رواية روح الأدهم الجزء الأول 1 الفصل الرابع عشر بقلم هاجر العفيفي

الصفحة الرئيسية

    رواية روح الأدهم  الجزء الأول 1 الفصل  الرابع عشر بقلم هاجر العفيفي


رواية روح الأدهم الجزء الأول 1 الفصل الرابع عشر

بعد مرور عدة أيام
روح كانت دايما فى غرفتها ومبتخرحش خالص وجنه دايما معاها ومش بتسيبها هى وأدم أخوها
ومايا طبعا منعزله عنهم نهائى ومبتكلمش حد خالص حتى مبقتش تخرج من غرفتها خالص
وأدهم طبعا بيحاول يفكر ازاى يرجع روح تانى تحبه وامه وأخته عرفه وكانوا فى حالة من الحزن عشان أدهم وحالته ال كانت بتدهور وصحته برضوا بقت فى النازل
خالد بيحاول يخفف على أدهم وكان دايما بيتغاظ لما بيشوف جنه بتهزر مع أدم أو بتكلمه
وندى كانت صابره لحد ماأدهم يشوف حل لمشكلته وتقوله على موضوع سليم
💗💗💗💗💗💗💗💗💗💗💗💗💗💗
فى فيلا الحديدى
أدهم كان نازل من غرفته كالعاده بحزن
أدهم بتعب : صباح الخير
فاطمه بحزن على حال ابنها : صباح النور يابنى مش هتفطر برضوا
أدهم بنفى : لاء لاء مش هقدر هفطر فى الشركه
فاطمه : ماشى ياحبيبى ربنا معاك
ندى وهى نازله من على الدرج : استنا يا أدهم خدنى فى طريقك عشان عربيتى بايظه
أدهم : طب يلا وانا هبعتلك حد يصلحها
ندى : ماشى يلا
وخرجوا الاتنين وركبوا العربيه وهو شغلها ومشى بيها
ندى بحزن : لسه زعلان عشان روح
أدهم بسخريه : هو انا عمرى هسامح نفسى عشان ال عملتوا فيها وكسرة فرحتها
ندى : طب هو انا ممكن اساعدك
أدهم بعدم فهم : ازاى
ندى : يعني أحاول أكلمها أنا
أدهم بتنهيده : تفتكرى ممكن تقتنع
ندى : هحاول مش هنخسر حاجه
أدهم : اممم ماشى
وبعد وقت وصلوا عند الكليه نزلها وطلع على الشركه ووصل مكتبه ودخل جلس بتعب
خالد دخل عليه : أدهم جيت امتى
أدهم بتنهيده : دلوقتى
خالد جلس هو الأخر : مالك ياصحبى حالك مش عجبنى
أدهم : وحشتنى أووى يا خالد وحشنى صوتها ضحكتها كلامها كسوفها
خالد : طب كلمتها ؟
أدهم : مليش عين اكلمها خالص حاسس بالذنب من ناحبتها
خالد : لاء تبقا غلطان ياصحبى حاول معاها لازم يكون عندك اراده دايما وعزيمه انها نرجعلك
أدهم بتنهيده حاره : حاضر يا خالد هحاول
خالد بابتسامه : وهتقدر ان شاء الله هقوم أخلص شوية شغل كده وارجعلك تانى
أدهم : ماشى
خالد خرج وأدهم رجع لشروده مره أخرى
💗💗💗💗💗💗💗💗💗💗💗💗💗💗
فى فيلا عاصم
روح خرجت من غرفتها بتردد وراحت عند غرفة مايا وخبطت بهدوء لكن ملقتش رد فضلت تخبط شويه وكذلك مفيش رد قلقت دخلت لقت مايا جالسه على الفراش حالتها كانت سيئه جدا وشها باهت شعرها بقا أشعث مبقتش تهتم بنفسها وكانت شارده فى الفراغ روح بصتلها بضدمه وحزن على حالتها وراحت جلست جمبها بهدوء
روح بصوت يبدو مسموع : مايا
مايا بصتلها بطرف عينها ومردتش عليها
روح مسكت ايدها واتحدثت بحنان : ممكن أعرف ايه الحاله ال وصلتلها دى
مايا وأخيرا تحدثت بسخريه : وانتى يهمك أووى يعنى مش عملتى ال عايزاه
روح : ايه ال انا عايزاه أنا مش عايزه حاجه يامايا أنا كل ال محتجاه ان اتكلم معاكى شويه ممكن
مايا رجعت تبص للفراغ تانى ومردتش عليها
