رواية فوزية القوية الجزء الثاني 2 البارت الرابع عشر 14 بقلم اسراء ابراهيم
رواية فوزية القوية 2 الفصل الرابع عشر 14
زاهد ماشي وتايه مش عارف يعمل إيه عشان يلاقي فوزية وبناته وفجأة عربية جت خبطته ورأسه بدأت تنزف وفقد الوعي
والرجل اللي خبطه هرب بسرعة قبل ما حد يشوفه
عند فوزية كانت قاعدة وفجأة حست بنغزة في قلبها جريت على أخوها
فوزية: محمد اتصل على زاهد بسرعة عشان سايبة موبايلي في الشقة التانية
محمد: اهدي يا فوزية في إيهesraaibrahim
فوزية بدموع: قلبي واجعني حاسة إن زاهد حصله حاجة ياريتني ما عملت كده وكنت طلعت ليه
محمد:.امسحي دموعك أكيد بخير ومش حصله حاجة وكده بتخوفي بناتك عالفاضي
فوزية:.مسحت دموعها طب ماشي اتصل عليه وقوله إن احنا عندك
محمد:.ماشي بس اهدي يا حبيبتي واتصل عليه
عند زاهد مرمي عالارض والناس بقت تتلم عليه وطلبوا الإسعاف وجت خدته
وموبايل زاهد كان وقع عالارض وبيرن
شخص من اللي كانوا في واقفين شافه و رد على الاتصال
محمد: ايوا يا زاهد أنت فينesraaibrahim
الشخص: أنا مش زاهد بس صاحب الموبايل ده عمل حادثة عالطريق العمومي وجت الإسعاف خدته
محمد بخضة: ايه طب قولي في مستشفى إيه
الشخص: المستشفى العام
محمد: لقى فوزية واقفة بتعيط وقام حضنها وقال زاهد عمل حادثة
فوزية رجليها مبقتش شايلاها ووقعت عالارض
محمد صرخ فوزية قومي يا حبيبتي
نور طلعت مخضوضة على صوت محمد والولاد طلعوا وراها
بناتها أول ما شافوا فوزية قاعدة عالارض وبتعيط جريوا عليها وحضونها وقعدوا يعيطوا
فوزية بتوهان وعياط: أنا السبب يا محمد زاهد هيروح مني بسبب غبائي وعنادي
نور : في إيه يا محمد وزاهد مالهesraaibrahim
محمد بيقوم أخته: زاهد عمل حادثة وقال يالا عشان نروحله
وكان ساند فوزية وركبوا ومحمد في الطريق اتصل على عمار يقوله عشان ملحقش يخبط عليه
وعمار لبس وخد نورا وابنهم ولحقهم عالمستشفى
في المستشفى زاهد دخل غرفة العمليات والدكاترة بدأوا في وقف النزيف ولكن مش بيقف وخسر دم كتير
محمد والكل كانوا وصلوا المستشفى
وواقفين قدام غرفة العمليات وبنات فوزية بيعطوا ونور ونورا حاضنينهم
لانا: عمتو نور بابا هيرجع تاني
نور: ايوا يا حبيبتي وهيكون كويس
لينا: وهنام في حضنه تاني ويقولي بطلي تحرش فيا
لنا : بس يا قليلة الأدب همك بس في التحرش
وفوزية بتعيط وعينها ورمت وبقت حمرا ومحمد واقف بيهدي فيها
فوزية: خليه يقوم تاني وأنا مبقتش هعمل فيه حاجة خالص يا محمد ومش هعارضه خلاص
محمد: هيقوم إن شاء الله يا حبيبتيesraaibrahim
وبعد ساعتين الدكاترة خرجوا وجريوا عليهم
فوزية: قولي يا دكتور حالته إيه
الدكتور: العملية كانت صعبة أوي بس وقفنا النزيف الحمد لله وهيدخل دلوقتي العناية لغاية بكرة الصبح عشان نعرف حالته هستقر ولا لأ ادعيلوا بس
وسابهم ومشي وفوزية قعدت على أقرب كرسي: يارب
تاني يوم في الصباح الدكاترة كانوا عند زاهد في العناية وهما واقفين برا على اعصابهم
فوزية: هما اتاخروا جوا كده ليه يا محمد
محمد: اهدي يا فوزية مش بيكشفوا عليه
وهنا الدكتور طلع وعلى وشه ابتسامة
فوزية: طمنا يا دكتور بقى كويس صحesraaibrahim
الدكتور: الحمد لله حالة الرائد زاهد مستقرة وصحي كمان وهننقله غرفة عادية
فوزية بارتياح: الحمد لله وهنا نقلوه غرفة عادية وكلهم دخلوله
