رواية العاشقة المجروحة الفصل الثاني 2 - سلمى تامر

الصفحة الرئيسية

رواية العاشقة المجروحة البارت الثاني 2 بقلم سلمى تامر

رواية العاشقة المجروحة كاملة

رواية العاشقة المجروحة الفصل الثاني 2

(اناا كل مدى بلاقي اللي فات مصمم ميقلبش ليه ذكريات )
منه لفت وبصتله بغضب 
مروان استغربها :مالك يابنتي كل مبتشوفيني بتبصيلي كده
منه بإنهيار:نسيييت؟!نسيت كل حاجه كانت بينا وبتسألني ببرود مالك؟؟نسيت الوعود اللي وعدتهالي زمان؟؟نسيت كل ذكرياتنا مع بعض ؟؟نسيت عشقنا وحبنا ؟؟كل دا نسيتو؟؟؟
مروان كان واقف مصدوم ومش قادر يتكلم وحاسس بكل حاجه بتلف حواليه:أ أنتي كنتي فاكره يامنه
منه بصراخ:هو انا بنسى اصلا علشان افتكر؟؟انا كنت كل يوووم مستنياك وبقول هتيجي ومش هتنساااني...كنت كل يوم  بشوف صورنا مع بعض..كل يوم بسهر للفجر وانا بفتكر ذكرياتنا وحبنا..انت جرحتني ..جرحتني يامروان ومش مسامحاك..وقلبي اللي كان بيعشقك هدوس عليه وهكرهو فيك ابعددد عني 
وسابتو ونزلت والدموع فعنيها
مروان راح قعد عالكرسي بصدمه
وقال:١٥سنه وانا بحاول اطلعك من دماغي ومن قلبي..وبقول دي كانت طفله واكيد هتبقى نسياني لما ارجعلها...١٥سنه وانا مصبر نفسي بصورتك وانتي طفلة بضفاير..عايش على صورة ليكي ودي كانت بالنسبالي النفس!
اتجوزت مروة لما حسيت ان اخيرا حد قدر يلفت انتباهي واعجبت بيها...وفضلت اقنع قلبي اني بحبها...لكن بكلمه منك كل حاجه اختفت والحصون اللي على قلبي منك انهدت..رجعتيني تاني للطفل العاشق ليكي ومهووس...كمل بقهر وحزن ودموع:خوفي انك مش فكراني هو اللي خلاني اتجوز..ياريتني كنت رجعت من زمان ..ياريتني مسافرت ولا اتجوزت مروة ..بس هيفيد بإيه الندم ونا مشيت ورا رغباتي
*"*
منه نزلت أوضتها 
منه بقوه:هنساك...هنساك يامروان وهكمل حياتي مش انت اللي هتوقفها..انت واحد خاين واناني..
***
مروة كانت واقفه ورا الباب وسمعت كل كلمه قالوها ونزلت شقتها بسرعه
مىوة بشر وجنون:يعني كل الخطط والمؤامرات اللي عملتها علشان اتجوزك هتضيع....انت عايز تحصل مازن بقى ولااا اي؟!!! بس لأ دا انا قتلت علشانك ..يبقى حتة بت زي دي هي اللي هتاخدك مني ..
طلعت تليفونها واتكلمت فيه:ايوه ياسيف ..اسمع الكلام اللي هقولك عليه ونفذو بالحرف
***
يوم الجمعه العيلة كلها اتجمعت فالبيت الكبير بتاع الجد والجدة
مروان نزل من شقته مع مروة وكانت عنيه كلها حزن
منه شافتهم مع بعض ودورت وشها بسرعه 
مروان لحظها وبصلها بألم وحزن عليها..بس قرر ميظلمش مروة معاه وميحسسهاش بحاجه
اخر اليوم الباب خبط 
طفل صغير راح فتح ولقى شاب شيك واقف ومعاه ورد وشيكولاته
:مساء الخير ياحبيبي حد موجود؟
الطفل راح ندى جده بسرعه
الجد:اتفضل يابني مين حضرتك
الشاب:كنت عايز حضرتك فموضوع يا أستاذ انصاري
انصاري:اتفضل يابني طبعا اهلا وسهلا
الشاب دخل واتعرف على العيلة 
الشاب :انا سيف امام..مهندس وعايش فأمريكا بس باجي مصر هنا لأهلي
انصاري بترحيب:اهلا بيك يا ابني ..خير؟!
سيف بإبتسامه:اسف طبعا اني جيت من غير معاد...بس انا طالب ايد الانسه منه حفيدة حضرتك
يتبع الفصل الثالث 3 اضغط هنا
google-playkhamsatmostaqltradent