رواية حكاية وعد البارت السادس عشر 16 بقلم ملك محمد
رواية حكاية وعد الفصل السادس عشر 16
بعد انتهاء العمل ف الشركه رجع زين ووعد للڤيلا
العائله متجمعه ع العشاء
والدتهم : اقعدوا يلا ولا كلتوا بره
زين : لا
وقعد
وعد قعدت وخدت بالها من آيسل قالت
: متعرفتش عليكي مش كدا
آيسل بحزن : مانتي من وقت ماجيتي مقضينها صدمات هتتعرفي امتى دانتي حتى مخدتيش بالك مني
تمام ببرود : يمكن علشان صغيره مشافتكيش
وعد : انا اسفه بجد حقك عليا نخلص أكل ونقعد مع بعض
زين : مابلاش
وعد : ليه بلاش
زين : البنت لسه صغيره حرام
وعد بضيق : هو أنا هعذبها
زين : لا لسانها هيطول زيك وكدا مش هنعرف نلمكوا
وعد بعصبيه : انت واحد بارد
آيسل حطت أيدها ع بوئها وقالت
: هاه دي شتمته عادي
تمام : بنت اقفلي ودانك بسرعه في وصلة ردح جايه ف السكه وانتي صغيره ع الحاجات دي
وعد بعصبيه : لا حلو اوي ومن امتى تمام بقى بيتكلم مش كانت القطه واكله لسانه وماشي يبص علينا بقرف
زين بص لتمام وضحك: استلم بقى
وعد بعصبيه : انتو متفقين عليا ولا اي
آيسل : متزعليش نفسك سيبك منهم ياوعد القوي لا يلتفت
تمام بسخريه قال لآيسل : طولك مقوي قلبك
زين بسخريه : تحسها شبه عقلة الإصبع هي مين
دي
آيسل بضيق : بس بقى عشان انا اتعصبت وممكن مكلمكوش تاني
تميم : حتى ف عصبيتك كيوت ياآيسل
زين : بكرا لسانها يبقى أد كدا اهوه ونقيسه بالمتر البركه ف وعد
وعد بعصبيه : انت انسان مستفز
آيسل حطت أيدها ع بوئها : دي شتمت آبيه زين تاني
زين : هي دي شتيمه دي محترمه الناس ال قاعده مش اكتر
جدهم بزعيق : ماتبطلوا دوشه بقى وتاكلوا
الكل سكت وبص قدامه
زين من تحت الكرسي عمال يحط رجله على رجل وعد ويناكف فيها بس هي ولا هنا وبتاكل
زين ادايق : انتي مش واخده بالك من حاجه
تمام : هتاخد بالها ازاي وانت فرمت رجلي انا
زين اتحرج وشال رجله بسرعه
انتهى جدهم من الأكل وقال
زين تعالالي عايزك بعد الأكل
وسابهم ودخل اوضته
والدتهم : أنا شبعت كملوا أكل براحتكوا وسابتهم ومشيت
زين : مش مطمن لحوار جدي داه
تميم : آخر مره جدي طلبني فيها لوحدنا كان بيقولي ابعد عن سيلا علشان متنفعكش
تمام : اوبا بقى
زين وشه قلب
وعد : هو في اي
زين : أنا رايح اشوفه
آيسل : تمام مش هتعلمني تركي بقى
تمام : زي ما بتقولي لزين يا ابيه تقوليلي أنا كمان في حاجه اسمها احترام الكبير
آيسل : انا اسفه حاضر ياابيه
وعد : نعم آبيه ! دا عندنا بنقوله يامتوحد
تميم وآيسل ضحكوا
تمام قام وسابلهم السفره وطلع ع الجنينه
____________
زين دخل لجده الأوضه
زين : خير ياجدي
اسماعيل : اقعد يازين
زين قعد
اسماعيل : انت اي علاقتك بوعد
زين : شغاله عندي سكرتيره مش أكتر
اسماعيل : عليا أنا برده
زين : بصراحه انا بحبها
اسماعيل : كنت عارف بس انت شايف ان وعد مناسبه؟
زين : فيها اي غلط علشان متكونش مناسبه
: المستوى المعيشي احنا كدا عيلتنا مستواها هينزل لو فكرت تتجوزها لازم تتجوز بنت رجل اعمال علشان يعلي من شأن العيله
زين : التفكير دا قديم اوي ياجدي وانا بحبها وعيلتنا مش محتاجه حد يعلي من شأنها
اسماعيل بحده : بس انا مش موافق
زين : انا اسف بس انا مش زي تميم وهقولك ماشي لا انا بحبها واتمنى انك تتقبل الوضع
وساب جده وخرج والغضب باين على ملامحه
جده بيكلم نفسه بغضب : معقول زين بيكسر كلامي !
