رواية نور قلبي الفصل الخامس عشر 15 بقلم دينا يوسف

الصفحة الرئيسية

رواية نور قلبي البارت الخامس عشر 15 بقلم دينا يوسف

رواية نور قلبي كاملة

رواية نور قلبي الفصل الخامس عشر 15

نور لبست وخرجت لأدم اول ما شافها قام وقف وقال : يلا ننزل
نور : طيب هنروح فين
أدم : قولت مش عايز اسمع صوتك صح
نور نظرت له بغيظ وسكتت
ونزلو مع بعض أدم ركن العربيه نور بتبص علي المكان لقت نفسها قدام فيلا كبيره جداا وعلي الطراز الحديث
أدم اتكلم وقال : دي الفيلا بتاعت عيلتي واحنا  هندخل دلوقتي وهتتعرفي عليهم
نور بتوتر : ل... ليه
ادم بتهكم : يعني ايه ليه مش حضرتك مراتي بردو
نور بتوتر : ا... ايوه بس هقولهم ايه لو حد سألني اتجوزنا ليه هقول ايه
ادم بجديه : متقوليش اي حاجه وملكيش دعوه بحد
نور هزت رأسها بالايجاب وهي من جواه خايفه
نزلو من العربيه ودخلو
كان صلاح ونجلاء وساره قاعدين مع بعض
ادم حس بتوتر نَور وبالرغم من انه مضايق وزعلان منها بس مسك ايديها علشان تتطمن
نور بصت لايديهم اللي مكلبشه في بعض وبصتله
هو بصلها وبعدين راح ناحيتهم
نجلاء بتهكم : اخيرا شوفناك يا ادم
ادم اتجاهل كلامها وقال بجديه : احب اقدملكم نور مراتي
ساره بصتلها من فوق لتحت وقالت ب سخريه :اممممم ذوقك حلو يا ادم
نجلاء بنظره حقد : اهلا بيكي
صلاح اتجاهل نور وكلم ادم وقال : اهلا كل دا يا ادم منعرفش عنك اي حاجه
ادم ببرود : معلش يا صلاح بيه كنت مسافر
نجلاء بتريقه : والحلوه دي كانت معاك اقصد نور
ادم : اه كانت معايا فيها حاجه بعد اذنكم بقى هنطلع نرتاح شويه
زينه شافت عربيه ادم وعرفت ان وصل طلعت تجري ودخلت جوا وجريت علي ادم حضنته 
ادم حضنها بإيد واحده وإيده التانيه لسه ماسك ايد نور
نور فاللحظه دي حست بحاجه غريبه جواها كأنها جوا بركان نار وبتقولي لنفسها : مين دي. وبتحضنه كده ليه؟
ومحستش بنفسها غير وانها بتضغط علي ايد ادم بكل قوتها 
أدم بصلها وهي بصتله بضيق وهو قابل نظرتها دي ببرود وابتسم 
زينه بعدت عن حضنه وقالت : ادم حبيبي وحشتني اخيرا جيت البيت... وبصت لنور وقالت : اوعي تقول القمر دى تبقى مراتك 
ادم : ايوه هي ايه رأيك بقي 
زينه بحماس وابتسامه : قمر قمر دا ايه الحلاوه دي 
نور ابتسمتلها 
زينه وهي بتمد ايدها لنور وقالت بابتسامه : انا زينه اخت ادم 
نور ابتسمتلها وحست بارتياح من جواها وسلمت عليها وقالت : اتشرفت بيكي وانا نور 
زينه : الف مبروك علي الجواز يا نور 
نور بابتسامه : الله يبارك فيكي 
ادم : طب احنا هنطلع بقي 
زينه : ماشي تصبحو علي خير
نور : وانتي من اهله 
ادم ونور وصلو الجناح بتاع ادم ودخلو والباب اتقفل 
ادم ساب ايد نور واتجاهلها ودخل يغير هدومه 
نور قعدت تتفرج علي الجناح وانبهرت بتصميمه وراحت قعدت علي السرير 
ادم غير هدومه وخرج نور بصتله باستغراب وقالت : انت غيرت هدومك ليه... هو احنا مش هنمشي
ادم بجمود : ايوه مش هنمشي 
نور بتوتر : ليه 
ادم بحده : كل حاجه ليه ليه... قولتلك انتي مراتي والمكان اللي هقعد فيه انتي كمان لازم تقعدي فيه 
وهدومك جوا قومي غيري يلا 
نور قعدت تدور علي الهدوم لقت غرفه خاصه بالملابس. دخلت و لقت بيجامه لبستها وسرحت شعرها وسابته مفرود وخرجت لقت ادم بيشتغل علي اللاب توب 
