رواية فتاة على عهد الالتزام البارت التاسع 9 بقلم ملك محمد
رواية فتاة على عهد الالتزام الفصل التاسع 9
"عبدالله نزل يشوف في اي تحت ف بيت العيله"
_اي ياجدعان هو في عريس غيري ولا اي صوت الزغاريط جايب فوق
"والدته قالتله بلهفه وفرح" اخوك جه ياعبدالله
_"الفرحه ظهرت ع وشه" هو فين
_جوه ف الاضه
"عبدالله لسه داخله والدته مسكته وقالتله براحه عليه اخوك مهما كان لسه صغير"
"ابتسم وقالها"أطمني كل حاجه هتبقي تمام
"دخل الاوضه علي إسلام "
إسلام اول لما شافه راح عامل نفسه نايم
_أحم عارف انك صاحي ع فكره
"إسلام مبيردش "
"عبدالله راح ناطط ع السرير جمبه ونايم "
_هيييح بقي يااااه ياواد يااسلام من زمان منمتش جمبك دانت كنت رخم وانت صغير اوي
"إسلام عامل نفسه نايم ومبيردش"
_فاكر لما كنت بشيل رجلك من وشي كل يوم كنت عامل زي القرد احطك تحت الغطا واغطيك خمس دقايق بالظبط تطلع فوق الغط تاني
"إسلام عايز يبتسم وماسك نفسه"
_قرفتني ياجدع كويس انك كبرت وبقيت تنام لوحدك
"إسلام اخيرا اتكلم"
_اطلع بره ياعبدالله علشان عايز انام
_انت كنت بتحبها
_هي مين
_انت عارف أنا بتكلم عن مين رد عليا كنت بتحبها
_وهيفرق معاك ماهي بقت مراتك
_طب اقولك حبيبه تحرم عليا ياجدع لو كنت بتحبها وادي يمين طلاق اهوه قدامك
_انت عبيط يلا تحلف بالطلاق ع مراتك كدا عادي
_ياعم خلص بتحبها
"اسلام بص الناحيه التانيه" لا
_عبدالله ابتسم وقاله مانا عارف انك مبتحبهاش علشان كدا اتجوزتها
_"اسلام حط وشه ف الأرض" أنا آسف
_لا أسف دي متلزمنيش انت تديني حضن كدا من بتوع زمان "وراح شاده ف حضنه"
تعرف يااسلام انت مهما تكبر هتفضل عيل بردو
"إسلام اتعصب" تاني عيل تاني طب أنا ماشي وسايبلكو البيت تاني
"عبدالله ضحك وشده" خلاص ياسطا وربنا بهزر
"والدتهم دخلت عليهم"
_ياناس يلي هنا ممكن ادخل ولا جيت ف وقت غير مناسب
عبدالله: انتي والدتي بجد ولا متنكره الحق ا إسلام امك بتستأذن
"ضحكت" مااشي ياعبدالله دايما حارجني كدا
_هو أنا أقدر ياغاليه تعالي اقعدي معانا تعالي
"إسلام قاعد ساكت"
_وحشتني يا اسلام كدا ياحبيبي تسيب البيت وتمشي والله يابني كنت كل يوم اصحي اصلي بليلل وادعيلك حمدالله ع السلامه ياحبيب أمك
"إسلام راح موطي ع إيدها وباسها"
_سامحيني ياامي سامحيني ع كل مره زعقت معاكي فيها سامحيني ع كل مره عليت صوتي عليكي
"راحت معيطه" أنا مسمحاك ياحبيبي والله هو في أم بتزعل من أبنها
عبدالله: لا بقي بقولكو اي متقلوبهاش دراما أنا مش عايز اعيط دلوقتي أنا عايز نفضل فراحنين ع طول
_______$$
"ع الجانب الآخر حبيبه ف شقتها فوق ووالدتها طلعتلها"
"والدتها بتخبط"
_تعالي ياماما ادخلي
_انا شوفت عبدالله تحت قولت اطلع اقعد معاكي شويه قبل مايطلع
_انتي تنوري ف أي وقت ياحبيبتي دا بيتك
_تسلميلي ياقلب امك
_تعالي نقعد جوه
_اي يابنتي قصة الاسدال داه معاكي هو أنا كل مااطلع تلاقيكي لابساه انتي بتصلي التراويح قبل رمضان مايجي ولا اي
_ أنا مش عارفه اسدالي مديقكو ف اي
_انتي عروسه ياحبيبتي عندك الدولاب مليان هدوم طلعي والبسي
_حااضر ياماما هلبس من عنيا ياست الكل
حبيبه
_ها
_انتي مسمحاني
_أخص عليكي ياماما ليه بتقولي كدا هو أنا كنت زعلت منك
_هكدب يابنتي ايوا أنا زعلتك كتير
_ياستي حتي لو شعلقتيني كدا مش هزعل منك بردو
