Ads by Google X

رواية نور وجني الأحلام الفصل العاشر 10 بقلم نجلاء محمد

الصفحة الرئيسية

   رواية نور وجني الأحلام  الفصل العاشر  بقلم نجلاء محمد عبدالله


رواية نور وجني الأحلام الفصل العاشر 

— ركزي يا بنتي عاوزك معايا وانا بخطب ! 
- هو انا سمعت غلط ولابتخيل قول تاني كدا عاوزني فين 
— معايا وانا بخطب 
- هو سؤال معلش مش انت وهم في خيالي؟  إذاي وهم يخطب و ...
# وهم ! وهم في عينك دا راجل وسيد الرجالة 
- اركني يا عمتي دلوقت دا بيقولك هيخطب يختااي يختاااي هو انا دماغي فيها ايه وهقول لأهل العروسة ايه جني أحلامي عاوز يتجوز بنتكم! 
— فيها إيه !
- يبني انت عبيط انت وهم بنتهم تتجوز هوا ولا انت مش وهم وبتضحك عليا وانت حرامي يومك مش فايت 
# ما تلمي نفسك يا بت انتي ابن خالتي مش حرامي 
- الهي تنستري اسكتي أنت دلوقت 
— طب يا جماعة اهدوء وانت يا نور العروسة تبقى جارتنا 
- اه يعني زيكم طب وانا هتاخدني ليه معاك طالما جارتكم يعني البيت جمب البيت؟ 
— لا أنت فهمتي ايه جارتنا ال هى جارتك ساكنة في الشقة ال جمبك شقة استاذ معتز! 
- استاذ معتز!  بس دا معندوش بنات! 
— لا عندو بس ! هو انا عملت حاجة من غير ما تعرفي 
- صلاة النبي أحسن هببت اي نورني! 
— جنية احلام اطردت من بيت صاحبتها وانا شوفتها  اخر يوم امتحاناتك فصعبت عليا ومكنش ينفع نعيش سوا في بيتك فدخلتها من البلكونة لشقته وهو اصلا ميعرفش أنها عايشة معاه 
- انا بحلم عارفة إني بحلم  ماما هتصحيني دلوقت دا أيه الكابوس دا 
# في إيه يا آنسة هتاجي معانا ولا لاء محناش فاضيين!  
- في اي يست أنت دا أنت لو مرات ابويا مش هتقفيلي على الواحدة كدا !
— يلا بقا يا نور بليز وافقي ويلا البنت مستنية !
- يخربيت اليوم ال قابلتك فيه يعني اروح اخبط على الراجل اقوله ايه لو سمحت عندك جنية احلام في بيتك جايين نخطبها لجني احلام عندي ! أنت عبيط 
— يا نور بقا اعملي اي حاجة مش معقول تحرميني من حب حياتي ترضيها لقلبك! 
- يادي النيلة في الليلة ال مش راضية تعدي يا بني يا حبيبي انت والله وهم  ! ايوة والله انت...
# أنت اذاي...
- اركني على جمب دلوقت يا انشراح 
يبابا أنت وهم في خيالي يعني ملكش وجود مهو مش معقول ان عقلي ال عامل الليلة دي دا اي أفكاري ال تودي في داهية دي !
— مليش دعوة بقا اتصرفي انا جني وعندي قلب بردو ! 
- يختااي يختااي يختتاي طب انا عندي فكرة حلوة كدا كدا محدش بيشوفكم غيري اي رايك تجيبها هنا وتتجوزوا يا سيدي ذي ما أنت عاوز ! ولو عاوز تهرب معنديش مشكلة 
— لا مينفعش دي بنت أصول لا يجوز 
- لا ماهو انا مش لاقية عقلي في كيس شبسي لما اروح واعرفه اني مجنونة الهي يسترك خد اهلك وامشي أن مش حمل فرهدة 
# انا قلتلك يا بني البشر غدارين دي حتى نسيت العيش والملح ال ما بنكم 
- اهدي يا نشراح ابوس ايدك 
جلس تميم ارضاً والورد بين يدية 
— يعني البنت ال بحبها هتروح مني ! نور بليز اتصرفي 
وقفت نور وتميم بجانبها واهله خلفهم أمام منزل جارها لتدق جرس الباب
- عيش وملح اي ياربي ال مورطني في الليلة دي ! بقولك ايه انا ماشية أنا عيلة اصلا وبرجع في كلامي 
والتفت لترحل فانفتح الباب 
# اذيك يا نور يا بنتي اي اخبارك 
- اذي حضرتك يا طنط هو دكتور معتز موجود ! 
# لا يبنتي برة تعالي استنيه 
- ماشي يا طنط شكرا 
جلست نور بجانب والدة معتز وتركت تميم وعائلته يتحدثون مع الفتاه ووالدها التى اكتشفت وجوده معاها ايضا 
- طنط ممكن كباية ماية 
# اكيد يا بنتي ثانية ورجعالك 
وبمجرد أن اختفت نظرت لتميم 
- يلا يا حيوان مش عملت ال عاوزة يلا بسرعة قبل ما ياجي ومعرفش اقول ايه يلا 
اتجهت نور ناحية الباب وقبل أن تخرج وجدت من يفتح ويدلف 
— آنسة نور اذي حضرتك 
- أخبارك يا دكتور معتز عن اذنك 
— لي ماشية استنى شوية 
- لا شكرا انا كنت بشوف طنط يلا سلام .
ذهبت نور لغرفتها ووبخت تميم هو وخطيبته التي اتت معه وودعت عائلته خاصة عمته وجلست بشرفتها  قليلا ثم ذهبت للنوم ولم تستيقظ سوى في ظهر اليوم التالي 
وكباقي الأيام مر اليوم سريعا حتى أتى الليل وخرجت من غرفتها لتأكل لتتفاجئ بيه يجلس مع والدتها 
# تعالِ يا نور سلمي على استاذ معتز جارنا 
— اذيك يا نور 
نظرت نور لوالدتها قليلا ثم نظرت له وعيناها لا توحيان باي مشاعر 
- ويا ترى بقا اسلم عليك كاستاذ معتز جارنا ولا دكتور معتز ، الدكتور النفسي ال قرر يلعب هو ووالدتي معايا لعبة سخيفة 
# نور ممكن تهدى انا طلبت منه مساعدتك عشان ال بقا بيحصل معاك 
- وانا مش مجنونة ومش بحاجتة 
— أنت مش مجنونة وانا عارف  ممكن بقا تقوليلي بتكلمي مين في اوضتك يا نور ، مين بتتخيلي وجودة معاك
- حلم مطفى، حلم ضايع،  حكاية ملهاش وجود غير معايا .


يتبع الفصل  الحادي عشر والأخير اضغط هنا
google-playkhamsatmostaqltradent