رواية نور قلبي الفصل الرابع عشر 14 بقلم دينا يوسف

الصفحة الرئيسية

رواية نور قلبي البارت الرابع عشر 14 بقلم دينا يوسف

رواية نور قلبي كاملة

رواية نور قلبي الفصل الرابع عشر 14

في بيت عبد الله ( أبو نور)
مراد بجديه : بابا شهد جايلها عريس وعايز يقابلك
عبد الله بقسوه : يلا خليها تغور من وشي هي كمان علشان افضي للفاجره التانيه دي ومش هسيبها الا لما اخلص عليها
مراد بضيق وهو بيحاول يغير الموضوع : هقوله يجي يوم الجمعه الجايه ونتفق يلا سلام
شهد سمعت الكلام اللي مراد قاله ودموعها نزلت وحست ان قلبها وجعها لان هي بتحب سيف ومش عايزه العريس دا بس سيف لسه مقالهاش ان بيحبها بس فالنهايه قررت انها تكلم سيف وتقوله
شهد دخلت أوضتها وكلمت سيف
شهد بحزن  :  ازيك يا سيف
سيف : الحمد لله صوتك ماله كدا
شهد متوتره ومش عارفه تقوله ولالا بس حسمت أمرها انها تقوله فقالت بتوتر : انا جايلي عريس وتقريبا بابا موافق عليه
سيف بلامبالاه : عريس طيب وانتي ايه اللي مزعلك في كدا
شهد اتصدمت من رده بس مبينتش فقالت : ولا حاجه عاادي انت سألت مالك وانا رديت وبس يلا بقي مع السلامه
سيف بسرعه : طيب وهتوافقي ع العريس دا
شهد دموعها نزلت وبتفكر وبتقول لنفسها : للدرجه دي انا مش مهمه عندك
سيف لقاها سكتت فقال : ها هتوافقي ولالا
شهد بتحدي وغضب : انت مالك أوافق ولا موافقش مالكش دعوه بيا
وقفلت المكالمه وقعدت تعيط وعرفت ان سيف محبهاش وان الحب دا  من طرف واحد
______________________
بعد مرور كام يوم
أدم صحته اتحسنت بمساعده نور وهو كان فرحان اوي انها قريبه منه الايام دي
أدم صحي من النوم وقرر ان لازم ينزل الشركه
صحي ولبس هدومه وخرج لقي نور بتحضر الفطار
نور : انت لابس كده ليه
ادم : نازل الشركه
نور : والله ازاي يعني تنزل وانت لسه تعبان
ادم بابتسامه : انا كويس يا نور
نور ياعتراض : لا مفيش نزول استني كام يوم كمان وبعدين ابقى انزل وبعدين ما هو سيف ف الشركه ومتابع الشغل
ادم : انا بقيت كويس وكمان مش متعود عالقعده فالببت انا هروح ولو حسيت ان تعبت هاجي
نور : طيب افطر الاول
ادم بابتسامه : ماشي
قعدو فطرو مع بعض وادم نزل الشركه
_____________________
في شركه أدم نصار
عمر راح لادم الشركه يطمن عليه
عمر بتوتر : ادم احنا مهما كان اللي مابينا انت ابن عمي ودمنا واحد وبصراحه انا عارف مين اللي ضرب عليك نار
أدم بثقه : جمال مش كده
عمر بصدمه : انت عارف
ادم : طبعا يا عمر وحقي انا هعرف اخده وشكرا علي انت عملتو معايا
عمر : متقولش كدا يا ادم مفيش داعي للشكر
أدم ابتسم
عمر بتردد : ادم انا حاسس اني ضايع ومش عارف حاجه انا عرفت انك مش انت اللي قتلت ابويا بس عايز اعرف مين انا بسأل نفسي السؤال دا كتير ومش لاقي اجابه
ادم : انت صدقت اني ممكن اعمل كدا واتفقت مع جمال عليا صح يبقى ليه جاي تسألني السؤال دا دلوقتي
عمر بحزن : مش عارف بس يكفي ان اتأكدت ان مش انت اللي قتلته انا حاسس ان متلخبط
عمر صعب علي ادم وحس بيه
فقال : عمر في حاجات كتير انت متعرفهاش بس صدقني انا هقولك عليها فالوقت المناسب
عمر : وليه مش دلوقتي 
ادم : صدقني يا عمر كل حاجه وليها وقتها 
