رواية زواج اجباري الفصل التاسع 9 - دنيا علاء الجندي

الصفحة الرئيسية

رواية زواج اجباري البارت التاسع 9 بقلم دنيا علاء الجندي

رواية زواج اجباري كاملة

رواية زواج اجباري الفصل التاسع 9

-خرجنا من المستشفي بعد يومين بس يوسف كان بيمشي بصعوبة والدكتور قال اي صدمة او زعل ممكن ميعرفش يمشي تاني.. وملك واسيل واصحاب يوسف مسبوناش خالص وكانوا معانا طول الوقت والبنات كانوا عرفوني ان طنط تعبت شوية مش أكتر.. 
ودا كان الوقت ال خرجنا فية من المستشفي كانت الساعة 12 الضهر وكانت ملك وعمر ومحمد معاناا.. 
-عمر
-ايوة ي يوسف 
-قبل م نروح عاوز اروح لبابا
-يوسف انت تعبان لازم ترتاح
-هرتاح أكتر ي زينب لو روحتلة 
-طب بكرة طيب ي يوسف نروحلة
-عشان خاطري ي زينب عاوز اروحلة دلوقتي
روحها هي وملك ي محمد معلش وعمر هايجي معايا.. 
-لا طبعا مش هسيبك لوحدك واروح 
روحي انتِ ي ملك مع محمد.. 
-لا انتِ وملك هترحوا مع محمد وانا وعمر ال هنروح بس ي زينب انتِ مش شايفة حالتك عاملة ازاي ومنمتيش بقالك يومين. 
-ي يوسف... 
-بس خلاص مفيش ي يوسف
يلة ي محمد روحهم علي البيت عند ماما وام اجي هنروح شقتنا 
-ماشي ي يوسف 
خلي بالك منة ي عمر ومتتأخروش.. 
_________♡
روحت انا وملك مع محمد البيت عند طنط 
وكانت مامتي وبابايا هناك 
طنط كان باين عليها التعب جامد.. 
سلمت علي أهلي.. 
-حمد الله علي سلامة يوسف ي حبيبتي
-الله يسلمك ي ماما
-عامل اي ي بابا
-بخير ي بنتي
-وانتِ ي طنط عاملة اي 
اسفة اني قصرت معاكي غصب عني والله.. 
-متقوليش كدة ي بنتي كفاية ال انتِ فية وكل ال حصل وانتِ معداش علي فرحك شهر
امال يوسف فين
-صمم ان يروح يزور عمو الله يرحمة
-دا تعبان ي زينب ممنعتهوش لية!! 
-صمم والله ي طنط ومرضيش اروح معاة كمان.. 
-امال راح لوحدة!! 
-لا عمر معاه متقلقيش شوية وهايجوا.. 
-والله م حد قلقان غيرك ي بنتي.. 
غصب عني ي طنط والله.. 
-طب قومي غيري هدومك واغسلي وفوقي كدة انتِ هلكانة.. 
معلش ي ملك ي بنتي حضري الأكل انتِ واعملي لمحمد حاجة يشربها.. 
-حاضر ي طنط.. 
-ملك.. 
-نعم ي زينب 
-معلش هاتيلي عباية من عندك لان مفيش هدوم ليا هناا 
-حاضر ي حبيبتي 
هعملهم بس حاجة يشربوها علي م انتِ تاخدي شاور
وهتصل علي ريهام تعدي تجيبلك واحدة.. 
-مااشي
____________♡
-انت المفروض ي يوسف تشيل زينب ف عينك والله ي ابني.
انت مشوفتش كانت هتجنن عليك ازاي ولا كلت ولا شربت.. 
-والله ي عمر انا زعلان من نفسي اوي عشان زينب 
-لية ي ابني مالهاا
-تعالي نقرء الفاتحة الأول وام نطلع العربية هحليك لان مش قادر اقف 
-طب اسند عليا تعالي 
ياريتك سمعت الكلام وارتحت النهاردة.. 
-خير خير يلة الحمد الله.. 
__________♡
-يلة ي يوسف كفاية كدة وام ترتاح ابقا تعالي
-كان نفسي اشوفة اوي ي عمر والله
-ربنا يرحمة ويجعل مئواها الجنة ان شاء الله
اجمد انت بس عشان والدتك.. 
-ربنا يصبرها ويصبرني ي رب
-آمين ي رب
اركب علي مهلك خالص 
-تعبك معايا ي عمر معلش
-ي ابني متقولش كدة.. 
هجبلك عصير وحاجة تاكلها من الماركت الجاي دا.. 
-وهات مية عشان عطشان
-ماشي
___♡
-اي زعلان من نفسك لية علي زينب!! 