عمار: إيه يا بطل كده تخضنا عليك ألف سلامة عليك
زاهد بتعب: الله يسلمك
وكلهم قالوله ألف سلامة وبناته جريوا عليه وحضنوه
زاهد بوجع: براحة يا حبايبي بتعيطوا ليه وحضنهم بايده السليمة لأنه ايده التانية اتكسرت
فوزية واقفة بعيد ومش قادرة تبص في عينيه عشان محملة نفسها ذنبه والحالة اللي وصل ليها
زاهد بص لفوزية: واقفة بعيد ليه قربي أنتم رجعتوا امتى وازاي تنزلوا لوحدكوا أنا كنت مرعوب عليكوا
فوزية بعياط : أنا آسفة والله أنا السبب في حالتك دي ولو كنت طلعت ليك لما جيت تشوفنا عند محمد مكنش حصلك كده
زاهد: مش فاهم يعني لما روحت لمحمد أنتي كنتي هناك وضحكتوا عليا وقالولي مش شفناهم
فوزية: دي كانت فكرتي أنا ضغطت عليهم يكونوا معايا عشان نعاقبك على طردك ليناesraaibrahim
زاهد: وفعلا اتعاقبت وأنا كنت بين الحيا والموت وياريت تكوني مبسوطة
فوزية مسكت ايده: مش مبسوطة طبعا وأنا آسفة
زاهد: بعد ايدها من عليه ابعدي ايدك ومش تلمسيني خالص
فوزية بعياط: بالله عليك ما تعمل فيا كده أنا عارفة إني غبية ومتهورة وغلطت لما عملت كده
زاهد: مش عايز اسمع صوتك بقى وابعدي عني كده( زاهد مكنش عايز يتأثر بدموعها ويسامحها بسهولة هو عارف إنه غلط لما طردهم وده قدر مكتوبله إنه يعمل حادثة بس عايز يعلمها الأدب وتفكر مليون مرة قبل ما تاخد أي قرار)
فوزية جريت على برا ونورا طلعت وراها بعد لما زاهد شاور لأخته بعنيه بمعنى إنها تطلع وراها
فوزية واقفة بتعيط عشان فعلا هى غلطانة بس مكنتش تعرف إن ده هيحصل ليهesraaibrahim
نورا راحت حضنتها وفوزية فضلت تعيط أكتر
نورا: اهدي يا زيزي هو بس متعصب دلوقتي وده بسبب خوفه عليكي مش عشان الحالة اللي هو فيها أنا عارفة أخويا
فوزية: عارفة إنه خايف علينا ومش همه حياته بس أنا زعلانة من نفسي أوي يا نورا كنت هخسره بسببي
نورا: قدر ومكتوب واحمدي ربنا إنه بقى كويس
فوزية: الحمد لله ودخلوا تاني جوا
زاهد: مش راضي يبص لفوزية ولا يكلمها ولو بص ليها بيصلها بعتاب
فوزية لما بتشوف نظرة عتابه ليها بتتعذب ودموعها بتنزل
محمد وعمار كل واحد خد مراته وروحوا يغيروا ويجيبوا لبس لفوزية تغير هى كمانesraaibrahim
فوزية: برضوا مش هترضي تكلمني كده ومتجاهلني
زاهد: عشان حضرتك غلطانة وعملتلك دي مش صغيرة
فوزية:.وأنا هفضل اعتذرلك لغاية ما تسامحني وتكلمني وهقبل بأي عقاب تاني غير تجاهلك ليا
لنا: ما تسامحها ياحج يعني الولية هتموت وتكلمها حد قالك اطردنا
زاهد بصلها ولنا خافت من بصته دي وقالت: بهزر معك ياباشا مجرد ردشة بس
لينا: يا زهودة قلبي المسامح كريم وهى عارفة إنها غلطانة وليه الخصام واحنا داخلين على شهر رمضان
زاهد: أنتي يا منحرفة انتي مش تتكلمي عشان مش تتعاقبي زيها وحضني ده تنسيهesraaibrahim
لينا: وعلى إيه خاصم براحتك أهم حاجة أحضنك وأمسك عضلاتك اللي بتهبلني دي
وابقى اعمل بس للواد برق عضلات زيك كده عشان هتجوزه
زاهد كان جمبه كوباية بلاستيك خبطها فيها معرفتش اربي يا سافلة
لانا:.وأنا شاهدة عالكلام ده يا عسل أهم حاجة بس تكون دايما معنا وتجبلنا اللي احنا عايزينه
زاهد:.بتاعت مصلحتك يا مصحلجية مفيش فيكوا واحدة عدلة داهية في شكلكوا
وهنا ممرضة دخلت وعنيها أصلا من زاهد ورايحة تديله الدوا
وعمالة تقرب منه وزاهد بيحاول يبعدها وفوزية لاحظت إنها بتتحرش فيه
