رواية نصيبي في الحب الفصل التاسع عشر بقلم توتة
رواية نصيبي في الحب الفصل التاسع عشر
مروان: نور اسمحيلي اطلب منك الطلب ده
نور: اتفضل ي أستاذ مروان
مروان: تتجوزيني ي نور
صدمه ...... زهول ......مفاجأه ...... حست بيها نور
نور بصدمه: ايه ؟
مروان: تتجوزيني ي نور؟
داليا جنبها بصوت واطي : وافقي ي نور
مروان: انا مش هضغط عليكي ي نور ومش عايز اسمع ردك دلوقتي بس اللي عايز اعرفهولك اني حبيتك من اول يوم شوفتك فيه ولما شوفتك مع ادم كانت مجرد غيره مني عشان كده كنت عايز ابعدك عنه بأي طريقه
نور بعدم استيعاب : ممكن بس اروح دلوقتي
مروان: اه ...... ممكن
خرجت نور من المحاضره وهيا لسه خارجه من المحاضره سمعت صوت بيناديها
_ نور
التفتت نور للصوت وكان مروان
مروان: انا عارف ان ممكن اكون احرجتك قدام زمايلك اللي معاكي في المحاضره بس انا فعلا حبيتك من اول مره شوفتك فيها واللي عملته معاكي ده كان عناد مني عشان متعلقش بيكي واحاول انساكي بس اكتشفت أن حبي ليكي بيزيد كل يوم عن اليوم اللي قبله
نور : انا حاليا مش عارفه افكر في حاجه ي دكتور مروان
مروان: قوليلي مروان بس ي نور زي م انا بقولك نور بس
نور باحراج: طيب .... بس انا دلوقتي مش مستوعبه اي حاجه
مروان: مش هضغط عليكي يا نور فكري براحتك
نور: طيب .. عن اذنك ....
___________________________________________________
نهال : علفكره ماجده هتيجي بكره ي محمد
خالو ( محمد) : تنور يا نهال بس مش هيا كانت هتيجي يوم الجمعه اللي فاتت ده انا نسيت عشان امي وابويا
نهال: معرفتش تيجي الجمعه عشان كان عندها ظروف فهتيجي بكره
خالو: طيب انا نمشي عشان الشغل
نهال : هتتأخر
خالو: مش عارف لسه يا نهال
نهال: ماشي
____________________________________________________________________
نور رجعت من الجامعه الي الڤيلا بس لما روحت ملقتش حد في الڤيلا
دورت علي نهال كتير وملقتهاش يأست نور من التدوير علي نهال
نور قالت في سرها : ي ربي يعني ده وقت اروح فيه وانا بخاف اقعد لوحدي الله يسامحك يا مروان ياللي حرجتني وخلتني امشي ولا تيتا وجدو اللي جايين يسافروا يعملوا عمره دلوقتي حتي نهال مش موجوده والكل اكيد في الجامعه بتاعته
_ بتعملي ايه يا هبله
نور لفت وراها لقته يوسف
نور: هو حد قالك قبل كده أن انا عايزه اقطع الخلف ولا حاجه
يوسف بضحك : محدش قالك تسرحي كده مكنتش جيت وراكي و قولتلك بخ
نور: لا مهو ده اللي ناقص عشان اتلبس
يوسف: انتي ايه اللي مرجعك بدري
نور بتوتر : ك...كنت...اه نسيت حاجه وكنت جايه اجيبها
يوسف: بتكدبي
نور: ليه بتقول كده
يوسف: انتي واقفه قدامي وبتكدبي ي نور وانا اصلا بعرف اللي بيكدب من عينيه
نور: هو انت ملبوس صح ؟ ولا تكون مخاوي
يوسف بضحك : والله ملهاش علاقه
نور: اومال عرفت منين مهو اكيد انك تعرف من العين ده موضوع فاكس
يوسف: لا مش فاكس ولا حاجه يعني الواحد لما يكدب بؤبؤ العين بيضيق كده وكمان بيبقي باين عليكي انك متوتره زي دلوقتي
