رواية نصيبي في الحب الفصل الحادي والعشرون بقلم توتة
رواية نصيبي في الحب الفصل الحادي والعشرون
وصلنا الڤيلا ونزلنا دخلنا ولقينا حاجه مكنتش أتوقعها لقينا ملك بتتخانق مع واحده انا اول مره اشوفها ونهال وواحده كده برضو اول مره اشوفها بيحشوهم عن بعض
ملك : وسعي ي نهال عشان دي مش اول مره ده انا هوريها
البنت: مقولت مش قصدي الله
ملك: وسعي كدا بقا ي نهال عشان تحرم تعملها تاني
الست: كده ي ملك يعني احنا جايين نقعد معاكوا يومين تعملي كده
ملك: م انتي شايفه ي خالتوا عملت ايه وياريت اول مره تعمل كده دي كل لما تيجي تعمل كده
نهال: خلاص ي ملك بقا قالتلك غصب عنها
ادم لنور وداليا : خناقة كل مره
نور: هيا البنت دي عملت ايه
ادم: شايفه اللوحه اللي في البرواز دي
نور: اللي واقعه دي
ادم: ايوه هيا دي
نور: مالها
ادم: دي اروي بنت طنط ماجده كل لما تيجي توقع اللوحه اللي بتبقا متعلقه دايما ولازم الخناقه دي تحصل كده كل مره
نور: امممممم
_ اهو دومي جه ي مامي هروح اشتكيله من أخته عشان زهقت منها
ادم بصوت واطي لنور: ابتدينا القرف بقا
نور بضحك : شكلكوا مش طايقينهم فعلا
اروي : ي دومي ينفع كده ملك مضايقه عشان برواز اللوحه بتاعتها انكسر
ادم: لو سمحتي ي اروي انا قولتلك كذا مره قبل كده متناديش عليا بالاسم ده تاني وبعدين انا مالي اصلا
اروي بمياعه: اخص عليك ي دومي هتسيبني كدا عشان تزعقلي تاني
تجاهلها ادم وقال لنهال: نهال أنا خارج دلوقتي
نهال: ماشي ياحبيبتي
اروي مسكت ايديه: ايه ي دومي هتمشي ليه
ادم بغضب: اروي لو سمحت سيبي ايدي عشان مكسرهاش
خافت اروي شويه وادم مشي
ملك: نهال ... انا طالعه اوضتي
نهال: ماشي ي ملك
ماجده: انا اسفه والله ي نهال ي اختي على اللي البت اروي دي عملته
نهال: خلاص ي ماجده ولا يهمك
ماجده: وهو ده العشم برضو يختي
نهال: تعالي ي نور انتي وداليا
نور: ازيك ي طنط
ماجده: ازيك ي حبيبتي ... إلا مين ي نهال
نهال: دي نور بنت اخت محمد ي ماجده بنت شيرين
ماجده: ماشاء الله زي القمر ي حبيبتي
نور: شكرا ي طنط
_ ي نهال هو انا مش قولت ١٠٠ مره محدش يدخل عليا اوضتي ويصحيني
كان يوسف نازل علي السلم
نهال: معلش ي يوسف أنا معرفش أن هيا طلعت
يوسف: يعني مش هعرف انام ساعتين على بعض ي نهال أنا طول الليل والنهار في الشغل
نهال: خلاص ي يوسف حقك عليا يبني
يوسف: لو سمحت ي طنط ماجده ده طلب بطلبه منك مش كل لما تيجوا الاقيها عندي في اوضتي بتصحيني
ماجده: خلاص ي يوسف حصل خير البت مغلطتش يعني لكل ده
يوسف بغضب : والله العظيم لو اتكررت تاني ي شاهيناز انا مش مسؤول عن اللي هيحصل وهنسي انك بنت .... انا قلت اللي عندي ..... عن اذنكوا
خرج يوسف وكان في قمة نرفذته ساعتها عرفت محدش بيطيقهم ليه تقريبا كده عشان حاشرين نفسهم في اللي ملهمش فيه فقررت أن انا أتجنب معاملتهم عشان المشاكل