قامت مسكتها من شعرها وفضلت تضرب فيها وقعدت فوقها وبناتها نزلوا يضربوا معها
لينا: بقى بتتحرشي فيه يا سافلة أنا بس اللي اتحرش فيه
لنا: بتشقطيه مننا ومش عاملالنا اعتبار يا ولية يا جربانة
لانا: بتشد في رجليها وبتعض في ايديها
قايمين بالواجب يعنيesraaibrahim
وزاهد عمال ينادي عليهم ولا هما هنا خالص
ومحمد وعمار دخلوا و نور ونورا وشالوهم من عليها والممرضة كانت بتصرخ(عايزة بقى تعمل إعادة تصليح😂😂)
زاهد:.يا مفتريين حرام عليكوا إيه ده
بناته: ما هى واحدة رخيصة
لنا: مش هيبقى هى والدولار عالشعب😂😂 تقريبا بسمع الحتة دي كتير😂
زاهد: دي قمر يابت منك ليها وبيغيظ في فوزية
لينا: دي طلعت عمر مش قمر بعد لما خدت العلقة
فوزية: اها منتا عاجبك بصها ليك وتتحرش فيك يا سافل ما لينا طالعالك سافلة زيك يعني مش هتجيب من برا
ما أنت شبه الوحوش والبت مديحة شاكوش
ماشي يا موحنو
زاهد: وانتي إيه اللي مزعلك أنا حر وقررت اتجوزها عالاقل أحس إني عايش مع أنثى مش جعفرesraaibrahim
فوزية:.أنا جعفر وعيطت وسابتهم وطلعت في تقعد في الجنينة(هو بدأ العقاب معها😂😂 عشان مش تزعلوا والناس اللي عمالة تقولي خليه يربيها أي خدعة يا بشر😂😂😂)
بناتها: اللي هيجي علينا هيخبط في صوابع رجلينا هيهيهيهيهي وجريوا ورا مامتهم
ومشيوا من هنا وضابط زميل زاهد دخله
الضابط: الحمد لله على السلامة يا حضرة الرائد
زاهد: الله يسلمك يا أحمد
الضابط احمد: حضرتك احنا عملنا تحريات والحادثة مكنتش صدفة
زاهد بانتباه: إزاي مش فاهمesraaibrahim
الضابط احمد: يعني الحادث ده مدبرلك من أسبوع واحنا مسكنا اللي خبطك وهو واحد من عصابة محروس اللي حضرتك قبضت عليه من عشر أيام واللي خبطك ده كان بيشتغل عنده في السر يعني محدش كان يعرف ومش مسكناه
وعشان أنت قبضت على ريسه جه ينتقم منك عرفنا كمان إنه مكنش عايز يخبطك من الأساس بس خلاك نزلت من العربية ودخلت الحارة لما كنت بدور على مراتك وعيالك هو استغل الفرصة
وبوظ فرامل العربية وحطلك قنبلة فيها بحيث لما تعمل حادثة ومش موت القنبلة تنفجر في العربية وتولع وأنت فيها وبكده يكون اتأكد إنك مت وخلص منك
بس أنت طلعت من الحارة ومركبتش العربية ومشيت على رجليك فقرر يخبطك بعربيته ويموتك بس الحمد لله حضرتك عايش وبخيرesraaibrahim
زاهد:.كان مصدوم إزاي إن ده كان هيحصل فيه يعني لو كان ركب العربية كان زمانه مات وفكر كان هيحصل إيه في فوزية وبناته حمد ربنا إن لسه معاهم
وبص للضابط احمد: شكرا على مجهودك يا حضرة الضابط
الضابط احمد: ده واجبي وألف سلامة واستاذن ومشي
وزاهد قاعد مش قادر يستوعب واخواته قاعدين يعيطوا عشانه وحمدوا ربنا إنه لسه بخير
محمد وعمار مذهولين من اللي سمعوه
زاهد بصلهم وقال: محدش يعرف فوزية بأي حاجة خالص عشان مش عارف ممكن يحصل ليها إيه وهحتحمل نفسها الذنب
رغم إن ده كان هيحصل حتى لو مش هى عملت فيا المقلب ده واحتمال مكنش ينزل من العربية ويموت وبسببها نسي إنه معه العربية من الخوف والتوتر عليهم وكمل مشي
بس برضوا هيعاقبها عشان متفكرش في يوم من الأيام تبعد عنه حتى لو زعلها تعمل حاجة غير إنها تسيبه
يتبع الفصل الخامس عشر والأخير اضغط هنا
- الفهرس يحتوي على جميع فصول الرواية (رواية فوزية القوية كاملة)