مقدميش غير حل واحد
____بقلم ملك محمد__________
خرج زين لقاهم خلصوا آكل وطلعوا الجنينه
طلع اوضته يهدى شويه ويغير
وعد وآيسل قاعدين مع بعض
آيسل : انتي حبيبة آبيه زين مش كدا
وعد بتوتر : لا مين قال كدا
آيسل : لا ازاي دا الحب باين ف عنيه دا كان بيبصلك بنظره قمر اوي اتمنى الاقي حد يبصلي النظره دي
وعد : تفتكري ال بيحب بيأذي
: لا صعب شويه
: طب لو حد بيحبك وآذاكي ممكن تسامحيه
: اه ليه لا ماكلنا بنغلط
: بس انا قلبي مش قادر يسامحه
: هو زين عمل حاجه كبيره اوي كدا
وعد بتوتر : أنا مبتكلمش عن زين انتي فهمتي غلط
: متخفيش سرك ف بير احنا من هنا ورايح هنكون أصحاب
زين غير هدومه ونزل لقا وعد قاعده مع آيسل
راح ناحيتهم
: هاخد منك وعد شويه ياآيسل
آيسل اتحرجت : اه اتفضل
زين مسك أيدها وشدها وقعدوا بعيد
آيسل بتكلم نفسها : امتى بقى الاقي حد يحبني ويجي ياخدني من ايدي بعيد
بصت حواليها لقت تميم بيتكلم ف الفون وشكله بيحب
وزين ووعد قاعدين مع بعض
وتمام قاعد ف عالم تاني بيقرأ
اخدت بعضها وراحتله كان قاعد ع المرجحيه بتاعت الجنينه
قالتله: تمام ممكن اقعد
ببرود : آبيه
آيسل : آبيه تمام ممكن اقعد
ببرود : لا
آيسل بحزن : طيب
وسابته ومشيت بيأس
تمام نده عليها : انتي تعالي
جت بلهفه
: اقعدي بس متعمليش صوت
هزت راسها : حاضر حاضر وقعدت جمبه
هو بيقرأ وهي بتحاول تبص ف الكتاب
: هو كتاب اي داه
تمام : شششش
آيسل : طيب
بعد مرور ثواني
:هي دي الروايه ال كانت عندك ع المكتب امبارح بتاعت العفاريت دي
تمام : قولت اسكتي مش عايز دوشه
آيسل بيأس : حاضر وحطت أيدها ع بوئها
بعد ثواني
: هو الكاتب اسمه ايه
تمام : لو اتكلمتي تاني هقولك امشي
آيسل : لا خلاص خلاص
_________
زين اخد وعد وقعدو ع الأرض ف ركن ف الجنينه
وعد :جدك كان عايز اي
زين مسك ايدها : ولا حاجه
وعد : بتخبي عليا اهوه
زين : وعد انا ممكن احارب الدنيا كلها عشانك بس خايف
: خايف من اي
: خايف تتخلي عني بنص الطريق
: طب أوله عادي
زين : مبهزش متبقيش بارده
: ولا أنا أنا بتكلم جد ليه نوصل لنص الطريق ماحنا ف الأول اهوه وكل واحد فينا يروح لحاله
زين بذهول: انا مستغرب ازاي محبتنيش لحد دلوقتي مع اني عملت ليكي كل حاجه
وعد : لأني مكنتش شايفاك الفتره ال فاتت ولما بدأت اشوفك جيت انت ضيعت كل حاجه لما صدقت كريم
: لسه مش عايزه تنسي
: صعب انسى بس بحاول
: طول مانتي بتحاولي انا مبسوط
:ممكن اعرف انت حبتني ازاي وانا بحب حد تاني
: مش عارف اصل الحب دا احساس ومشاعر بتتحط جو قلبك بدون ماتحسي
: دلوقتي بتندم صح
: لا ولو رجع بيا الزمن هختار احبك تاني حتى لو من طرف واحد
