رواية تزوجت معاقا ذهنيا البارت السادس بقلم شهد محمد موسى
رواية تزوجت معاقا ذهنيا الفصل السادس
قاسم بإبتسامة مستفزة:صباح الخير يا صغير "وراح شد خدودها بإيده"
ريناد زقت ايده وقالتله بتحذير:ايدك يا شاطر لتوحشك
قاسم بغمزة واستفزاز:يا شرس....
ريناد نفخت بصوت عالي: اوف بقي انا نفسي اعرف انت مين يا غتت
قاسم راح قرب منها وهمس جمب ودنها وقالها وهو بيبتسم:لسانك طول كتير يا بطه وانا مش هسكتلك كتير اما بقي انا مين فقهولك بالليل علي روقان"وراح غمزلها "
ريناد بعدت عنه وبصتله بقرف وهو راح ابتسم بإستفزاز ومشي وهو بيغني .......
ريناد بتنهيده:يارب صبرني علي المعتوه ده......
وراحت كملت طريقها لاوضة إلياس وفتحت الباب بس لما دخلت الاوضة ملقتش فيها حد ولا حتي في البلكونة........ فراحت تخبط علي بابا الحمام يمكن جوا....
ريناد وهي بتخبط علي باب الحمام:إلياس انت جوا.... "لا رد"
ريناد بصوت اعلي: إليااااااس انت جوا "لا رد"
راحت فتحت الباب وكان الحمام فاضي......
ريناد بإستغراب:راح فين ده.... اما اشوفه يمكن نزل....
نزلت تحت تدور عليه ....
ريناد للخادمة بقلق :مشوفتيش إلياس ..
الخدامة بإحترام:لاء يا ريناد هانم البيه منزلش من اوضته من الصبح...
ريناد بقلق:ازاي..هو مش موجود في اوضته ولا حتي في الاوض ال انا لسة كنت في الاوضة وهو مكانش في......
قطعت كلامها اول ما شافت إلياس نازل من علي السلم بهدوء......
ريناد قربت منه بقلق
ريناد: انت كنت فين ....
إلياس بإبتسامة صافية:كنت نايم ولسة صاحي.....
ريناد بصتله ومتكلمتش معاه.....وراحت موجه كلامها للخدامة
ريناد للخدامة بهدوء:هو عمو أمجد فين من امبارح مشوفتوش.....
الخدامة بإحترام:البيه من امبارح في الشغل و لسة مرجعش......
ريناد ابتسمت للخدامة وقالت بهدوء: طيب معلش عطلتك.....
الخدامة ابتسمت بحب........
الخدامة:تؤمريني بحاجة ...
ريناد بإبتسامة: اول حاجة الامر لله وحده مش ليا والا لاي حد تاني حاجة شكرا مش محتاجة حاجة......
الخدامة ابتمست برضا لريناد الي من ساعة ما جت وهي بتعاملهم كأنهم اخواتها وهزت دماغها بمعني حاضر ومشيت.............
ريناد بهدوء لإلياس الي واقف وعلي وشه ابتسامة: اطلع استناني فوق هجيب الفطار واجي ....
إلياس هز كتافه وابتسم ببساطة وقالها:ماشي....
هي سابته ودخلت المطبخ وهو وقف باصص في آثرها وهو مبتسم وسرحان ........ فاق من سرحانة علي صوت المعقلة الي وقعت من الخدامة وهي بترتب السفرة.....
وراح طلع علي الاوضة علي طول.....
___________🤎__________
_في.مكان آخر وتحديداً في كافية الجامعة_
بسمة :بخخخخخخخ
سجي اتنفضت وقالت بنفاذ صبر: يابنتي اعقلي بقي الله يهديكي ...
بسمة بضحك وهي تقلد محمد سعد:عليا الطلاق بالتلاتة انت اتخضيت يا حج كامل.......
سجي ابتسمت علي المجنونة دي وقالتلها : بس خدي هنا قوليلي ايه الي حصل خلاكي تيجي بدري....
بسمة بمرح:الست الوالدة فيها الخير قومتني مخضوصة فَطار النوم من عنياا فقولت لنفسي قومي يابت يا بسمة ذكي عن صحتك وروحي بدري......
