رواية نصيبي في الحب الفصل الثاني والثلاثون بقلم توتة
رواية نصيبي في الحب الفصل الثاني والثلاثون
جه وقت العمليه اللي معتز هيعملها بمساعده واحد من رجالته واللي هو منصور ده
كان منصور ركب عربيته مع اتنين من رجالته اللي بيساعدوه واول متحركوا تيمور اتصل بيوسف عشان يعرفه إن هما جايين ع المستشفي
يوسف اول م عرف إن هما جايين طبعا خد احتراصه الجامد في المستشفى كلها
وصلت العصابه اللي تبع منصور للمستشفي وعشان هيا عاميه ومعروفه كانوا متنكرين ومنصور كان متنكر على شكل دكتور بحيث أنه يقدر يدخل ويخرج
دخل منصور لغرفه نور اللي هو عارفها بس الغريبه أنه دخلها بسهوله عكس م كان متوقع خالص
دخل وقرب ناحية السرير اللي نور عليه بس اتصدم لما شاف حاجه خبطته في وشه جامد
منصور : ااااااااااااااااه
يوسف مسكه من ياقته وقاله : بص بقا يا روح أمك ... انا عارف انت مين وجاي تعمل ايه هنا ... وغير كده عندي أدله توديك انت واتباعك في داهيه ... فهتتكلم وتقول مين اللي باعتك ولا تروح في داهيه
منصور : انت مين !
يوسف : انت لسه هتسأل يا روح امك .... والله العظيم مهرحمك
منصور : ومين قالك بقا أن انا هقول على اللي انت عايزه ... انا مش هنطق بحرف واحد
يوسف ضحك بسخريه : ومين الحلو اللي قالك بقا انك مش هتتكلم ... تمام انت اللي ابتديت يبقى انت اللي تتحمل برضو
قال يوسف جملته ونزل عليه اداله كذا لوكاميه في وشه
منصور بألم : والله لو ضربتني من هنا للصبح مش هتكلم
يوسف : ههه ومين قال أن انا هضربك من هنا للصبح
منصور : لو عملت ايه ... مش هتكلم برضو
يوسف : بص ... انا اصلا عارف انت جاي هنا ليه ومين اللي باعتك .... بس اللي هتقوله هيكون متسجل صوت وصوره .... وده اللي انا عايزه
منصور : ومين برضو قالك اني هنفذ اللي انت قولت عليه
يوسف : هتنفذ .... عشان انت متعرفش بتكلم مين
منصور : لا عارف وسمعت عنك كتير كمان ... بس انا بقا مبخافش
يوسف : وماله نخوفك
قال يوسف جملته وشده من ياقة قميصه بره الاوضه وبره المستشفى كلها وركبه عربيته
منصور : مين قالك اني هركب عربيتك يا يوسف باشا
يوسف : الو .... مش عايز حد في *** عشان انا جاي دلوقتي
خلص يوسف مكالمته في الفون وجاب المسدس بتاعه وضرب منصور على راسه وحطه في العربيه وراح المكان اللي هو رايحه
_______________________________________________________________________________________________________________
معتز : أتأخر اوي يا فارس
فارس : يا عم متقلقش .... هتلاقيه بيكلمك دلوقتي وبيقولك أنه نفذ
معتز : ممكن يعملها فعلا ... انا قلقان
فارس : متقلقش يا عم ... انا ضامنه برقبتي
معتز : غور انت وهو ورقبتك
فارس : مالك يسطاا متهدي شويه
معتز : اهدي ايه بس .... متكلم حد من رجالته كده يطمننا
فارس : ماشي اهدي بقااا
____________________________________________________________________________________________
يوسف في عربيته
يوسف : اي
تيمور : كله تمام
يوسف : مش عايز اشوف اثر لرجالته قدام المستشفي ... فاهم
تيمور : متقلقش ... حطيتهم زي م قولت
يوسف : محدش ييجي جنب واحد منهم يا تيمور
تيمور : طيب قولي واخده ع فين كده
يوسف : تيمور ... قلت ميت مره قبل كده مبحبش حد يسألني السؤال ده
تيمور : خلاص يا يوسف انا بسأل عادي .... مستني منك تلفون عشان معتز وصاحبه
يوسف : تمام .... سلام عشان وصلت
____________________________________________________________________
فارس : مبيردش يا عم
معتز : حاول تاني .... حاول تاني
فارس : قدام منتش قدها بتعملها ليه
معتز : هيا ايه دي
