رواية حكاية وعد البارت الخامس عشر 15 بقلم ملك محمد
رواية حكاية وعد الفصل الخامس عشر 15
ف الجنينه
حسناء بذهول : وعد
زين : ايوا وعد مالك اتخضيتي ليه كدا
تميم بفرح راح ناحيتها : وعد دا انتي بجد
وعد بتوتر : ايوا انا
تميم من الفرحه كان هيحضنها زين شدها ناحيته فحضن الهوا
آيسل : هو مفروض أنصدم معاهم ولا اعمل اي
تمام رمى عليها تفاحه وقال
: لا انتي كل واتفرجي
آيسل مسكت التفاحه وقطمت حته وشدت نضارتها من ع التربيزه وقعدت تتفرج بمزاج
حسناء بصدمه : هي وعد بتعمل اي معاك
زين : كنت ف مصر وجبتها معايا
فجأه بيدخل كريم وراهم
الكل بصدمه : كريم !
آيسل : هما هيفضلوا يتصدموا كتير كدا دا اي الفيلم البايخ داه
قرب كريم منهم وقال
: اي مالكوا أنا لسه راجع من السفر
تميم بتعجب : لا أصل انتو جايين مع بعض يعني فمستغربين
حسناء قامت بسرعه وحضنته
: وحشتني اوي
كريم وهو بيبص لوعد بضيق
: وانتي كمان ياروح قلبي
وعد خافت من نظرته ليها ف استخبت ورا زين
زين ابتسم لما عملت كدا وراح ماسك أيدها وطمنها
بص زين ف عيون كريم وكان كل واحد فيهم مجبر ميتكلمش عن حاجه لأن لو كريم قال إن زين متجوز وعد زين هيقول ان كريم كان ف مصر علشان يتجوزها فمحدش فيهم نطق بحاجه
آيسل شافت حسناء وهي حاضنه كريم قالت بتآثر وهي بتمسح دموعها
: المشهد مؤثر اوي
تمام بص عليها بقرف : بنت انتي كملتي ال 18
آيسل : لا لسه شويه صغنين واكون آنسه
تمام بحده : طب قومي اجري ع اوضتك يلا الحاجات دي +18
آيسل بذمجره : دانت واحد غتت
تمام بحده : انجزي بسرعه ع اوضتك احنا هنهزر ومتنسيش تشربي اللبن
آيسل خافت منه فجريت على اوضتها وهي بدب برجلها ف الأرض بغضب
زين اخد وعد وقعدو
حسناء لسه حاضنه كريم : قولتلي انك هتتأخر ف مصر يعني
كريم : مقدرتش أغيب عنك اكتر من كدا وحشتيني
حسناء بصتله بكسوف
كريم حط ايده على شعرها برومانسيه
تميم : احم يعني احنا موجودين وكدا ممكن تاخد مراتك وتحملوا ف البيت
كريم وحسناء اتحرجوا
كريم مد ايده وسلم على تمام وتميم وقعد قال بتعجب علشان محدش يشك فيه
: اي دا هي وعد هنا بتعمل اي
زين بإبتسامة غرور : مقدرتش على بعدها فجبتها معايا هنا
وعد قاعده بتفرك أيدها ف بعض من التوتر والخوف
زين مد ايده وفرد أيدها ومسكها علشان تهدى
حسناء : ايوا بردو وعد هنا بتعمل اي
زين : وعد السكرتيره بتاعتي وانا مش حابب يكون عندي سكرتيره غيرها فعرضت عليها الشغل هنا ووافقت
تميم : اه قولت كدا بس بصراحه انا مبسوط انها رجعت الفيلا من غيرها ملهاش حس
تمام قاعد بتناكه قال بسخريه : هه اطمن من هنا ورايح مش هتعرف تنام في بلوه كمان ف اوضتها فوق
آيسل فوق كانت داخله اوضتها لقت تمام كاتب على باب اوضته (ممنوع الدخول )
الفضول اخدها وفتحت الأوضه ودخلت
دخلت وقفلت الباب وراها بالراحه
لقتها كئيبه اوي كلها صور ابيض واسود ومعلق صور الجوكر وحاجات مخيفه كتير
قالت لنفسها بخوف
: هو انا دخلت فيلم رعب ولا اي
دخلت بالراحه تتسحب لقت الأوضه مرتبه جدا بشكل شيك عرفت أنه إنسان منظم ومبيحبش الفوضى
الفضول اخدها وراحت ناحية المكتب بتاعه ال ف جمب الأوضه
لقت عليه رواية المتمرد لعبد الحليم بدران
العنوان "إنفصام ثمانيه"
لقت الكتاب مفتوح على صفحه قرآت اول سطر
( التناقض الحقيقي هو أنا وانتي حتما ستبقى اسماؤنا ف اللغة طباقاً
انتي جميلة جدا لا بل انتي شيطانة لعينه ستعودين للجحيم الليله )
اترعبت من الكلام المكتوب فجأه سمعت صوت حد جى ناحية الأوضه
قالت بهلع : يامصيبتي يامصيبتي دا شكله تمام
بعد ثواني فتح تمام الأوضه حس بحاجه غريبه وكأن حد كان موجود فيها تأمل ف الأوضه شويه وبعدين خلع تيشرته رماه ع السرير وفتح الدولاب علشان يطلع غيره
