رواية زواج اجباري الفصل الثامن 8 - دنيا علاء الجندي

الصفحة الرئيسية

رواية زواج اجباري البارت الثامن 8 بقلم دنيا علاء الجندي

رواية زواج اجباري كاملة

رواية زواج اجباري الفصل الثامن 8

قعدنا 10 أيام عند طنط لان مينفعش نسيبها لوحدها وكان البنات وماما بيعدوا علينا كل يوم شوية وبعد كدة طلبت مننا إن نرجع شقتنا تاني.. 
-زينب
-نعم ي طنط
-اعملي حسابك ترجعي شقتك بكرة ان شاء الله 
-لا ي طنط مش هينفع انتِ لسة تعبانة ويوسف كمان هيرفض 
-لا هيوافق ي بنتي انتِ لسة عروسة وف اول جوازك ارجعوا شقتكوا وانا لو احتاجت حاجة هكلمكوا.. 
-ماشي ي طنط ال تشوفية.. 
-ادخلي صحي جوزك عشان يتغدا
-حاضر ي طنط
_______♡
-يوسف 
يوسف قوم يلة.. 
وراحة أعدل يوسف وأقومة
لقيت يوسف مش بيتحرك ومش بيتنفس.. 
ناديت علي طنط بصوت عالي
ياااااطنط احلقيني ي طنط
-اي ي زينب ف اي
-انا وبعياط يوسف مش بيرد عليا خالص 
يوسف حصلة حاجة
-اهدي ي زينب واتصلي بالدكتور بسرعة 
مكنتش قادرة أتحرك من مكاني
طنط طلعت نادت لمامتي بسرعة وماما جت وكلمت ملك وبابا 
وملك اول م شافت يوسف قالت لازم يروح مستشفي ي زينب 
فضلت أعيط وصحاب يوسف كانوا جايين عشان يقعدوا معاة
اتصدموا اول م شافونا كدة
وخدووا يوسف ف العربية وانا رحت معاهم انا وملك..
وصلنا المستشفي وكانت ملك عارفة دكاترة هناك وساعدونا كتير
خدوا يوسف علي سرير وانا وقعت ف الأرض من ملك 
جت ملك وممرضة قوموني وشربت مية ورحت بسرعة ورا يوسف وملك معايا..
وفضلت قلقانة علي يوسف وخصوصا ان مفيش حد طمني علية..غير بعد حوالي ساعة
______♡
-مين فيكوا يقرب للمريض!!
-أنا ي دكتور أبقا مراتة طمني علية هو مالة
دا كان كويس والله
-اهدي ي مدام وفهميني الأول هو اتعرض للصدمة أول لزعل كبير!!
-اة ي دكتور باباة لسة متوفي من 10 أيام ويوسف مشفهوش قبل م يتوفي..
هو حصلة اي ي دكتور طمني..
-أنا اسف ف ال هقولة بس جوز حضرتك حصلتلة جلطة نتيجة للزعل 
-اي انت بتقول اي ازااااي 
-هدوها ي جماعة لو سمحتوا عشان تقدر تقف مع جوزها.. انتوا تقربولها اي!! وانتِ ي دكتورة ملك تعرفيها ولا اي!!
-اة ي دكتور أحمد عرفاهم يبقوا صحابي ومعرفة.. 
ودول صحاب يوسف محمد وعمر
-طيب هو وضعة حالياً مش مستقر ولازم يفضل تحت العناية عشان لو حصل مضاعفات
-تمام ي دكتور وانا موجودة معاهم هنا ولو حصل حاجة هعرف حضرتك
-تحت أمرك ي دكتورة ملك وانا هبعت ممرضة تكون موجودة هنا معاكوا وتهتم بالمدام.. 
-شكرا ي دكتور.. 
________♡
ملك قعدتني علي كرسي وفضلت قاعدة هي ومحمد وعمر وحالتي مكنتش كويسة وكنت هموت من خوفي علي يوسف
وبعد شوية محمد قام يتكلم ف التليفون وبعد م خلص ندة علي ملك.. 
