رواية هل القلب يتغير الفصل الثالث 3 بقلم سهر فارس
رواية هل القلب يتغير الفصل الثالث 3 بقلم سهر فارس
فلاش
ساره : محمد 🙂💔صديق طفولتي عارف كل حاجه عني الشاهد على اللي بيحصل من اهلي واكتر واحد شجعني اني اعدي مواقف والأزمات دي مع اهلي كنا في تالته ابتدائي لما عرفنا بعض كان بابا بيعاقبني اني كسرت كوباية وخرجني بره الساعه ١٠ بليل وقفل الباب كان في الوقت دا هما جايين سكان جداد في العماره طلعوا وهو جه عندي وساب ايد مامته وقعد جمبي
محمد : انتي بتعيطي ليه
ساره : بابا طلعني بره عشان الكوبايه اتكسرت وانا بخاف اقعد لوحدي
محمد : خلاص مش تزعلي انا هقعد معاكي ونلعب سوا انتي اسمك ايه
ساره : ساره وانت
محمد : محمد ماشي يا سوسو يلا هنلعب مع بعض
ساره : ماشي يلا
طلعنا ولعبنا مع بعض ومامته فرحانه وشويه دخل يجيب عصير مامته قالت ليا حاجة ومش فهمت وقتها (قالت ليا من سنتين مشوفتش محمد بيضحك كدا من ساعه وفاة باباه اكيد ربنا كاتبكوا لبعض وهتكونو ثنائي جميل) انا مافهمتش ازاي هنكون ثنائي وازاي ربنا كتبنا لبعض ومن وقتها كنت كل لما بابا يعاقبني ولا حاجة اروح عندهم ونلعب بس طبعا بابا ميعرفش عشان مش يعاقبني زياده وانا قولتله كدا وبقينا نتقابل في المدرسه دايما يجيب شوكليت ليا وحاجات حلوه كان دايما يحتفل بنجاحي ويجيب ليا هدايا ونكبر سواء ووصلت لثانوية عامة وهو في تالته هندسة كان استحاله يشوف شاب بيكلمني أو أي حاجة ويسكت مره اتخانق مع واحد وكان هيترد من المدرسه بسبب كدا منعني اكلم اي حد غيره وانا بردوا منعتو يكلم اي بنت ومشاعرنا كانت بتكبر بس محدش فينا بيعترف أو يقول وكملنا كدا لحد ما جه اول يوم ثانوي وكنت خايفه جدا مكنتش حابه اني اروح اصلا هو رن عليا وكلمني
محمد : ايه يابنتي انتي فين مش نزلتي ليه هتتاخري
ساره ببكاء : مش عاوزه اروح لا انا خايفه مش عاوزه 🥺
محمد : ليه بس انتي شاطره وممتازه واحنا مراجعين كله امبارح صح وانتي ماشاء الله يلا ياحبيبتي انزلي عشان مش تتأخري
ساره : طب انت هتيجي معايا صح
محمد : ايوه طبعا يلا انزلي
ساره : حاضر نازله اهو
نزلت ولقيته واقف مستنيني وجايب ليا عصير وبسكويت
محمد : يلا بقى كلي دول الأول اكيد مش كالتي حاجة
ساره؛ لا لا مش جعانه مش عاوزه
محمد : يلا يا ساره كلي عشان تركزي
واخدت الحاجة منه فعلا وخلاني اكل غصب ووصلنا المدرسه
محمد : خدي خلي المصحف دا معاكي اقرأي فيه على ما اللجنه تبدأ ومش تخافي انتي هتبقى احلى دكتوره ماشي ♥️
ساره : حاضر ♥️🥺
وسيبته ودخلت وفعلا الامتحان جه سهل وخرجت مبسوطه جدا وأول ما خرجت لقيته قدام البوابه منتظرني
محمد : من الفرحة اللي على وشك دي يبقى اكيد سهل وحليتي. ساره : ايه دا انت لسه هنا
محمد : مقدرتش امشي ♥️واسيبك ها حلو
ساره : جميل جدا ♥️
محمد : طب خدي يلا
ساره :ايه ده
محمد : شوكليت واكل يالا
ساره : حاضر ♥️
وعدت فترة الامتحانات على كدا وكمان جت النتيجة وفعلا جبت ٩٨٪ وهو اللي جاب ليا النتيجة ومعاها هدية لقيت درس جميل معاه ولقيت ورقه مكتوب فيها بحبك مش بقيت مصدقه سيبت الهديه في الاوضه وطلعت جرى وخبط على الباب
محمد : ايه يا مجنونه حد يخبط كدا
ساره : مش مهم مش مهم قولي بس المكتوب دا بجد
محمد : هو ايه اللي مكتوب
ساره : يوه مش عاوزه اعرف انا نازله
وجيت انزل لقيته مسك ايدي وهو قاعد في الأرض على ركبته ومعاه خاتم
محمد : ايوه انا بحبك ومن زمان من يوم مالقيتك قاعده على السلم وابتدت حكايتنا مع بعض انتي بقيتي حياتي يومي مايكملش الا بيكي لما كنت اشوف ولد بيكلمك كنت بولع ببقى نفسي اقتله واقوله دي ليا متجيش جمبها انت فاهم ولا لأ غيرتي عليكي مخلياني عاوز أخبيكي عن الكل ودلوقتي بعد معرفتي اني بحبك موافقه تتجوزيني ♥️♥️💍
ساره : طبعا موافقه ♥️♥️
بااك
عبدالرحمن : طب قصتكوا جميلة وحاجة جميله ليه دلوقتى بتقولي ساره هتبعد بعد اللي شافته
ساره : دا مش القصه كامله بس كفايه كدا النهاردة
عبدالرحمن؛ تمام اشوفك بكره ياساره
ساره : حاضر
مشيت من عنده وكل مواقفنا انا ومحمد معايا وفوقت من سرحاني على صوت تليفوني وقمر بترن بس مردتش ما انا مش عارفه لو سألت هقول ليها ايه طيب.......
الفهرس يحتوي على جميع فصول الرواية "رواية هل القلب يتغير "اضغط على اسم الرواية