فجأه بيشوف آيسل واقفه بين الهدوم متفاجئش لأنه متعود على افلام الرعب
ركن بإيده على الدولاب
آيسل برعب وهي مستخبيه بين الهدوم
: انا اسفه وربنا
تمام بحده : مين سمحلك تدخلي الأوضه
آيسل بخوف : مش هعمل كدا تاني صدقني
تمام بنظره شريره : هو دخول الحمام زي خروجه
وعد افتكرت الجمله ال قرتها ف الكتاب
( ستعودين للجحيم الليله)
تمام بحده : انتي عارفه ان آخر حد دخل هنا مطلعش
آيسل ببكاء مثل الأطفال
: انا اسفه سامحني مش هعمل كدا تاني أنا لسه صغيره وورايا مستقبل عايز يتبني
تمام بزعيق : مشوفش وشك هنا تاني فاهمه
آيسل برعب : حاضر والله مش هتتكرر تاني
تمام شال ايده من ع الدولاب وقالها
: ع اوضتك يلا
آيسل طلعت تجري على اوضتها
تمام بغضب بيكلم نفسه : دا ال كان ناقص فتحنا ملجأ للأطفال كمان
ولبس تيشرته وقعد ع المكتب يقرأ ف الروايه
___________
ف الأسفل
كريم اخد حسناء ورجعوا على بيتهم
زين اخد وعد وطلعوا على اوضهم
تميم فضل قاعد ف الجنينه يكلم ف سيلا ف الفون
سيلا بمصري مكسر : تميم انت لي بتكلمني بعد الساعه 12
تميم : دي عاده عند المصريين وانتي لازم تتعودي عليها
سيلا : بس الوقت داه بتاع نوم
تميم : تؤ تؤ عندنا دا وقت المحن
سيلا بتعجب : مهن!
تميم : بقولك اي وحشتيني
______________
ف الآعلى زين اخد وعد وطلعوا لأوضهم
زين : أنا داخل انام لو احتاجتي حاجه اندهي
وعد : تنام اي انا جايه معاك هنا علشان نطلق
زين بضيق : واجبلك مأذون منين يطلقك الساعه واحده باليلل
وعد : مليش دعوه اتصرف
زين : وعد ادخلي نامي دلوقتي علشان انا مصدع من السفر
وسابها ومشي
دخل اوضته قفل الباب وقال
: هفضل اتحايل عليها تفضل معايا كتير حاسس ان كرامتي بقت ف الأرض
تتنهد واترمى ع السرير وبص لفوق
: زعلان علشان كرامتك وال انت عملته فيها دا كان عادي
وبعدين افتكر مشهد الإعتداء راح لوعد بسرعه ع الأوضه فتح الباب لقاها قاعده ف الأرض بتعيط وحاضنه نفسها وبتبص لكل ركن ف الأوضه بخوف
جري ناحيتها بلهفه
: وعد قومي تعالي اوضتي
وعد شدت نفسها بعيد عنه بخوف
زين : انا اسف
وعد ببكاء : اعمل اي بالأسف بتاعك وانا مش قادره اشوفك غير وحش
زين : عارف ان ال عملته صعب يتنسى بس صدقيني كان غصب عني ومش هيتكرر تاني
وعد ببكاء : أنا اتشوهت من جوه بسببك
زين بحزن : مكنتش ف وعي وقتها صدقيني
وعد بصراخ : اطلع بره
زين : طب تعالي اوضتي وانا هاجي هنا
وعد بعصبيه وصراخ: اطلع بره بقولك أنا مش طايقه اشوفك
زين بحزن : طب اهدي انا همشي
وسابها وراح اوضته
دخل الأوضه اخد شاور وطلع البلكونه استناها تطلع مطلعتش فضل يتقلب ف سريره شويه مش جايله نوم وعد كانت شاغله كل تفكيره
خرج من اوضته راح ناحية اوضتها يتصنت عليها
ملقاش في صوت عياط
قلبه اطمن فتح الباب بالراحه لقاها حاضنه نفسها ونايمه ف الأرض
ولأن نومها تقيل ومستحيل تحس بيه شالها حطها ع السرير وغطاها
قعد ع طرف السرير يبص عليها وهي نايمه
مد ايده بتردد ومسح الدموع ال كانت نازله على خدها
رفع شعرها لورا وقبلها راسها وهو بيقول بهمس
: حقك عليا ياحته من قلبي ارجوكي سامحيني
ومسك أيدها بلطف وقبلها وهو بيقول
: انا بحبك ياوعد ياريت تفهمي داه
حط أيدها جمبها وقام قفل النور وخرج راح ع اوضته نام اخيراً بعد ما قلبه اطمن عليها
____بقلم ملك محمد__________
"نهار يوم جديد "
الجميع على سفرة الإفطار ماعدا زين ووعد
الجد : حسناء فين
تميم : كريم رجع م السفر وخدها ورجعوا بيتهم
مديحه : جه فجأه كدا مش كان بيقول هيتأخر شويه بسبب ظروف والده
تميم: معرفش ابقي اسألي حسناء انتي بقى
آيسل وهي بتاكل: امال فين البنت ال جت امبارح بليلل
تميم بإرتباك : نايمه فوق
الجد ومديحه : بنت مين !