-كسرت قلبها ي عمر
-نعم!! انتوا لسة متجوزين ي ابني ولولا ال حصل كان زمانكوا لسة ف دهب مسافرين. 
-مكناش مسافرين ي عمر كنا ف شقتنا عادي
انا ال عرفتكم اننا سافرنا
-ي ابني انت بتقول اي 
انت عملت اي ف البت ي ابني
وبعدين لو انت كسرت قلبها كانت هتبقا مرعوبة عليك كدة!! 
-م دا ال مزعلني ي عمر
-انا مش فاهم منك اي حاجة خاالص وشكلك مطين الدنيا احنا نركب علي جمبك واحكيلي
-اركن ي سيدي اركن.. 
-قولي بقا عملت اي وكسرت قلبها لية زي م بتقول!! 
-انا اتجوزت زينب عشان بابا الله ي رحمة وماما لكن انا مكنتش بحب ولا بفكر ارتبط اصلا بس هعمل اي وافقت علي زينب من كتر كلامهم عليها.. 
المهم زينب بتحبني من ايام م كنا ف ثانوي
-والله 
وانت اكيد قولتلها انك مبتحبهاش
-للاسف قولت وف اول ليلة لينا.. 
-عليك وعلي دماغك ي شيخ حرام عليك
-والله ي عمر م ناقص انا كل م اشوف الحب ال ف عنيها ليا بتعب من جوايا
-طب وهي عملت اي!! 
-معملتش حاجة سبتها وبنام ف اوضة تانية
و ام قولتلها متعرفيش حد سمعت كلامي وكان حصل موقف كدة عرفت وقتها ان هي بتحبني من الثانوي وكانت بتدعي اني اكون ليها.. 
-والله ي ابني دا انا مصدوم م بالك هي بقا يخربيت كدة ي جدع 
دا انت لو كنت شوفت شكلها وهي خايفة عليك عامل ازاي 
دي كانت هتموت والله 
-يعم بعيد الشر عليها متقولش كدة
-امال اقول اي بس 
طب اي ال حصل تاني بعد م عرفتك
-انا طلبت منها وقت كافي ووعدتها اني مش هكسرها تاني 
-طب كويس 
-وانا اتغيرت كتير حتي هي لاحظت كدة
انا عارف ان هي زعلانة من جواها بس بتخبي عشان متضغطش عليا.. 
-تضغط اي بس دا ربنا يكون ف عونها 
عوضها ي ابني عن ال حصل دا واليومين ال شافتهم دول
-حاضر والله من غير م تقول 
بس اخف 
-تخف.!! 
اة ي ابن فاطمة والله م عارف اضحك ولا اتريق ولا اعمل اي يتك نيلة
-اضحك اضحك م دا ال ناقص 
المهم متعرفش حد 
يلة خلينا نروح معنتش قادر.. 
-طيب ي اخويا يلة
_______________♡
-ي ملككككك
-اي ي زينب
-فين العباية ي بنتي
-اهي اهي 
-طيب 
يوسف جة ولا لسة
-لسة
-طيب اقعدي هكمل لبس واجي.. 
_____♡
-خلصتي ي زينب
-اة ي طنط جاية اهو
-طب تعالي عشان اهلك ماشيين
-اي ي ماما راحين فين.. 
-هنمشي بقا ي بنتي وهنبقا نعدي عليكوا تاني 
خلي بالك من نفسك ومن يوسف
-حاضر ي ماما
-مع السلامة
-مع السلامة... 
امال محمد راح فين ي ملك!! 
-قاعد برة ي زينب بيشرب الشاي
-واسيل فين مختفية النهاردة!! 
-لا ي بنتي كانت هنا الصبح بس عندها مقابلة شغل.. 
-طب كويس ربنا يوفقها.. 
اعملك حاجة تشربيها او تاكليها ي طنط
-لا ي حبيبتي اقعدي ارتاحي انتِ 
مش عاوزة حاجة
اتصلي بس شوفي جوزك.. 
-حاضر.. 
دا جة اهو ي، طنط هقوم اشوفة.. 
_____♡
-سلام عليكم
-وعليكم السلام 
-اتفضلي اهو ي ست زينب زي م خدتة رجعتهولك اهو
-ماشي ي سيدي شكرا
اعملي حاجة لعمر ي ملك يشربها.. 
-بقولك اي ي عم عمر
-اي ي عمة ملك
-المطبخ جوة اهو انا راحة البيت عشان فصلت وعندي شغل باي باي اشوفكوا علي خير
تحياااااااتي.. 
-اة ي مجنونة 
دي دكتورة والنبي دي 
-ي سيدي سيبها دي تعبت جامد 
روحي ي حبيبتي ارتاحي وام تصحي ابقي اتصلي.. 
