رواية عشق المصطفى الفصل الثاني بقلم منمن
رواية عشق المصطفى الفصل الثاني
چودي .....هو هو حضرتك چواد بيه
مصطفي .... ايوة انا خير يا آنسة كنتى عيزانى فى ايه
چودي ....انا انا
مصطفي .....انتى ايه
چودي ....اصل اصل
مصطفي ....هو فى ايه انتى جاية تفقدى الذاكرة هنا
چودي .....انا بس مش عارفة ابدأ منين
مصطفي ....من اى حاجة بس بسرعة علشان انا مش فاضى
چودي ....الصراحة انا ابقى اخت شاب من الشابين اللى انت بدور عليهم
مصطفي .....انتى بتقولى ايه
چودي ....ايوة بس انا جاية لحضرتك علشان اقولك اخويا برىء وملوش ذنب دا صاحبه الندل اللى عمل كده وهرب
ازداد قسمات وجهه قساوة لدى سماعه هذا الكلام
مصطفي ....وانتى عندك الجرأة انك تقوليلى الكلام ده
چودي .....علشان انا اخويا برىء
مصطفي .....وانا ايه اللى ياكدلى ان الكلام ده صحيح احب اعرفك ان اللى كان السبب فى موت ابنى مش هرحمه
چودي ....والله حضرتك اخويا اصلا مبيعرفش يسوق
مصطفي .....شىء ميخصنيش مش كان موجود فى العربية اللى كانت السبب فى موت ابنى
چودي .....بس كده حرام شاب زيه ومستقبله يضيع بسبب حاجة هو معملهاش
مصطفي .....دا بقى هيبقى شغل النيابة تعرف هو مظلوم ولا لاء
چودي ......ارجوك بلاش النيابة دا بابا عنده القلب لو عرف هيموت فيها
اثناء تحدثهم دخلت شابة جميلة ترتدى ثياب تكشف اكثر مما تستر
چودي فى سرها....استغفر الله العظيم
چواد.....فى ايه يا سما
سما .... صاصا حبيبى كنت فين كنت بدور عليك
مصطفي بغيظ.....قولتلك 100مرة بلاش الاسم الرخم اللى انتى بتقوليه ده انا مش طفل فى الحضانة
سما .....حبيبى بطل عصبية بقى وتعالى معايا
مصطفي ....انتى مش شايفة انى مش فاضى
سما .....طب هتيجى معايا اغير عربيتى
مصطفي .....انتى فكرانى البادى جارد بتاعك
ديما.....مش هتبطل قسوة بقى يا صاصا
مصطفي .....سما
سما .....نعم يا عيون سما
مصطفي .....اطلعى برا
سما ....متوحش بس بموت فيك
كانت چودي تتابع الموقف كانها تشاهد التليفزيون
چودي فى سرها.....هى فقرة العشق الممنوع دى مش هتخلص
مصطفي ....اطلعى برا يا سما وتانى مرة بلاش لبسك المستفز ده
سما.....ماله دا احدث موضة
مصطفي .....صبرنى يا رب
چودي ....لو سمحت بقى يا استاذ صاصا عايزين نخلص موضوعنا
مصطفي ..... انتى قولتى ايه
چودي .....سورى بس اتلغبطت
مصطفي ....طب حضرتك نكمل كلامنا بعدين علشان مش فاضى
چودي ..... امتى يعنى
مصطفي .....بعد اسبوع
چودي .....ايه اسبوع كده كتير
مصطفي ....ده الميعاد اللى فاضى فيه مع السلامة يا آنسة
خرجت چودي يتملكها شعور بالاحباط
.......فى منزل چودي
بسام....عملتى ايه ياچودي طمنينى
چودي .....ولا حاجة كنا بنتكلم دخلت واحدة باينها مراته فضلت تتدلع وتتمايص ومخلصناش
بسام.....وبعدين
چودي .....لسه هروح له تانى بعد اسبوع
بسام.....انا لسه هستنى اسبوع بحاله دا انا بموت كل دقيقة من التفكير
چودي .....طب اعمل ايه يا بسام فى مصارع الثيران اللى قابلته ده
بسام.....مصارع الثيران مين
چودي .....اللى اسمه مصطفى ده اصلك مشوفتوش
بسام....احنا مش فيه دلوقتى احنا فى المصيبة اللى احنا فيها
چودي .....مفيش قدامنا غير ان احنا نصبر على الاسبوع ما يخلص
........
فى الجامعة
سمر.....چووووودي
چودي ....فى ايه يا سمر
سمر....بقالى شوية بكلمك وانتى فى عالم تانى
چودي ......معلش يا سمر اصل دماغى مشغولة
سمر.....دا كله علشان الاستاذ مروان
چودي .....انتى ما تصدقى تيجى سيرة مروان علشان تشتمى هتبقى انتى وبسام
سمر..... والله عنده نظر الواد بسام ده
چودي ..... بسام شكله كده هيلبسنى فى حيطة
سمر......حيطة ايه هو فى ايه بالزبط
چودي .....مفيش انا هروح
سمر.... والمحاضرات اللى عندنا
چودي .... مش قادرة اقعد انا ماشية سلام
سمر.....مع السلامة
.......
