخرج من المكتب ومن الشركه بأكملها وركب عربيته وشغلها ومشى
💗💗💗💗💗💗💗💗💗💗💗💗💗💗
فى فيلا عاصم
روح كانت فى غرفتها شارده فى حالها ودموعها نازله قاطعها دخول خالتها رحاب
رحاب بحزن : ينفع أدخل ياروح
روح مردتش عليها رحاب بصتلها بحزن ودخلت جلست بجانبها على طرف السرير واتحدثت بتوتر
رحاب بتوتر : ر روح أنا عارفه ان
قاطعتها روح بجمود : خلاص ياخالتوا محصلش حاجه ممكن تسيبينى لوحدى
رحاب بدموع : ياحبيبتى اسمعينى أنا عارفه ان غلطت فى حقك وكسرتك بس أنا كان غصب عنى من صدمتى والله
روح بدموع : تصدقى ياخالتوا ان أخر واحده كنت فاكره انها هتصدق عليا كده طيب أدهم لسه عرفاه قريب طبيعى لسه معرفش طبعى بس ده برضوا مش معناه ان هو مظلوم لكن انتى ال مربيانى ازاى تصدقى عليا كده ازاى ازاى
رحاب بدموع أكتر : طب ممكن تسامحينى واوعدك ان عمرى ماهزعلك تانى وتخلى أدم يسامحنى أنا ماليش غيركم فى الدنيا دى
روح بصتلها لفتره وعيونها مليئه بالدموع واترمت فى حضنها وهى بتبكى بانهيار
رحاب ضمتها لحضنها جامد : سامحينى ياقلبى أنتى متعرفيش أنا كنت عامله ازاى فى بعدك عنى سامحينى
روح وهى بتبكى : مسمحاكى ياخالتوا مقدرش أزعل منك أبدا انتى بدل أمى الله يرحمها
رحاب : وأنا هعوضك عن أى حزن يانور عينى
روح ابتسمت من وسط دموعها : وحشنى حضنك ياخالتوا
رحاب : وانتى وحشتينى أكتر ياروح خالتوا
قاطعهم من كلامهم دخول جنه وأدم
جنه : ايه ده ايه ده اسيبكم نص ساعه ارجع الاقيها عزا
روح ابتسمت : مفيش حاجه
أدم تجاهل خالتوا وراح جلس جمب روح ورحاب زعلت جدا
أدم بحنان : حبيبى عامل ايه
روح بابتسامه تعب : الحمد لله ياحبيبى أدم ياريت تسامح خالتوا انا عارفه ان كان غصب عنها
أدم بجديه : أنا مش زعلان بس انا مبحبش حد يزعلك أنا ماليش غيرك ياروح من بعد بابا وماما
رحاب : وأنا يا أدم ياحبيبى
أدم بصلها : أنا مصدوم فيكى ياخالتوا ازاى تعملى كده فى روح وأنا مش موجود أنا سايبها وعارف انك جمبها وحمايتها بعد ربنا
رحاب بندم : أنا ندمت والله سامحنى يابنى
أدم راح حضنها بحب واتحدث : خلاص ياحبيبتى حصل خير
رحاب وهى بطبطب عليه بحنان : كويس انك رجعتلنا بالسلامه ياحبيبى
جنه وهى على وشك البكاء : حرام عليكم بقا أنا هعيط
أدم : هههههه شاركينا العياط بقا
جنه : كفااايه بقا حزن عايزين نبل الشربات وننبسط
أدم : ليه هتتجوزى
جنه : لاء ياخفيف ده احتفال بيك تصدق أنا غلطانه مش هنعمل حاجه
روح : هههههه انتوا هترجعوا تتخانقوا زى زمان
جنه بغيظ : مش شايفه أخوكى
أدم باستفزاز : مش شايفه صاحبتك
رحاب بضحك : بااااس خلاص قلبكم أبيض أنا هنزل اعملكم أكله حلوه كده عشان نتعشا سوا
جنه : متعمليش حسابى ياقمر عشان همشى
أدم : بس يابت متاخديش بكلمها ياخالتوا اعملى انتى الأكل بس
رحاب بضحك : حاضر من عنيا وسابتهم وخرجت
جنه بصتله بغيظ : أنا همشى بفا ها
أدم ببرود : ابقى ورينى هتخرجى ازاى
جنه : عااااااا ياروح
روح بضحك على منظرهم : قلبها
جنه : قولى لأخوكى يسمعنا سكاته
أدم : هو أنا بتكلم بلسانك يارخمه
جنه : والله مافى رخم الا انت
روح : لااا أنا بقول ان هسيب البيت وهمشى تانى
أدم وجنه فى وقت واحد : نععععم !