عمر هز رأسه بالموافقه وقال : ادم احنا ممكن نفتح صفحه جديده انا وانت يعني 
ادم بابتسامه : ياااه يا عمر اخيرا فوقت 
عمر بحزن : انا اسف يا صاحبي
ادم : متتأسفش يا عمر انا وانت كنا ضحيه مش مذنبين
عمر : انا مش فاهم حاجه 
ادم اتنهد وقال : مش مهم تفهم دلوقتي المهم تخليك ماشي مع جمال زي ما انت 
عمر : ماشي 
ادم راح حضن عمر وقال بابتسامه : كنت مستني اللحظه دي من زمان 
عمر ابتسم وقال : طول عمرك صاحب جدع يا ادم 
بعد ما عمر مشي ادم اشتغل شويه بس حس ان تعب شويه فقرر يروح 
_________________________
عند نور 
لبست ملابسها ولبست الطرحه بتاعتها وقالت بهمس : خلاص هو بقي كويس وانا لازم امشي دلوقتي قبل ما يجي والحمد لله ان نسي يقفل الباب
راحت تفتح باب الشقه بالراحه ووخرجت وقفلتو تاني 
وركبت الاسانسير و الاسانسير نزل للدور الأرضي بس في نفس الوقت ادم كان واقف قدام الاسانسير علشان يطلع 
وفجأه الباب اتفتح ادم بيرفع عينه وبيستعد يدخل بس وقف مكانه لما شاف نور ف الاسانسير نور اول ما شافته اتوترت ووشها احمر ومش عارفه تقول ايه ولا تعمل ايه 
أدم دخل الاسانسير بهدوء وضغط علي الدور اللي فيه شقته وكل دا ونور واقفه جمبه مبتكلمش ولا بتتحرك 
ادم خرج من الاسانسير ونور خرجت وراه فتح باب الشقه وزق الباب ووسع علشان نور تدخل 
نور بصتله بخوف ودخلت في صمت 
ادم دخل وراها وقفل الباب بالمفتاح 
نور واقفه فالصاله مستنيه ادم يجي يزعقلها او يعمل فيها حاجه بس ادم عدي من جمبها في صمت ودخل أوضته وقفل الباب وراه 
نور استغربت اوي من رد فعله دا وقالت بتوتر وخوف : طب هو دخل الاوضه ومتكلمش ولا زعق 
يا تري بيعمل ايه جوا..... ايه اللي انا هببته.....طب اعمل ايه دلوقتي
نور قاعده فالصالت مستنيه عقاب ادم ليها علي اللي عملته
ادم فأوضته قاعد مضايق جدا انها حاولت تمشي بس مسك اعصابه بالعافيه ومش عايز يزعلها 
كل واحد قعد يفكر هيعمل ايه لحد ما استسلمو للنوم 
__________________________
تاني يوم صباحاا 
أدم صحي ولبس هدومه وخرج برا الاوضه بس ملقاش نور فالمطبخ كالعاده فهم انها قاعده في اوضتها ومخرجتش 
ادم فتح باب الشقه وقفل بالمفتاح 
نور جوا فالاوضه صاحيه وسمعت ادم وهو بيقفل الباب وعرفت ان هو خرج
وقعدت مستغربه ان لسه مقلهاش اي حاجه لحد دلوقتي 
_________________________
عند زينه ومراد
قاعدين في كافيه على النيل وبيتكلمو 
مراد : زينه انا من اول ما شوفتك وانا بفكر فيكي وكان نفسي اشوفك تاني ودعيت ربنا كتير اننا نتقابل وربنا فعلا استجاب لدعائي بصراحه كدا انا حبيتك من اول نظره 
زينه بصتله بخجل وابتسمت 
مراد كمل : زينه انا حاسس انك وانتي جمبي اني ملكت الدنيا دي كلها انا بحبك 
انتي ساكته ليه ردي عليا قوليلي احساسك من ناحيتي
زينه بخجل : وانا كمان 
مراد بابتسامه : وانتي كمان ايه 
زينه : وانا كمان بحبك 
مراد بفرحه : خلاص بعد خطوبه شهد اختي هاجي اتقدملك 
زينه بابتسامه : ان شاء الله بس الاول اعرفك علي اخويا وبعدين نتكلم مع بابا 
مراد بابتسامه : ان شاء الله 
_________________________
عدي يومين كمان وادم متجاهل نور خالص لا بيكلمها ولا بياكل معاها و حتي بيصحي الصبح بدري ينزل وبيرجع البيت متأخر اوي 