سجي بإبتسامة:بارك الله فيكي وفي ذكاتك...... طب ياله ندخل عشان المحاضرة هتبدأ ياختي.......
بسمة بمرح:ياله يا مزتي.....
دخلوا المحاضرة والدكتور دخل وبدأ يشرح..........
بسمة جت في نص المحاضرة وجتلها حالة الطفولة المتأخرة عمالة تنفخ خدودها وتفرقعهم بإيديهاا.......
سجي خدت بالها بسمة بتعمل اي حاولت تكتم ضحكتها
واتكلمت بصوت واطي:ربنا يشفيكي من العبط........
بسمة بصتلها بفخر مزيف وقالت:الي غيران مننا يعمل زينا....💅🏻"وكملت الي بتعمله.."
الدكتور ببرود: الآنسة الي عندها عته طفولي دي قومي اقفي......
بسمة بتكمل لعب وفاكرة الدكتور بيكلم حد تاني😹
الدكتور ببرود:انتي مسمعتنيش بقولك قومي.....
بسمة بتشاور علي نفسها:انااا......
الدكتور بسخرية:هو فيه حد معتوه هنا غير حضرتك........
بسمة قامت وقفت واتكلمت بسخرية:والله إسأل نفسك انا معرفش......
الدكتور نظراته ليها كانت عدائية بس اتكلم ببرود:انا كنت بقول اي يا هانم....
بسمة بثقة:كنت بتقول......................"وقالتله كل الي قاله بأسلوب وشرح مبسط جدا"
بس كدة هو ده الي حضرتك قولتله معتقدش انه فيه حاجة تاني حضرتك قولتها
"قالت جملتها الآخيره وهي بتبصله بإنتصار وثقة"
الدكتور بصلها بغضب وبعدين تجاهلها وقال: خلونا نكمل المحاضرة
بسمة اتغاظت انه اتجاهلها ومقالهاش حتي اقعدي ........"
بسمة في سرها:يا برودك ياخي طب والله لاقعد ومن غير ما استأذن حتي
"وبالفعل قعدت وبصتله بثقة وهو لما شافها بصلها بمعني انتي بتتحديني طب ماشي....."
وكمل المحاضرة وكل شوية عنيه تيجي علي الي بتتحداه دي ومش خايفة منه.............
___________🤎____________
خلصت المحاضرة وقبل ما الكل يخرج الدكتور اتكلم......
الدكتور بهدوء: شركة MCk لصناعة الأدوية عاملة منحة تدريبة للطلاب المتميزين الي جابوا امتيازات علي مدار ال3 سنين الي فاتوا.........."وقف كلامه وبص في الورقة الي في ايده ورجع كمل كلامه"
الطلاب الي هيسمعوا أسمائهم يقوموا يقفوا...."أماني حافظ_ أروي محمد_ ملك محمد_نادين إبراهيم_سجي محمود_بسمة أشرف_سلمي أسامة_ هاجر عبد الرحمن_.............وكمل كام اسم تاني للولاد وبعدين بص للي وقفوا"
الدكتور وجه كلامه ليهم بهدوء: تقدروا تروحوا الشركة من بكرة في حد عنده اي إستفسار.......
"كلهم هزوا دماغهم بلاء" فكمل كلامه :تمام بالتوفيق للجميع تقدروا تخرجوا.........
الكل خرج وهو لم حاجته واتكلم في سره وهو مبتسم بخبث:قدرك وجالك لحد عندك يا حلوة انتي متعرفيش انتي اتعاملتي مع مين...........
وراح خرج...........
___________🤎___________
سيكا كده استنوا اعرفكم علي سجي 👀
"سجي محمود في نفس عمر بسمة ومعاها في نفس الكلية والاثنين صحاب انتيم ويتحبوا بسرعة.....سجي شخصيتها هادية بس مع بسمة بتبقي حاجة تاني ..... بشرتها خمري و عيونها رصاصي غامق وشعرها اسود قصير واصل لغاية كتافها ومحجبة........" نرجع تاني🦦
__________🤎__________
_علي الجانب الآخر في فلة السيوفي_
ريناد كانت جهزت الفطار وطلعت لإلياس الي كان قاعد في البلكونة .....