فى المنزل
جلال :مالك يا چودي اليومين دول سرحانه ومش مركزه
چودي ....مفيش بس امتحانات الترم قربت وانت عارف رهبة الامتحانات
جلال....وانت يا بسام عندك رهبة امتحان
زينب.....انا مش عارفة هما مالهم اليومين دول مش عوايدهم
بسام....اه ما انت عارف يابابا بقى الامتحانات ومشاكلها
زينب.....من امتى يا بسام دا انت بتروح الامتحانات وترجع فى قمة انبساطك سواء حليت ولا محليتش
بسام....ما هو انا ناوى التزم بقى فى الجامعة
جلال..... ربنا يهديك
زينب.....هو مروان خطيبك جاى النهاردة يا چودي
چودي ....ها بتقولى ايه يا ماما
زينب....لا حول ولا قوة الا بالله انتوا ايه اللى جرالكم
چودي .....مفيش يا ماما انتى بتسألى على مروان
زينب....ايوه
چودي .....زمانه جاى
جلال....انتوا عملتوا ايه فى الموبيليا
چودي .....ولا حاجة لسه مخترنهاش
حضر مروان و معه والدته المدعوة عزيزة
عزيزة من غير نفس.....ازيك يا چودي يا حبيبتى
چودي ....الحمد لله يا طنط اخبارك ايه
عزيزة.....الحمد لله
مروان....ازيك يا چودي
چودي ....تمام الحمد لله نورتونا
عزيزة....مش هتيجى تختارى الموبليا يا چودي
چودي ....ماهو لما اخترت يا طنط معجبتش ابنك
عزيزة....اه مروان قالى على لونها بس لونها مش حلو
چودي ..... والله يا طنط
عزيزة....اه يا حبيبتى مش حلو انا هاجى معاكم علشان اختار معاكم
احست چودي با ان اعصابها على وشك الانفجار
چودي .....مش دلوقتى يا طنط امتحاناتى قربت ومش فاضية
عزيزة.....وهتعملى ايه بالشهادة ما انتى هتقعدى فى البيت
چودي .....مين اللى قال كده بعد دراستى دى كلها والاخر اقعد فى البيت
مروان.....ماهو يا چودي انا عايز اريحك ومتتعبيش
چودي ....انا اللى اقرر اللى يناسبنى مش اى حد تانى
بعد مغادرة مروان ووالدته
بسام....وبعدين يا چودي هتفضلى تستحملى عمايله هو وامه لحد امتى
چودي .....سيبك منهم دلوقتى علشان انا مش فايقلهم عايزين نخلص من مشكلتك انت الاول
بسام....انا اسف يا چودي على انى ورطتك معايا فى الموضوع
چودي ....بطل عبط انت اخويا اللى مش هسمح لاى حد ان يلمس شعره منه
بسام....ربنا يخليكى ليا
چودي .....على العموم هانت كلها يومين ونعرف هو قرر ايه
......
بعد انتهاء اليومين
ذهبت چودي مرة اخرى الى قصر مصطفى النصراوى
چودي .....يارب ساعدنى يارب
دخلت چودي الى غرفة المكتب التى سبق ان دخلتها فى المرة السابقة ولكنه تأخر فى المجىء
چودي .....وبعدين فى حرقة الاعصاب دى بقى انا بقالى ساعة قاعدة
انفتح الباب ولكن وجدت چودي القادم الشابة المدعوة سما
سما .....انتى مين
چودي .....انا جاية معايا ميعاد مع مصطفى بيه
سما.....ميعاد بخصوص ايه
تالين....دى حاجة بينى وبينه
سما....وانا عايزة اعرف
سمعت سما صوت مصطفى
مصطفي ....مش قالتلك موضوع بينى وبينها
سما ....سورى يا بيبى
مصطفي ....يلا اخرجى برا
سما بدلع.....مش هتبطل قسوتك دى ابدا
چودي فى سرها.....دى باين عليها من النوع اللى بيحب التهزيء
مصطفي ....قولت برا ياسما وانتى عارفة مبحبش اكرر كلامي
سما.... خلاص يا قاسى خارجة
بعد خروج سما
مصطفي ....اهلا يا آنسة هو انتى اسمك ايه صحيح
چودي ....اسمى چودي
مصطفي .....اه انتى كنتى جاية بخصوص ان اتنازل عن حبس اخوكى
چودي .....ايوة لانه والله مظلوم
مصطفي ....قولتيلى بقى انه مظلوم
چودي .....ايوة وملوش ذنب
مصطفي ....انا عندى استعداد اتنازل بس بشرط
چودي ....شرط ايه حضرتك لو هقدر على تنفيذه هنفذه طبعا
مصطفي .....من ناحية هتقدرى فانتى هتقدرى
چودي .....ايه شرطك اتفضل قول
مصطفي .....عايز ابن بدل ابنى اللى مات
چودي .....وانا اجيبه ازاى ده يعنى
مصطفي ...انك تتجوزينى
چودي بصدمة ......انت بتقول ايه
مصطفي ....بقولك تتجوزينى وتخلفيلى ولد بدل اللى مات
چودي .
يتبع الفصل الثالث اضغط هنا
- الفهرس يحتوي على جميع فصول الرواية كاملة :"رواية عشق المصطفى" اضغط على اسم الرواية