فارس : الخطه اللي انت عاملها عشان تنتقم دي
معتز : ملكش دعوه انت خليك في اللي انت بتشربه ده
فارس : ماشي ... متجرب
معتز : مش فايقلك انا
فارس : خلاص ... براحتك ... وفرت
______________________________________________________________________________________________________
وصل يوسف للمكان اللي هو رايحه ونزلمن عربيته الفخمه
نزل يوسف ولف في شنطه العربيه بالبرفان بتاعه فتح شنطة العربيه اللي فيها منصور عشان يفوقه
رش يوسف البرفان عشان يفوق
يوسف : لسه أيامك مبتدتش معايا
منصور : انت واخدني ع فين
يوسف بخبث : مستعجل على ايه ... قوم معايا
مده يوسف ودخل مكان زي غابه كده
دخل يوسف ومنصور اول م دخلوا نادي يوسف ع أسماء غريبه كده ثواني وكان قدامهم ٥ نمور
منصور وهو بيبلع ريقه : هو في ايه
يوسف : انشف كده انا لسه معملتش حاجه ... تحب بقا نبدأ بالنمور الاول ولا ايه
منصور : هما دول بجد
يوسف : ههههه لا بهزار .... هيا اشاره واحده بس وهتلاقي نفسك في دنيا واحده .... هاااا تنفذ ولا انفذ انا
منصور : انفذ ... انفذ ايه بس
يوسف : اللي اتفقنا عليه
منصور : ولو منفذتش
يوسف : Come
يوسف : اسيبك انا بقا
منصور : لااااا ..... خلاص هنفذ هنفذ
يوسف : م كان م الأول .... بس يلا حسابك هيبقي اشد معايا ... عشان اعرفك انت بتلعب مع مين
منصور : هنفذ بس مشيني من هنا والنبي
يوسف : go
يوسف : كده بقا تمام ... هتتكلم ع كل حاجه قدام الكاميرا دي
منصور : ح .... حاضر
يوسف : يلا اتكلم
منصور : انا منصور عاصم الجباري شغال مع عصابه صغيره .... جاي انفذ عمليه قتل ... قتل واحده اسمها نور بناء على طلب معتز الفقي .... هو اللي قالي كده .... بعتلي مع صاحبه فارس الدملاوي وطلب مني طلبين .... الطلب الاول اني اكلم عم نور دي من بلد بره مصر وأعرفه اللي حصل ليها والطلب التاني اني ... اني اقتلها بالليل وهيا في المستشفي وكان ده بمقابل مادي حوالي ٣ مليون جنيه .... وكان كمان بيخليني اجبله اخبار المستشفي دي اول بأول
يوسف : حلو اوي ... اسيبك انا بقا .... واه بالمناسبه انت هتخليك هنا كده كام يوم ... واه برضو تقريبا النمور اللي جوه دي مكلتش من الصبح فأظن أن انت وجبه حلوه اوي ليهم
منصور : لااااا .... انا عملت كل اللي انت عايزه .... خرجنيمن هنا
يوسف مشي من المكان وساب منصور مع الخمس نمور اللي جوه ( بس استنى ده انت وقعت مع اللي مبيرحمش )
خرج يوسف من المكان ده خالص وراح علي مكان تاني خالص
راح المكان اللي فيه رجالة منصور
وصل يوسف المكان ده ودخل وكان مكان مهجور تماما
دخل يوسف وكان فيه عدد كبير جدا من رجال المصارعه
يوسف : مش عايز حته سليمه في جسمهم ... ابداوا على م البوليس ييجي
( الله يكون في عونكوا والله 😂)
خرج يوسف من المكان وراح ع مركز الشرطه
يوسف : اهلا بوليد باشا
وليد : ايه ده ... يوسف باشا بنفسه هنا ... ده انهارده عيد بقا ... والله المركز كله نور
يوسف : ربنا يخليك يا وليد باشا .... منور بأصحابه
وليد : تشرب ايه
يوسف : ممكن قهوه ساده
وليد : اتنين قهوه ساده .... قولي بقا ... اخبارك ايه
يوسف : كله تمام ... كنت قاصدك في خدمه
وليد : أؤمر
يوسف : متوصي على واحد صاحبنا أنه يشوف الأمرين في حياته
وليد : ضايقك في حاجه ؟
يوسف : اه ... وعندي دليل ... بس عايزك توجب معايا بقا
وليد : متقلقش خالص الدليل بس وهجبهولك مؤبد
يوسف : وهو ده العشم برضو ... والعنوان *** وده في منطقه شبه مهجوره ... وفي رجاله كده تبع واحد اسمه منصور الضلع في **** بس دول متصفيين بقاا
وليد : تمام كله تمام كده ...