-ماشي ي ست البنات 
سلام
-قوم ي عمر ريهام جوة خليها تعملك حاجة علي م ادخل يوسف يرتاح جوة وطنط تشوفة.. 
__♡
-تعالي ي حبيبي يلة 
حاسس ب اي دلوقتي
-انا مرتاح طول م انتِ جمبي..
-شكلك جيت علي التعب ي استاذ يوسف
-اخس عليكي ي زوبة عيب عليكي
-ماشي ي سيدي..
اقعد علي مهلك وانا هرفعلك رجلك ارتاح خالص...
-طيب
-هاا مرتاح كدة ولا اي 
-اة تسلم ايدك 
-ي طنط تعالي يوسف ف الأوضة اهو
هاتيها ي ريهام..
-حمد الله علي السلامة ي يوسف
-الله يسلمك ي ريهام
تعالي ي ماما وحشتني والله..
-عامل اي ي روحي كدة تخوفنا عليك..
-الحمد الله ي ماما خير المهم انتِ كويسة وبتاخدي علاجك..
-اة ي ابني ربنا يخلي مراتك مش مقصرة والله..
بس خليها تاكل ي يوسف هتتعب ي ابني كدة 
-ي طنط والله انا كويسة المهم انتوا تكونوا بخير..
-واحنا هنبقا بخير ازاي لما تتعبي ي ست زينب
-ي يوسف انا كويسة اهو متقلقش 
هسيبك مع طنط شوية لوحدكوا واقنعها ي يوسف انها تجي تقعد معاناا ف الشقة..
-هتروحي فين
-هقعد برة مع ريهام شوية 
لو احتاجت حاجة نادي عليا..
-ماشي..
_________♡
-احنا هنمشي بقا ي زينب هتعوزوا حاجة
-راحين فين ي محمد
-هنمشي احنا بقا ولو احتاجتوا حاجة اتصلوا
-خلاص ماشي كتر خيركوا
-يلة مع السلامة..
_____♡
-تعالي ي زينب اقعدي بقا
-حاضر ي ريهام جيت اهو
-اي بنتي عاملة كدة 
حرام عليكي نفسك لانوم ولا،اكل ولا راحة
-والله ي ريهام م قادرة 
انا حاسة لو حطيت راسي علي المخدة مش هقوم غير بعد يومين بس مينفعش
-ربنا يعينك ي حبيبتي
هتفضلوا هنا ولا راحة شقتك
-والله ي ريهام مش عارفة يوسف ناوي يعمل اي 
انا قولتلة يقنع طنط تجي تقعد معانا ام اشوف لسة هيعمل اي 
-ربنا ييسر الحال ي رب
المهم انتِ اخبارك اي 
-تمام الحمد الله زي م انتِ شايفة اهو..
-خير والله متقلقيش..
-الحمد الله
اسيل هتخلص شغلها امتا
-والله م عارفة ي زينب اصلا الدنيا ملخبطة معاها الأيام دي وانتِ عارفة حوارها مع محمد
-هما متخانقين ولا اي!!
-يعني شادين مع بعض شوية
-اهاا عشان كدة مزاجهم وحش
ربنا يهديهم ي رب
-ي رب 
والله احنا نفسنا نقعد مع بعض زي الأول ونتكلم
-هنقعد ان شاء الله بس أفوق من كل دا..
وتعدي علي خير..
-ان شاء الله..
_____♡
-ي زينب
-ايوة ي يوسف جيت اهو ثواني ي ريهام 
ف اي اعملك حاجة
-لا لا مش عاوز حاجة 
ماما مصرة اننا نرجع شقتنا
-لية ي طنط بس
-ي بنتي افهمني انتِ مكنش المفروض تخرجي دلوقتي بس ال حصل بقا
وجوزك تعبان اهو ومحتاج عناية الأحسن انكوا ترجعوا بيتكوا ومتقفلهوش كدة وانا لو عوزت حاجة هكلمكوا 
-طب م تجي تقعدي معانا طيب
-لا مش دلوقتي 
شوية وهبقا اجي اقعد معاكوا
المهم اسمعي الكلام وجهزي نفسك يلة وارجعوا شقتكوا النهاردة
العشاء بتأذن أهي اجهزوا وخلي عمر او محمد يوصلكوا 
-حاضر ي طنط ال تشوفية..
اتصل ي يوسف علي حد منهم يجي يوصلنا لان انا مش قادرة اسوق وانت تعبان كمان..
-مااشي اجهزي انتِ يلة..
