رواية اياد وياسمين تزوجني رغما عنه البارت السادس 6
رواية تزوجني رغماً عنه الفصل السادس 6
نظرت هدي الي الهديه بقرف واشمأزاز فقد توقعت سلسال اوخاتم ذهب ولكن وجدتها سلسال فضي
هدي:بزعل اي دا جايبلي سلسله وكمان فضه هي دي هديتك ليا عشان تعوضني غيابك لا والله فرحتني قيمتس عندك سلسله فضه يافرحتي
اياد:غريبه انا فكرتك هتفرحي بيها دي جميله جدا ومره حد قالي الهديه مش بتمنها دي بقيمتها وواضح ان قيمتي عندك مش كبيره ع العموم هاخدها وامشي
هدي:بعصبيه انت قوف ما جايبلي هديه رخيصه وكمان انت الزعلان
اياد:وهو ينظر لها بغضب طيب نهض مسرعا الي سيارته ..ولم تبدي هدي اي اهتمام لان هديته لم تكن كما توقعت
هدي:لنفسها غور هبقي العب عليك بكلمتين بعدين فصلتني جايبني ف مطعم رخيص .سلسله زباله كمان هو.ف اي بس
ركب اياد سيارته وهو ف قمه غضبه ولا يعلم اين يذهب فوصل الي الكورنيش وركن سيارته ومشي ع الكورنيش وراح يسرح بافكاره
اياد:ف باله السلسله دي هديه حلوة لياسمين هختبرها اشوفها هتعجبها ولا ولا بس يومين كدا ولا حاجه معرفش هدي ليه اضايقت بسبب السلسله والله جميله جدا ممكن كلام ماما كان صح وهدي كل اللي يهمها الهدايا والفلوس يلا كله هيبان قريب ......مر يومين واياد لم يتصل بهدي ولم يحدثها وقرر الذهاب الي بيت ياسمين فقال لوالدته
اياد:اي رأيك ياماما نروح النهارده عند ياسمين
والدته:اي دا انا سمعت صح انت عايز تروح عن سوما
اياد:اه اي الغريب فيها عادي مش خطيبتي
والدته:خلاص باليل نروح انا وانتي وجيب هديه لخطيبتك كدا
اياد:انا فعلا جبتلها هديه يارب تعجبها
والدته:هتعجبها مدام بتحبك اللي بيحب حد مش بيهمه هي بكام يهمه الشخص اللي قددمها
اياد:عندك حق ياماما انا هروح المغرض والمغرب هرجع تجهزي نفسك عشان نروح ليهم
والدته:ماشي ربنا معاك ..ذهب اياد الي عمله واتصلت والدته بياسمين
والدت اياد:الو سوما ياحبيبتي اخبارك اي
ياسمين:الحمدلله ياماما تمام انتي اخبارك اي
والدت اياد:انا بخير الحمدلله ظبطي نفسك كدا عشان اياد جاي النهارده باليل عندكم تصدقي لسا من شويه قالي سوما وحشتيني ياماما يلا نروح عندهم
ياسمين:بجد ياماما امال مش بيتصل بيا ليه بقاله كام. يوم
والدت اياد :والله هو.اللي طلب نروح عندكم انا مابكدبش عليكي
ياسمين:حيبتي انا عارفه بس بسال ليكون ف حاجه
والده اياد:لا مافيش حاجه يلا جهزي نفسك وانا كمان اخلص شغلي قبل ما اياد يجي سلام ياحبيبتي
ياسمين:الله يسلمك يارب ..........
ياسمين:ماما اياد ومامته جايين عندنا النهارده ع العشا
والدتها:طيب يالا نجهز ليهن عشان معتبر من ايديكي ياقمر واتصل والدك بقي اقوله يجيب معاه جاتو للضيوف
ياسمين:تمام يلا بينا ......حضرت ياسمين هي ووالدتها الطعام ورتبت المنزل لقدوم الضيوف مع صلاه المغرب دخلت اخذت حمام وارتدت فستان انيق لونه ازرق وحجاب ازرق زذلك زاد من جمال عينيها الزرقوين وف ذلك الوقت كان اياد قد عاد من العمل وبدل ملابسه وهرج هو ووالدته متجهين الي منزل ياسمين وهو ف الطريق رن هاتفه ونظر وجد المتصل هدي لم يجب واقفل الخط ف وجهها
هدي:لا وكمان بقيت تكنسل عليا ....الواد دا لازم افكره ف خطه معتبره ارجعه تحت باطي تاني عشان بدء يفلت من تحت ايدي ...