-ملك بعد إذنك 5 دقايق بس
-تعالي ي محمد خير
-طنط فاطمة أم يوسف تعبت ي ملك 
-تعبت ازاي ي محمد ي ربي اي اليوم دا
زينب هتروح مننا والله هي مش حمل كل دا.. 
-اهدي بس انتِ لان مش هينفع ننهار احنا كمان ونسيبهم لوحدهم.. 
-طب طنط مالها ومين ال معاها هناك
-حصلها غيبوبة سكر للاسف ومامتة زينب وباباها معاها هناك وأسيل وريهام هناك هما كمان.. 
-ي ربي يعني يوسف هنا مايعلم بية الا ربنا ومامتة كمان 
زينب هتعمل اي لما تعرف انت شايف حالتها عاملة ازاي
-مش هينفع نقولها دلوقتي ي ملك كفاية عليها صدمتها دي انا هروح عشان انتِ عارفة والد زينب تعبان برضو وميقدرش يروح ويجي
عمر معاكي هنا ولو حصل حاجة كلموني وانا هتابعكوا من هناك 
خلي بالك من زينب ومن نفسك.. 
-ماشي ي محمد خلي بالك وانت سايق
وحاول تبعتلي أسيل او ريهام
-اسيل هتجيلك هي قالتلي ف التليفون
-خلاص ماشي وخليها معلش تجيب عباية الخروج بتاع زينب 
-حاضر 
يلة مع السلامة
-مع السلامة
_____________♡
-ف اي ي ملك كنتِ فين مع محمد
-مفيش حاجة ي حبيبتي هو كان رايح يجيب كام طلب كدة وبيسئل لو عاوزين حاجة
وأسيل هتجي كمان شوية وقولتلها تجبلك عبايتك 
-طيب ي ملك 
متأكدة إنك مش مخبية حاجة!! 
-هخبي اي ي زينب مفيش حاجة 
-ماشي ي ملك
حاولي تتصرفي عشان ادخل اشوف يوسف. 
-حاضر بس اصبري لان ممنوع تدخلي العناية 
-اتصرفي ي ملك اتصرفي
-حاضر اهدي بس عشان خاطري.. 
______♡
-ملك
-نعم ي عمر
-تعالي كدة
-ف اي تاني بالله مهتحمل خبر يصدم تاني.. 
-انا عاوز اعرف منك ف اي!!.
ومحمد مشي بسرعة لية بعد التليفون ال جالة..!  
-طنط ي عمر جالها غيبوبة سكر وتعبانة
-لا الة الا الله مامتة يوسف 
-اة ي عمر
-ربنا يعدي اليوم دا علي خير
-ي رب ي عمر عشان خلاص مبقاش ف اعصاب والله 
-خير ان شاء الله خليكي جمب زينب بس. 
___________♡
فضلت قاعدة تعبانة وقلقانة علي يوسف وشوية وأسيل جت.. 
-ازيك ي زينب عاملة اي ي حبيبتي ويوسف عامل اي دلوقتي
-مش بخير ي أسيل مش بخير
انا لو يوسف حصلة حاجة انا هموت
-ي حبيبتي اهدي ان شاء الله خير وهيبقا كويس والله واتفائلي خير
-ادعيلة ي أسيل يبقا كويس 
-هيبقا كويس والله قومي انتِ بس البسي عبايتك دي وملك راحت تشوف الدكتور وعمر نزل يجيبلك حاجة تشربيها.. 
-انا مش عاوزة اي حاجة غير اني اطمن علي يوسف وأشوفة 
-هتشوفية وتطمني علية بس لازم تكوني قوية عشان ميزعلش ام يشوفك كدة 
ولاحظي ي زينب ان مفيش الا انتوا ي حبيبتي ولازم تقدري.. 
-انا هقدر بس لما اشوف يوسف 
افهموني بقااا
-حاضر حاضر اهدي بس
_________♡
-اسيل ازيك
-اهلا ازيك ي عمر 
-الحمد الله تمام 
-دايما ي رب
-مامتة يوسف عاملة اي دلوقتي
-والله ي عمر انا جاية وسايبة الدنيا متكركبة هنا 
اليوم دا مايعلم بية الا ربنا
والدكتور قال لو مفقتش لازم تتنقل مستشفي
-ربنا يستر والله كنت عاوز اروحلها بس مينفعش اسيبكوا لوحدكوا هنا 
-محمد راح وهو موجود هناك متقلقش.. 
