رواية وقعت فى العشق الفصل الرابع عشر بقلم أمل السقا
رواية وقعت فى العشق الفصل الرابع عشر
زينه بتدور فى الشاليه كله مش لاقيه عشق بس لقت ورقه على السفره مكتوب فيها" زوزه انا خرجت انا وزياد نشتري شويه حجات متقلقيش علينا وعز عنده مشوار ناحية الموقع ومش هيتأخر واحنا هنحاول نيجي بدرى متقلقيش "
زينه وهي بتهدي نفسها: تمام طالما زياد معاها يبقى مفيش داعي للقلق انا هطلع اشم هوا بره طالما مفيش حد هنا.*ولسه بتفتح الباب وبتخرج لقت اللي رش حاجه في وشها *
&فى المول.
عشق: يا زياد الفستان ده واسع قوى وانا مش بحب اللون ده هنشوف واحد غيره.
زياد: انا بحب اللون ده علي فكره بس مش مهم عايزة تغيريه غيريه بس هاتي نفس المقاس عشان ميبقاش ضيق وتعالى بقا نروح القسم اللي هناك ده "وشاور علي القسم اللي فيه اللانجري وقال" عشان ننقي كام حاجه كده ولا كده "قالها بغمزة"
عشق بشهقه: انت قليل الادب انت مفكر اني هدخل معاك المكان ده يلا يا بابا بره عشان هقيس الفستان ده.
زياد وهو بيقرب منها: طب ما تخليني هو انا مش جوزك برضو "بغمزة"
عشق "وشها قلب طماطمايه": اطلع بره يا زياد يلا.
#خرج زياد وهو بيضحك على كسوفها هو بيحب يكسفها عشان يشوف ردة الفعل اللي بتظهر على وشها اصلا وتليفونه رن برقم غريب#
زياد: الو زينه فيه ايه؟ زينه انتي فين ردي عليا؟
المتصل: ششششششش اهدى بس كده يا باشمهندس متخافش المزه معانا متقلقش عليها خالص بس خليك عارف أي حركة خيانه كده ولا كده يبقي هتقول عليها يا رحمن يا رحيم.
زياد بعصبيه: انت مين يا ابن ال..... وعايز ايه من اختي.
المتصل: تؤ تؤ تؤ طولة لسان مش عايز عشان اختك تبقى بخير وبعدين مين اللي قال اني عايز اختك؟ انا عايز حاجه تانيه واعتقد مفيش اغلى عندك من اختك؟ ولا ايه يا هندسه؟
زياد: انجز قول عايز ايه؟
المتصل: عشق عايز عشق هتسلمنى عشق هسلمك اختك صاغ سليم معاك ساعتين وهرن عليك تفكر فيهم يا اما نتقابل فى مكان انا هحدده وتديني الامانه بتعتي وتاخد بتاعتك يا اما الامورة دي حلال عليا واهي قمر برضو.
زياد: وحياة أمي لو تمس شعره منها لاندمك على اليوم اللي اتولدت فيه." الخط قطع "
_عشق خرجت: زياد مال وشك مقلوب كده ليه؟ فيه ايه؟
زياد بشرود: زينه اتخطفت.
عشق بشهقه: نععععم اتخطفت ازاي يعني؟
زياد بصوت عالي وعصبيه: انا ايه عرفني انتي السبب انتي السبب شوفي ليكي اعداء مين وعايزين منك ايه واختى اللي هتدفع التمن.
عشق بصدمه من كلامه: زياد انت بتقول ايه واعداء ايه دول وانا ايه دخلني فى الموضوع في الموضوع اصلا؟
زياد: اللي خطف زينه رن عليا وقالي انه هيرجع زينه مقابل اني اسلمك ليه يا مدام شوفي بقا مين ليه المصلحه فى كده؟
عشق: وانت هتعمل ايه؟
زياد بسرعه: اكيد هرجع اختى.
عشق: وهتسلمنى.
زياد: مش عارف بس زينه اختي لازم ترجع لازم انا مليش غيرها.
عشق بدموع: يلا "ومسكته من ايده ومشت اتجاه الباب"
زياد: يلا فين.
