رواية زواج اجباري البارت السادس 6 بقلم دنيا علاء الجندي
رواية زواج اجباري الفصل السادس 6
-معقول ال انا شيفاه دا!!! يوسف عندي ف الأوضة وكمان نايم علي السرير!!!
دا أكيد دخل بالغلط وهو نعسان..
صليت الأول وبعد م خلصت قومت غيرت الإسدال وحاولت اصحية مقدرش يقوم
عدلتة وغطيتة وكنت مطمنة من جوايا انة معايا ف نفس الأوضة..
طلعت علي السرير بس قعدت افكر شوية واسئل نفسي طب يوسف دخل بالغلط ونام هنا ام يصحي الصبح هيفكر اي ولا هيقول اي!!!!!
لا اكيد هيصحي مخضوض ويزعق انا هقوم انام ف الأوضة التانية..
وفجأة...
-اتخمدي ي زينب إنتِ مراتي وربنا ولو عاوز اعمل حاجة هعملها نامي واعقلي الشمس طلعت..
-يوسف!! انت صاحي ازاي!! وسمعتني ازاي انا بتكلم ف دماغي!!!
-بتتكلمي ف دماغك!! هههههههههههه طب نامي الله يرضي عنك ي زينب لو عوزاني اقوم هقوم بس خليكي جدعة عشان مش قادر والله هههههه
-يعم نام انت هتشحت نام نام ومتتقلبش كتير نام بهدوء..
____________♡
ورجع راح ف النوم تاني وانا قاعدة جمبة علي السرير كان دا رابع يوم لينا كنت فرحانة ان يوسف بياخد خطوة لقدام ويحسن علاقتة معايا.. عدلت مخدتي ونمت بس كان فية مسافة بيني وبين يوسف
وانا بطبعي بتقلب كتير احيانا فقولت ي رب انام عاقلة النهاردة بدل م يصحي يولع فيا ههههههه ولسة هتعدل انام
ايدي خبطت ف يوسف بس الحمد الله محسش لفيت وشي ونمت علي طول.
_____________♡
ام صحيت كان الضهر أذن خلاص م احنا نايمين متأخر قومت قعدت علي السرير كدة وكانت عيني علي يوسف وايدي علي شعرة
بس هو حس وفتح عينة رحت شايلة ايدي بسرعة وجيت اقوم من علي السرير.. يوسف مسك ايدي...
________♡
-استني ي زينب خوفتي لية وقومتي كدة
-مفيش هقوم عشان الضهر أذن معلش لو صحيتك..
-بصي ي زينب إنتِ مراتي..
عارف إني زعلتك ف اول يوم لينا مع بعض ومكنش ينفع يحصل كدة بس محبتش أخبي عليكي حاجة..
واتفاجئت انك بتحبني من أيام الثانوي ومقدرش أنكر إني فرحت بحبك دا بس حبي ليكي مش هايجي مرة واحدة أنا محتاج شوية وقت بس ي زينب وأوعدك إن كل حاجة هتبقا تمام وزي الفل ي ست الكل..
-صدقني ي يوسف كلامك دا فرحني والله وانا مستعدة أديك الوقت ال انت عاوزة مقابل إنك متكسرنيش ي يوسف..
-أوعدك ي زينب اني مش هكسرك ولا هعمل حاجة تزعلك..
-وانا هصدقك ي يوسف وهديك الوقت.
يلة هقوم اغسل واتوضي عشان اصلي واجهز الأكل..
_______________♡
سبت يوسف علي السرير لسة وقومت انا وكنت هطير من الفرحة..
دخلت غسلت وشي واتوضيت وخلصت ورحت الاوضة عشان اصلي..
وصليت الحمد الله وكان استاذ يوسف نام تاني ههههه..
سبتة علي م اجهز الغدا..
_____________♡
ورحت المطبخ طلعت بانية من الفريزر وعملت مكرونة يوسف كان بيحبهاا بس مش كتير يعني..
وبعد م خلصت حطيت الاكل علي السفرة ودخلت اصحي يوسف..
-يوسف ي يوسف اصحي الساعة بقت 2 والاكل خلص قوم يلة
-ي زينب اي ي زينب حد يصحي جوزة كدة برضو..
-يعم قوم بقا الاكل هيبرد هههههههههه عملتلك مكرونة قوم قوم
-قومت اهو ي ست زينب قومت..
-طب يلة اغسل وشك وتعالي اتغدا وبعدين صلي الضهر قبل م العصر يأذن..
______________♡
طلعنا واتغديناا وبعد م خلصنا قومت شلت الأكل وعملت عصير وطلعت قعدت ف الصالة علي م اهو يخلص ويصلي
وبعد شوية جة قعد معايا قدام التليفزيون
وسئلني...
- فتحتي تليفونك ولا لسة!..
- لا قفلااة لسة..
-اهاا طيب ي زينب لما تكلمي مامتك هتقوليلها اي!!
-مش هقولها حاجة هعرفها ان امورنا كلها تمام..
لان ي يوسف اي حاجة بينا محدش غيرنا حقة يعرفها لكن لو انت حابب تعرفهم انا مش هتكلم..
-لا لا انا مش هعرفهم حاجة وشكرا ليكي والله ي زينب انك متفهمة كدة..
-العفو ي يوسف بس انت كنت قايلهم هنرجع من السفر امتاا!!
-كنت قايلهم اننا هنفضل شهر..
-اهاا شهر..ماشي مفرقتش كتير شهر شهر.