اول ما خرجت ادم بصلها واتنهد بضيق وقال في نفسه : انا هقعد معاها في مكان واحد ازاي وانا مش قادر ابعد عيني عنها 
فاق من شروده علي صوت نور  وهي بتقول بتوتر وهي بتفرك في ايديها : هو... هو احنا هننام في نفس الاوضه
ادم ببرود : انتي شايفه ايه 
نور ببراءه : خليك انت هنا وانا هشوف اوضه تانيه انام فيها 
ادم اتنهد بضيق ومسح علي وجهه وقال : نور ممكن تسكتي واحنا هننام هنا في نفس الاوضه دي مع بعض 
نور بتوتر اكبر : ل... لا مش هينفع 
أدم بصلها بحده علشان تسكت وهي بصتله بغيظ ودبدت علي الارض برجلها زي الاطفال وراحت ناحيه الكنبه 
ادم ابتسم علي منظرها الطفولي دا 
نور راحت عند الكنبه وبتفرد جسمها علي الكنبه علشان تنام 
ادم عقد حواجبه وقال بضيق : ودا اسمو ايه ان شاء الله 
نور : هنام هنا
ادم وهو بيشاور علي الكنبه : هتنامي علي الكنبه 
نور بغيظ : اومال انام فين يعني وانت مصمم انام معاك في نفس الاوضه 
ادم ببساطه : علي السرير 
نور ب اعتراض : لا  لا يمكن انام جمبك 
ادم بتريقه :  اه نسيت انك بتكرهيني ومش طايقاني 
فاكيد مش هتبقي طايقه تنامي جمبي 
نور بحزن وتبرير : أدم أنا 
أدم بجديه : نامي يا نور 
وسابها وراح نام علي السرير وقفل النور
وهي اضايقت جدا من نفسها اتنهدت وغمضت عينيها وهي بتفكر وخايفه من اللي جاي خصوصا انها قلقت من اهله وكلامهم بس ارتاحت لزينه جداا 
_________________________
تاني يوم صباحا 
نور فتحت عينيها لقت ادم صاحي و لابس وبيصفف شعره 
قامت من غير ما تتكلم دخلت الحمام وخرجت راحت عند غرفه اللبس 
ادم شدها وحط ايده علي وسطها وشدها عليه جامد وقال : مفيش صباح الخير حتي للدرجه دي مش طايقاني
نور اتوترت من قربه دا بصتله شويه وقالت : صبااح الخير.. ممكن تسيبني بقا 
ادم زفر بغضب شديد وسابها 
واتخيل انها قالتله كدا علشان فعلا بتكرهه ومش طايقاه بس هي قالت كدا علشان كانت متوتره من قربه منها بالشكل دا 
نور دخلت لبست وخرجت ولقت ادم قاعد علي السرير مستنيها 
ادم بجديه : يلا علشان ننزل نفطر 
نور : شكرا انا مش جعانه 
ادم مسك ايديها جامد وقال بحده : نور انا مبكررش كلامي مرتين 
وخدها ونزلو تحت كانو كلهم متجمعين علي السفره 
زينه : صباح الخير عامله ايه انهارده يا نور
نور بابتسامه : الحمد لله 
ساره بتريقه : أهلا بالعروسه 
ادم بصلها بحده فخافت منو وسكتت شويه 
زينه : نور حبيبتي ايه رأيك ننزل انهارده مع بعض نشتري فساتين علشان عندنا حفله مهم كمان يومين
نجلاء : لا يا زينه اكيد نور مش متعوده على جو الحفلات دا ومالوش لازمه انها تحضر اصلا 
نور سكتت بس حست بحزن كبير جواها واستنت ادم يكلم ويقول اي حاجه بس كان بيتابع اللي بيحصل في صمت زعلت جداا وقعدت تفطر في صمت 
ادم وزينه نزلو الشركه اما نور طلعت علي الجناح الخاص بأدم لانها حاسه انها غريبه وسط الناس دي وقعدت ومخرجتش منه خالص 
_______________________
نجلاء : ها يا صلاح هنعمل ايه مع البت دي 
صلاح : انا بفكر في حاجه كده لو عملناها ادم بنفسه هو اللي هيطردها برا 
نجلاء : ياريت علشان نخلص منها بس ايه هي الحاجه دي
صلاح : هقولك بس احنا محتاجين ساره معانا 