وشهد قاعده تعيط ومش عارفه تعمل ايه فالعريس دا وسيف بيتصل بيها كتير وهي متجاهله اتصالاته 
ووصلنا ليوم الجمعه دا اللي يوم اللي شهد هتقابل فيه العريس
العريس وصل وعبد الله ومراد قاعدين معاه فالصالون 
شهد في اوضتها بتعيط وامها جمبها بتهديها 
ناديه : خلاص بقي يا بنتي البسي بقي يلا ابوكي هينادي عليكي ولما الراجل اللي برا يمشي نبقي نشوف حل 
شهد بعياط : انا مش موافقه يا ماما مش عايزه اقعد معاه
ناديه بحنيه : قومي بس البسي وبعد ما يمشي هنكلم مراد ونقول انك مش موافقه وهو هيعرف يقنع ابوكي 
شهد قامت ولبست وخرجت برا دخلت مع امها الصالون 
دخلت وهي باصه فالارض وهي اول ما دخلت ابوها واخوها استأذنو وخرجو علشان العريس يقعد مع شهد شويه 
شهد قعدت علي الكرسي ولسه باصه فالارض 
العريس قام قعد علي الكرسي اللي جمبها وقال بهدوء : هتفضلي باصه فالارض كده كتير 
شهد اول ما سمعت صوته رفعت عينها من الارض وبصتله بصدمه وقالت بغضب : أنت 
سيف : أيوه أنا 
شهد بغضب : انت جاي هنا ليه وعايز ايه 
سيف : هشششش وطي صوتك ابوكي هيدخل 
شهد بصتله بغضب وسكتت 
سيف شاف عينيها اللي باين عليها اثر العياط وندم ان عمل فيها كدا 
سيف بندم : انا اسف والله معرفش انك هتعملي في نفسك كده وتقعدي تعيطي
شهد قطعته بغضب : مالكش دعوه بيا وبعدين انا مش موافقه 
سيف : شهد اتعدلي بقي في كلامك يعني ايه مش موافقه دي 
شهد : يعني مش موافقه 
سيف اتنهد بغضب وقال : انا اسف انا غلطان ان عملت فيكي المقلب السخيف دا وكمل بمرح بس مكنتش اعرف انك بتحبيني اوي كدا 
شهد اتوترت من كلامه وقالت بتوتر : حب... حب ايه دا انا مش بحبك 
سيف ضحك وقال : طب متوتره ليه كده طيب 
شهد بنرفزه : انا مش متوتره وقولتلك مالكش دعوه بيا 
سيف مسك ايديها وباس ايديها وقال : بس انا بحبك
شهد بصتله ف سيف كمل وقال : لا مش بحبك انا بعشقك 
شهد جت تسحب ايدها من ايده بس سيف مسك ايديها جامد وقال : كنتي فاكره ان ممكن اسيبك لحد تاني دا انا كنت قتلته بس انا قولت اعمل فيكي مقلب بس بعد ما شوفتك و َانتي  معيطه كدا ندمت والله سامحيني
شهد بتوتر : ط.. طب... طب سيب ايدي الاول 
سيف بابتسامه : لا سامحيني الاول 
شهد : لا سيب ايدي
سيف : يلا بقا يا شهد ابوكي هيدخل ولسه بصالحك 
ها قولي سامحتك 
شهد : خلاص سامحتك سيب ايدي بقا 
سيف وهو لسه ماسك ايديها : بتحبيني
شهد بصت عالارض بخجل ومردتش 
سيف حس بخجلها دا وقال بمكر : طب تعالي نلعب لعبه ولو اعترفتي بحبك يبقي انا اللي كسبت 
شهد ببراءه : لعبه ايه 
سيف بخبث : قولي ورايا بس بسرعه من غير ما تفكري
شهد : مااشي
سيف : يلا قولي مانجه
شهد : مانجه 
سيف : فراوله 
شهد : فراوله 
سيف : سيف
شهد :سيف
سيف : بحبك 
شهد : بحبك
شهد اتصدمت وبصت لسيف بغضب
سيف بضحك : شوفتي سهله ازاي
شهد : انت رخم
سيف : انا رخم ومجنون وغبي وكل حاجه بس المهم انك بتحبيني 
شهد ضحكت 
سيف بمرح : ايوه كده بقي خلي الشمس تتطلع 
عبد الله ومراد دخلو الصالون واتفقو علي ميعاد الخطوبه 
_________________________
سيف كلم ادم وحكاله اللي حصل وان اتقدم لشهد اخت نور وادم طلب منو ميجبيبش سيره الموضوع دا قدام نور عالاقل دلوقتي 