فهي حطت الفطار قدامه في البلكونة من غير ما تتكلم وراحت دخلت الاوضة فتحت الدرج وطلعت الدوا الي قبل الفطار ورجعتله......
ريناد مدت إيديها ليه بالبرشامة وكباية الماية واتكلمت بهدوء:خد الدواء ياله قبل ما تاكل.....
إلياس بإبتسامة:حاضر..........."و خد البرشامة "
ريناد بهدوء:بالشفا ياله افطر......."وكانت هتمشي بس مسك إيديها"
إلياس بعبوس:مش هتفطري معايا .......
ريناد بهدوء:لاء انا زعلانه منك......
إلياس بحزن ودموع في عنيه وهو لسة ماسك إيديها: انا عملت اي زعلك مني.......
ريناد رقت لصوته فلفت ليه وقعدت جمبه واتكلمت بهدوء:انت مش عارف انه الكداب بيروح النار......
إلياس هز دماغه بأه .....
ريناد بنبرة حنونة:يبقي ليه كدبت عليا ...
إلياس بدموع بريئة:انا كدبت عليكي...
ريناد بنبرتها الحنونة :امم كدبت عليا وقولتلي انك نايم وانا كنت في اوضتك و انت مكنتش موجود فيهاا ..........
إلياس نزلت دموعه واتكلم :انا مكدبتش عليكي انا كنت نايم بس في اوضتة ماما .......
ريناد مدت إيديها ومسحتله دموعه واتكلمت بحب: خلاص متعيطش انا اسفة والله....بس افتكرت انك كدبت عليا لما قولت انك نايم وانا ملقتكش في الاوضة ..........
إلياس بشهقات:لاء مكدبتش عليكي ...
ريناد مسكت إيده الاتنين واتكلمت بحب:طب خلاص متعيطش عشان خاطري انا أسفة
إلياس بدأ يهدا ويبطل عياط......
ريناد بمرح:ياله نفطر بقي عشان لسة قدامنا يوم طوييييل اوي اوي النهاردة .....
إلياس بإبتسامة: ياله.......
وفي نفسه:انا الي آسف اني بكدب عليكي........"وبدأوا ياكلوا......"
___________🤎___________
_الساعة 7 بالليل علي كورنيش اسكندرية_
سجي قاعدة وباصه للماية وسرحانة فاقت علي صوت شخص
الشخص : ممكن اقعد ...
سجي بسخرية:متقعد ياعم هو حد قالك انه الكورنيش بتاع ابويا .......
الشخص قعد وقالها بإبتسامة: لاء والله ما حد قالي حاجة انا بس قولت استأذن لتضايقي اني هقعد جمبك....
سجي ضحكت: ايه الادب ده كله بقالي كتير مشوفتش العينة دي كنت فكراها انقرضت .....
الشخص بإبتسامة: ممكن اقولك حاجة
سجي بإبتسامة:قول يا سيدي ....
الشخص بإبتسامة: ضحكتك حلوة ....
سجي ابتسمت بخجل: شكراً
الشخص مد ايده ليها وبإبتسامة: اعرفك بنفسي عز
سجي بإحراج:اسفة مبسلمش علي رجالة بس تشرفت بمعرفتك انا سجي......
عز بإبتسامة:ولا يهمك يا سجي وبعدين متقوليهاش وانتي محرجة كده اما تقوليها قوليها بكل ثقة وقوة لانك صح..........
سجي ابتسمت برقة وقامت وقفت
سجي بإبتسامة: تشرفت بمعرفتك يا استاذ عز انا لازم امشي.....
عز قام وقف.....
عز بإبتسامة:الشرف ليا يا سجي لو سمحتيلي طبعا اناديكي بدون ألقاب ...
سجي بإبتسامة:أكيد عن اذنك "ولفت عشان تمشي"
عز بإندفاع:مش هشوفك تاني....