_ربنا يجبر بخاطرك ويراضيكي يابنتي عبدالله جدع أنا فرحانه اوي أنه طلع من نصيبك قلبي مطمن وحاسه أنه هيحافظ عليكي
_ماما انتي كويسه
_متخفيش عليا أنا تمام
_لا انتي مش تمام انتي بتكدبي
_بصراحه الدكتور قرر يعمل عمليه ويشيل الورم لأن الجلسات مبقتش جايبه نتيجه
"حبيبه عيطت"
_انتي بتتكلمي بجد ياماما
_متعيطيش امك قويه هعمل العمليه وارجع احسن من الاول بأذن الله
"عبدالله طلع من تحت وفتح باب الشقه ودخل"
_جوزك جه اهوه هقوم أنا
_"مسحت دموعها"تقومي تروحي فين خليكي
عبدالله: السلام عليكم أنا آسف يامرات عمي مخدتش بالي انك جوه فمخبطتش
_عادي ياحبيبي ولا يهمك أنا كدا كدا قايمه ماشيه
"حبيبه ماسكه أيدها" اقعدي ياماما شويه
"عبدالله شاف دموع حبيبه عرف أنهم بيتكلمو ف حاجه خاصه": لا لا خليكي أنا هنزل تاني عادي
والدة حبيبه: تعالي بقي دانتو عيال مناكفه أنا قولت أنا نازله
"وهي نازله ندهت ع عبدالله"
_خلي حبيبه ف عينك ياعبدالله متزعلهاش عشان خاطري أنا عارفه انها هبله ولاسعه بس طيبه اوي والله جرب تخليها تحبك كدا هتشيلك جوه قلبها
_متوصنيش عليها علشان أنا مش محتاج وصيه حبيبه فعلا ف عنيا
_ربنا يهنيكو ياحبيبي ويسعدكو
"نزلت والدتها وعبدالله دخل ع حبيبه لقاها بتعيط"
_حبيبه انتي بتعيطي
"مسحت دموعها بسرعه" لا أنا كويسه
"قعد جمبها" متأكده انك مش بتعيطي
_اها أنا كويسه
"ادايق" هتفضلي تعتبريني غريب كتير
_ماما تعبانه اوي والدكتور قرر يعملها العمليه وراحت معيطه
_طب متعيطيش قولتلك مبحبش اشوفك بتعيطي هتبقي كويسه صدقيني
_انا خايفه عليها اوي
_متخفيش مرات عمي قويه وادها انتي اهم حاجه ادعيلها كتير
"حبيبه مسحت دموعها وساكته"
"عبدالله عايزها تضحك وزعلان عشانها"
_ارفعي وشك كدا انتي باصه ع ايه ف الارض
"بصتله" ها
_تعرفي انك جميله اوي
_ربنا يجبر بخاطرك
_نعم هو أنا بشحت منك
"ساكته"
_اي الهدوء داه أنتي متأكده انك حبيبه
"ساكته"
_انتي يابت يالمضه أنا بكلمك
_عايز اي
_عايز اشوف غمازاتك
"ابتسمت واتكسفت"
_طب بذمتك
_"حبيبه بصتله " أنا قولت اي قبل كدا
_قصدي بالله عليكي حد يبقي عنده ضحكه قمر كدا ويخبيها
"حبيبه اتكسفت" بس بقي ياعبدالله قوم روح اوضتك يلا علشان هنام
"راح رامي نفسه ع السرير" مش خارج من هنا والي عايز يخرجني يفرجني
_بقي كدا طيب
"راحت جابت كوباية مايه كبيره"
_لسه مش عايز تقوم
_اها وبعدين بتهدديني بكوباية مايه يلا يا بابا روحي العبي بعيد
_انا مبهزرش هكوبها عليك
"نايم ع السرير ومش فارق معاه تهديد حبيبه خالص"
_هكوبها بقولك
_أعمليها كدا
_يوووووه بقي قوم ياعبدالله متبقاش رخم
_قولت مش قايم والي يقدر يخرجني يفرجني
"حبيبه اتعصبت " وراحت دالقه المايه عليه وطلعت جري ع الاوضه التانيه وقفلت ع نفسها الباب
_يابنت المجنونه وانا الي قولت مش هتقدري تعمليها دانتي طلعتي لاسعه اوي
انتي يابت افتحي
_تؤ
_افتحي بقولك انتي هبله غرقتيني مايه
_تستاهل
_ماشي ياحبيبه وربنا ماانا نايم غير ف الاوضه بتاعتك وانتي مش هتنامي الا فيها بردو
_وخليكي حابسه نفسك ف الاوضه اما اشوف هتقدري تفضلي عندك اد اي
_غير هدومه وقعد قدام التلفزيون علشان عارف انها هتطلع
يتبع الفصل العاشر والأخير اضغط هنا
- جميع فصول الرواية كاملة "رواية فتاة على عهد الالتزام كاملة"