وعد اتكسفت
زين بإبتسامه : مش هناخد ع بعض بقى مش كل اما اقول كلمه تتكسفي
وعد: ناخد ع بعض ازاي
زين مد ايده من ورا ضهرها بالراحه وهو باصص للسما وعايز يضمها لحضنه
: يعني اخدك ف حضني مثلا
وعد بعصبيه : ولا شيل ايدك يلا بدل مااغزك
زين شال ايده وقال
: يخربيت لسانك
وعد بصتله بقرف
زين : يخربيت نظرتك اي هو انا شاقطك انتي مراتي
وعد : الجوازه دي باطله علشان مكنتش ف وعي
زين : لا ياختي ممضتكيش غير وانتي فايقه وسألتك وقتها موافقه تتجوزيني م الخوف قولتي موافقه
وعد: ونعم يابني والله بتاخد موافقتي وانت مأكلني علقها مياخدهاش بني ادم
: خلاص بقى انسي
وعد رفعت رقبتها وقالتله بعصبيه : بص الآثار لسه موجوده ازاي
زين راح مقرب منها وبايسها برقه
وعد اتوترت : انت بتعمل اي
زين : ببوسها وبعتذرلها انتي مالك انتي دوري كدا شوفي حاجه لسه تعباكي قوليلي أنا فاضي النهارده
وعد خبطته : بس يامنحرف
زين بإبتسامه: قومي يلا علشان ننام ورانا شغل بكرا
____________
نرجع لتمام وآيسل
آيسل فضلت قاعده جمب تمام بدون ماتتكلم لحد النوم ماغلبها وراحت سانده بدماغها على كتفه
تمام اتفاجئ لما عملت كدا قال بإرتباك
: بنت قومي
آيسل فتحت عينها نص فتحه وهي منعوسه ع الآخر وراحت نازله براسها وحطتها ع رجله وفردت جسمها جمبه
تمام اتصدم اكتر وبص حواليه بتوتر
تميم كان خلص كلام ف الفون وطالع فوق بص على تمام وآسيل اتصدم
تمام بصله ( ال هو متفهمش غلط)
تميم راح غامزله وقال : وانا ال فاكرك محترم
وسابه ومشي
تمام : انت يازفت تعالى خلصني من البلوه دي
تميم معبروش وطلع ع اوضته
تمام بص عليها
لقاها نايمه على رجله ومغمضه عيونها
قال بتوتر : آيسل قومي نامي فوق
آيسل بحركات اطفال
: بس بقى
وتكلبش اكتر ف رجله
تمام بإرتباك حاول يزق راسها بالكتاب ال ف ايده علشان يصحيها وهي ف عالم تاني
فضل يخبط فيها بالكتاب لأنه مش عايز يلمسها
ف آيسل راحت معيطه وفركت ف عينها وقالت وهي مغمضه
: سبوني انام بقى انتو ليه من وقت ماجيت ماحدش مستحملني ومحدش مهتم بيا حتى النوم مش سايبني
تمام بتوتر : نامي ف مكان تاني انتي نايمه ع رجلي
آيسل شالت راسها وهي مغمضه وحطتها بعيد عنه وحضنت نفسها ونامت
تمام وقف وطلع منديل مسح بنطلونه كأن واحده جربه كانت نايمه عليه
بص حواليه ومشي
بعد ماطلع لقدام شويه أتلفت ف الجنينه ملقاش حد خالص وآيسل نايمه زي ماهي
لسه هيرجع يصحيها قال لنفسه
: وانا مالي سيبك منها
وطلع ع اوضته
اترمى على سريره وفضل يتقلب يمين وشمال
طلع البلكونه بص عليها لقاها لسه نايمه ع المرجيحه
قال لنفسه : هي متعوده تنام ف اي مكان كدا عادي !