شاهيناز: علفكره ي نهال أنا مش قصدي بس يوسف قفوش اوي
نهال: م انتي كل مره تعملي كده وهو يتعصب عليكي دي تالت مره تعملي كده وهو موجود وبعدين انا معرفش ممكن يعمل معاكي ايه لما بيتعصب بيبقا حد تاني غير اللي انتي تعرفيه
ماجده: ايه ي نهال فيها ايه يعني صحته من النوم
نهال: الواد طول النهار في الشغل وتعبان
ماجده: خلاص بقا ي نهال مش موضوع هو بت ي شاهيناز انتي واروي انتوا مش صغيرين
شاهيناز: علفكره ي ماما انا معملتش حاجه غلط يعني
نهال: خلاص بقا
نور: طيب عن اذنكوا ... انا طالعه اوضتي ي نهال
نهال: ماشي ي نور
داليا: استني ي نور انا اجي معاكي
ماجده : إلا مين ي نهال البت اللي طلعت في الأخر دي
نهال: صاحبت نور ي ماجده
ماجده: اه ..... صاحبتها
_____________________________________________________
مروان في شركه باباه الدمنهوري
مروان: ايه الأخبار ي أحمد ؟
أحمد: بقولك كده ..
مروان: ايه......؟
أحمد: الرجل اللي احنا بعتناه يشتغل عند يوسف الزهار في شركات الكينج
مروان: ماله جاب معلومات ولا اي
أحمد : بيقول أنه أجل كل الصفقات اللي عنده للأسبوع اللي جاي
مروان: اه .... وبعدين
أحمد: يعني هو حاليا موقف جميع صفقاته لسبب مجهول
مروان: والعامل ده مقالش السبب
أحمد: لا للأسف
مروان: طيب تمام اي معلومات جديده كلمني
أحمد: ماشي ي مروان
مروان: طيب امشي انت وانا هكمل انا انهارده
أحمد : ماشي انا اصلا عايز اشوف فارس عشان بقالي يومين مبكلمهوش
مروان: ابقى سلملي عليه بقا
أحمد : ماشي يلا عايز حاجه؟
مروان: لا امشي انت
أحمد : ماشي يلا سلام
___________________________________________________
يوسف : بتقول ايه ؟
تيمور: ايه ي يوسف مستغرب ليه؟
يوسف باستغراب: قول الاسم تاني
تيمور: نور عز الدين الدسوقي
يوسف: متأكد
تيمور: ايوه فيه ايه
يوسف
: طيب كمل المعلومات
تيمور: طالبه في جامعه الهندسه المعماريه في سنه اولى ١٩ سنه
يوسف: هيا
تيمور: هيا مين انت تعرفها ؟
يوسف: متعرفش عنوانها
تيمور: عنوانها ٤ شار......... ايه ده هو مش ده عنوان ڤيلا الخرسيتي اللي انت وعيلتك ساكنين فيها
يوسف: يبقى هيا....... تيمور اوعى تكون جبت بيانات غلط ومش هيا دي
تيمور: لا متأكد من المعلومات
يوسف: طب ازاي
تيمور: انا مش فاهم حاجه
يوسف: تيمور .... دي بنت خالتي نور اللي جت من القاهره
تيمور : لا والله طب ازاي
يوسف: مش عارف
تيمور: هو ممكن يكون بينتقم منك فيها
يوسف: مش عارف بس مظنش
تيمور: طيب هتعمل ايه دلوقتي
يوسف: مش عارف سيبني لوحدي كده ي تيمور أما افكر هعمل ايه عشان لو كان انتقام والله لاخليه يتمنى الموت وميطلوش أما بقا لو ميقصدش فهيبقى في تصرف تاني خالص
تيمور: ماشي عايز حاجه تاني
يوسف : بقولك حاول كده تعرف اذا كان فعلا عايز يخطبها ولا بينتقم