والدت اياد:مين الي بيرن عليك
اياد:محدش سيبك ووضع الهاتف ع الصامت ...وبعد قليل وصلوا الي منزل ياسمين
اياد:لنفسه هنشوف دلوقتي اي تصرف ياسمين اما تشوف السلسله رن اياد الجرس وفتحت والده ياسمين
والده ياسمين:اهلا وسهلا اي النور دا
اياد ووالدته بنفس واحد :اهلا بيكي
والده اياد:اتفضلي
والده ياسمين؛وليه بس التعب دا
والده:اياد:حاجه بسيطه شويه فاكهه وحلويات
اياد:ازيك ياطنط واحتضنها
والده:ياسمين:طنط اي يا اياد انت ابني ومتربي ع ايدي زيك زي ياسمين انا ماما ها
اياد:اكيد يا طن. قصدي ماما امال ياسمين فينة
والده:ياسمين :ادخلوا هي ف المطبخ دقيقه وجايه بتعمل قهوة
والده:براحتها ياحبيبتي ...دخلوا اوضه الجلوس وبعد دقيقه جاءت ياسمين وتحمل القهوة
ياسمين:مساء الخير
الجميع:مساء النور وقدمت ياسمين القهوة
والده اياد:اي القمر دا الفسان والحجاب هياكل منك حتي انا والله بحسد نفسي ان سوما هتبقي مرات اياد
اياد:ف باله بدأنا ف الاستعراض الجمال مش كل حاجه يعني
والده ياسمين:اشرب يا اياد ياحبيبي القهوة ياسمين جهزي السفره يلا ياسمين اول ما عرفت انهم حايين عملت كل الاكل اللي بيحبه اياد بنفسها
والده اياد: طول عمرك شاطره ياسوما ...استاذنت ياسمين للذهاب لتجهيز السفره فقرر اياد التحجج بالذهاب للحمام ليذهب للمطبخ ويقدم لها الهديه
اياد:بعد اذنكم الحمام
والده ياسمين:اتفضل ياحبيبي خرج اياد من الغرفه وذهب الي المطبخ وجد ياسمين تحمل الاطباق وتخرج لوضعها ع السفره
اياد:ياسمين لو سمحتي معايا حاجه ليكي
ياسمين:لحظه بس ارص الصحون ع السفره
نظر اياد اي يدها وجدها تلبس الساعه
اياد:اوك اما نشوف هتتبسطي بالسلسله زي الساعه قالها بصوت منخفض بعد ان وضعت الاطباق ع السفره
اياد:وقد اخرج الهديه من جيبه اتفضلي
ياسمين:بفرحه ميرسي
اياد:افتحيها
ياسمين:حاضر فتحت ياسمين الهديه ونظرت اللي السلسال وعينها تفيض بالفرح وقد ابتسمت
ياسمين؛بفرحه عارمه الله جميله روعه زوقك جنان بجد السلسله دي اجمل من الساعه كمان
اياد:باستغراب وصدمه من ردت فعلها بجد عجبتك واكتر من الساعه
ياسمين:اه والله جدا ممكن تلبسهالي
اياد:اه اكيد واخذها منها ولبسها لها وقال لها انتي عارفه كنت خايف مش تعجبك لانها ب500بس انما الساعه ب2000
ياسمين:بجد بس عجبتني اكتر من الساعه وبعدين حتي لو.بجنيه واحد كفايه انها منك قيمتها عندي اغلي من الماس
صدم اياد من سماع ذلك الكلام من ياسمين
ياسمين:وهي تنظر للمرأه الله جميله عليا اي رأيك
اياد:بزهول اه جميله جدا عليكي
ابتسمت ياسمين وخجلت واحمر وجهها ودخلت المطبخ وذهب اياد.للجلوس مع والدته ووالدت ياسمين ..وهم يتحدقون ويضحكون ولكن اياد كان ف عالم اخر يقارن بين هدي وياسمين وقد ايقن ان والداته ع حق وان ياسمين هي المناسبه له جدا وقرر ان يعطي نفسه فرصه ليفهمها وبينما هو يسبح بافكاره اذ بياسمين تمسك يده