عمر خطب يارا وكانو فرحانين جداا وعمر حس ان اخيرا هيبقي عنده انسانه بتحبه وهيبني معاها عيله
_________________________
عند ادم ونور 
ادم دخل الشقه وقفل الباب وراه بالمفتاح لقي نور قاعده ف الصاله ومستنياه
ادم اتجاهلها وراح ناحيه اوضته 
نور قامت راحت وقفت وراه وقالت بتوتر : أ... أدم
أدم اول ما سمع اسمه منها غمض عينيه واتنهد ولف وشه ليها وقال بجديه : نعم
نور بتوتر أكبر : انت... انت.. يعني ليه مش بتتكلم معايا... انا.. كنت.... كنت عايزه حاجه ونزلت علشان اشتريها وكنت هطلع تاني 
أدم ب استهزاء : يعني غلطي ودلوقتي بتكدبي
نور وهي بتدافع عن نفسها : لا انا مش بكدب.. انا كنت
ادم قاطعها وقال بغضب : بس مش عايز اسمع منك اي كلمه تانيه 
نور بغضب : انت اللي غلطان مش انا انت اللي حابسني هنا بتخرج تقفل الباب بالمفتاح وتدخل تقفل بالمفتاح ومحسسني اني عايشه في سجن
أدم بعصبيه : ولما سيبتلك الباب مفتوح عملتي ايه كنتي هتمشي صح... لا وكمان دلوقتي واقفه قدامي بكل جراءه وبتكدبي عليا اوعي تفتكري ان انا نسيت اقفل الباب بالمفتاح لا انا اللي كنت سايبه بمزاجي ودا كان اختبار ليكي يا نور بس للاسف منجحتيش فيه 
نور بغضب : ايوه كنت همشي علشان مش طايقاك ولا طايقه البيت دا علشان بيتك وكملت بسخريه قصدي سجنك مش قولتلي بردو دا سجن بس علي نضيف شويه
ادم بهدوء ما قبل العاصفه : طيب حيث بقا انك مش طايقاني ولا طايقه بيتي ادخلي البسي وجهزي نفسك يلا علشان همنشي من هنا 
نور بتوتر وخوف : هنمشي نروح فين 
ادم بحده : قولت البسي يلا ومسمعش نفسك علشان انا ماسك نفسي عنك بالعافيه انتي فاهمه
نور جسمها اتنفض من صوته بس مردتش عليه
ادم بزعيق : ردي عليا فاهمه 
نور بخوف من صوته : فاهمه 
ودخلت الاوضه تلبس وبتسأل نفسها ادم هياخدها علي فين وخايفه من اللي جاي
_______________________
مراد سأل علي سيف وعرف ان انسان كويس ومحترم ويعتمد عليه بس عرف كمان ان يبقي صاحب ادم 
دخل البيت وراح لشهد اوضتها 
مراد : شهد انتي عارفه سيف اللي عايز يتجوزك دا يبقي مين 
شهد بخوف : مين 
مراد : صاحب ادم اللي متجوز نور
شهد بتوتر : طب ودي فبها ايه 
مراد بحده : انتي شايفه ان مفيهاش حاجه يعني
شهد : لا بس يعني سيف كويس مش انت سألت عليه حد قالك حاجه عليه
مراد بضيق : لا
شهد : طيب هو ايه ذنبه باللي ادم عمله وبعدين انت قولت ان نور هناك برضاها
مراد : بس يا شهد 
شهد : ارجوك يا مراد انا شايفه ان سيف كويس وكمان هو مش زي ادم
مراد : انا فعلا سالت عليه ولقيتو محترم وكويس بس اللي مضايقني ان صاحب ادم وشريكه 
وكمل بخبث : بس انتي شكلك موافقه عليه 
شهد بخجل : انا... انا يعني... انت
مراد ضحك وقال : خلاص خلاص انا اصلا من اول ما شوفتك بعد ما كان هنا عرفت انك موافقه 
وعلشان خاطرك انا كمان هوافق 
شهد قامت حضنت مراد وضحكت 
_________________________
يا تري ادم هياخد نور علي فين؟؟ 
وعمر ويارا   وسيف وشهد    ومراد وزينه  السعاده هتفضل مستمره معاهم ولا هيحصل معاهم ايه؟؟
وعلاقه ادم بعمر هتتحسن فعلا ولالا؟؟ 
يتبع الفصل الخامس عشر 15 اضغط هنا
google-playkhamsatmostaqltradent