نور: صح ممكن كده يكون كلامك صح
يوسف:انتي هتمشي تاني ولا ايه
نور: لا مش هروح تاني
يوسف: عرفتي بقا انك منسيتيش حاجه زي م بتقولي
نور: لا بس موضوع تاني
يوسف: ماشي ي نور
نور: هو انت هتمشي انت كمان
يوسف: ايوه نمشي انا كنت ناسي اللابتوب بتاعي بس
نور بضحك: استني كده أما اشوف بؤبؤ عينك
يوسف: علفكره انا اصلا مش كداب وصريح جدا يعني لما بكون مش عايز اقول لحد حاجه بقول في وشه انت ايه اللي دخلك أو مش عايز اعرفك
نور: ايه ي عم الإحراج ده انا بهزر اصلا
يوسف: عارف انك بتهزري والله انا مفيش حاجه بتخفى عليا اصلا
نور: وايه الثقه الزايده دي يعني عادي يعني م اي حد ممكن يقولك عارف عارف عارف فيها ايه يعني
يوسف: مش الكل يعني زي م قولتلك قبل كده انا سافرت كتير وعارف الدنيا كلها وقابلت ناس كتييير واتعاملت مع ناس اكتر و
تليفون يوسف رن ساعتها
يوسف: طيب هرد على الفون
نور: تمام
______________________________________________
مروان: بصي ي امي انا مش هتجوز اي واحده من البنات اللي انتي جايباهم دول
اولفت (مامته) بغضب : يعني ايه ي مروان الكلام ده
مروان: يعني هتجوز البنت اللي انا هخترها
اولفت : ايوه يعني اخترتها ولا لسه
مروان: ايوه
اولفت بفرح : ومستني ايه
مروان: موافقتها ي امي
اولفت : يارب توافق ي ابني عايزه افرح بيك قبل م اموت
مروان : بعد الشر عليكي ي ماما انشاء الله هتوافق واول م توافق هاخد رقم باباها أو مامتها عشان اتكلم معاهم
اولفت : ربنا يوفقك ي حبيبي
__________________________________________________________
نور قعدت في الجنينه بتاعت الڤيلا
بعد ساعه تقريبا جت نهال
نور: نهال انا قاعده هنا
نهال: ايه ده انتي ايه اللي رجعك بدري ي نور
نور: اصل كانت آخر محاضره بتاعت المعيد البارد ده ف انا روحت عشان مش عايزه أحضر له اي محاضره
نهال: ماشي ي نور بس عملتي ايه
نور: هو اعتذرلي قدام الكل هناك
نهال: طب كويس
نور: بس طلب مني حاجه انا متردده اوي فيها
نهال: في ايه ي نور
نور: طلب مني الجواز
نهال: هو مين
نور: المعيد بتاعي
نهال: ازاي
نور: مش عارفه والله وطلب مني كده قدام الكل برضو
نهال: بصي ي نور لو انتي حاسه انك ممكن تحبيه أو انك متعلقه بيه وافقي بس اعملي استخاره الاول أما بقي لو انت مش مرتاحه للموضوع من الاول كده فارفضي عادي
نور: مش عارفه بس كانت يعني مفاجأه
نهال: خلاص اعملي استخاره بقا مش انتي عارفه تصلي
نور بإيماء: ايوه طبعا انا اصلا بصلي الفرد بوقته
نهال: ماشاء الله انا بحسبك مبتصليش
نور: مش شرط عشان اكون مش لابسه حجاب يبقى مبصليش
نهال: ماشي اعملي استخاره الاول لو ارتاحتيله وافقي
نور: انا بس متوتره شويه مش متوقعه الصراحه الموضوع اصلا
نهال: مش هو سابك تفكري
نور: اه قالي فكري براحتك
نهال: خلاص فكري براحتك
نور: ماشي
___________________________________________________
في كليه الطب بالاسكندريه
ندي: ايه رايك ي ايمان في اللي انا قولتهولك. ايمان: فكره حلوه والله عشان تحس على نفسها شويه
