رواية لماذا الفصل الرابع 4 بقلم حبيبة وليد
رواية لماذا الفصل الرابع
جسمي اتسمر مكانو لما شفت طرف جلبية حماتي إلي مستخبية ورا السرير معرفتش أعمل أي فخدت ابني و جريت استخبيت ف الحمام عدا ٥ دقايق و سمعت صوت الباب بيتقفل براحة، فتحت باب الحمام براحة و طلعت علي أطراف صوابعي و اتأكدت إنها مشيت نيمت اياد و اتصلت باختي و حكيتلها عن إلي حصل
"آنتي متأكدة يا سارة من الكلام دة
_أيوة يا بنتي ، بقولك شوفتها بعيني
" هي بتعمل كدا لي
_ مش عارفة ولله أنا خايفة لتكون عملت حاجة فاياد
"بس هي لي تعمل حاجه في حفيدها ؟ أكيد كانت عايزاكي آنتي
_ ما هي كانت عارفة إني برا
" مش عارفة ولله اقولك أي ، احكي لجوزك
_مهوش مصدقني بيقول دي أمي و مستحيل تعمل كدا و الكلام الفاضي دا
" ربنا يهديه
_طيب مع السلامة دلوقتي أنا بكرا هجيلك و نتكلم فالموضوع دا
" ماشي سلام
م قدرتش أنام فضلت طول اليل سهرانة مش فاهمة حماتي كانت مستخبية كدا لي و لي أصلا هي بتعمل كل دا ، محستش بنفسي غير و الشمس مالية البيت كلو صحيت اياد و لبستو و جيت اسرحلو شعرو بس لاحظت إن أطراف شعرو متساوية و حادة كأنو لسة مقصوص ، سرحتلو شعرو و نزلت و لقيت سلفي قاعد مع صاحبو بس حماتي ماكنتش موجودة سألته عنها حسيتو اتوتر و قالي إنها طلعت من بدري.
.....................
" الحمد لله إنها عدت علي خير
-كويس إنها ماتت دي كات هتودينا ف داهية
" المهم جبت الحاجة
-عيب عليك
" إنت بتجيب كل الفلوس دي منين ، دا إنت قاعد كدا ليل نهار
- يا عم أخويا بيبعتهالي
" أخوك بيبعتلك كل دا ؟!! ليه هوو مش عندو بيت
- اا... ملكش دعووة ، خليك فحاالك و حاجتك جوة خدها و اتكل علي علي الله
" ماشي (بصوت سعد الصغير)
..............
رحت لأختي قعدنا نتكلم كتير بس ف الاخر برضو موصلناش لهي بتعمل إيه أو بتعمل كدا لي. روحت البيت و بدأت اسمع فيديوهات عن المواضيع دي و اشغل قرآن في البيت بس لقيت اياد بيصرخ رحت لقيتو قاعد يعيط و خايف و مثبت نظرو لمكان معين ف الاوضة قعدت اهدي فيه لحد ما نام عدا أسبوع و اياد بقا كل شوية يقعد يعيط و يصرخ ، نيمتو أخيرا و رحت أعمل لنفسي كباية قهوة وقفت قدام القهوة مستنياها بس حسيت بحاجة غريبة ، سمعت صوت خطوات اقدام ورايا و بعدين حسيت إن في حد واقف ورايا بالظبط لدرجة إني كنت حاسة بنفس سخن علي كتفي ، لفيت بسرعة بس ملقتش حد ، استعذت بالله من الشيطان و رحت قعدت في الصالة كنت بقلب في الفيديوهات لحد ما لفت نظري فيديو عن استخدام الشعر في السحر كان قلبي بيدق جامد و أنا بسمعو خصوصا لما افتكرت شعر إبني ، سمعت صوتو بيعيط ف رحت اطمن عليه و أنا مقررة إني هاخدو لشيخ بس لقيت محمد بيرن عليا رديت عليه
_آلو
~ايوة يا حبيبتي إزيك
_ أنا الحمد لله كويسة و إنت أخ.......بس أول ما دخلت الاوضة شفت منظر خلاني اصرخ
~آلو ، آلو
يتبع الفصل التالي:اضغط هنا
- الفهرس يحتوي على جميع فصول الرواية كاملة: "رواية لماذا" اضغط على أسم الرواية