هقوم اصلي العصر قوم انت كمان صلية..
_________♡
صليت العصر وقعدت شوية جوة ف الأوضة
ولقيت يوسف بينادي...
-أيوة ي يوسف
-تعالي اقعدي هنا قاعدة لوحدك لية..!
-طلعت قعدت برة وفضلنا قاعدين ساكتين..
وام المغرب أذن قومنا صلينا والعشاء برضو قومنا صلينا وانا قعدت قرأت القرأن شوية وطلعت عشان اشوفة هيتعشا ولا لاء
_______♡
-يوسف عاوز تتعشا دلوقتي ولا اي!!
-لا مش جعان دلوقتي اعمليلي قهوة بس وتعالي اقعدي..
-حاضر هغسل بس أطباق الغدا لأن لسة وهعملك..
دخلت خلصت المطبخ وعملت القهوة ل يوسف وطلعتهالة..
______♡
-تعالي اقعدي هنا ي زينب
-م انا هقعد مش هدخل جوة..
-اقصد اقعدي جمبي ي زينب.
بصتلة وابتسمت ورحت قعدت جمبة وكان في مسافة يعني هههههه.
-وفضلنا قاعدين لحد الساعة 10 كدة قالي عاوز اتعشاا
-عاوز تتعشا اي..
-اعملي اي حاجة خفيفة..
اعملي سندوتشات وخلاص.
-طيب
وقومت عملتلة لان انا مكنتش جعاانة.
-اتفضل ي استاذ يوسف اتعشا وانا هعمل فشاار
-مش هتاكلي ولا اي
-لا انا مش جعانة اتعشا انت
_________________♡
دخلت عملت فشار وكان عندنا مكسرات طلعت منها وطلعت قعدت برة مع يوسف نتفرج علي التليفزيون هو خلص اكل وقام دخل الطبق وجاب مية وجة قعد.
-تسلم ايدك ي ست الكل.
-علي اي!!
-علي الفشار ههههههههه
-ماشي ي خفيف اتريق حلو هههههه
وفضلنا سهرانين قدام التليفزيون كانت الساعة بقت 2..
-هقوم ي يوسف عشان اصلي القيام قوم انت كمان صلي ركعتين وتعالي..
دخلت اتوضيت ورحت اصلي ومتعودة اني بدعي ليوسف دايما ف كل فرض وبعد م سلمت من الصلاة
لقيت ايد يوسف علي كتفي..
-اي ي يوسف
-انتِ بتدعيلي ي زينب كل الدعوات دي..
للدرجة دي بتحبيني ي زينب.!!!
-دا اقل حاجة ي يوسف انا ماليش غيرك..
يوسف كان فرحان والابتسامة مالية وشة..
باسني من راسي وقالي ربنا يخليكي ليا ي زينب..
________♡
كانت الفرحة مش سيعاني دي كانت اول مرة يوسف يقولي كدة..
هو قام وانا قومت وطلعت قعدت معاه ف الصالة..
-مش هتنام ولا اي ي كابتن الساعة داخلة ع 3
-شوية كدة
انتِ عاوزة تنامي ولا اي!!
-لا أنا هصلي الفجر إن شاء الله بس انت شكلك بتنام
ومش كل يوم هتقعدني قصادك علي الكنبة هههههههههه
-طيب ي ستي ذليني بقا عشان قعدتي يوم قصادي..
-عيب عليك متقولش كدة ههههههههههه
-ماشي ي ستي مش هقول
شوية وهدخل متقلقيش..
-وفضل الاستاذ يوسف قاعد وفجأة لقيت راسةة علي رجلي هههههه
اي ي بابا اي قوم نام جوة ههههه
-اي ي ماما انتِ مش مراتي ولا اي
انا حر اعمل ال عاوز اعملة اقعدي ساكتة بقا..
-طيب ي سيدي نام وانت ساكت بس اعمل حسابك مش هنام علي الكنبة النهاردة يعني لو نعست هسيبك وادخل اوضتي هههههه
-ماشي ماشي وتقولي بحبك اة
-يعم نام واسكت هههههههه
_______________♡
ونام يوسف علي رجلي وأنا فضلت ألعبلة في شعرة واول م لقيتة هينعس فوقتة..
-ي يوووووووووسف قوم ادخل جوة يلة.
-طيب ي زنانة قومت قومي يلة انتِ كمان..
-طيب يلة م انت ال مقعدني ههههه
-قومت اهو
-طفيت التليفزيون ودخلت معاه جوة عشان ادخلة بس لقيتة داخل اوضتي ال هي تعتبر اوضتنا
-انت هتنام هنا ي يوسف!!
-لو مضايقة انام ف الاوضة التانية
-لا لا انا بطمن بس انك فايق ههههههههه
-لية ناوية تعملي اي فياا
-متخفش مش هعملك حاجة ادخل بس هههه
-اوعي تستفردي بيا هههههههههههه
-حاضر ادخل نام يلة وانا هصلي وانام.
-ربنا يتقبل منك ي ست زينب
تصبحي علي خير..
-وانت من اهل الخير..
___________♡
كنت مطمنة ان يوسف نايم ف نفس الأوضة
فضلت صاحية لحد م صليت الفجر وقومت عشان انام..
بوست يوسف من راسة ونمت وانا عيني عليها ومطمنة من جوايا وحاسة بتغير يوسف الكبير..
يتبع الفصل السابع 7 اضغط هنا
- الفهرس (رواية زواج اجباري كاملة)