Ads by Google X

رواية قلبه من حجر الفصل السابع 7 - حبيبة محمد

الصفحة الرئيسية

رواية قلبه من حجر البارت السابع 7 بقلم حبيبة محمد

رواية قلبه من حجر كاملة

رواية قلبه من حجر الفصل السابع 7

داغر في وسط استغرابه بس هو بص علي رجليها لقاها هتتكسر اكتر من كتر ماهي مش طايله فا مسكها من وسطها وحضنها هو كمان عشان تبقي طوله... 
دليلا علي قد ما هي فرحانه بس رجعت للواقع تاني:  في اي يا حضرت المقدم انت استحليت الموضوع ولا اي نزلني.... 
داغر بقرف في سره:  فصيله والله انتي عيله فصيله.... 
دليلا عمتو جايه تزورنا خلي بالك.... 
داغر:  وعمتو عارفه انك متجوزاني... 
دليلا بعصبيه:  بقولك جايه تزورنا ازاي يعني مش هتكون عارفه هقولها قاعده مع صاحبي مثلا... 
داغر:  لسانك اطول منك.... 
اركبي العربيه يا بسله... 
دليلا:  يووووه هتعصب عليك متقوليش يا بسله تاني... 
داغر بيخوفها:  وانتي لما تتعصبي عليا انا هعمل فيكي اي.... 
دليلا بخوف:  ايي؟؟  
داغر:  اقولك يعني؟  
دليلا بخوف:  لا لا خلاص
داغر ركب العربيه وهو بيضحك.... ووصلها للبيت
****
دليلا بغيره:  امم انت كنت فين امبارح يا داغر... 
داغر:  كنت مع حبيبتي.... 
دليلا اتحرقت من جواها وعصبيتها حاولت علي قد ما تقدر ما تبينهاش:  امم ربنا يخليكوا لبعض... 
طلعت وهي بتدبدب علي السلم بعصبيه وبتتكلم بصوت واطي 
دليلا بتريقه:  كنت مع حبيبتي! 
مقرف وبارد ومستفز.... بكرهه بجد يعني؛  قال و انا فكراهه هيتغير....  هو في حيوان بيتغير!!!  لا طبعا!!  ليه؟  عشان مبيفهمش!!  في حيوان بيفهم! 
داغر:  صوتك بدأ يعلي خلي بالك..... 
دليلا بصتله بقرف ودخلت اوضتها..... 
داغر دخل المطبخ وكان جعان جدا وللاسف مبيعرفش يعمل اكل..... 
داغر مسح علي وشه:  يادي النيله بعد ما غيظتها... هحتاجها دلوقتي وهي عمرها ما هتووافق.... 
داغر بصوت عالي:  دليلااااااا
دليلا خرجت من اوضتها بخوف:  في اي؟؟  حاجه حصلت... 
داغر بحده:  شكل الدلع المرئ الانا عيشتك فيه نساكي وظيفتك معايا هنا
دليلا بعصبيه مكتومه:  واي بقا انشاء الله وظيفتي... 
داغر:  بتروقي وتعملي اكل
دليلا:  خدامه يعني؟  
داغر بندم:  لا مقولتش كدا
دليلا بعصبيه:  عايزني اعمل اي
داغر قعد علي الكرسي القدامها وبيغيظها:  اعملي الغداء
دليلا ادتله ضهرها وبدأت تكلم في نفسها
دليلا:  اهدي.... اهدي متتعصبيش اهدي... 
لفتله تاني:  الغداء الهو اي يعني..... 
داغر بحده:  هيكون اي يعني
غداء زي اي غداء.... اعملي مثلا فراخ مشويه ورز و بسله يا بسله.... 
دليلا بعصبيه وصوت عالي:  
ولااااا متعصبنيش عليك... 
داغر قام من علي الكرسي وقالها ببرود:  وبعد ما تتعصبي... 
دليلا سكتت وبدأت تمسك الاطباق جامد وكانت هتتكسر في ايدها وبتتكلم بهمس:  
تطفحه سم...... 
داغر ببرود:  وبعد ما تخلصي زاكري عشان شايفك فشله
دليلا بهدوء:  فاشله بسببك
داغر بيعاكسها:  هو كل حاجه بسببي ضربتي البنت بسببي بتكتأبي بسببي بتعيطي بسببي.... ثم اكمل بمعاكسه:  اتجننتي بسببي....  اي في اي... هو انا للدرجه دي شاغلك.... 