ندي : اهي جايه يلا
ايمان : يلا
ندي بصوت عالي: ايه رايك بقا ي ندي في شيرين لدكتور اسلام
ايمان: الصراحه لايقين علي بعض اوي يارب بقا يبقوا من نصيب بعض
ساره : في ايه بتتكلموا في ايه
ندي بخبث: كنت عايزه أتأكد من حاجه يا ساره منك
ساره: ايه
ندي: مش انتي خلاص سيبتي اسلام
ساره: والله مش عارفه لسه بس عايزاه يعرف قيمتي الاول
ندي بخبث: يعرف ايه بقا م خلاص
ساره باستغراب : خلاص ايه
ندي بخبث: اصل شيرين انهارده قالتلي انا وإيمان أن خطوبتها يوم الخميس
ايمان: حصل
ساره باستغراب وتساؤل: وايه علاقة شيرين بإسلام ؟
ندي بخبث: اصلها خطوبه اسلام وشيرن
ساره : ايه
ندي: وانا هكدب ليه
ساره : والله العظيم م هسيبه يتهنا بيها
ندي: هتعملي ايه
ساره: ماشي ي اسلام ده انا مش هخلي الصبح يطلع عليه انا بقا هوريه أن كيدهن عظيم
ندي بخبث : استني ي ساره راحه فين
ايمان: خلاص ي ندي بقا سيبيها
ندي: بس اسلام ميعرفش اللي احنا عملناه
ايمان: عشان يعرف أن هيا بتحبه بس بتكابر بس
ندي: ربنا يستر من ساره
_______________________________________________
جه الليل عليهم في الڤيلا وكانوا قاعدين كلهم مع بعض وهما ندي وإيمان وساره ونور وداليا وملك وهبه
ندي : بس محدش شاف المقلب اللي عملناه في ساره انهارده
هبه : عملتوا ايه
ايمان: دي طلعت مبتحبش اسلام بس دي بتموت في دباديبه
ملك: ليه بتقولوا كده
ندي: انهارده قولنالها أن خطوبه اسلام على شيرين يوم الخميس
ملك: والله
ايمان: لا كنا بنهزر معاها
نور بضحك: وهيا عملت ايه
ايمان: جريت علي مكتبه وراحت هناك قعدت تقوله أن هو مش بيحبها وأنه بيلعب بيها وأنه واحد خاين وكلام كده فظيع لا ده فوق الفظيع
ندي: وهو يعيني قاعد مش فاهم هيا بتعمل كده ليه دي مسبتلوش فرصه يتكلم
نور: طب م ترجعيله ي ساره
ساره: م انا رجعتله انهارده لما ظلمته بسبب البهايم دي
ندي: ده بدل متشكرينا أن احنا رجعناكي لاسلام
ساره : بس وانتي عيله خنزيره
نور: وانتي ايه اللي خلاكي تخاصميه اصلا
ندي : تخيلي عشان ايه
نور : ايه
ندي : عشان سلم علي طالبه عنده
نور: يا محنو
ساره : لا مش عشان كده عشان قولتله انت ليه بتسلم عليها قالي عادي دي طالبه عندي يرضيكي اكسفها يعني
نور: ايه ي ساره الهبل ده دي حاجه تافهه
ندي: حتي قالتله ايه اشبعوا ببعض
نور: حرام عليكي ي شيخه
ساره: خلاص بقا فكك
ملك: احنا بس عشان اللوحه بتاعتنا دي الأستاذ مالك خدها وغير فيها شوية حاجات كان زمننا طلعنا المركز الاول
نور: معلش ي ملك المركز الثاني برضو مش وحش
هبه: هتمسكهالي ي ملك كل شويه وتفكريني بيه
ملك: انا مضايقه بس عشان بعد التعب ده كله مخادناش المركز الاول
نور: خلاص ي ملك احمدي ربنا بقا
ملك : الحمد لله
نور : كنت عايزه اكلمكوا في موضوع كده
ملك : ايه
نور : انا متقدملي عريس
يتبع الفصل العشرون اضغط هنا
- الفهرس يحتوي على جميع فصول الرواية كاملة :"رواية نصيبي في الحب" اضغط على اسم الرواية