يوسف : ومتنساش صاحبه فارس الدملاوي شريك معاه
وليد : متقلقش خالص ... هخلص واكلمك
يوسف : ماشي ... يلا عايز حاجه
وليد : سلامتك يوسف باشا
خرج يوسف من المركز وكلم تيمور
يوسف : تيمور .. انا بلغت خلاص ... نفذ
تيمور : طب مبلاش ... حرام يعيش كده
يوسف : نفذ يا تيمور بدل ماجي اقطعهومله انا
تيمور : خلاص
يوسف : واليمين
تيمور : ماشي
تيمور بعد م قفل مع يوسف ( قلبي معاك معرفش مين يقدر يقعد كده من غير صوابعه )
دخل تيمور ونفذ اللي يوسف قال عليه وهو أنه يقطع صوابع ايديه اليمين هو وفارس
وبعد شوية وقت جه البوليس بقيادة وليد باشا وخده معتز وفارس
وبعد م اتجمعت الأدله الكتير اوي اللي يوسف جمعها وتقريبا حيات معتز اللي فاتت كلها وماضيه القذر من ابوه بعد م قاله أنه هو بنفسه هيعقد معاه صفقه والصفقه دي هتخليه من الشركات العالميه ضحي ابو معتز بابنه مقابل ١٨ سنه ... عادي بقاا مش هتفرق بالنسبه لابوه .... الاب السوء
وكانت كفيله الادله دي أنها تخلي معتز يتحبس كل ده من غير حتي محامي أو اي وسيله دفاع
واتحبس معتز وصاحبه وبكده يكونوا شافوا تحديهم مع الكينج وصلهم لإيه
وبكده اقدر اقول وداعا معتز باشا انت وصاحبك اللي زيك ده
وكده انتهت حكايه معتز لحد هنا
واحب اقولك يا نور يبختك بيوسف جبلك حقك عاشر ومعشر 😂😂
________________________________________________________________________________________________________
مروان : مقفول
أحمد : حاول عاشر
مروان : اسكت بقااا ... مش معايا رقم حد من عيلتها اطمن عليها
أحمد : خلاص ممكن تكون هيا اللي قافلاه عشان نايمه مثلا
مروان : مش عارف
أحمد : خلاص ... ابقي شوفها بكره
مروان : ماشي
أحمد : انا ماشي بقا
مروان : متتأخرش بكره
أحمد : قلقان عليا يا بيبي
مروان : يبني اتكلم كلمتين جد علي بعض
أحمد : سبتلك الجد يا بيبي
مروان : طيب امشي واتاخر بكره عادي
أحمد : مفيش خد بالك من نفسك
مروان : امشي يا احمد
أحمد : احمااا ... طالعه من بوقك عسل يروحي
مروان : امشي يلا
أحمد : ايه مش عاجبك ولا ايه ... لو مش عاجبك طلقنييي
مروان : ههه لا حول الله يارب ... فصلتني
أحمد : اشحنك
مروان : امشي بقا يا أحمد
أحمد : همم زحلانه ... زحلانه منك
مروان : زحلانه !
أحمد : خالص
مروان : طب امشي يا حمديه من هنا
أحمد : ماشي يا اختشييييي
مروان : هههههه امشي بقا
أحمد : بقولك ايه
مروان : ايه
أحمد : انا هديك ٣ جنيه .... روح هاتلي كيسين قلبظ بجنيه وخدلك الجنيه عادي ... شوف بقا هتجيب قلبظ ولا ايه
مروان : بس روح هات في سوبر ماركت ع آخر الشارع
أحمد : ماشي .... بس كده مش هديك الجنيه بتاعك
مروان : امشي يا متخلف من هنا
أحمد : طيب ... اشوفك بكرا بقا يروحييي ... سلاااام
مروان : اهبل وربنا
______________________________________________________________________________________________________
وصل يوسف المستشفي يطمن علي نور وادم وكان ادم فاق ساعتها
يوسف : حمد الله ع السلامه يا بطل
ادم : الله يسلمك .... هو محدش هنا
يوسف : روحوا عشان الوقت أتأخر
ادم : ماشي
يوسف : شد حيلك بقاا عشان تروح
ادم :... مش بمزاجي
يوسف : فين الرجاله يا ادم
ادم : ماتوا في الحرب
يوسف : طيب ياعم .... انت تقدر تمشي الصبح
ادم : مش عارف .... بس انا عايز اروح
يوسف : ادم .... مامتك في السجن
ادم : ايه
يوسف : ايوه في السجن ... عشان اللي عملته فيك
ادم : انا مش عارف هيا عملت ليه كده
يوسف : خلاص بقا ... انت دلوقتي تشهد إن هيا ضربتك بالسكينه
ادم : اشهد !
يوسف : اه
ادم : م ... ما .... ماشي يا يوسف ... اشهد
يوسف : وبكده تكون خلصت منها للأبد
ادم : للأبد
يوسف : مؤبد يا ادم ... القضيه مش سهله ... دي شروع في قتل
ادم : الموضوع صعب عليا
يوسف : انت كنت هتموت يا ادم
ادم : عارف ... بس حاسس اني في موقف صعب
يوسف : معلش ... تعالى على نفسك شويه
ادم بتردد : ... م ... ما ... ماشي
يوسف : شد حيلك انت بس عشان تخرج من هنا
ادم : حاضر .... هحاول
يوسف : نام بقاا
ادم : ماشي
خرج يوسف من عند ادم وراح لنور يطمن علي نور
دخل يوسف اوضة نور اللي انتقلت فيها بعد م حالتها استقرت
دخل يوسف ولقي وياريته م لقي
يتبع الفصل الثالث والثلاثون اضغط هنا
- الفهرس يحتوي على جميع فصول الرواية كاملة :"رواية نصيبي في الحب" اضغط على اسم الرواية