رواية هل القلب يتغير الفصل الرابع 4 بقلم سهر فارس
رواية هل القلب يتغير الفصل الرابع 4 بقلم سهر فارس
هل القلب يتغير (4)
وصلت البيت بس طلعت على فوق لطنط مدخلتش عندنا
طنط : ساره اهلا يا حبيبتي ايه اللي في وشك دا
ساره : ازيك ياطنط عامله ايه
طنط : كويسه ياحبيبتي مقولتليش بردوا إيه دا وشك احمر كأن حد ضربك ليه وعينك مورمة كدا ليه
ساره : عشان خاطري قولي لمحمد يطلقني هو بيسمع كلامك وبيحبك قوليله يطلقني
طنط : في ايه بس يابنتي ايه حصل ما انتي عارفه محمد بيحبك واستحالة يوافق انه يطلقك اهدي بس واحكيلي ايه حصل
ساره : لا لا مش بيحبني أو يمكن كان بيحبني دلوقتى لا وانتي عارفه كدا وكله عارف بس كله عامل نفسه مش شايف وابويا شايف دا كويس لكن عادي بالنسباله عشان خاطري لو بتحبيني وتعتبريني بنتك فعلا قوليله يطلقني
محمد : أطلق مين 😡وبعدين انتي كنتي بتلفي لفين لدلوقتي انتي مش مزفته من الكليه من تلت ساعات
طنط : محمد اهدي
محمد : مراتي وانا حر
ساره : طنط عشان خاطري ابعديه عني هيضربني تاني 😪😪
طنط : ايه هو حصل وضربك قبل كدا كمان
محمد : اه ضربتها المدام الصايعه اللي بتلف اللي محدش رباها انا هربيها
طنط : لا انت جنيت خالص
ساره : فتحت الباب ونزلت جرى هو فعلا لو كان مسكني محدش كان هيقدر يبعده عني وكان هيضربني تاني دخلت اوضتي وفضلت طول الليل صاحيه وافكر وعاوزه اوصل لطريقة عشان يطلقني
عند محمد
محمد : عجبك كدا اهي هربت
طنط : ايه اللي حصلك ليه كدا دي حب عمرك وحاربت كل أهلها عشان تجوزها وانا قولتلك من الاول لو مش بقيت تحبها ابعد لكن انت اصريت واتخطبتوا واتجوزتوا ايه بقى في ايه حصلك
محمد : ايه في ايه مراتي وغلطت وبأدبها ومحدش يدخل
طنط : ربنا يهديك يابني يارب
ساره : اخيرا معاد الدكتور مستنياه عاوزه حد يقول ليا اعمل ايه ارد على قمر ولا لأ اللي التليفون بقى ١٠٠ رنه منها ووصلت العيادة
عبدالرحمن : اهلا اهلا دا انا منتظرك عشان اعرف اللي حصل
ساره : وانا منتظره الميعاد عشان اكمل اللي حصل
عبدالرحمن : نبدأ
ساره :نبدأ
- بعدها محمد جه أتقدم وبابا موافقش لكن محمد ما استسلمش وكمل كليته وكان بيشتغل قصدها ورغم كدا عمره ما قصر معايا كان كل يوم مفاجأة على الأقل لو هيجيب شوكليت ليا ونتكلم بليل لحد ما حد ينام على التليفون وجه يوم التخرج وحضرناها سوا وكان احلى يوم وعرفت يومها انه هيسافر بس مقدرتش استوعب الفكره كل اللي جه في بالي انه عاوز يبعد عني واني هبقي لوحدي معيش حد
محمد : عاوز اقولك حاجة
ساره؛ ايه هي
محمد : انا مسافر هسافر بعد بكره
ساره : ايه انت مقولتش ليا عاوز تبعد عني
محمد : ابعد ايه يا مجنونه انا هسافر سنه كدا عشان لما ارجع نتجوز عالطول وابوكي يبقاش عنده حجة
ساره : لا لا يا انا يا السفر دا
محمد : يابنتي ما السفر عشان اقدر اوصلك
ساره؛ لا لو عاوز توصلي وانت هنا مش لازم تبعد يا أنا يا السفر
محمد : السفر
وبعدها سيبته ومشيت وانا مش مصدقه انه اختار السفر وسابني لوحدي بقى معقول كل دا كان خدعه لا لا والله لندمك يامحمد وفعلا سافر ومش اتكلم حتى معايا بس لقيت منه جواب
محمد : ساره حبيبتي انتي عارفه اني مسافر عشان اقدر لما نتجوز اعيشك كويس لكن عمري ما ندمت على حبي ولا عمري افكر ابعد عنك سلام ياحبي ♥️
ساره : سافر حتى مودعنيش انت اللي اخترت يامحمد انت اللي بعدت وانا هبعد وانساك وعدت بعدها الايام واتعرفت على قمر ودي الحاجة اللي هونت عليا وبعدها كان في معيد كنت دايما بتكلم معاه وبقت صداقه كبيرة بينا وجه أتقدم وانا وافقت
عبدالرحمن : ونسيتي محمد
ساره : لا بس بعاقبه
عبدالرحمن؛ هل دا الطريقه الصح لتعاقبيه
ساره : للأسف احنا كبنات هي دي طريقتنا عشان نعاقبهم لكن بنعرف بعدها انها عقاب لينا احنا كمان ومش بنقدر نكمل
عبدالرحمن؛ ايه اللي حصل بعد الخطوبة
ساره : مقدرتش اديله مشاعر كل مشاعري كانت لمحمد وهو لاحظ دا وقال ليا اني كنت كصديقه شئ جميل ايه حصل بس مقدرتش ارد لحد ما في مره واحنا خارجين غلطت وقولتله محمد
أحمد : مين محمد؟......... يتبع ♥️
الفهرس يحتوي على جميع فصول الرواية "رواية هل القلب يتغير"اضغط على اسم الرواية