رواية عشق المصطفى الفصل الثالث بقلم منمن
رواية عشق المصطفى الفصل الثالث
مصطفي ...انا مستعد اتنازل عن حبس اخوكى بس بشرط
چودي ....شرط ايه
مصطفي ....عايز ابن بدل ابنى اللى مات
چودي .....ابن وانا اجيبه ازاى ده
مصطفي ....انك تتجوزينى
چودي بصدمة.....انت بتقول ايه
مصطفي ......بقولك تتجوزينى وتجبيلى ولد بدل الى مات
چودي .....اكيد انت بتهزر صح
مصطفي ....شيفانى بهزر دلوقتى
چودي .....ما هو اصل حضرتك مش عارف انت بتطلب ايه
مصطفي .....لاء عارف
چودي .....طب وانا مالى ما تخلى باربى مراتك دى هى اللى تخلفلك ولد
مصطفي .....باربى مراتى مين
چودي .....مدام سما
مصطفي .....ومين قالك ان سما تبقى مراتى
چودي .....امال مرات الجيران
مصطفي .....ظريفة اوى قولتلك سما مش مراتى
چودي .....استغفر الله العظيم انت عايش معاها فى الحرام
مصطفي .....حرام ايه إيه شغل الافلام الهابطة ده
چودي ......امال هى بسلامتها مين
مصطفي .....تبقى قريبتى
چودي .....امال ام الولد فين
مصطفي ......اتوفت وهى بتولده
چودي .....خلاص اتجوزها هى انا مخطوبة
مصطفي ....عارف مش مروان برضو
چودي ....وانت عرفت منين
مصطفي ....انا تقريبا عرفت كل حاجة عنك من يوم تولدتى لحد دلوقتى
چودي .....والله كنت عامل عنى تحريات بقى
مصطفي .....حاجة زى كده ايه رأيك قولتى ايه انتى قصاد حرية اخوكى
چودي .....ده اسمه استغلال وابتزاز
مصطفي .....سميه زى ما تسميه
چودي .....اسفة مش موافقة انا مخطوبة
مصطفي ....خلاص انتى حرة ومترجعيش تندمى
چودي .....انت هتعمل ايه
مصطفي ....خليها مفاجأة يا چودي
وعلشان ما ابقاش ظالمك هديكى فرصة تفكرى
خرجت چودي من عند جواد تشعر انها فى دوامة فماذا ستفعل
...........
فى منزل چودي
بسام.....عملتى ايه
چودي .....عمله اسود ومنيل
بسام....ليه فى ايه
چودي ....عايز يتجوزنى واخلفله ولد بدل اللى مات
بسام بفزع.....انتى بتقولى ايه
چودي ....انت سمعتنى كويس
بسام.....باين عليه انسان حقير
چودي .....انا مش عارفة افكر هنعمل ايه ما هو يا اتجوزه يا انت هتروح فى داهية
بسام.....خلاص يا چودي متفكريش يعمل اللى يعمله انا مش هضحى بيكى
چودي .....وانا مش هسمح ان مستقبلك يضيع
بسام...هتعملى ايه
چودي ..... هوافق يا بسام
بسام....انتى اتجننتى انتى نسيتى انك مخطوبة وهتقولى لبابا وماما ايه ولا هتقولى ايه لمروان
چودي ....هو انت مش كنت كل شوية تحرضنى انى اسيب مروان
بسام....انا مكنش عاجبنى ماشيه ورا كلام امه
چودي .....بسام سيبنى دلوقتى انا عايزة انام
لم تستطيع چودي النوم فظلت تفكر ماذا ستفعل مع خطيبها
تقابلت چودي مع مروان
مروان....چودي ماما شافت اوضة نوم جميلة اوى وعجبتها
چودي .....مروان انا عايزة اقولك حاجة
مروان.....خير فى ايه
چودي ...اتفضل دبلتك اهى
مروان.....انتى بتقولى ايه
چودي ....احنا مش هننفع نكمل مع بعض انا أسفة
مروان..... جاية تقولى ده دلوقتى
چودي .... معلش سامحنى
مروان....اسامحك عندها حق ماما انها مكنتش موافقة عليكى من الاول
چودي ....بلغ تحياتى لامك على بعد نظرها مع السلامة
تركت چودي خطيبها مروان وبررت ذلك لوالديها بانها لاتستطيع العيش معه بسبب شخصيته الضعيفة
اخبرت چودي مصطفى بانها موافقة على الزواج منه مقابل حرية اخيها
چودي ....بابا فى عريس عايز يتقدملى
زينب..... عريس دا انتى لسه سايبه خطيبك مكملتيش اسبوع
چودي ....اللى حصل بقى يا ماما
جلال.....مين العريس ده
چودي .....اسمه مصطفى النصراوى
جلال با استغراب....وانتى تعرفيه منين ده يا چودي
زينب.....هو انت تعرفه يا جلال
جلال......ايوة دا رجل اعمال مشهور جدا
زينب...وانتى عرفتيه منين ده يا چودي
چودي بكذب.....طلع قريب واحدة صاحبتى فى الجامعة وشافنى وطلب منها تكلمنى فى الموضوع
جلال.....انتى متأكدة من الكلام ده يا چودي
چودي .....ايوة طبعا وانا على فكرة موافقة اتجوزه
......