سجي ابتسمت وردت برقة وهي مدياله ظهرها: لو القدر كاتبانا نتقابل اكيد هنتقابل......."ومشيت وسابته"
عز بسرحان:اتمني يا حوريتي .....
فضل عز قاعد شوية وبعدين ركب عربيته ومشي.......
____________🤎____________
" عز الدين شاب عنده 27 سنة دكتور جراحة ليه اسمه حته مز ملوش حل...👀 شعره بني فاتح كثيف وبشرته قمحاوية بس مدي علي الابيض وكله كوم وعنيه دول كوم تاني...... عنيه لونها أزرق سماوي صافي وجسمة رياضي وعنده سيكس باكس وايهههه والعة معاه🦦
وكفاية كده عشان الذنوب 🤏🏻"
_في فلة السيوفي_
إلياس سقف لريناد واتكلم بحماس:انتي شطورة وبتتعلمي بسرعة
ريناد بسعادة ودموع:انا مبسوطة اوييي
إلياس بإبتسامة :هو انتي ازاي بتقولي فرحانة وازاي بتعيطي....
ريناد ضحكت برقة وقالت:دي دموع الفرح يا إلياس يعني لما تكون مبسوط اووي الدموع بتنزل غصب عنك......
إلياس ابتسملها وقالها :طيب ياله سمعي الي حفظتية تاني......
ريناد بحماس: I _we _you _they ورمادي يعني grey /
He _she _it وشبكة يعني net
إلياس سقف بحماس وضحك:شطووورة خااالص ولازم تاخدي حاجة حلوة... "وطلع حاجة من جيبه وقفل بإيده عليها"
ريناد بسعادة طفل:ايه هي ......
إلياس طلعلها لسانه وقالها :مش هقولك....."وطلع يجري علي فوق"
ريناد بعبوس طفولي:إلياس خد هنا قولي
إلياس طلع لسانه تاني وقالها:لااءء
وكمل جري
وهي طلعت تجري وراه وتنادي عليه
لغاية ما دخلوا الاوضة بتاعه إلياس ......
ريناد وهي بتنهج:إلياس هات بقي انا تعبت من الجري وراك
إلياس وقف قريب من السرير وهو بينهج هو كمان :لاء
ريناد قربت منه مرة واحده ومسكت ابده عشان تاخد الي في ايده بس هو عافر ووقعوا الاتنين علي السرير ريناد تحت وهو فوقيها .....
ريناد بترجي:وريهاني....
إلياس بصلها وهز دماغة بلاء وسرح في عنيها وهي بصت في عنيه الي بتوديها في عالم تاني
فضل باصص في عنيها وبيقرب من وشهااا وهي في عالم تاني "الي هو في الطراوة🦦😂" وخلاص قرب من شفايفهاا بس زي ما بيقولوا الفقري طول عمره فقري🤏🏻 الباب خبط
فإلياس بعد عن ريناد بسرعة وراح يفتح الباب وهي اتعدلت وبتحاول تستوعب كان ايه الي هيحصل دلوقت
إلياس بفرحة:بابا....
أمجد حضنه وقاله: وحشتني يا حبيب بابا......
إلياس بإبتسامة: اتأخرت ليه كده
أمجد حط ايده علي وش إلياس واتكلم بحنان ابوي: كان عندي شغل كتيررر اوي عشان كده معرفتش اجي
إلياس بإبتسامة:ولا يهمك يا بابا ريناد كانت معايا ومسبتنيش .....
أمجد بإبتسامة حنونة:حبيتها...
إلياس بص لريناد واتكلم:اوي واتصاحبنا .....
أمجد حضنه تاني وبص لريناد وقاله:طب كويس .....
ريناد ابتسمت لامجد وقالتله:حمدلله علي سلامتك يا عمو....
أمجد بإبتسامة:الله يسلمك يا ريناد....
ريناد بإبتسامة:عاوزة حضرتك في حاجة يا عمو
أمجد بإبتسامة: من عنيا....
وبعدين وجه كلامه لإلياس:حبيبي إقرأ قصة عقبال ما اتكلم مع ريناد شوية وبعدين هاجي اقعد معاك وانام معاك النهاردة كمان......
