رواية زواج اجباري البارت السابع 7 بقلم دنيا علاء الجندي
رواية زواج اجباري الفصل السابع 7
عدي أول أسبوع علي جوازنا ويوسف كان بيتغير واحدة واحدة وميخلنيش أقعد لوحدي كتير وبقا يهزر معايا وفعلا جزء كبير من الزعل ال جوايا اتشال..
ودا كان تاني أسبوع لينا قررت أفتح تليفوني واكلم اهلي وصحابي..
كنت أنا صاحية قبل يوسف وقاعدة جمبة علي السرير
فتحت تليفوني ولقيت رسايل كتير من ملك وباقي البنات ومكالمات من ماما وبابا..
اتصلت الاول علي ماما اطمنت عليها وسئلتني علي يوسف وعامل اي معايا عرفتها ان كل امورنا تمام وشوية وهنرجع من السفر وقفلت معاهاا..
-صباح الخير ي ست الكل
-صباح الخير ي حبيبي صحيت..
-لا نايم ي زينب بكلمك وأنا نايم ههههههههه
-ماشي ي خفيف ههههه
-صاحية بدري لية
-عادي صحيت لوحدي كدة
أهاا ماما بتسلم عليك.
-الله يسلمها انتِ كلمتيها امتا!!
-لسة قفلة معاهاا
قوم يلة عشان نفطر واتصل انت كمان اطمن علي مامتك وباباك
-حاضر ي ستي نفطر وهتصل عليهم
-ماشي قوم يلة ادخل الحمام ال ف الاوضة عشان انا هدخل ال برة
-طيب طيب ادخلي ال برة..
طلعلي هدومي بس هههه
-مااشي وقوم بقا بلاش كسل...
______________♡
خلصت حمامي وطلعت صليت الصبح وروحت احضر الفطار علي م يوسف يخلص
وحطيت الأكل علي السفرة وهو كان جة
قعدنا فطرنا وتليفون يوسف رن واحنا بنفطر
قام يرد وفجأة لقيت يوسف منهار
-اي ي يوسف ف اي
اي ال حصل ومين ال بيكلمك
-بابا ي زينب عمل حادثة ومات
-ازاي ي يوسف ازاي وامتة طب اهدي ونفهم اي ال حصل وقوم اجهز عشان نروحلهم
واهدي عشان خاطري قدر الله وماشاء فعل
________♡
قومت يوسف وطلعتلة هدوم غير ولبس وقعد علي السرير مش قادر يوقف علي رجلة
غيرت انا كمان وخدتة وخدت منة مفاتيح العربية ونزلنا
كنت انا متعلمة السواقة جديد وكانت المسافة بينا وبين بيت اهلي واهل يوسف حوالي ساعة فقولت هسوق انا يوسف حالتة مش كويسة
ونزلنا ركب العربية وركبت انا كمان ووصلنا الحمد الله بسلام
وكان كل العيلة موجودة والد يوسف اتوفي وطنط كانت تعبانة دخلت قعدت معاها جوة واتصلت علي ملك تجيلي وكلمنا دكتور طنط كانت متابعة معاه عشان السكر وجة كتبلها علاج ومهدئ وطلب مننا نحاول نخليها هادية شوية..
أصحاب يوسف وقرايبة كانوا كلهم معاه برة
قومت انا وملك واسيل نجهز اكل ليهم ونعمل قهوة..
لقيت حد بينادي بصوت عالي...
-الحقي يوسف ي زينب
ال كان ف ايدي وقع وطلعت بسرعة أشوف يوسف مالة
روحت وللاسف لقيت يوسف فاقد الوعي وصحابة حوالية..
قعدت علي الارض وشلت راسة علي رجلي وكنت هموت من خوفي علية وناديت علي ملك تجي تشوف حصلة اي
وملك بعتت حد جبلها جهاز الضغط من بيتها
وانا حاولت أفوق يوسف
اتنين من صحابة دخلوة جوة علي السرير وانا فضلت جمبة
وملك قاستلة الضغط طلع واطي جدا عملتلة عصير وفضلت قاعدة جمبة لحد م فاق
ووقت صلاة الجنازة صحابة سندوة وبعد م خلصوا دخلوة تاني
لقيتة بينادي عليا
سبت ملك مع طنط وكان معاها مامتي
ورحت اشوفة
-ايوة ي يوسف اعملك حاجة!
-خليكي جمبي ي زينب
-أنا جمبك ي يوسف متقلقش طنط عاوزة تشوفك الأول تعالي معايا شوفها وارجع هنا
_________________♡
سندت يوسف ورحنا عند طنط ف اوضتها
واحنا كنا منعنا اي حد يدخلها كان ال بيجي بيفضل برة وماما واسيل وملك كانوا بيقابلوهم..
دخلت يوسف عندها وفضلت تعيط كتير ويوسف كمان فضل يعيط حاولت أهديهم
ولقيتة ملك جيبالهم أكل عشان يتعشواا
أكلت طنط وحاولت أكل يوسف غصب عنة
كلوا حاجة بسيطة وناديت لملك تاخد الصينية واديت لطنط علاجها ونامت
ويوسف نام جمبها وفضلت أنا قاعدة قصادهم طول الليل..