فى قصر مصطفى النصراوى
مصطفي ..... امى انا قررت اتجوز
كريمة بفرحة.....بجد يا حبيبى هتتجوز
مصطفي .....ايوة يا امى
كريمة.....اوعى تكون سما يا مصطفى
مصطفي ....لاء طبعا دى واحدة هتعجبك
كريمة.....ربنا يتملك على خير
عندما علمت سما بخبر زواج مصطفى من واحدة اخرى
سما .....انت بجد هتتجوز
مصطفي .....ايوة
سما .....طب وأنا
مصطفي ....وانتى ايه
سما .....انا بحبك يا مصطفى
مصطفي .....احنا مش هنضحك على بعض كان فين الحب ده زمان لما سيبتينى وروحتى اتجوزتى واحد تانى
سما .....دى كانت غلطة انت مش قادر تنسى
مصطفي .....لاء ما انا خلاص نسيت وهتجوز اهو
سما.....ميبقاش قلبك حجر كده
مصطفي ....انا مبقاش عندى قلب والبركة فيكى
ذهب مصطفى ووالدته لخطوبة چودي واصرت سما ان تذهب معهم
......
فى غرفة چودي
بسام.....انتى برضو هتنفذى كلامك
چودي .....مبقاش بايدى ما هو يا اتجوزه يا انت هضيع ومش انت بس انتى ناسى ان بابا عنده القلب وممكن يجراله حاجة لو عرف ان ابنه ممكن يتحبس
بسام.....طب دا انتى هتتجوزيه ازاى دا انتى مشفتهوش غير مرتين
چودي .....بسام بالله عليك سيبنى انا ضاغطة اعصابى ومتامسكة بالعافية
بسام...انا مكدبش عليكى هو شكله حلو وباين عليه راجل كده ومامته برضو تحسيها كويسة بس معاهم واحدة كده الظاهر نسيت تلبس قبل ما تيجى
چودي .....دى تلاقيها باربى هانم
بسام.....باربى مين
چودي .....قصدى سما قريبته
خرجت چودي من غرفتها لمقابلة مصطفى ووالدته
لكن عندما نظرت الى سما
چودي فى سرها..... يخرب بيت اهلك يا شيخة دا لبس
كريمة....بسم الله ماشاء الله زى القمر
چودي ....شكرا يا طنط
كريمة....عرفت تختار يا حبيبى
مصطفي ......انتى عارفة ذوق ابنك
كريمة.....قولت ايه يا استاذ جلال احنا جايين نطلب ايد چودي بنتك
جلال.....والله الرأى رأى چودي
سما ....وانتوا مستعجلين على ايه اووووف الجو حر اوى مفيش تكييف
چودي ....الجو حر واحنا فى يناير طب ازاى
سما ..... قصدى الجو ساقعة مفيش دفاية
چودي .....ما انتى لو كنتى كملتى لبسك كان زمانك دفيانة
سما .....لو سمحتى يا طنط ممكن شوية ماية
زينب..... حاضر يا حبيبتى
سما .....ياريت تكون معدنية علشان معدتى بتوجعنى
مصطفي ....عن اذنكم يا جماعة تعالى يا سما
سما.....ايه يا روحى خلاص هنمشى
مصطفي ....انتى عارفة لو مسكتيش انا اللى هنزل اشربك من بنزين العربية يا سما
سما ....... بموت فى قسوتك يا صاصا
مصطفي .....لو مبطلتيش عمايلك مش هتعرفى اللى هيجرالك
سما .....طب احنا هنروح امتى يا روحى
مصطفي .....لو مضايقة اخلى السواق يروحك
سما ......لا مش قربتوا تخلصوا هنمشى سوا
مصطفي .... قولتى ايه يا انسة چودي
چودي ......انا موافقة على الجواز
كريمة.... خلاص نقرا الفاتحة
مصطفي ......حافظة الفاتحة يا سما
ارادت چودي الضحك ولكن تمالكت نفسها
تم الاتفاق على الزواج فى اجازة نصف العام
مرت الايام سريعا وجاء ميعاد الزفاف
كانت چودي ترتدى فستان زفافها ولكنها كانت كمن تنساق الى الموت او الى الجحيم وكان تنظر الى مصطفى بانه سيكون حارس جحيمها
سمر.....زى القمر ولو انى مش فاهمة حاجة
چودي .....كله نصيب يا سمر
سمر .....نصيبك حلو ومز والله
چودي .....اه اخدت بالى
................