دليلا اتكسفت جدا وكلامه دا حرجها ومقدرتش تتكلم.... 
داغر ببرود:  مؤدبه اول مره الاقيكي مترديش عليا
دليلا سكتت عشان متفتحش كلام معاه.... 
****
انا رايحه لدليلا بكره يا جنه تيجي معايا
جنه:  ليكي عين تشوفيها يا ماما بعد العملتيه
وفاء:  عملت الصح كان لازم اوديها دار ايتام يا جنه انا معييش فلوس ومش حمل مصاريف.... 
جنه: قصدك طردتيها.... 
وفاء:  بت حيوانه وهتفضلي طول عمرك حيوانه ودماغك جزمه...... 
****
مراد:  ينفع طلب يا روان
روان نزلت من العربيه:  لا مينفعش والانت عملته في السوبر ماركت قدام بابا دا ميحصلش تاني.... 
مراد:  طب استني طب.. 
روان: استنيت نعم؟ 
مراد نزل وراها بغرور: اوعي تكوني فكراني واقع في دباديبك ولا سمار عيوونك...
روان: مش عايزه افتكر اصلا
مراد: جدعه....وخلي بالك انا وصلتك وجيبتك عشان انقذ الموقف قدام الحج صبحي
روان: طب مشوفش وشك تاني بقا عشان مش كل مره هننقذ الموقف.... 
مراد بصلها بقرف...وركب عربيته بغرور ومشي...
روان بهمس وابتسامه: مجنون..
****
داغر: اممم خلصتي الاكل
دليلا بتهرش في  وشها فا الصلصه ال في ايدها لحوست وشها....
دليلا بأفأفه: لا مخلصتش...
داغر قام من علي تلفونه شويه وقرب منها....
داغر: طب مالك متعصبه ليه
دليلا بتوتر: ان..انا مش متعصبه في اي ما انا هاديه اهو وبعدين في اي انا...
داغر: شش اهدي شويه...وجعتي دماغي....
دليلا لفتله: طب متتكلمش معايا وانا مش هوجع دماغك يا سياده المقدم....
داغر في سره: ماهو المشكله اني مش قادر مكلمكيش...
دليلا: هتفضل واقف؟ 
داغر مسح من علي وشها الصلصه....
و دليلا واقفه مكانها متصلبه.
..
عماله تبص في عيونه.....
داغر بهدوء: خلي بالك علي وشك عشان ابيض ولو اتوسخ البقعه مش هتطلع
دليلا في سرها: فصيييل...
دليلا: طب نبقي نجيبله اوكسي
داغر: بسله ظريفه....
دليلا فضلت تضحك بصوت عالي........
داغر بأبتسامه: غريبه اول مره اشوفك بتضحكي علي كلمه بسله....
دليلا وقفت ضحك مره واحده زي المجنونه: لا مبضحكش علي كلمه بسله....
داغر: اومال؟ 
دليلا افتكرت حاجه كدا
flash back
اسيا: لما تبقي متوتره افضلي اضحكي اضحكي كتير اوي عشان تطلعي التوتر الجواكي..
دليلا: لا يا شيخه
اسيا: اه والله....
back
داغر: امم سكتي يعني
دليلا طلعت الفراخ من تحت الشواايه....
ومره واحده رمت الصينيه من ايدها: اااااه ايدي اااه....ايدي. ايدي....
داغر قام بخوف عليها: انتي كويسه؟ 
مسك ايدها الاتنين بحنو
و دليلا كانت مكسوفه جدا من مسكه ايده ليها....
داغر قام وقف: ثانيه واحده هطلع اجيبلك مرهم للحرق...
دليلا سكتت ببراءه وبصت نحيت خطوات رجله.... و مع كل خطوه كان بتسرح اكتر لحد ما داغر كان نزل ولقاها سرحانه وبتبتسم....
داغر: د.دليلا انتي كويسه؟
دليلا فاقت مره واحده: كويسه..كويسه....
داغر حطلها المرهم.... وسندها من علي الارض وقعدها علي الكرسي....
ونزل جاب الصينيه 
داغر حط الاكل في الاطباق..
وقعد معاها 
: حضري نفسك عشان هنروح للدكتوره بكره...