ساره بغل : انا معاك يا اونكل في كل حاجه اهم حاجه البت دي تمشي من هنا 
صلاح : خلاص ركزو بقي واسمعو اللي هقول عليه 
_______________________
في شركه ادم نصار 
السكرتيرة دخلت لادم 
وقالت : جمال بيه برا وعايز يقابل حضرتك 
ادم ابتسم بخبث لان كان متوقع ان جمال يروحله فقال بجديه : دخليه 
جمال داخل متعصب وقال : ادم بيه بنفسه سمحلي اشوفه 
ادم بصرامه : خير يا جمال 
جمال بعصبيه : ادم متلعبش معايا انا وابعد عن شغلي لانك هتخسر 
ادم ابتسم وقال : َ ويا تري هتخسرني ايه يا جمال
جمال بخبث : اظن سمعت انك اتجوزت يعني بقي عندك اللي تخاف عليه 
ادم ضرب بايده علي سطح المكتب وقال بعصبيه : الزم حدودك مش ادم نصار اللي يتهدد وبالنسبه لمراتي يوم ما تفكر تبصلها هيكون اخر يوم في عمرك وانت عارف ان انا مبهددش انا بنفذ علي طول 
جمال تراجع شويه لان بيخاف من ادم بس قال بتحدي : هنشوف يا ادم 
وسابه وخرج 
ادم كلف حد من الحرس بتوعه يراقب جمال في كل خطواته 
وشدد الحراسه علي الفيلا اكتر 
_________________________
زينه حكت لادم علي الشخص للي هي بتحبه وقالتله ان اسمه مراد بس ادم مفكرش ابدا ان يبقي اخو نور وطلبت منه انه يقابله وادم وافق يقابله بعد الحفله 
عمر ويارا علاقتهم بتقوي اكتر وبيحبو بعض اكتر واتفقو علي ميعاد فرحهم 
سيف وشهد كمان اتفقو علي ميعاد خطوبتهم وسيف قال لادم بس ادم فهمو الوضع وان مينفعش يحضر علشان اهل نور وسيف اتقبل الموقف
__________________________
مساءا في فيلا نصار
ادم دخل الجناح كعادته واتجاهل نور وقعد يشتغل علي اللاب بتاعه في صمت 
وهي قاعده علي الكنبه فاتحه التيلفزيون وبتبص علي ادم كل فتره وبتشوف هو بيعمل ايه
وفجأه النور قطع
نور قامت من مكانها بفزع وقال بخوف : أدم... أدم 
أدم : نعم 
نور وكانها على وشك البكاء : النور.... النور قطع 
ادم حس بخوفها فقام من علي السرير وراح وقف قدامها وخدها في حضنه وهي من خوفها مسكت فيه جامد وادم ابتسم وقاال : انتي بتخافي من الضلمه ولا ايه 
نور بتوتر : اا... ايوه بخاف اوي 
ادم ضمها اكتر وقال : متخافيش 
ووحط ايده علي كتفها وقربها منو وقالها : تعالي معايا 
خدها وراح ناحيه السرير و فتح كشاف الموبايل وطلع نام علي السرير وشدها من ايدها نايمها جنبه وشدها لحضنه وقال بحنيه وهو بيمسد علي شعرها : متخافيش يا نور طول ما انا جمبك 
نور بتوتر من قربه : هو... هو النور هيرجع امتي 
ادم : ممكن يكون عطل ولا حاجه وهيرجع دلوقتي متخافيش
نور هزت رأسها وهي متوتره بس مش عارفه تعمل ايه وخايفه تبعد عنه وتقعد فالضلمه لوحدها بس في نفس الوقت حاسه انها عايزه تفضل في حضنه 
واخيرا النور رجع تاني واول ما النور رجع نور قامت بسرعه ادم بصلها باستغراب وقال : في ايه يا نور 
نور : خلاص النور رجع انا هروح انام علي الكنبه 
ادم قال بحنيه : انتي مكانك هنا يا نور مكانك تبقي جمبي 
نور حطت وشها فالارض ومش عارفه تقول ايه ومردتش عليه 
ادم رفع وشها علشان تبصله و مسك ايديها وقال بترجي : نور ممكن ندي لبعض فرصه تانيه نتعرف فيها علي بعض ونبدأ من اول وجديد وننسي اللي فات 