______♡
-ريهاام تعالي
-اي هتعملي اي
-طنط مصممة اننا نمشي بجهز علاج يوسف وحاجاتة 
-احسن ي زينب علي الأقل ترتاحي شوية ي بنتي من التعب دا 
تحبي أجي معاكي اعملك حاجة
-لا ي حبيبتي تسلمي انا مش هعمل حاجة اصلا هناك غير أكل ل يوسف بس
عوزاكي اهم حاجة تطمني علي طنط علي طول ولو ف حاجة كلميني ولو ملك جت عرفيها اننا مشينا
وابقي هاتيها وهاتي اسيل وتعالوا
-ماشي ي حبيبتي 
مين ال هيوصلكوا
-مش عارفة قولت ل يوسف يكلم عمر او محمد
_________♡
-الووو
عمر بقولك اي معلش تعالي ودينا الشقة عشان زينب مش قادرة تسوق
-مااشي مسافة الطريق واكون عندك..
______________♡
-زينب خلصتي
-اة ي يوسف خليك انت مرتاح لحد م نمشي..
طنط خلي بالك من نفسك ولو احتاجتي اي حاجة اتصلي علي طول ويومين كدة وهاجي اشوفك برضو..
-ماشي ي بنتي المهم خلي بالك من نفسك،ومن يوسف..
-حاضر..
________♡
-زينب
-اي ي ريهام
-عمر جة برة بيقولك يلة
-حاضر جايين اهو
حطي الحاجة دي ف العربية..
قوم ي يوسف يلة براحة علي مهملك..
يلة ي طنط مع السلامة..
سلام ي ريهام
__________♡
وصلنا شقتنا وعمر مشي علي طول دخلت يوسف ف اوضتنا وكان عاوز يغير هدومة ساعدتة يغير ونام ورحت انا اجهزلة أكل 
كانت الساعة 10 كدة..عملت الأكل ل يوسف وعملتلي سندوتش ودخلت عشان أاكلة..
-قوم يلة اتعدل براحتك 
-اعدلي المخدة معلش ي زينب
-حااضر
علي م الأكل يبرد بس ي يوسف هقوم اغير هدومي دي 
-ماشي ي ست الكل..
________♡
دخلت الحمام غسلت وشي وغيرت هدومي ورجعت ل يوسف عشان اكلة 
-يلة ي حبيبي 
-هتأكليني ب ايدك كمان
دا كتير عليا والله
-متقولش كدة مفيش حاجة تكتر عليك
-ربنا يخليكي ليا
طب مش هتاكلي انتِ كمان
-هأكلك وأكل السندوتيش دا 
المهم انت بس..
_______♡
أكلتة وبعد م خلص جبتلة مناديل مببلة مسحتلة وشة واديتة العلاج وقعدت جمبة..
-للدرجة دي بتحبني ي زينب
-وأكتر والله ي يوسف انت متعرفش انت اي بالنسبالي..وبتمني إنك تبادلني نفس الشعور ف يوم من الأيام..
-هيحصل ي زينب والله 
انتِ بقيتي غالية عندي اوي والله وبقيت ارتاح وانتِ جمبي..
-بجد ي يوسف
-بجد ي احلي حاجة حصلت ل يوسف..
-طب يلة نام عشان متتعبش
_وانتِ مش هتنامي ولا اي
-بعد م انت تنام انا هنام
اطمن عليك الاول وبعدين انام..
-حيث كدة بقا اسمحيلي انام ف مكاني المفضل..
لقيتة مسك ايدي وحط راسة علي رجلي 
بوستة من راسة ونام فعلا 
وفضلت طول الليل سيباه نايم كدة بين ايدي 
وانا ساندة علي المخدة ومقدرتش اصلي الفجر اليوم دا ورحت ف النوم ويوسف علي رجلي..
والصبح هو صحي قبلي لقي نفسة زي م اهو وانا محركتوش..
-ي ربي عليكي ي زينب فضلتي طول الليل كدة وكمان مش نايمة معدولة..
-صباح الخير ي يوسف صحيت امتا تعبان ولا اي
-صباح النور لا مش تعبان انا قلقت بس
منمتيش حلو لية ي زينب بس..
اتعدلي عشان خاطري ونامي شوية كمان
-طب اعملك فطار الاول وبعدين انام 
-لا مش هاكل دلوقتي 
اعدلي رجلي بس وتعالي نامي هناا وانا جمبك اهو لحد م تصحي،براحتك..
____♡
عدلت رجلة وغطيتة حلو ولقيتة فارد ايدة
-اي..
-تعالي ي زينب نامي ف حضني 
-متأكد..
-ي بنتي والله انتِ مراتي 
تعالي نامي علي ايدي تعالي هترتاحي والله 
-مش قصدي،م انا عارفة اني مراتك
-تعالي ي زوبة تعالي..
وحضني يوسف وكانت أول مرة يحضني بعد الفرح حطيت راسي علي دراعة ونمت وانا فرحانة ومطمنة..
يتبع الفصل العاشر 10 اضغط هنا
google-playkhamsatmostaqltradent