Ads by Google X

رواية أحببت زوجة أخي الفصل الأول 1 بقلم مريم الشهاوي

الصفحة الرئيسية

    رواية أحببت زوجة أخي الفصل الأول بقلم مريم الشهاوي


رواية أحببت زوجة أخي الفصل الأول 

الرواية دي من قانون كان في الصعيد زمان الله اعلم لسه موجود حاليا ولا لا وهي ان الواحده اذا مات جوزها بتتجوز اخوه عشان الولاد متترباش مع حد غريب ويفضلوا ف حضنهم يارب تعجبكم ♡♡
عمر: ماما هو بابا فين 
جميله بصت للسما وقالت: مسافر يا حبيبي مسافر يلا روح غير هدومك واغسل ايدك عشان الغدا  
عمر: حاضر يا ماما 
عمر يبقى ابن جميله ومصطفى عنده 8 سنين
عصام: بكره هيتكتب كتابك يا جميله
جميله: يا بابا مفيش حل غير دا هتجوز خالد اخوه الي مسافر بعيد عن اهله طول عمره وبعدين يا بابا هو مريض وقاعد على كرسي ودا ف حد زاته منرفزه ومش مخليه طايق نفسه
عصام: مهو يا حببتي انا وابوه اتفقنا اهو منه عمر يفضل مع اهله ومنها انت تخدميه واهو تكسبي ثواب وهتكوني مراته
جميله: انا مش ضد اني اخدمه بس ضد اني اتجوزه مش هتجوز تاني من بعد مصطفى يابابا بس ارجوك اقنعهم
عصام بشفقه وزعل على بنته: يا حببتي انت لسه صغير ومن حقك تتجوزي تاني وبعدين مش احنا الي قايلين الكلام دا انت عارفه قانون البلد كويس ودا معروف مش هاجي انا واغير القانون صلي صلاة استخاره النهارده يا حببتي والله اعلم مش ممكن تكون حياتك هتبقى احسن يلا يا بنتي عشان ندغدا 
جميله: يا ولي الصابرين 
جميله تبقى بنوته زي القمر شعرها بني فاتح مايل على اللون البرتقاني وطويل جدا مغطي كل ضهرها وبشرتها بيضه ناعمه وعيونها عسلي فاتح عندها24 سنه مصطفى اتجوزها وهيه عندها 16 سنه يعني بعد السن القانوني علطول وبعد عمر ربنا مأردش تجيب عيال تاني 
______
احلام:يعني انا انبسطت ان ابني سافر برا البلد دي وقولت هيتجوز بنت من مصر تقوم تقولي هتجوزه مرات اخوه
سالم:احلام خالد قاعد على كرسي ومحتاج الي يراعيه ويهتم بيه 
احلام:طول عمري محبتش ان جميله تبقى مرات ابني تقوم قايلي هتبقى كمان مرات ابني التانيه يارب خدني عشان ارتاح 
سالم بلا مباله:ربنا يهديكي يا احلام 
خالد يبقى شاب عمره 28 سنه عنده لحيه خفيفه وشعره اسود وعينيه سوده رموشه تقيله ونظرته زي نظرة الصقر سافر مصر وعاش فيها طول حياته وف يوم عمل حادثه بالعربيه جاله شلل ف رجله ورجع الصعيد بأمرمن والده عشان يحضر عزا اخوه ويتجوز مرات اخوه 
.......
جميله يوميها صلت صلاة استخاره وارتاح قلبها ودعت انه ميكنش زي اخوه يبقى حنين عليها وخلصت دعا واخدت عمر في حضنها ونامت 
وتاني يوم جيه
(بارك الله لكما وبارك عليكما وجمع بينكما في خير) 
عصام: الف مبروك يا بنتي 
جميله:الله يبارك فيك يا بابا
سالم:مبروك ليكوا انتو الاتنين يا ولاد تعالى ف حضن جدو يا عمر 
عمر:وحشتني اوي يا جدو انت وتيته
احلام:عيون تيته وانت يا حبيبي 
عصام:يلا انا همشي بقى سلام يا جميله
جميله: سلام يا بابا 
جميله وخالد طلعوا اوضتهم وعمر كان قاعد مع جدوا وستوا تحت 
جميله:محتاج حاجه اجبهالك 
خالد مش بيرد وفضل باصص على السرير 
جميله:ماشي ماشي تعالى اساعدك عشان تنام 
مسكته من دراعه وحاولت توقفه وودته عند السرير وغطتيته خالد عدل نفسه بإيده وسند بضهره على السرير 
جميله :محتاج حاجه 
خالد هز راسه ب لا 
جميله:انت مش بتتكلم ولا اي اومال مين الي كان بيردد مع المأذون تحت دا ههههههه 
خالد بصلها ورجع راسه تاني 
قلعت جميله الحجاب ولبست عبايه كحلي جميله
جميله:طب اي انا جعانه اوي انت جعان 
خالد مردش عليها وفضل ساكت 
نزلت جميله وجابت اكل 
عمر:ماما انا جعان خوديني معاكي 
جميله:تعالى يا عمر 
جميله:قوله ازيك يا.....
عمر:ازيك يا عمو 
جميله:لا يا حبيبي قوله ازيك يا با...
خالد باصلها بحده وهز راسه بإبتسامه
جميله بتردد:تعالى اما اكلك 
خالد بص للأكل وجميله فهمت من نظراته انه جعان مدت ايديها؛اتفضل انت اكيد جعان 
خالد بصلها
جميله:نبطل عناد شويه خد ولا اكلك 
خالد:ايديا بحركها عادي على فكره 
جميله:الحمد لله اتكلمت واخيرا يلا يا عمر افتح بوقك واكل خالد ونام على السرير وجميله اخدت ابنها ف حضنها وناموا على الكنبه 
تاني يوم الصبح 
خالد بزعيق:اي الي انت عملتوا دا 
عمر جري ف حضن مامته 
جميله:في اي في اي 
خالد بزعيق :اسألي ابنك...


يتبع الفصل الثاني اضغط هنا
google-playkhamsatmostaqltradent