حس الجو برد وكان متردد ينزلها ولا لا
خد قرار اخيراً ونزلها
قرب منها وطلع منديل من جبته حطه ع ايده وحركها علشان ميلمسهاش
: قومي نامي فوق انتي الجو برد
آيسل كانت مقشعره وواضح انها تعبانه علشان كدا مش مركزه معاه
حط ايده على دماغها لقاها سخنه
بص حواليه بتوتر زي ال هيعمل جريمه وراح شايلها ومطلعها فوق
فتح اوضتها ونيمها على سريرها
لسه هيمشي آيسل راحت ماسكه ف دراعه ومعيطه
تمام : طب ممكن تسيبي ايدي وتعيطي براحتك
آيسل بهلوسه : انا عايزه أكبر بسرعه
تمام : وانا مالي أنا سيبي دراعي عايز اروح اوضتي
آيسل بهلوسه وبكاء : عايزه أكبر علشان اتجوز والاقي حد يهتم بيا
تمام بضيق وهو بيكز ع اسنانه: نامي دلوقتي وبكرا هتكبري
آيسل : يعني لما اكبر هتتجوزني
تمام : بس يابابا انتي لسه صغيره ع الكلام داه
آيسل ببكاء : كل اما اقول لحد يتجوزني يقول لما تكبري انا عايزه أكبر بقى
تمام : انتي بتشحتي عريس ولا اي
آيسل سابت دراعه وقالت
: خلاص روح أنا مش هتجوزك اساسا
تمام مسك دراعه بألم وقال
: أخيراً اوف دانتي مصيبه
وسابها وراح اوضته
آيسل فضلت سخنه وبتهلوس ع السرير
_______________
" نهار يوم جديد"
الكل قاعد على سفرة الفطار معادا آيسل
( وجدهم خرج من بدري)
تمام بتعجب : امال فين آيسل
تميم بخبث : احم وبتسأل على آيسل ليه
مديحه : اي مش بنت خالتو اكيد لازم يسأل عنها
وعد : لا اصل الكائنات ال شبه تمام دي مبتفكرش ف حد غير نفسها
تمام بضيق : زين سكت الأموره بتاعتك وخليها تخف استظراف شويه
زين : يابني ميقدرش عليها غير ربنا دا لسانها بيفكروا يعملوا منه قماش
الكل ضحك
وعد بعصبيه : ماشي يازين شكراً
تميم : طالما قالت ماشي وشكرا يبقى ياويلك
مديحه : بطلوا رغي شويه مش عارفيين نقعد ع الأكل بدون مناكفه قوم ياتمام اطمن على آيسل وشوفها منزلتش لحد دلوقتي ليه
تمام كان بياكل شرق
وعد وتميم ضحكوا
زين بسخريه : متخفش خليك آسد يلا
تمام بعصبيه : ال عايز يروح يشوفها يروح
وعد : زين
زين : قلبه
وعد اتكسفت
مديحه بتعجب : لا والله
تمام : اهي دي ضريبة الحب الهيبه كلها بتروح
زين : عقبال عندك كدا
وعد : انا طالعه فوق ابص على آيسل لحد ماتخلص فطارك
زين : وعد
وعد بعد مامشيت بصتله تاني
: هاه
زين : خدي بالك من نفسك
الكل فضل يضحك
وعد بعصبيه شالت الجزمه من رجلها وقالت
: بتقول اي يازين
زين : ولا حاجه روحي أنا مني لله
مشيت وعد وطلعت لفوق
تمام : ياخي مش عارف تسنضف ف الحب
زين : ولا اخرس دي ست البنات كلهم دانا مبحبهاش الا علشان جنانها داه وبموت ف عنادها
تميم : هيييح بقى