-ملك راحت فين وزينب! 
-ملك نزلت تشوف الدكتور وزينب دخلت مع الممرضة تلبس عبايتها.. 
ربنا يعديها منها علي خير
انتوا عرفتوها علي طنط ولا لاء
-لا لا هي مش ناقصة اوعي تعرفيها ي اسيل
اصبري لحد م نطمن علي يوسف.. 
-عندك حق ربنا يستر.. 
تعالي ملك جت اهي
-اي عملتي اي الدكتور قال اي
-لسة وضع يوسف زي م اهو للاسف وهيفضل ف العناية الليلة دي ي اسيل..
-طب زينب هتعرف تشوفة ولا لاء
-للاسف ي عمر لا مش هينفع حد يدخلة الليلة خالص.. 
-طب حاولي تعرفيها براحة لان مش هتصبر
-هحاول
هي فين ي اسيل
-كانت بتلبس عبايتها اهي جت 
-ملك طمنيني الدكتور قالك اي هشوف يوسف صح!! 
-للاسف ي زينب مش هينفع تشوفية النهاردة اصبري شوية عشان خاطري.. 
-ي ربي ي ملك قولتلك اتصرفي
-والله حاولت بس دا لمصلحتة هو ي حبيبتي 
اصبري والصبح هكلم الدكتور عشان تشوفية.. 
_________________♡
فضلنا قاعدين ف الاستراحة برة قدام العناية واسيل حاولت تخليني اكل وانا رفضت
وملك كانت مشغولة هي وعمر مع الدكاترة.. 
وكانت الساعة عدت 12 بعد نص الليل ولسة معرفش حاجة عن يوسف.. 
مملكش غير اني ادعيلة 
_________♡
-اسيل
-نعم ي زينب اجبلك حاجة!! 
-هاتي تليفونك اطمن علي طنط لان تليفوني مش معايا
-طنط كويسة انا مكلماهم من شوية ومامتك وريهام عندها ونامت متقلقيش انتِ
-تمام ي اسيل
-هقوم أتوضي واسئلي الممرضة معلش علي مكان أصلي الفجر فية. 
-حاضر ي حبيبتي
خلي بالك ل توقعي.. 
______♡
-لو سمحتي!! 
-نعم ي أستاذة.. 
-مكان بس نصلي فية الفجر.. 
-الاوضة ال اخر الممر صلي فيها.. 
-تمام شكرا لحضرتك 
ممكن بس لو أستاذ يوسف فاق او حصل حاجة تعرفينا.. 
-حاضر تحت أمرك.. 
___________♡
-اسيل
-فين زينب
-بتتوضي ي ملك عشان تصلي الفجر
-الدكتور قالك اي وفين عمر
-عمر راح المسجد وهيكلم محمد يعرف منة اخبار البيت وطنط فاطمة.. 
والدكتور بعد صلاة الفجر، هيعدي يفحص يوسف ويشوف حالتة.. 
-ي رب يكون خير زينب خلاص مبقتش قادرة
-ان شاء الله خير
تعالي نتوضي احنا كمان ونصلي.. 
_______♡
صلينا الفجر وفضلت ادعي ل يوسف 
وبعدين ملك قامت عشان تشوف الدكتور وقومت انا واسيل معاها.. 
-صباح الخير ي جماعة
-صباح الخير ي دكتور
طمني ي دكتور علي يوسف لو سمحت 
-حاضر ي مدام زينب
انا داخل افحصة دلوقتي
ادعي ان يكون وضعة بيتحسن 
-ي رب ي دكتور
-عن إذنكوا.. 
____________♡
بعد ربع ساعة كدة الدكتور خرج
-ها ي دكتور يوسف عامل اي!! 
-اطمني ي مدام زينب استاذ يوسف وضعة استقر 
-بجد ي دكتور يعني ينفع أشوفة!! 