روح : خلاص اسكتوا
أدم وجنه بصوا لبعض بغيظ واتكلموا على مضض : حاضر
روح بابتسامه : برافوا هههههههه
💗💗💗💗💗💗💗💗💗💗💗💗💗💗
فى المساء
كان الجميع ملتف حول مائدة الطعام ويتناولون العشاء فى جو أسرى جميل وطبعا الوقت مخليش من خناق أدم وجنه
أمام الفيلا
وصل أدهم وهو يستشيط غضبا ونفسه يشوف مايا بأى طريقه ولحسن حظه وهو بيركن العربيه كانت مايا بتركن عربيتها هى الأخرى أدهم نزل وقف قدامها بعصبيه
مايا نزلت من عربيتها بدلال : ايه ده أدهم انت هنا بنفسك و
قاطعها صفعه قويه اهتز لها المكان
مايا وضعت ايدها على وشها بصدمه : انت بتضربنى
أدهم بعصبيه أكتر : وأقتلك كمان
مايا بغضب : انت متعرفش أنا مين وممكن أعمل فيك ايه
أدهم وهو يمسكها من شعرها : أنا هوريكى بقا أنا مين وشدها وخبط على باب الفيلا بعصبيه
كلهم أتخضوا وقاموا يشوفوا فى ايه والخدامه فتحت الباب والجميع اتصدم من ال بيحصل
مايا بالم : ااااه انت اتجننت سيبنى
رحاب بخضه : ايه ال بيحصل ده
أدهم وهو مازال ممسك بشعر مايا : خلى الهانم تقولكم
أدم بعصبيه : انت ازاى تمسكها كده قدامى نزل ايدك
أدهم بغضب : الهانم ال عامله نفسها انها طيبه قدامكم هى السبب فى ال حصل بينى وبين روح وهى ال جابتلى التسجيل وكانت بتحاول تقنعنى بأى طريقه ان أسيب روح واتجوزها هى
الجميع واقفين مصدومين من الكلام ماعدا جنه لأنها عارفه من الأول ان ال ورا الكلام ده هى مايا
رحاب بصدمه : الكلام ده صح يامايا انطقققققى
روح بعدم استيعاب : لاء لاء مش ممكن انتى تأذينى للدرجه دى أنا عملتلك ايه أنا كنت بعتبرك أختى وبحاول أقرب منك انتى تعملى كده
مايا حاولت الافلات من أدهم ولكن كان هو الأقوى ومعرفتش تبعد وبصراخ وحقد : اااااايه دلوقتى كلكم عليا أنا الشيطانه وست روح الملاك البرئ فيها ايه أحسن منى فيها ايه يخليكم تهتموا بيها عنى ليييييه دايما هى الكويسه ال مبتغلطش وانا الشريره تقدرى تقوليلى ليه أدهم خطبك انتى ومخطبنيش أنا ليه حبك انتى وأنا لاء ولا انتى شيطانه بتعرفى تسحرى ال قدامك
أدهم لسه هيضربها تانى بالقلم لكن أوقفته ايد روح
روح بجمود : لاء مش هسمحلك تضربها انت فاكر نفسك ايه
أدهم بصدمه : انتى بتدافعى عنها بعد كل ال عملته فيكى
روح بثقه : ومدافعش عنها ليه دى أختى
مايا بسخريه وصراخ : ااااه داخله عليهم بتمثيليه جديده انك هتدافعى عن ال أذيتك عشان يقولوا دى قلبها أبيض ومبتزعلش من حد لكن لاااا ياروح انتى عمرك ماهتكسيبينى أبداااا أنا بكرهك وهفضل أكرهك لأخر يوم فى عمرى
