رواية زواج اجباري البارت الثالث 3 بقلم دنيا علاء الجندي
رواية زواج اجباري الفصل الثالث 3
عملت الشاي وطلعت قعدت معاة ف الصالة وكان قلبي مكسور من يوسف معقول يكون دا البني ادم ال حبيتة طول عمري لحد دلوقتي!! معقول دي اجمل ايام ف حياتي!!
بتمني من ربنا ان يكون دا كابوس وافوق منة بقاا اوووووف
لقيت يوسف بصلي..
اي ي زينب بتنفخي لية!! وجودي مضايقك اقوم ادخل اوضتي!!
لا لا ي يوسف مفيش حاجة..
متأكدة!!
اها متأكدة وابتسمت كدة..
ماشي اشربي الشاي قبل م يبرد..
طيب
شربت الشاي وانا مش قادرة أبعد عيني عن يوسف
كنت رسمة ف احلامي حاجات كتير نشاركها مع بعض معقول مفيش حاجة اتحققت ولا هتتحقق!!
يوسف خلص الشاي وقالي
بعد إذنك هقوم أدخل أوضتي
إتفضل ي يوسف أدخل..
شال الكوبيات وهو داخل وانا فضلت قاعدة ف الصالة وانا زعلانة ومقهورة من جوايا علي ال بيحصل
التليفزيون كان شغال جبت فيلم أجنبي وقعدت اتفرج علية وام المغرب أذن قومت صليتة ورجعت قعدت ف الصالة وانا قاعدة بتفرج غفيت علي الكنبة ومحستش بنفسي غير ويوسف واقف بينادي علياا
زينب.. زينب قومي نامي جوة ي زينب..
يوسف اي ف اي!! انت فيك حاجة!!
اهدي اهدي مفيش حاجة لقيتك نمتي علي الكنبة الساعة 9 انتِ نمتي امتا!!
ياااه 9!! اوف العشاء فاتتني..
حصل خير قومي اتوضي وصلي وشوفي هتعملي اي ولو هتكملي نوم نامي ف اوضتك..
ماشي عن اذنك..
قومت دخلت الحمام غسلت وشي واتوضيت وطلعت روحت اوضتي عشان اصلي
لبست الاسدال ولفيت الطرحة وصليت وكنت متعودة اقرء قرأن بعد صلاة العشاء
قعدت بدأت بداية جديدة ف المصحف..
وبعد م خلصت لقيت يوسف واقف ع الباب
___________♡
يوسف!!
ف اي واقف كدة لية!!
أنا اسف لو زعجتك بس بابا الأوضة كان مفتوح فضلت واقف لحد م تخلصي..
عادي محصلش حاجة اتفضل ادخل ولا كنت عاوز اي!!
بصراحة كنت عاوز أطلب منك طلب
واسف لو هضايقك..
طلب اي اتفضل.!
كنت عاوز أتعشي ي زينب بصراحة جعان
ضحكت هههههههه
اي بتضحكي لية لو مش عاوزة تعمليلي حاجة هتطلب اكل من برة عادي
لا لا مفيش هعملك عشاا دا من واجباتي ي يوسف واي حاجة تطلبها ملزمة أعملهالك متقلقش
شكرا كتر خيرك..
هاا عاوز تتعشا اي
عادي اعملي اي حاجة واعملي حسابك تتعشي انتِ كمان..
خلاص ماشي هجهز اهو واقعد انت استني..
________________♡
روحت المطبخ وانا مبسوطة شوية ان يوسف معترف بوجودي معاة وطلب مني حاجة..
وقفت جهزت عشا وبعد م خلصت ناديت علية...
ي يوسف....
ايوة ي زينب أنا ف الصالة
طلعت الأكل علي السفرة وقعدنا اتعشيناا
ولقيتة بيقولي..
أنا اسف والله ي زينب لو ضايقتك بطلبي بس انا مش بعرف اعمل اكل وكدة..
بصتلة وضحكت هههههه
ي يوسف حتي لو انت مش عاوز تقرب مني
دا ميمنعش اني مراتك وان طلباتك واجب عليا متقلقش ي يوسف اي حاجة تعوزها اطلبها مني وانا مش هتأخر عنك ي حبي...
سكت مكملتش الكلمة..
ي اي ي زينب
سكت متكلمتش
زينب اي كنت هتقولي اي!!
مفيش مفيش متقلقش مش هتأخر عنك ف طلباتك ي يوسف واي حاجة تعوزها اطلبها ومتترددش..
شكرا ي زينب مش عارف اقولك اي والله
تسلمي..
العفو ي يوسف كمل أكلك..
اتعشينا وبعد م خلصنا قومت شلت الاكل وغسلت الأطباق وكان عندي عصير ف التلاجة مليت كوباية ليوسف وطلعتهالة ف الصالة.
اتفضل ي يوسف..
شكرا ي زينب تسلم ايدك
هتقعدي ولا داخلة أوضتك..
قولتلة هقعد شوية وبعدين ادخل لان مش جايلي نوم..
تمام اقعدي
تحبي أقوم ولا عادي..
خليك ي يوسف
ومن جوايا بقولة وجودك هو ال بيطمني♥️
يتبع الفصل الرابع 4 اضغط هنا
- الفهرس (رواية زواج اجباري كاملة)