رواية عندما تلتقي العيون الفصل الخامس بقلم نجوى ابراهيم
رواية عندما تلتقي العيون الفصل الخامس
عهد نزلت من عربيه ادم وركبت تاكس بس للاسف التاكس دا مش واحد هيوصلها البيت لا دول عصابه مافيا وخطفوها عشان رفضت معاهم صفقه وخسرتهم كتير
الحوار بالعربي لانهم اتعاملوا مع عهد قبل كدا هما عارفين انها بتتكلم كل اللغات بس هما بيكلموها عربي
عهد.... انت بترش اي في التاكس
السائق... اصمتي واغلقي فمك هذا
ثواني وراحت عهد في دنيا تانيه
ادم قلبه وجعه فجاه وحس في حاجه غلط حصلت بس طنش كل الافكار دي ورجع الفندق عند مراد
مراد... ادم اتاخرت لي كدا وعهد عملت معاها اي
ادم.. مراد انا تعبان ومش عاوز اتكلم انا هدخل انام
مراد... ماشي ي ادم ادخل نام بس قولي عهد فين عشان لارا بنت خالتها مش بطلت رن لان عهد لسه موصلتش لحد دلوقت وتليفونها خارج نطاق
ادم... ازاي انا سايبهاا بتركب التاكسي من حوالي ساعتين هيكون راحت فين رن علي لارا تاني
مراد.... بيرن علي لارا
لارا... الو مراد عرفت ادم ودي عهد فين
مراد... ادم معايا بس معهوش عهد
ادم... الو لارا انا سبت عهد من ساعتين وهي ركبت تاكسي قدامي وقالت راجعه البيت
لارا بخوف.... ازاي لسه مرجعتش وفونها خارج نطاق الخدمه
ادم بدا الخوف يسيطر عليه ووفضلوا طول الليل قلقانين ومش عارفين يوصلوا لاي حاجه تخص عهد
الصبح حوالي الساعه 11 بتوقيت باريس عهد صحيت هي لما شكت في بتاع التاكسي خبت الفون في فستانها هما مش رابطين ايديها هما مكبلين رجليها بسلاسل
عهد طلعت الفون وبعتت اللوكيشن للارا وحطته مكانه تاني في هدوء عشان محدش ياخده منها
لارا.. كانت صاحيه طبعا ومعاها مراد وادم
لارا بفرحه... عهد بعتت لوكيشن وبتقول الحقيني قبل ما يخلصوا عليا
ادم... نعم هما مين دول عهد اتخطفت لارا ابعتيلي اللوكيشن دا بسرعه اول ما بعتته اخد مراد وجري بالعربيه
ادم في الطريق... والله ي ولاد الكلب ما هرحمكوا لو مسيتوا شعره منها
مراد بخوف.... اهدي ي ادم باذن الله مخدش هيقربلها بعدين هي ازاي عندها عدواه مع حد هنا
ادم بعصبيه.... مراد متنساش عهد اكبر سيده اعمال في الشرق الاوسط علي الرغم من سنها يعني طبيعي يكون ليها اعداء كتير المهم يلا انزل وصلنا
وصلوا المكان وكل واحد طلع سلاحه ودخلوا في هدوء تام
مكنش في غير اتنين رجاله اللي بيحرسوا عهد وباقي العصابه مش موجوده
ادم ومراد دخلوا معاهم في عراك وفي الاخر قدروا يقتلوهم عهد اول ما سمعت صوت ضرب النار فضلت تصرخ
ادم جري عليها يشوفها وفكلها قيودها وحضنها جامد وهي حضنته وعيطت كتير
عهد... كنت عارفه انك هتنقذني وبدات تهدي وادم كل دا حاضنها ودماغه عماله تجيب سنريوهات قذره للي كان هيحصلها
ادم كان مدي ضهره للباب ومراد اتصاب في رجله من البوص بتاع العصابه بس ادم قتله لكن قبل ما يقتله كان ادم واخد رصاصه في قلبه ووقع في الارض
عهد صرخت كتير وراحت حضنته وفضلت تقوله متسبنيش انا استنيتك كتير وعيطت كتير ادم مسح دموعها وقالها بحبك وبدا يغمض عيونه عهد فضلت تترجاه وكان الاسعاف وصل واخد مراد وعهد وادم اللي كان شبه فارق الحياه
عهد ...ادم متموتش انا لسه متكلمتش معاك انا لسع عاوزه اقولك كلام كتير ادم والنبي فوق لكن ادم كان في دنيا تانيه دنيا بيحلم فيها بعهد وحيتهم الورديه
وصلوا المستشفي وبدا الاطباء ينعشوه ويخرجوله الرصاصه وادم استجاب ليهم لكنه نزف كتير ومحتاج نقل دم وفصيلته ناددره بس لحسن حظه عهد نفس فصيلته واتبرعتله وبعد ست ساعات في العمليات خرج ادم للعنايه المركزه واتحط علي الاجهزه وهو دخل في غيبوبه
اما مراد كان جرحه سطحي ويقدر يقوم يمشي عليه عادي
عهد طلبت من الدكتور تدخل تشوف ادم وهو وافق لكن دقايق بس انه في العنايه
Docteur, puis-je voir M. Adam ?