روح بصدمه من كلامها ودموعها نزلت : هو احنا فى معركه عشان أكسبك ولا انتى تكسبينى أنا عمرى ماكنت أحسن منك ولا انتى أحسن منى كل واحد وليه شخصيته انتى بإيدك تخلى الناس تحبك وبايدك برضوا تخلى الناس تكرهك ليه بتكرهينى أنا عمرى ما أذيتك أنا بستحمل منك كلام محدش استحمله قبل كده بس كنت بقول بكره ربنا يهديها بكره تبقا أحسن لكن الواضح ان كل يوم الحقد بيزيد فى قلبك أكتر من ناحيتى ليه يامايا ليه
مايا بغل : عشان كلكم أنانين مبتحبوش غير نفسكم أولهم انتى وأخوكى أخوكى ال حبيته وكان أكتر انسان بحبه سافر وأنا معرفتش أعترفله قولت هيجرحنى ده كله ليه عشان يشوف حياته وشغله بره وسابنى أنا هنا مش عارفه اعمل ايه حاولت أوضحله لكن كان مش واخد باله أصلا كل حياته انتى وبس حتى لما سافر عشانك انتى برضوا
أدم اتصدم من الكلام ال سمعه من مايا
أكملت كلامها : انتى ايه ياشيخه كل ال بحبهم بعدوا عنى وهما جمبك أدم أخوكى معاكى وأدهم حبك انتى أمى بتهتم بيكى عنى يبقا لازم انتقم منك ولا لاء
روح لسه هترد قاطع الكلام صفعه شديده من رحاب
رحاب : أخررررسى انتى جايبه الحقد والغل ده كله منين أنا فعلا معرفتش أربيكى روح دى أحسن منك مليون مره أنا عمرى ماكنت أتوقع أنك كده وكمان بتوقعى مابين الناس فعلا أنا ال دلعتك أووى اطلعى أوضتك ومش عايزه أشوف وشك ده لحد ماشوف صرفه معاكى اطلععععى
مايا بصتلهم بدموع وحقد وطلعت وسابتهم
روح كانت بتعيط فى حضن أخوها وأدهم كان بيبصلها بندم وحب
رحاب بهدوء وجهت كلامها لأدهم : أحنا أسفين يابنى أنا هعرف ازاى أتعامل معاها
أدهم : حصل خير وبعدين وجهه كلامه لروح بحنان ممكن ياروح أتكلم معاكى شويه
روح بسخريه من بين دموعها : مفيش كلام مابينا تانى وسابتهم وطلعت وجنه طلعت وراها
أدهم بصلهم بحزن واحراج وقال : عن أذنكم وسابهم وخرج
رحاب : أنا هطلع اصلى العشاء يابنى هتعوز حاجه
أدم : لاء ياخالتوا شكرا
رحاب طلعت وأدم خرج الجنينه وهو مصدوم من كلام مايا يعنى هى كانت بتحبه طب ازاى وهو عمره ماحس بحاجه من ناحيتها ولا هى عمرها ماعرفته حاجه زى دى يعنى هو هيشيل ذنبها ذنب ال بتعملوا فى غيرها ده بسببه هو طب ازاى وكان تفكيره هيشت وهيتجن من كتر مابيفكر طلع أوضة روح يطمن عليها لاقاها نايمه وجنه جمبها سابهم وراح أوضته نام على السرير بتعب وبص للسقف بشرود وفضل على الحاله دى لحد ماراح فى ثبات عميق
فى غرفة رحاب
كانت بتصلى وبتعيط وخلصت وفضلت تشكى لربها
رحاب بدموع : يعنى البنت ال حيلتى تبقى بالشكل ده تأذى ال حواليها أنا عملت كل حاجه عشان أحاول أحتويها لكن للأسف ضاعت منى أعمل ايه يارب دلنى على الطريق الصحيح