روح بتنهيده : مايا انتى عارفه ان انا اتحرمت من حنان بابا وماما من وانا عندى خمس سنين وخالتوا لما أخدتنى كانت بتحاول تعوضنى جزء عن غيباهم ولما كبرت بقت بتعاملنى برضوا زى بنتها مش معنى كده انها بتفضلنى عنك لاء والله المعنى الصح ان مش عايزه تحسسنى بالوحده لكن فى الأول وفى الأخر انتى بنتها وليكى حب ليكى انتى لوحدك مايا أنا مش أحسن منك فى حاجه أنا شخصيتى مختلفه عنك مش أكتر كل واحد فينا ليه طريقه غير التانى انتى ليه بتسميها مكسب وخساره ويا كأننا فى حرب أنا طول عمرى بحاول أقرب منك لأنى فعلا بحبك والله لكن انتى ال بتبعدى عنى وبتحاولى تتجنبينى ليه منكونش دايما مع بعض نفرح لفرح بعض ونزعل لزعل بعض ليه منبدأش صح
مايا بصتلها ودموعها نزلت بانهيار : عشان أنا فعلا حقوده ياروح أنا فيا صفه سيئه وكلكم عندكم حق أنا شخصيتى وحشه بكره ال حواليا فيا بس والله غصب عنى معرفش أنا بعمل ده كله ازاى أنا تعبت تعبت أووى والله وحاسه ان وجودى أذى للجميع
روح صعبت عليها مايا شدتها فى حضنها ودموعها نزلت هى الأخرى : انتى مش وحشه ياحبيبيتى انتى أجمل وأرق انسانه فى الدنيا
مايا رفعت وشها ليها بصدمه ودموع : انتى ال بتقولى كده ياروح بعد كل الأديه ال حصلتلك بسببى
روح بدموع : أنا عمرى ماكرهتك ولا هكرهك يامايا انتى أختى وهتفضلى أختى حتى لو انتى مش عايزه كده أنا هفضل اعتبرك أختى
مايا ضمتها جامد وكانت بتكتم شهقتها بعنف وانهيار : سامحينى ياروح سامحينى
روح بابتسامه من وسط دموعها ومازالت حضناها : وانا عمرى مازعلت منك عشان اسامحك ياقلبى وكفايه نكد بقا وقومى كده خدى شاور وغيرى هدومك واعملى شعرك مفيش حاجه تستاهل حزنك
مايا بصدمه وندم وحزن : انتى ازاى كده انتى فعلا ملاك أنا نفسى أبقا زيك ياروح خدينى معاكى للطريق الصح أنا تعبت من الطريق ده
روح بابتسامه عريضه : وأنا موافقه وهكون معاكى خطوه بخطوه وهنفضل مع بعض
مايا بحزن وتردد : ط طب وأدهم
روح سمعت اسمه ابتسمتها أختفت : خلاص أدهم انتهى من حياتى وبمحاولة الهروب من الكلام يلا بقا بطلى كلام كتير وقومى خدى شاور على ماجبلك حاجه من أوضتى
مايا بابتسامه : حاضر
وقامت دخلت الحمام وروح راحت غرفتها وجابت ليها دريس واسع وطويل وعليه حجاب رقيق جدا وراحت عندها وانتظرتها تخرج من الحمام وبعد وقت  قليل خرجت مايا وكانت ترتدى البورنس الخاص بيها
روح بابتسامه : أيوه كده بقا القمر ظهر من تانى ايه رايك
مايا بدهشه : ايه ده ! ده حجاب ودريس
روح أومأت رأسها وهى على نفس ابتسامتها : أيون ويلا بقا ادخلى البسيه وورينى هيكون عامل ازاى عليكى
مايا بتردد : ب بس أنا عمرى مالبست حجاب
روح بمشاكسه : وهتلبسيه وانا هساعدك يلا بقا بطلى رغى كتير وورينى
مايا بابتسامه : حاضر وأخدت الفستان ودخلت لبسته وخرجت لروح مره أخرى
روح باعجاب : ماشاء الله لاقوة الا بالله قمر تعالى يلا البسى الحجاب وورينى
وبالفعل ارتدت مايا الحجاب وكانت جميله جدا (مايا تشبه روح فى الشكل الى حد ما بس روح بشرتها بيضه ومايا بشرتها خمريه) 
روح : ايه الجمال ده
مايا بفرحه : بجد ياروح حلو
روح : يابنتى ده عدا الحلاوه بكتير
مايا بفرحه عارمه : تصدقى أنا حاسه ان دى خطوه ايجابيه حلوه أووى مش قادره أوصفلك فرحتى