والدته : طب وآخرة الحب دا اي زين بيه
زين : جواز طبعا
الكل اتصدم
تمام : معقوله زين فكر يتجوز
والدته : واي رأي جدك ف الموضوع خروجه بدري النهارده من غير فطار مش مبشر خالص
زين : لو حكم الأمر هسيب البيت وامشي واكمل حياتي معاها بعيد
والدته : تسبني يازين
زين : مقدرش استغنى عنك بس بردو صعب أضحي بحبي
تمام بص لزين
: اتعلم منه
تميم : نفسي اقدر اعمل كدا انا كمان معرفش مين حط القوانين دي وقال اننا لازم نتجوز من عائلات معروفه
والدتهم : جدكم طول عمره كدا ووقف قدام ابوكوا لما قاله أنه عايز يتجوزني رفض بشده لأني من عيله متوسطه بس ابوكوا مستسلمش وانا عايزاكوا زيه ال بيحب حد يكلبش فيه للنهايه
فجأه وعد بتنزل بهروله
: الحقوا آيسل تعبانه جدا وسخنه
مديحه بخوف: سخنه !
تمام ببرود : دي سخنه من امبارح
تميم يابرودك ياأخي البنت سخنه من امبارح ومتقولش
تمام ببرود : وأقول ليه انتو جوزوها وهتبقى كويسه
زين بتعجب : جواز اي
تمام شال شنطته وقالههم
: معرفش اسألوها
وسابهم ومشي
طلعوا كلهم ع فوق
لقوا آيسل نايمه وسخنه جدا
مديحه بخوف قعدت جمبها : آيسل ياحببتي مالك
تميم أنا هطلب الدكتور بسرعه
زين : أنا مضتر امشي انا ووعد دلوقتي علشان الشغل ابقوا طمنوني عليها
وعد : لا مش هينفع اسيبها
زين : انتي ناسيه ان فيه شغل
مديحه : روحي ياوعد أنا مش هسيبها الا لما اطمن عليها
خرجت زين مع وعد
وتميم كمان قال : أنا ورايا جامعه ومضتر امشي ابقوا طمنوني عليها
وسابهم ومشي
مديحه خالتها هي ال استأذنت من شغلها وفضلت معاها
___________
ف الشركه
وعد قاعده ع مكتب السكرتيره فجأه بتلاقي بنت معديه من قدامها داخله لزين
وعد وقفت بسرعه واعترضت طريقها
البنت بدلع : في حاجه
وعد بصت عليها من فوق لتحت لقتها لابسه فستان احمر قصير ومفتوح من عند الصدر وحاطه ميكب صاخب وشعرها مفرود وكأنها مش داخله شركه دي داخله ملهى
قالتلها : هو حضرتك مش واخده بالك أن في سكرتيره
البنت بدلع : اسفه اوي اصل انا مش متعوده استأذن قبل ماادخل على زين
وعد بغيظ : لا معلش اتعودي بعد كدا
البنت : طب ممكن ادخل
وعد بغضب : اتفضلي استني هنا لحد ما اقوله الأول يمكن ملوش مزاج يقابل حد
وسابتها ومشيت
دخلت وعد على زين
وعد بعصبيه : مين البنت ال بره دي
زين بتعجب : بنت مين انا مش فاهم حاجه
وعد بغضب : بنت لابسه ف....
فجأه بيقاطع كلامها صوت البنت وهي داخله عليهم وبتقول
زين حبيبي وحشتني
وعد بذهول : نعم
زين بإرتباك : يادي النيله
يتبع الفصل السابع عشر 17 اضغط هنا
- الفهرس يحتوي على جميع فصول الرواية (رواية حكاية وعد كاملة)