💗💗💗💗💗💗💗💗💗💗💗💗💗💗
عند أدهم بعد ماخرج من الفيلا عندهم ركب عربيته وفضل ماشى فى الشوارع وهو شارد وحاسس بالندم والتعب قلبه وجعه من ساعة ماعرف الحقيقه قاطعه من تفكيره صوت رنين هاتفه بيشوف لاقاه خالد رد عليه بصعوبه
أدهم : ألو ياخالد
خالد بلهفه : انت فين يابنى من الصبح بدور عليك وكمان برن عليك فونك مقفول
أدهم بدموع أول مره تنزل : أنا خسرت روح للأبد ياخالد
خالد : انت عرفت الحقيقه
أدهم بتوهان : أه عرفت وحاسس ان هتجن عقلى مش فيا أنا ضيعتها منى بغبائى روح عمرها ماهتسامحنى كان لازم اسمعها كان لازم اعرف الحقيقه منها هى لكن الغضب خلانى أعمى ده غير الشيطانه ال اسمها مايا دى
خالد بقلق : أدهم انت فين عشان أجيلك
أدهم بسخريه : تايه فى الدنيا معلش ياخالد عايز أكون لوحدى هكون أحسن
خالد بقلق : متأكد يابنى
أدهم : اه سلام
خالد بقلة حيله : سلام ربنا يريح بالك ياصحبى
أدهم قفل معاه وفضل ماشى زى ماهو تايه بيفكر ازاى يرجع روحه من تانى وفجأه حس بصداع ركن العربيه على جمب ورجع راسه لورا وغمض عيونه بتعب
💗💗💗💗💗💗💗💗💗💗💗💗💗💗
فى فيلا الحديدى
فاطمه : ندى انتى كلمتى أدهم النهارده
ندى : أيوه كان مكلمنى من الصبح وقالى ان مشغول صحيح ياماما أنا عرفت ان روح رجعت عايزين نروح نطمن عليها
فاطمه : وماله يابنتى ماشى بكره ان شاء الله
ندى بتوتر : ان شاء الله وفضلت تحرك فى ايدها بتوتر وفاطمه لاحظت انها عايزه تتكلم
فاطمه باستغراب : عايزه تقولى حاجه ياندى
ندى بتوتر أكتر : الصراحه أه ياماما أنا عارفه ان مش وقته بسبب ال حصل لأدهم بس أنا عايزه اديكى فكره
فاطمه بقلق : خير يابنتى قلقتينى
ندى مسرعه : لاء ياحبيبتى هو مفيش قلق ولا حاجه بس بس
فاطمه باستغراب : بس ايه ياندى
ندى حاولت استجماع قوتها : الصراحه كده ياماما فى دكتور عايز يتقدملى بس أنا بأجل الموضوع ده بقالى فتره عشان الظروف ال بنمر بيها
فاطمه بفرحه : بجد ياحبيبتى هو بيديكى فى الكليه واسمه ايه ؟
ندى بابتسامه : أيوه ياماما بيدينى والصراحه هو طيب جدا وانسان محترم
فاطمه : ماشى ياقلبى أهم حاجه سعادتك بس اصبرى لحد ما أدهم يكون كويس وفاتحيه فى الموضوع أنا موافقه
ندى قبلت والدتها من جبينها : تسلميلى ياست الكل
فاطمه بتنهيده وابتسامه: أنا ميهمنيش غير سعادتكم ياحبيبتى ربنا يحفظكم ويريح بال أخوكى ويطمنى
ندى برجاء : ياااااااارب
و
يتبع الفصل الرابع عشر اضغط هنا
- الفهرس يحتوي على جميع فصول الرواية كاملة :"رواية روح الأدهم" اضغط على اسم الرواية