عشق: انا هروح معاك وخد زينه وامشي وملكش دعوه بيا انا عارفه مين اللي خطف زينه وهو مستحيل يإذيني.
زياد وهو بيمسك دراعها ويضغط عليه جامد: تعرفيه منين انطقي يا عشق انطقي.
عشق وهي بتتوجع من مسكة ايده: اه طب سيب ايدي بتوجعني ده اكيد نادر اللي كان معايا في الجامعه
زياد: وماله ومالك برضو
عشق: هو قابلني امبارح وقال كلام ملهوش لازمه كده
زياد: انتي تحكيلي كل حاجه بالحرف يا اما وديني هدفنك مكانك يا عشق.
عشق بدموع: والله انا مليش ذنب حتى زينه كانت معايا امبارح نادر ده هو اللي خلى جويريه صحبتي تبعد عني زمان لانه كان بيحبني وكان عايز يوصلي بس انا رفضته وعشان ضربته بالقلم امبارح اكيد عايز ينتقم مني "مسحت دموعها وقالت" بس انت وزينه ملكمش ذنب انت هتسلمنى ليه وتاخد اختك وتمشي وملكش دعوه بيا انا.
زياد بعصبيه: مليش دعوه ازاي انتي مجنونه انتي ناسيه انك مراتي.
عشق بسخريه: هههههههه مراتك مراتك اللي فى أول مشكله تحصل معاك فضلت تقولها انتي السبب انسى يا زياد احنا نرجع زينه وكل واحد من طريق.
زياد لسه هيتكلم بس تليفونه رن: الو ايوه يا عز انت فين؟
عز: انا فى الشاليه بس بدور على زينه مش لاقيها هو انتو خدتوها معاكم؟
زياد: زينه اتخطفت يا عز.
عز بصدمه وقلق: اتخطفت ازاي يعني؟ ومين اللي خطفها انت بتقول ايه يا زياد.
زياد بحزن ودموع: اه والله يا عز زينه اتخطفت واللي خاطفها طالب مني اسلمه عشق ويسلمني زينه.
عز بلهفه: زياد اوعى تسلمه عشق اوعي تعملها وبعدين انتو فين انا جاي ليكم.
زياد: لا يا عز احنا في الطريق جايين لما نوصل هنشوف هنعمل ايه."وقفل الخط وبص لعشق اللي نازله عياط على اخرها وبعدين بص قدامه وقال"انا اسف انا عارف اني اتعصبت عليكي بس دي اختي الوحيده ومليش غيرها.
عشق: ولا يهمك ان شاء الله هترجع بالسلامه.
&___فى الشاليه أول ما وصل عشق وزياد.
عز بلهفه: زياد زينه كويس؟ انت كلمتها؟ عرفت هما مين طيب؟
عشق:اهدي يا عز زينه هترجع والله وايوه عرفنا مين لان مفيش غيره اصلا يعمل كده.
عز: مين طيب وانا والله ادفنه فى مكانه.
عشق: نادر يا عز نادر اللي عمل كده.
عز باستغراب: يا ابن ال...... طب انتي ايه عرفك ورجع امته وشوفتيه فين وازاي وهو اصلا عرف زينه ازاي؟
عشق: امبارح عالشط... "وحكت اللي حصل" فأكيد لما شاف زينه معايا عرفها.
عز: وديني لاخليه يندم على اليوم اللي اتولد فيه.
زياد: عز كلم احمد صاحبنا خليه يراقب الخط اللي اتصلوا عليا منه ويعرف المكان. وانا هكلمهم دلوقتي واقولهم اني هسلمهم عشق.
عز: انت مجنون يا زياد عايز تسلمه اختى! على جثتي ده يحصل زينه اكيد هترجع بس مش يكون تمن رجوعها انك تسلم الحيوان ده اختى.
عشق: عز يا حبيبي احنا هنوهمه بس انكم هتسلموني ليه بس اكيد يعني زياد مش هيبيعني بالسهوله دي ولا ايه يا زياد.
زياد بشرود: اكيد بس لازم اختى ترجع وانا عارف هرجعها ازاي.
يتبع الفصل الخامس عشر اضغط هنا
- الفهرس يحتوي على جميع فصول الرواية كاملة :"رواية وقعت فى العشق" اضغط على اسم الرواية