نور بصتله بحزن وقالت :  اللي حصل لايمكن اقدر انساه وخصوصا اهلي وحرماني منهم ونظره الحزن اللي كانت في عين مراد لما شافني معاك فالشقه وضربك واهانتك ليا هنسي ايه ولا ايه يا ادم قصدي يا ادم بيه مينفعش وكملت بتهكم :  وبعدين انا مش مقامك انا نور الجاريه بتاعتك فاكر ولا نسيت  
حتي السرير دا مش من حقي انام عليه لان الخدم مش من حقهم ينامو جمب اسيادهم 
ادم بتبرير : نور انتي عارفه ان انا عمري ما عملتك جاريه ولا خدامه عندي دا كان كلام وقت غضب ايوه انا مش هنكر ان غلطت معاكي بس انت اللي عصبتيني عليكي 
نور بحزن : مالوش لازمه الكلام لان مش هيحيب نتيجه 
وقامت راحت علي الكنبه وغمضت عينيها علشان تنام بس كانت ابعد ما يكون عن النوم 
ادم اتضايق جداا من نفسه ومش عارف يعمل ايه علشان يصلح اللي هو عمله معاها قعد يفكر كتير ومعرفش ينام لحد الصبح 
______________________
زينه بلغت مراد ان اخوها هيقابله ومراد فرح جداا ان اخيرا هيتجوز الانسان اللي اتمناها 
زينه راحت تشتري فستان ليها وكمان اشترت فستان لنور علشان الحفله 
_______________________
زينه رجعت الفيلا طلعت علي جناح ادم ونور 
نور فتحتلها وابتسمت لما شافتها 
زينه بمرح : علشان تعرفي ان انا مقدرش انساكي
شوفي بقي انا جبتلك ايه 
نور وهي بتشوف الحاجات اللي زينه جابتها وبتقول : حلو اوي بس انا مش عايزاه انا عندي 
زينه : يابنتي دا علشان الحفله ولازم تلبسيه ولو مش عجبك نروح نشتري فستان تاني
نور بابتسامه : لا عاجبني جدا بس
زينه : من غير بس خديه بقا علشان خاطري دا هيبقي تحفه عليكي احنا عايزين نبهر أدم بجمالك دا يا بنتي 
نور ضحكت علي كلام زينه وقالت : شكرا بجد يا زينه انك فكرتي فيا وشكرا علي الفستان الحلو دا 
زينه بابتسامه : بتشكريني علي ايه مفيش شكر بين الاخوات ولا انتي مش بتعتبريني أختك 
نور بابتسامه : لا دا انتي احلي اخت في الدنيا 
زينه فرحت جدا وقامت حضنت نور 
ادم جاي من برا وبيقول : شايفكم بقيتو اصحاب
زينه بفخر : طبعا انت بتشكك في قدرات أختك ولا ايه 
نور وزينه ضحكو 
وادم تاه في ضحكه نور اللي اول مره يشوفها بتضحك جامد كده وقال بدون وعي : لو اعرف انك هتخليني اشوف ضحكه نور كده كنت عرفتك عليها من زمان 
نور اتكسفت وباصت عالارض 
زينه استغربت وقالت : ليه انت مشوفتش ضحكتها قبل كده  
ادم بانتباه : احم لا يا بنتي انا بهزر معاكي 
زينه : طيب انا همشي بقا سلام 
ادم : سلام 
بعد ما زينه خرجت ادم شاف الشنط اللي موجوده 
فقال : ايه دا مين اللي جاب الشنط دي هنا 
نور : زينه 
ادم : فيها ايه 
نور : هي كانت خارجه تشتري فستان للحفله واشترتلي واحد معاها 
ادم : واشترتلك فستان ليه 
نور بغيظ من بروده : علشان عايزاني انزل الحفله معاها 
ادم باستفزاز : وانتي هتنزلي؟ 
نور بغيظ اكبر : لا مش نازله 
ادم بابتسامه مستفزه : ما انا قولت كدا بردو 
نور بصتله بغيط وسابته وخدت الشنط تدخلهم غرفه اللبس وادم ابتسم علي منظرها وكلامها 
_______________________
تفتكرو نور هتدي فرصه تانيه لادم ولالا؟؟ 
وجمال هيعمل ايه مع نور؟؟ 
ومقابله ادم ومراد مع بعض هتنتهي علي ايه؟؟؟ 
وصلاح ايه خطته اللي هينفذها مع نجلاء وساره علشان ادم يسيب نور؟؟
يتبع الفصل السادس عشر 16 اضغط هنا
google-playkhamsatmostaqltradent