تمام ببرود وهو بياكل : وعد رجعت مع زين امبارح
الجد ومديحه : وعد!
آيسل : هما لسه هيتصدموا تاني
مديحه : يعني انا ادخل انام اصحى الاقي كريم اخد حسناء ووعد رجعت مع زين
الجد : ووعد رجعت ليه
تميم : زين بيقول انه حابب انها تكون السكرتيره بتاعته فعرض عليها الشغل معاه هنا وهي وافقت
مديحه بتعجب : معقوله زين ال طلب منها كدا
__________
فوق خرج زين وهو مرتدي ملابسه وراح ناحية اوضة وعد يصحيها علشان تروح معاه الشركه
لسه هيخبط فتحت الباب وطلعت
كانت لابسه ومظبطه نفسها
زين بذهول : صحيتي ولبستي كمان اي النشاط داه
وعد ببرود: مستعجله علشان اطلق منك
زين : يارتني ماسألت امشي قدامي يلا
نزلت وعد مع زين لتحت كان كلهم قاعدين ع سفرة الإفطار
وعد سلمت على جدهم وعلى والدتهم
الجد : الفيلا نورت تاني
مديحه : هي دي الحاجات المهمه ال كنت مسافرلها مصر يازين مش كدا
زين حط ايده حوالين وسط وعد وشدها ليه وقال بحب
: هو في اهم من كدا
ايسل عينها طلعت قلوب وقالت : واووو
تمام ببرود : بنت لفي وشك الناحيه التانيه الحاجات دي للكبار
آيسل بذمجره بصت الناحيه التانيه وهي بتقول
: كلها كام يوم واكمل ال 18 ومحدش هيقدر يكلمني
وعد شدت نفسها بعيد عن زين وبصتله بغضب
والدته وتميم من الكسوف عملوا نفسهم مش شايفين ال حصل وكملوا أكل
جده : زين لما ترجع م الشركه عايزك ف اوضتي متنساش
زين : حاضر ياجدي
تميم : اقعدوا افطروا
زين : لا هنفطر ف الشركه علشان اتأخرنا ع الشغل وانت وهو كفايه أكل انت ناسي الجامعه ولا اي
خرج زين ووعد وركبوا العربيه
تميم قام شد شنطته على كتفه وخرج
تمام قام هو كمان واخد شنطته وبعد ماخرج رجع تاني لآيسل وقرب منها
آيسل رجعت براسها لورا بخوف
تمام بنظره حاده : اياكي تفكري تدخلي اوضتي تاني فاهمه
آسيل وهي بتبلع ريقها هزت رأسها بخوف
والدته : انت ياواد متخوفهاش كدا
تمام سابهم ولحق تميم
____________
ف السياره
وعد : هنروح ع المأذون الأول مش كدا
زين : لا
وعد : لا ليه
زين : مش مطلق أنا
وعد بعصبيه : بتهزر صح
زين : لا مبهزرش
وعد بخوف : تقصد اي
زين : بطلي نظرة الرعب دي ال أقصده اني عايز فرصه زي ماقولتلك شهر واحد بس ياوعد وبعدها ليكي حرية الإختيار
وعد : بس انا قولت مش موافقه
زين : وانا دا آخر كلام عندي
وعد حست أنه لا مفر فقالت
: شهر واحد بس
زين : ايوا
وعد : وبعد كدا كل واحد هيروح لحاله
زين : ايوا
وعد : خلاص اتفقنا
زين بفرح : اتفقنا
وعد : صحيح اشتريلي موبايل عايزه اكلم اخويا اطمنه عليا
زين بصلها بإبتسامه: عيوني
وعد اتكسفت وبصت الناحيه التانيه
زين فضل مبتسم طول الطريق
______________
ف الفيلا وبعد مده من الوقت
آيسل عماله تلف ف الجنينه مش لاقيه حد تكلمه
فجأه شافت تمام داخل عليها جريت نحيته بلهفه افتكرته تميم
قالت : أخيرا جيت ياتميم انا زهقت من القعده لوحدي
تمام بصلها ببرود : تمام
وسابها ومشي
آيسل : يادي النيله مفيش غير مصاص الدماء داه هو ال موجود ف الفيلا
طلعت وراه خبطت ع أوضته
تمام فتح : خير
آيسل : خالتو كانت قالتلي انك هتعلمني ت....