-هننقلة أوضة تانية وشوفية
بس الاول عاوز اتكلم معاكي
-اتفضل ي دكتور ف اي
-يوسف حاليا محتاج عناية كبيرة ويبعد عن اي زعل وتوتر يعني توفريلة جو هادي تماما بعيد عن اي ضغط 
-حاضر ي دكتور هحاول علي قد م اقدر أريحة.. 
-تمام ومعاكوا دكتورة ملك اهي دكتورتنا يعني اطمنوا خالص
والف سلامة علية 
تقدروا تشوفوة ف الدور التالت اول اوضة 
-شكراا ي دكتور اتفضل.. 
___________♡
-اسيل كلمي طنط عرفيها وعرفي ماما 
انا هطلع اشوف يوسف.. 
طلعت اشوفة وكنت بعيط.. 
بس لقيتة لسة مفقش.. ملك وعمر واسيل جم هما كمان 
-ملك لية لسة مفقش 
الدكتور قال ان وضعة اتحسن
-ي حبيبتي وضعة اتحسن الحمد الله وهيفوق بس اصبري شوية متقلقيش
-متقلقيش ي زينب هيبقا كويس ان شاء الله
-ي رب ي عمر 
-هجبلك حاجة تاكليها 
-لا ي عمر ماليش نفس مش هاكل حاجة غير ام اطمن علي يوسف
-م تقنعوها ي بنات انتوا فرحانين بحالتها دي!! 
-ي عمر متحاولش انا مش هاكل حاجة خلاص.. 
__
-طب لو قولتلك عشان خاطري كلي
-يوسف حبيبي عامل اي اخيرا فوقت 
عامل اي دلوقتي 
-الحمد الله ارتحت ام لقيتك جمبي
-انا هموت من قلقي عليك ي يوسف كدة تخضني عليك
-الحمد الله خير.. 
-الف سلامة عليك يعم يوسف قلقتنا
-الله يسلمك ي عمر 
-سلامتك ي يوسف
-الله يسلمك ي اسيل 
تعبتكوا معايا 
-ولا تعب ولا حاجة ي يوسف باشا المهم سلامتك
-حبيبي ي عمر تسلم.. 
-زينب.. 
اي دا يوسف فاق 
حمد الله علي السلامة ي غالي.. 
-الله يسلمك ي دكتورة ملك 
انتِ بتتدربي عليا ولا اي... 
-اة شوفت بقا طالعة نازلة من امبارح اهو عشانك
-كتر خيرك ي حضرة الدكتورة متشكرين أتعباك. 
-ماشي يعم ماشي الحمد الله انك قومت بالسلامة زينب كانت هتموت عشانك.. 
-بعيد الشر عنها ي ستي 
-والله ياد ي يوسف دي هتجنن عليك ومنمتش ولا كلت من امبارح.. 
-عارف ي عمر والله هي بتقلق عليا جدا
-طبعا لازم اقلق عليك ي يوسف انا ماليش غيرك
-ربنا يخليكي ليا ي زينب.. 
-ي سيدي ي سيدي علي الحب
والله انتوا اتحسدتووا ي، يوسف.. 
-صح ي عم عمر اتحسدنا 
امال محمد فين معرفش ولا اي
-كان هنا وراح البيت عندكوا يطمن ال هناك ويطمن عليهم 
هتصل اعرفة انك فوقت 
-ماشي وهات ل زينب حاجة تاكلها وعصير يلة
-اوامرك ي باشاا
_______♡
-ي يوسف والله م عاوزة اكل حاجة
-بس متناهديش فيا بقا قولت هتاكلي خلاص
-خلاص ي زينب بقا متتعبهوش احنا من امبارح بنتحايل عليكي
-خلاص ي بناات خلاص شكرا والله علي وقفتكوا معانا دي وتعبكوا.. 
-متقوليش كدة ي بنتي احنا اخوات 
-تعب اي ي زينب دا ملك بتدرب فيا اهي
-معلش ي يوسف اهي صحبتنا برضو مننا وعلينا... 
-ماشي ي ستي
-هنزل اعرف الدكتور ان يوسف فاق ي زينب 
-ماشي ي ملوكة متتأخريش واعرفي هنخرج امتا.. 

يتبع الفصل التاسع 9 اضغط هنا
google-playkhamsatmostaqltradent