________________♡
-زينب نامي شوية انتِ تعبتي
-لا ي ملك مش عاوزة انام
وبعدين مروحتيش لية الوقت اتأخر
-هروح يعني واسيبك لوحدك اسيل كمان لسة برة مع مامتك
لكن باقي البنات مشيوا وهيجلوك الصبح لان معرفوش يشوفوكي..
-ماشي ي حبيبتي متحرمش منك تعالي اشوف ماما عشان لسة مشوفتهاش..
__________♡
روحت سلمت علي مامتي وقعدت معاها شوية..
-عاملة اي ي زينب
-انا الحمد الله ي ماما بخير
-خليكي جمب يوسف عشان تعبان
-اكيد ي ماما انا جمبة ع طول
-ربنا يخليكوا لبعض ي حبيبتي..
-ي رب ي ماما.
هقوم أدخل جوة عشان لو صحي هو او طنط
-استني ي زينب
-اي ي ملك ف حاجة ولا اي..!
-لا كلي دا عشان انتِ مكلتيش حاجة من ساعة م جيتوا والساعة بقت 12
-لا ماليش نفس ي ملك
___________♡
اتوضيت ودخلت قعدت علي الكرسي جوة قصاد طنط ويوسف
فضلت أقرء قرأن وشوية وطنط صحيت
-زينب زينب
-نعم ي طنط أجبلك حاجة
-اة ي بنتي هاتيلي كباية مية..
وبعدين انتِ لسة قاعدة لية كدة م تنامي شوية..
-إتفضلي المية اهي
انا مش عاوزة أنام ارتاحي انتِ وأنا قاعدة جمبك أهو لو احتاجتي حاجة
أنادي ل ملك تديكي حقنة السكر!!
-هي ملك لسة هنا
-اة هي وماما واسيل قاعدين برة..
-ربنا يخليكوا ي، بنتي مش عارفة من غيركوا كنت عملت اي
-متقوليش كدة ي طنط ارتاحي انتِ بس واحنا موجودين اهو..
____________♡
طنط نامت وانا قاعدة علي الكرسي وام الساعة جت 2ونص قومت صليت القيام وفضلت قاعدة أدعي لعمو الله يرحمة ولطنط وليوسف...
ولقيت يوسف قام..
-إنتِ صاحية ي زينب!!
-اة صاحية عاوز حاجة
-لا انتِ نمتي ولا منمتيش
-لا منمتش لسة
أقوم أجبلك حاجة تشربها
-لا مش عاوز حاجة
منمتيش لية ي زينب انتِ تعبتي النهاردة
-ولا تعب ولا حاجة ي حبيبي
___________♡
-ي زينب
-تعالي ي ملك ادخلي عاوزة اي ي حبيبتي!
-أهلا ازيك ي يوسف
البقاء الله
-الله يسلمك ي ملك
ونعم بالله
انتِ برضو لسة صاحية انتِ كمان
-اة عادي
كنت جاية اطمن علي ملك بس واحاول أخليها تاكل
-لية هي مكلتش ي ملك
-لا خالص ولا نامت
-طب روحي هاتيلها اكل معلش ي ملك
-حااضر
______♡
-لية ي زينب مكلتيش ام تتعبي يعني
-ماليش نفس والله ي يوسف..
-بس ي زينب مالكيش نفس اي
هاتي ي ملك يلة
-ي يوسف مش عاوزة
-هششش اسكتي
_______♡
ونزل يوسف جمبي علي الأرض وأكلني سندويتش بالعافية ومقدرتش أكمل التاني
كنا زعلانين إننا مقدرناش نشوف عمو الله يرحمة..
يوسف حط راسة علي رجلي وفضل ماسك ايدي وهو نايم لحد م الفجر أذن قام اتوضي وجة صلي معايا..
وقعد نفس قعدتة لحد م طنط صحيت
عملتلهم فطار
وراحوا المقابر
طنط رفضت اني اروح معاهم
-هاجي ي طنط معاكوا
-لا ي زينب انتِ ي حبيبتي معداش علي فرحك أسبوع مينفعش يبقا اول خروجة ليكي
-ي طنط عادي مفيهاش حاجة..
-لا اسمعي الكلام واستنينا هنا
-حاضر ي طنط
خلي بالك من نفسك
وانت كمان ي يوسف خلي بالك من نفسك..
____♡
ملك وماما راحوا معاهم واسيل قعدت معايا انا
-عاملة اي ي زينب طمنيني عليكي
-الحمد الله ي اسيل والله
-امال لية حاسة انك مش تمام
وملك كانت قالتلي انها قلقانة عليكي
-مش وقتة ي اسيل هبقا احكيلك انتِ وملك إم أروح شقتي
-طب وانتِ هتروحي امتا
-والله مش عارفة ي زينب بس مش هينفع نسيب طنط لوحدها كدة الفترة دي
-اة فاهمة ي حبيبتي
ربنا يصبرها هي ويوسف
-ي رب ي أسيل ي رب..
_______♡
فضلت قاعدة انا واسيل هي عملت شاي وجت قعدت معايا
وشوية وباقي البنات لقيتهم جايين
سلموا عليا وقعدوا معايا لحد م يوسف وطنط وماما جم..
يتبع الفصل الثامن 8 اضغط هنا
- الفهرس (رواية زواج اجباري كاملة)