Oui, madame, vous pouvez le faire, mais depuis quelques minutes seulement, il est aux soins intensifs
Merci docteur
دا الحوار اللي دار بينهم
عهد دخلو لادم واول ما شافته متوصل بالاجهزه عيطت كتير ومسكت ايده واترجته كتير يرجع وهي هتعترفله بحبها الكبير ليه وانها عمرها ما حبت غيره
عهد.... ادم ارجع واوعي تستسلم انا مستنياك وعترفلك بحبي اللي خبيته كل المده دي لكن انا بحبك وعمري ما حبيت غيرك
ادم طبعا مفيش اي استجابه وخرجت عهد من عنده وعيطت كتير في حضن لارا وقالت انها السبب في اللي ادم وصله واستمر الحال اربع ايام كل يوم عهد تدخل لادم وتقوله نفس الكلام وادم مفيش اي استجابه
امها وابوها كلموها عشان يعرفوا هترجع امتي وهي طلبت تكلم امها علي انفراد
عهد... ماما انا لقيت ادم
نجوي . انتي بتتكلمي جد ي عهد اديني املمه واحشني اوووي انا عارفه المشاكل اللي بينا هي اللي منعاه يكلمني ما تردي ي بنتي
عهد... بعياط شديد ماما ادعيله كتير هو محتاج دعواتك
نجوي... بخوف في اي ي ععد وماله ادم
عهد حكت لامها كل حاجه حصلت
نجوي بعياط... انا كان قلبي واجعني ومش مطمنه من فتره يارب اشفيك يابني انا هقول لابوكي انك فابلتي صحابك ومازن هناك وهتقعدي شويه كمان
عهد... ربنا يخليكي ليا ي نوجا ديما مساعداني
نجوي... خلي بالك من نفسك وطمنيني علي ادم عطول
عهد... مع السلامه قفلت مع امها ودخلت لادم زي كل يوم
عهد... ادم فوق بقا والله ما هزعلك تاني
ادم بضعف. ...متاكده وهتسمعي كلامي
عهد بخضه وفرحه سوا... ادم انت صحيت انا لازم انده الدكتور
ادم شد ايدها وقعدها جمبه تاني لا مش لازم تندهيه خليكي معايا شويه كنتي بتقولي هتسمعي كلامي وهوعملي اي تاني
عهد... مش هعمل حاجه بقول كدا عشان تفوق متحلمش كتير
ادم... انتي اي مدب عمرك ما هتتغيري ي عهد
عهد سابته وخرجت تنده الدكتور وهي جواها فرحه محدش ادها
الدكتور دخل... حمد لله علي سلامتك سيد ادم
ادم... شكرا لك دكتور
مراد... حمد لله علي السلامه ي ادم خوفتني عليك بصراحه لولا عهد كان زمانا ميتين
ادم ...هو اي اللي حصل انا مش فاكر حاجه
مراد... البوص ضربني رصاصه في رجلي وضربك رصاصه في صدرك وعهد هي اللي طلبت الاسعاف وجابتنا لهنا من واتبرعتلك بالدم ومن ساعتها وهي قاعده فوق راسك لحد ما انت فوقت
ادم كان مبسوط وطاير من الفرحه وكدا اتاكد ان عهد بتحبه زي ما هو بيحبها
عهد... دكتوور متي يستطيع سيد ادم الخروج والسفر
الدكتور... يجيب ان يظل ثلاثة أيام تحت المراقبه بعدها يستطيع الخروج لكن السفر ليس الآن
عهد... شكرا لك
عهد... ادم احنا لازم نعرف اهلك انك تعبان
ادم بنفي... لا محدش هيعرف حاجه وكلها ايام واخرج من هنا
عهد... تمام انا همشي عشان لارا لوحده في البيت
ادم... عهد خليكي معايا وخلي مراد يروح يجيب لارا
عهد.. تمام ماشي ومشي مراد وفضلت عهد وادم لوحدهم
ادم... مسك ايذ عهد وبص في عيونها جامد وقالها مش ناويه تتخلي عن غرورك وتعترفي بحبك ليا