ياسمين:اياد اي سارح ف اي
اياد:اي لا مش سارح وابتسم لها
ياسمين:وهي تبتسم له يلا العشا
اياد:حاضر وذهبوا لتناول العشاء وبعد تناول العشاء ذهب اياد وياسمين للبلكونع معهم العصير
ياسمين:اتفضل اقعد
اياد:ميرسي اقعدي............... وجلسوا يتحدثون حديثا عاديا وع العاشره استاذن اياد ووالدته بالذهاب وبعد ذهابه للبيت اذ بهدي تتصل به وجدها اتصلت حوالي 20مره فاتصل بها لينهي كل شئ
اياد:الو نعم
هدي:اي دا انت بتكلمني بعصبيه ليه انا اتصلت اعتذر منك 😢وشرعت بالبكاء الكاذب ورق قلب اياد
اياد:اهدي بس بتعيطي ليه ف اي
هدي:انا عارفه نفسي كنت متعصبه واتعصبت عليك بس انا كنت متعصبه بسبب ماما عشان تعبانه وكمان عشان بابا فلس ومابقاش عندنا حاجه الهديه كانت جميله بجد بس انا عصبيتي وترتني اسفه ياحبيبي ماكنش قصدي والله
اياد:والدك.افلس ازاي بقي
هدي:اي دخل تجاره وخسر كل فلوسه واحنا فلسنا وماحبتش اقولك اني متعصبه واعتذر عشان اليوم اللي قبله اعتذرت خوفت تقول عليا بتهرب منك او.مش بحبك اسفه سامحني بقي انا عارفه قلبك ابيض نتقابل بكرا واصالحك.ماشي
اياد:ماشي اما اشوف
هدي:مايبقاش قلبك اسود انا بحبك وعارفه انك بتحبني فين هديتي بقي لسا معاك
اياد:لا مش معايا ادتها لياسمين وكانت مبسوطه بيها جدا تخيلي
هدي:وقد ارتبكت اي اي 😢شرعت ف البكاء ثانيتا لتستعطفه انت مابقتش تحبني عشان غلظ.واحد.غصب عني وكنت متعصبه ياخساره 😢....شعر اياد بالذنب والتسرع
اياد:بطلي عياط خلاص بقي انا اسف انا فعلا اتسرعت واديتهالها بس انتي عصبتيني
هدي:خلاص بقي اتعادلنا انت اديتها هديتي ودا عقابي نبقي خالصين نتقابل بكرا بقي
اياد:اوك تمام
هدي:صاف يالبن
اياد.:صاف يالين
هدي:طب بجبك
اياد:وانا كمان بحبك
هدي:اه حبيبي كنت هموت لو مش سامحتي ....وظلت هدي تتلاعب بمشاعر اياد الي ان لان قلبه ورق وسامحها ونسي ما حصل وعاد لها مجددا ومرت الاياد واياد يتصنع الحب لياسمين وف نفس الوقت يسير ع خطه هدي الي ان جاء موعد العرس وكان يتبقي ع العرس حوالي اسبوع ولايظل اياد يحدث هدي ويصرف الهدايا لها وهي تستمر بخداعه وياسمين المسكينه تظن انها ستعيش احلي ايام حياتها مع حبيها ولا تعلم ماذا ينتظرها وقبل العرس بيوم
هدي:اياد هتتزوجها ومش هتنام معاها ف الاوضه حتي فهمت تنام ف اوضه الاطفال مفهوم
اياد:ياحبيبتي مفهوم والله مقدرش المس حد غيرك انتي حبيبتي هو اسبوع ولا اتنين وهخليها تروح عند اهلها بنفسها وتقول عايزة اطلق كمان
هدي:اشطا احنا كدا متفقين تمام ..ياتري خطه هدي هتنجح ولا اي هيحصل مع ياسمين هنعرف قدام ...
يتبع الفصل السابع 7 اضغط هنا
- الفهرس يحتوي على جميع فصول الرواية (رواية تزوجني رغما عنه كاملة)