تمام قاطعها وقال
: مش فاضي
آيسل : بس ا....
تمام قفل الباب ف وشها ودخل رمى نفسه ع السرير
فضلت تلف قدام أوضته وتتكلم بصوت عالي
: من يسكن البحر ويحبه الناس سبونج بوب سكوير بااانتس لونه اصفر مربعا حساس سبونج بوب سكوير بناااتس
تمام حط المخده ع دماغه وبردو مش عارف ينام م الإزعاج
فتح الباب وقالها بعصبيه
:امشي من هنا
آيسل : زهقت من القعده لوحدي
تمام : وانا مالي ارجعي مصر تاني لو زهقتي
آيسل : لا انا عايزه اتعلم تركي
تمام : قولتلك مش وقته روحي اجري العبي شويه ف الجنينه لحد ما تميم يجي
آيسل : هو انت بتعاملني كأني طفله ليه
تمام : علشان انتي لسه طفله يلا يابابا من هنا علشان لو سمعت صوتك تاني هشعلقك ف المروحه
آيسل سابته ونزلت الجنينه بحزن
قعدت ع المرجيحه وف أيدها كيس عصير بتشربه حطت أيدها تحت خدها واليأس كان ظاهر عليها
تمام شافها من بلكونة اوضته قال لنفسه
: واضح أننا فتحنا روضه ف البيت
_____________
ف الشركه
حسناء راحت على مكتب زين
وعد لسه هتقوم من الكرسي حسناء مدتلهاش اعتبار ودخلت ع مكتب زين والغضب باين عليها
فتحت باب المكتب ودخلت
: اي ال انت عملته داه ممكن افهم
زين : في اي مش فاهم
: اي ال خلاك تنقل كريم من فرع الشركه هنا وتوديه الفرع ال ف اسطنبول
زين : ع فكره الفرع هناك احلى من هنا بكتير وانتي عارفه اني ماسك هنا علشان اخلي بالي من الموظفين
حسناء بغضب : بس انت مش موديه علشان كدا انت موديه علشان الهانم بتاعتك ال انت جبتها من مصر
زين : ايوا دا حقيقي ومش فاهم زعلانه ليه مش انتي كان كل همك كريم يبعد عنها أنا بعدتهولك
حسناء : بس أنا جيت هنا علشان اكون معاه
زين : بسيطه ولا تزعلي نفسك هنقلك انتي كمان
حسناء : بس هو مش عاجبه الشغل هناك وزعلان
زين بسخريه : بجد زعلان طب معندوش حيطه
حسناء : انت ازاي تتكلم عن جوز اختك كدا
زين : علشان جوز اختي واحد مش متربي وبيسرح بيكي
حسناء بعصبية : ال انت بتقوله دا كبير وانا لا يمكن اسكت على اهانت كريم بالشكل داه
وسابته وطلعت بغضب
وعد شافتها وهي خارجه متعصبه الفضول اخدها فخبطت على مكتب زين
زين : ادخل
دخلت وعد
: في حاجه ياوعد
: بصراحه كنت عايزه اعرف هي حسناء متعصبه كدا ليه
زين قام من ع الكرسي وقرب منها
وعد بخوف : في اي هو أنا سألت سؤال غلط
زين قرب منها اكتر وقال بإبتسامه
: زعلانه علشان انا مشيت كريم من الشركه
وعد : ومشيته ليه
زين : علشان انتي بتاعتي ومش من حقه حتى يشوفك ولو صدفه
وعد اتوترت
زين مسك أيدها وبص ف عيونها بحب : أنا لو طولت اخبيكي عن عيون الناس كلها هعمل
وعد ارتبكت اكتر وشدت أيدها وخرجت م المكتب بسرعه
يتبع الفصل السادس عشر 16 اضغط هنا
- الفهرس يحتوي على جميع فصول الرواية (رواية حكاية وعد كاملة)