عهد.. شدت ايديها بسرعه وقالت ادم مفيش داعي للكلام اللي بتقوله دا لا دا مكانه ولا دا وقته بعدين انا مش جوايا اي حب ليك ولا هيكون بعد اذنك هخرج اشرب حاجه
عهد سابت ادم وخرجت واتنفست الصعداء زي ما يكون الهوا كان ممنوع جوا حست انها غلطت فيه وانها جرحته بس اقنعت نفسها انها صح لانهم لو حبوا بعض هيعيشوا في حروب بسبب اهلهم
ادم.. لي ي عهد كدا بتعملي فيا لي كدا كل دا خايفه من اهلنا بس انا هحارب الدنيا عشان تكوني معايا وليا للابد
............. ............. ............ ................ ...............
عند لارا ومراد
مراد... وصل وخبط علي بيت لارا ولارا فتحت
مراد... لارا عهد بتقولك البسي وتعالي معايا المستشفي عشان ادم طلب منها تقعد معاه شويه
لارا.... اتفضل ي مراد ادخل وانا هدخل البس عطول
مراد دخل ولارا دخلت تلبس هدومها بعد خمس دقايق لارا جهزت وخرجت لمراد ومراد اول ما شافها انصدم من جمالها ولسانه فلت وقالها اي القمر دا انتي حقيقيه لارا اتكسفت وقالت مفيش داعي للمجامله ي مراد انا عاديه
مراد.... لارا انا من اول ما شوفتك وانا حبيتك ومش راضيه تروحي من بالي
لارا... بصراحه وانا معجبه بيك من اول ما شوفتك
مراد مكنش مصدق اللي سمعه من الفرحه حضنها وشالها ولف بيها ولارا مكنتش مصدقه ان مراد بيحبها
نزلها واتقابلت عنيهم في نظره كلها حب ومسك ايديها ونزلوا ركبوا العربيه وراحوا المستشفي لعهد وادم
............ ............ .............. ............... .............
في مكان تاني في مصر وخصوصا في فيلا محمود بيه الشرقاوي
محمود قاعد في مكتبه وبيراجع اوراق مهمه للشركه والتليفون رن
محمود... الو مين ي اهلا ي اهلا عمر بيه الدمنهوري بيكلمني بنفسه
عمر الدمنهوري رجل اعمال مشهور صاحب شركات الدمنهوري للحديد والصلب عنده 33 سنه متخرج من كليه هندسه عين شمس وماسك شركات والده غرت بيه الدمنهوري وسيم قمحاوي عنده دقن وعيونه عسلي فاتح وجسمه رياضي جدا
عمر... محمود بيه مبيسالش علينا قولت نسال احنا
محمود... فيك الخير ي عمر يابني بس معلش عهد سيبالي الشركه حمل تقيل عليا وانا كبرت في السن
عمر بفضول... خير هي عهد استقالت ولا اي
محمود بنفي... لا طبعا بس راحت باريس رحله مع صحابها تريح نفسيتها شويه
عمر... ماشي ي محمود بيه لما عهد ترجع ممكن ازوركم لاني محتاج حضرتك في موضوع مهم جدا
محمود بفرحه لانه فهم تلميح عمر.... طبعا طبعا يابني انت تنورنا في اي وقت
عمر... متشكر ي عمي مع السلامه
.................. ............. ........... .
ياتري عمر عاوز اي من محمود بيه
وياتري عهد هتوافق علي حب ادم وهيركوا من باريس احباب
هل للقدر راي اخر في حب ادم وعهد
هنشوف كل دا في الفصل السادس ي حلوين
يتبع الفصل السادس اضغط هنا
- الفهرس يحتوي على جميع فصول الرواية كاملة :"رواية عندما تلتقي العيون" اضغط على اسم الرواية