روح مسكت ايدها : ربنا يفرح قلبك دايما ياحبيبتى
مايا حضنتها ودموعها نزلت مره أخرى : خليكى جمبى ياروح أنا محتجاكى
روح بابتسامه : وانا جمبك ومش هسيبك بس بلاش دموع ويلا بقا ننزل نقعد فى الجنينه شويه وجنه زمانها جايه ونقعد كلنا
مايا بتردد : بس بس
روح : مفيش بس يلا وشدتها ونزلوا هما الاتنين بس وهما نازلين قابلوا رحاب ال اتصدمت أول ماشفتهم مع بعض وكمان شافت تغير مايا
رحاب بصدمه : سبحان الله ايه التغير ده
مايا اترمت فى حضن والدتها ببكاء : سامحينى ياماما أنا أسفه والله أسفه ومش هزعل حد منكم تانى بس سامحينى
رحاب ضمتها وهى فى دهشه من تغير حال بنتها بتبص لروح باستفهام
روح : متستغربيش ياخالتوا مايا وعدتنى انها هتتغير وفعلا هى أخدت أول خطوه وهى الحجاب
رحاب بفرحه وضمت مايا : بجد ياحبيبتى الف مبروك ربنا يثبتك عليه ياروح قلبى ومسمحاكى ياحبيبتى أهم حاجه نيتك تكون خالصه لله
مايا بصتلها بندم : البركه فى ربنا وروح غيرت فيا حاجات كتير
رحاب : ربنا يحفظكم ويبعد عنكم كل شر يااااارب
روح ومايا فى نفس الوقت : ياااااارب
رحاب : هروح أحضرلكم حاجه حلوه تاكلوها
روح : ياريت ياخالتوا واحنا هنقعد فى الجنينه
رحاب بابتسامه : ماشى ياحبايبى
رحاب دخلت المطبخ وروح ومايا خرجوا جلسوا فى الحديقه وسط الأزهار والأشجار والجو كان فوق الروعه وفجأه فون روح رن برقم أدهم روح بصتله للحزن ومردتش
مايا باستغراب : مبترديش ليه
روح بهروب : مكالمه مش مهمه ايه رايك فى الجو النهارده
مايا بشك : أدهم ال بيكلمك
روح بتوتر : ها ل لاء ده الشركه الجديده ال كنت مقدمه فيها بيكلمونى بس أنا مش قادره أكلمهم دولقتى
مايا : بجد
روح : اهه بجد
ولسه هيتكلموا دخول جنه ال اتصدمت أول ماشافت مايا
جنه بصدمه ودهشه : مين دى !
روح بضحك : دى مايا
جنه ببلاهه : ها قولى والله
روح : هههههه والله
مايا بضحك : هو أنا أتغيرت أووى كده
جنه : يابنتى انتى مش شايفه نفسك ولا ايه اتغيرتى 180 درجه بس أنا شامه ريحة روح فى الموضوع
مايا بهدوء : فعلا روح هى السبب هى ال شجعتنى
جنه : ربنا يهديكم ويخليكم لبعض
مايا : يارب
روح لسه هترد أدم دخل
أدم : سلام عليكم
الجميع : وعليكم السلام
أدم بصدمه هو الأخر : مين دى
روح : هههههههه فى ايه ياجماعه دى مايا ماتحطى يابنتى كارت باسمك وانتى ماشيه
مايا بضحك : ماهو ده ال هيحصل
أدم وهو سرحان فيها : مايا مين معلش ؟ مايا بتاعتنا
روح : أيوه
أدم : ايه التغيير ده وبعدين ايه ال جمعكم كده عايز أفهم هو انا أتاخرت كتير كده
روح : مش عايزين نفتكر أى حاجه دلوقتى المهم ان كلنا اتجمعنا وبغمزه لجنه يلا ياجنه ندخل نشوف خالتوا عايزه حاجه ولا لاء
جنه وفهمت قصدها : يلا
مايا : هاجى معاكم
روح باعتراض : لااا خليكى احنا جايين علطول وسابوها هى وأدم ومشيوا
أدم قرب منها وهو مازال سرحان فيها : ايه الجمال ده
مايا بخجل : احم أ انا هاروح أشوف روح
أدم مسك ايدها : بتهربى ليه
مايا : سيب ايدى يا أدم حد يشوفنا
أدم بخبث : طب مايشوفوا مش بنت خالتى
مايا : عن أذنك وسابته ودخلت جرى على الداخل