بعد انتهاء الزفاف
ذهبت چودي مع زوجها الى بيته وصعدت الى الغرفة قامت بتغيير ملابسها وارتدت اسدال للصلاة
دخل جواد الى الغرفة وكان ينظر اليها نظرات غريبة
مصطفي .......هو ايه اللي انتى لبساه ده
چودي .....اسدال علشان اصلى
مصطفي .....تمام يلا نصلى سوا
چودي ......هو انت بتصلى
مصطفي ..... حاجة غريبة يعنى انى اكون بصلى
چودي....لاء بس متوقعتش انك بتصلى وخصوصا سما وهى ماشية كده وبتنسى تلبس بقية هدومها
مصطفي ..... والله هى حرة فى نفسها
چودي ......خلاص يلا نصلى
بعد الانتهاء من الصلاة قامت چودي لتصلى مرة اخرى
مصطفي ......هتصلى ايه تانى
چودي .....اصلى مصليتش طول النهار فهصلى دلوقتى
مصطفي ..... ماشى وانا قاعد مستنيكى لو هتصلى للصبح
استغرقت چودي وقت كثير فى الصلاة فهى تتمنى ان يغلبه النوم وينام ويتركها فى حالها بعد ان انتهت من صلاتها
چودي ......انا جعانة وعايزة أكل مكلتش من الصبح
مصطفي .....مفيش مشكلة الاكل عندك اهو كلى
چودي ......وانت مش هتاكل
مصطفي ..... مبحبش اكل باليل علشان اعرف انام
چودي ....براحتك
بدأت چودي فى الاكل ببطىء شديد فهى ليست جائعة وانما هذه حجة لابعاده عنها بعض الوقت
مصطفي ......هتفضلى تاكلى طول الليل ولا ايه
چودي ......انت هتبصلى فى الاكل كمان
مصطفي .... خلاص انجزى بسرعة فى ليلتك دى
لا تعرف چودي ماذا تفعل فمن الواضح انه مصر على اتمام الزواج
چودي ......هغسل ايدى واجى
مصطفي بنفاذ صبر......ماشى ومتجيش كمان شوية تقوليلى نسيت اغسل سنانى
چودي ...... كويس انك فكرتنى اغسلهم بالمرة
مصطفي ...الصبر من عندك يا رب
بعد انتهاء چودي مما تفعل
مصطفي ..... خلصتى كل حججك ولا فى حاجة تانى
سكتت چودي ولم ترد وعندما حاول الاقتراب منها اغمضت عينها بشدة واتخذت موقف دفاعى
چودي ..... اطفى النور
مصطفي .....يعنى مغمضة عينك وكمان عيزانى اطفى النور ليه ده كله يعنى
چودي ...... علشان مش عايزة اشوف وشك
بعد نطقها هذا الكلام ساد الصمت في الغرفة وعندما فتحت عينها وجدت مصطفى قد ترك الغرفة
چودي .....هو راح فين ده
يتبع الفصل الرابع اضغط هنا
- الفهرس يحتوي على جميع فصول الرواية كاملة :"رواية عشق المصطفى" اضغط على اسم الرواية