تيمور: ماشي اي حاجه تانيه
يوسف: لا امشي انت دلوقتي
تيمور: ماشي عن اذنك
يوسف: اتفضل
___________________________________________________
ساره: انا مش عايزه اروح
ندي : ولا انا
ايمان: معاكوا حق
ساره: طيب متيجوا نخربها انهارده. ندي : انا موافقه جدا بس لازم نقول لنهال
ايمان: ايوه يلا
ساره: انا هرن انا على نهال
ندي: ماشي .... بس يارب توافق
ايمان: اكيد هتوافق.... اراهنك اصلا إذا كان في حد في البيت
ساره : معاكي حق والله ي ايمان الله يكون في عون نهال اصلا
ندي: هههههه طب يلا ده احنا هناخد شوية سيئات فله
واتصلت ساره ب نهال عشان تعرفها أن هما مش هيروحوا دلوقتي ونهال وافقت
___________________________________________________
هبه: ده اليوم انهارده كان متعب اوي كنتي جيتي معايا
ملك: اجي معاكي اي ده انا بنهج لما بنزل السلم
هبه: انتي رفيعه ي ملك أما أنا قلبوظه خالص وعايزه اخس شويه عشان اخلص من التنمر اللي انا فيه ده
ملك: علفكره ي هبه خليكي مؤمنه أن ربنا خلق الانسان في أحسن صوره
هبه: ونعم بالله ي ملك بس انا تعبت من التنمر بجد
ملك: معلش ي هبه استحملي اديكي روحتي الچيم اهو
هبه: طيب تعالي معايا ي ملك ونسيني انا كل حاجه بعملها معاكي انتي
ملك: طيب ... هبقي اشوف ي هبه .... بس سيبيني دلوقتي عشان انا متضايقه من الزفته اللي اسمها اروي دي
هبه : اوعي تقولي .... اللوحه انكسرت زي كل مره
ملك: اه
هبه: يلهواااااي ... لوحتي
ملك: معلش بقا لازم كده تكسرلنا لوحه زي كل مره
هبه: ده ايه الحقد والغل ده يا ربي
ملك: بقولك ايه متيجي نخرج اصلا مفيش حد في البيت غير نور وداليا
هبه: ليهم حق
ملك: طيب تعالي نروح عند سجي
هبه: ي بنتي احنا كنا معاها الصبح
ملك: فيها ايه يعني
هبه: طيب يلا بس هنتمشي علي البحر عشان نشم هوا الصيف والبحر كفايه خانقه في البيت
ملك: والله طب متاخدي معاكي عوامه وروحي صيفي بقا بالمره وانزلي البحر
هبه: ياريت
ملك: طب يلا ي هبله عشان نشم هوا الصيف والبحر وابقي البسي المايوه بقا...... هااااا
هبه بضحك : حاضر وهجبلك مايو معايا كمان
ملك: طب يلا ي رايقه روحي غيري هدومك
هبه: يلا
( للوالد والوالده اللي بيقرأوا الروايه ياريت تفهموا بقا انا عايزه ايه انا جايبه الحته دي مخصوص في الروايه عشان خاطر اوصل رساله معينه للوالدين وعشان اوضح اكتر
انا عايزه اصيف ....... انا عايزه اصيف ....... عايزه اصيف زي هبه كده بالظبط واخد العوامه معايا البحر 🥲😪😂)
____________________________________________________
نور كانت قاعده في اوضتها جتلها رساله من رقم مجهول
وكانت الرساله...
يتبع الفصل الثاني والعشرون اضغط هنا
- الفهرس يحتوي على جميع فصول الرواية كاملة :"رواية نصيبي في الحب" اضغط على اسم الرواية