دليلا: اي السببب؟ 
داغر: هفكلك الجبس  خلاص وقتك خلص دا جزع بسيط.  ... 
دليلا بفرحه: يااااااه اخيرا.... 
و مره واحد كان النور قطع
دليلا بخوف:  داااغر.... داااغر
انت فين.... ثم اكملت بعصبيه طفوليه:  انتي يبنييي 
داغر:  انتي فين يبنتي انا بمسك الكرسي بتاعك مش لاقيكي.... 
دليلا:  النور قاطع وبتقولي انتي فين يا شيخ دا العقل دا نعمه.... 
داغر بعصبيه:  لسانك بدأ يطول
دليلا:  طب اتكلم تاني عشان تقريبا شكلي قريبه منك.... 
داغر:  انا واقف مكاني اهو قربي.....
**
وفاء:  حضرتي هدومك يا جنه؟ 
جنه:  حضرتها يا امي حضرتها
وفاء:  جدعه.... 
****
مراد:  تمام يا باشا هخبر سياده المقدم.... 
_ بس اوعا تنسي تقوله ان المهمه بقالها شهر متعطله بسببه ولازم يبدأ فيها بعد يومين
مراد:  حاضر يباشا... 
مراد قفل مع العقيد... 
مراد بهمس:  رد بقا يا داغر... رد ياعم.... 
عمال يتصل بيه بس مبيردش.. 
مراد قرر انه يروحله الصبح.. 
****
دليلا بصوت عالي: اي الحركك من مكانك يا داااغر...
داغر: متعليش صوتك...لحسن العرفيت يسمع صوتك ويجي ياكلك...
دليلا صوتت بخوف وفضلت تعيط: اااااععع حرام عليككك 
بخاف والله....
داغر: طب خلاص قربي كدا كمان....شكلك قربتي مني...
دليلا مسحت دموعها ببرائه وقربت: انا خااايفه خااايفه...
داغر خبط فيها....
و هنا هي حضنته.......بخوف...
كانت هي حضناه من وسطه
عشان طبعا عزيزي القارئ
انت تعرف كويس ان دليلا بتعاني من قصرها ( بسله) 
حضنت داغر بخوف 
وهو كانت معتبرها بنته وعمال يملس علي شعرها
داغر بحنو : متخافيش يا حبيبتي........ شويه والنور يفتح
دليلا اتصدمت: حبيبتي؟؟؟ 
داغر بتوتر:  مقصدش حاجه... اصل انا متعود اقول الكلمه دي للبنت البحبها وكدا معلش... 
دليلا بعد عن حضنه بعد ما جرحها بكلامه دا هو برضو مًصّر انه يجرحها.... 
دليلا خايفه بس كبريائها غالب عليها:  طب النور هيفتح امتي
داغر بحده:  معرفش يلا خشي اوضتك ونامي بقا... 
دليلا خايفه تنام لوحدها في الضلمه بس مكسوفه تقوله
داغر:  سكتي ليه
دليلا بتوتر:  اصل انا.... انا خايفه انام لوحدي.... 
داغر: كفايه دلع بقا وروحي نامي... خايفه من اي عفريت هيشدك من علي سريرك مثلا
دليلا صوتت تاني بخوف: اعع يوووه بس بقا بطل تخوفني.. 
داغر بحده: طب يلا اطلعي نامي جبتيلي ازعاج
دليلا ببراءه: بقولك خايفه...
تيجي.....ثم اكملت بكسوف: تيجي تقعد جمبي بس لغايه ما انام....
داغر بحده: لا انتي مش طفله
دليلا: نو انت بمزاجكك تخليني طفله وبمزاجكك تخليني كبيره
داغر: طب تعالي كدا...
دليلا بكسوف: ليه.......
داغر تعالي بس عشان مش شايفك خالص
دليلا خبطت علي كتفه...
داغر شالها بين ايديه الاتنين..
داغر: هوووب
دليلا: في اي...!! شيلتني ليه...
داغر: شش اسكتي بقا بقيتي تتكلمي كتير....
دليلا سكتت....
لحد ما داغر وصلها لسريرها...
وشد كرسي و قعد جمبها 
دليلا: د...داغر انت روحت فين..
فضلت تلمس في السرير يمكن تلاقيه..
لحد ما مسكت ايده..
يتبع الفصل الثامن 8 اضغط هنا
google-playkhamsatmostaqltradent