إلياس بسعادة:حاضر "وراح باسه في خده وبعد عنه"
أمجد بإبتسامة: تعالي بره يا ريناد
ريناد ابتسمت و هزت دماغها بنعم....
خرجوا بره الاوضة.........
أمجد بإبتسامة:هاه يا ريناد عاوزة اي
ريناد بإبتسامة :بصراحة انا كنت هطلب منك لو ينفع تجيبلي أحمد اخويا يبقي موجود معايا هنا......
أمجد بإبتسامة: ينفع طبعاا وبكرة هيكون عندك ....
ريناد بإبتسامة :يعني حضرتك موافق
أمجد بإبتسامة: اكيد موافق هرفض ليه......
ريناد بخجل:افتكرت حضرتك هترفض عشان مثلاا حضرتك تفتكر انه ممكن اني اهمل إلياس......
أمجد ابتسم وحاوط كتفها وقالها: عمري ما هفكر كده لاني عارف انك مش هتهمليه وحتي لو انتي عايزة تهمليه فهو مش هيسيبك تعملي كده...........
ريناد بإبتسامة بلهاء:مش فاهمه.....
أمجد بضحك:هتفهمي كل حاجة في وقتها متستعجليش هسيبك انا بقي دلوقت عشان اقعد معاه زي ما قولتله...... باي...."وراح سابها ومشي"
ريناد بتنهيده:انا عاملة شبه الاطرش في الزفة الحمدلله.....
"وراحت طلعت علي اوضتها"....
___________🤎___________
_الساعة 2p.m في Night club_
أمير بزهق: قاسم قوم روح انت دوشت دماغ امي بالبت دي......
قاسم ببرود: انا اتكلمت
أمير بسخرية:لاء امي الي عمالة تتكلم والبت عملت وانا مضايق ووالله لوريها ......
قاسم ببرود: ممكن بردوا.....
أمير بزهق:قوم روح ياض....
قاسم بصله وقبل ما يرد عليه قربت منهم مززززة لوز اللوز وحطت ايديها علي كتف قاسم ...
سوسكة بمياصة:هااي.....
قاسم حاوط وسطها
قاسم بإبتسامة ونظرة لعوب: احلي هاي دي ولا اي........
سوسكة ضحكت ضحكة الرقاصين....
سوسكة:هيهيهيهيهي يا بكاش ...
قاسم بإبتسامة لعوب :إلعب يا ابيض..........اموت انا واعيد السنة.....
سوسكة ضحكت بمياصة وقربت من ودان قاسم وقالت: لاء متموتش الليلة لسة طويلة واحنا محتاجينك......هيهيهيهي.
قاسم غمزلها بعنيه وابتسم بخبث وقالها:لاء دا كده يبقي نروح الشقة بقي......
سوسكة بمياصة:الشقة لاء.....
قاسم بإبتسامة لعوب:الشقة آه....
سوسكة بمياصة:قولت الشقة لاء.....
قاسم قرب وشه من وشها وقالها:الشقة أه......
سوسكة ضحكت بمياصة وقالت:انت كده بتجرجرني للرزيلة.....
قاسم وهو بيبوسها في خدها:هو في احلي من الرزيلة يا مزة.....
سوسكة بضحكة خليعة:عندك حق ده حتي ترفيه عن النفس........
قاسم لأمير:هخلع انا بقي
أمير بسخرية:مع السلامة وابقي سلملي علي الرزيلة........
قاسم بغمزة لأمير:يوصل..... تكير يا بيبي
أمير بسخرية:تكير يا روحي.....
وخد قاسم سوسكة وطلع علي الشقة😂 الي هي الفلة يعني.....
دخل قاسم البيت وهو محاوط وسط سوسكة وطلعوا السلم وهما مهيبرين وهاتك يا ضحك وما ادراك ما ضحكة سوسكة🙂😂..
بس الحلو مبيكملش للاخر للاسف...
الاتنين سكتوا او ما شافوا..
يتبع الفصل السابع اضغط هنا
- الفهرس يحتوي على جميع فصول الرواية كاملة: "رواية تزوجت معاقا ذهنيا" اضغط على أسم الرواية