أدم بصلها بصدمه وضحك : اتغيرت واحلوت كده ليه البت دى وخبط كف فوق الأخر ودخل وراهم
💗💗💗💗💗💗💗💗💗💗💗💗💗💗
بعد مرور يومين
فى المساء
جنه : ياروح استنى هروح معاكى
روح : يابنتى والله أنا كويسه بس عايزه أكون لوحدى شويه
جنه بتزمر : وأنا خايفه عليكى
روح : هو أنا راحه انتحر أنا محتاجه فى مكان هادى اليومين دول يلا سلام
جنه بقلة حيله : سلام يا ام دماغ ناشفه
💗💗💗💗💗💗💗💗💗💗💗💗💗💗
أدهم بغيظ : بقالى أسبوع بكلمها ومش بتعبرنى حتى بالغلط وكمان بقا الهانم عملتلى بلوك فيس وواتس وانستجرام معنى كده انها بتمحينى من حياتها
خالد : اهدا يا أدهم مش كده وفكر بهدوء
أدهم : هى خلت فيا عقل أنا مبقتش عارف أشتغل ولا أكل ولا أشرب من بعدها أنا هتجنن
خالد : طب ماتروح المكان ال هى متعوده عليه وبتروحه دايما يمكن تقابلها هناك وتكلمها بهدوء وتتفاهموا
أدهم بتذكر : مكان هى بتروحوا ايه هو ياربى
فلاش باك
روح : تصدق يا أدهم أنا بحب البحر جدا كل بما بكون متضايقه بروح فيه وبشكيله
بااك
أدهم : عرفت بتروح البحر أنا هروحلها دلوقتى يمكن الاقيها هناك سلام
خالد : سلام ياصحبى ربنا يريحك
💗💗💗💗💗💗💗💗💗💗💗💗💗💗
فى أحدى الاماكن الهاديه على البحر كانت روح جالسه على الرمال شارده الذهن بتنظر للبحر وجواها حزن وكأنها بتشكيله همها
فى الجهه الأخرى أدهم نزل من عربيته وشافها وراح عندها بهدوء بس أوقفه صوت الأغنيه ال هى كانت مشغلاها بصوت هادئ وكانت أغنية (راجع) 
انتهت الأغنيه وأدهم كان واقف بيسمعها بندم وحاسس ان كل كلمه بتتوجهلوا فعلا هو راجع بعد ايه بعد ماظلمها وكسر فرتحها وجرحها قاطعه من تفكيره صوتها وهى بتكلم نفسها
روح بدموع : ليه كده يا أدهم ليه ياحبيبى كسرتنى
أدهم : عشان غبى
روح بصت خلفها بصدمه ومسحت دموعها سريعا وبعصبيه : انت هنا من أمتى
أدهم راح جلس بجوارها بحزن : مش مهم المهم ان نفسى تسامحينى
روح بصت للبحر مره أخرى بسخريه : ده مش هيحصل أبدا
أدهم برجاء : روح أنا أسف اعملى فيا أى حاجه اشتمينى زعقى فيا اصرخى لكن متسكتيش كده
روح : مبقاش ينفع يامستر أدهم
أدهم بندم : طب ممكت أعرف عملتلى بلوك من السوشيال ليه وكمان مبترديش عليا
روح بسخريه : وأنا أخليك عندى ليه أو أرد عليك بمناسبة ايه معلش
أدهم : ان خطيبك
روح بضحك حتى أدمعت عيناها : ههههههههههه انت بتهزر صح أدهم أنا كل حاجه بينى وبينك انتهت خلاص ومتوهمش نفسك كتير عشان متتعبش أنا عمرى ماهسامحك متفضلش عايش على أمل فارغ يا أدهم
أدهم بعدم فهم : قصدك ايه
روح قامت وقفت ببرود : قصدى ان فى عريس جايلى وأنا موافقه عن أذنك
ولسه هتمشى أدهم مسكها من ايدها بعصبيه
أدهم بعصبيه : انتى أتجننتى صح روح انتى مش هتبقى لغيرى فاااهمه
روح نفضت ايده من عليها بعصبيه : انت انانى يا أدهم ومبتحبش غير نفسك أنا مش ليك وهعمل ال أنا عايزاه وانت ملكش حكم عليا ماشى يا أدهم وسابته ومشيت بعصبيه
أدهم بص لمكانها بغضب : بتتحدينى ياروووح ماااشى أنا هوريكى مين أدهم الحديدى ومش هتكونى لغيرى
وراح ركب عربيته بعصبيه وشغلها ومشىبسرعه جنونيه
و

يتبع الفصل الخامس عشر  اضغط هنا
google-playkhamsatmostaqltradent