رواية فتاة على عهد الالتزام الفصل الثاني 2 - ملك محمد

الصفحة الرئيسية

رواية فتاة على عهد الالتزام البارت الثاني 2 بقلم ملك محمد

رواية فتاة على عهد الالتزام كاملة

رواية فتاة على عهد الالتزام الفصل الثاني 2

(إسلام دخل عليهم الاوضه وكلهم متجمعيين)
_بقولكو اي ياجدعان قدام عبدالله اهوه هو مش عايز يتجوز دلوقتي جوزوني أنا
(جده رد بعصبيه) إسلام لم الدور انت عارف ان الي هيتجوز الاول عبدالله وبعد كدا اتجوز براحتك
_الم الدور ازاي ياحج يعني اي اي قوانين البيت الغريبه دي ماهو مش عايز يتجوز
(عبدالله رد )مين قال أنا مش عايز اتجوز أنا كل ال حكايه اني مش لاقي بنت الحلال لسه لو انت لقيت البنت الي تنسابك أنا موافق تتجوز من الصبح
_ايوا أنا لقيتها حبيبه بنت عمك واهو ياجدي موافق اني اتجوز

_وأنا قولت الي هيتجوز الاول اخوك الكبير عايز تتجوز روح شوفلك بيت اقعد فيه
(إسلام اتعصب وخرج وفضل يشتم وهو خارج) يوووووه دي عيله ....
عبدالله: ياجدي ليه دا كله لو عايز يتجوز خليه أنا موافق
_الموضوع اتقفل خلاص وهاه أنا قايم خارج

والدة عبدالله قعدت جمبه وبدأت تكلمه بصوت واطي علشان محدش يسمع
_عبدالله إسلام عايز يتجوز حبيبه يابني ومش هيجبها البر طالما انت مش عايز تتجوز دلوقتي اقنع جدك يوافق هو بيحبك وبيسمع كلامك

(عبدالله اتصدم) اشمعنا حبيبه يعني
_هو اي الي اشمعنا دي بنت عمك وع رأي المثل جحا أولي بلحم توره
_ياستي مقصدش بس مش شايفه أنهم مش مناسبين لبعض في فرق كبير بينهم
_يعني اي ياعبدالله دا كلام تقوله هو إسلام وحش ولا دا ولا اكنكو اخوات
_خلاص ياماما الي انتي عايزاه هحاول اقنعه حاضر
(حبيبه ف أوضتها فوق فتحت الدولاب وطلعت منه الخمار الي شايلاه من زمان وقررت تلبسه أخيرا وتستحمل كل كلامهم )
لبست الخمار وكان لونه اسود وطلعت الدريس الاسود لبسته
خدت نفس عميق وقررت تنزلهم
_السلام عليكم
والدتها:وعليكم السلام اي يابنتي الانطواء الي بقيتي فيه داه واي القرف اي الي انتي لابساه دا كمان
_انطواء اي ياماما أنا طلعت اصلي الضهر وأقرأ الورد مش اكتر وبعدين دا مش قرف اسمه خمار
والدة إسلام :(بتضحك) البيت بقي فيه شيخه جديده وبعدين ياختي اي الي انتي لابساه داه انتي رايحه عزا
_هههه(حبيبه بترد بضيق) دمك عسل يامرات عمي لا أنا رايحه لعلا صحبتي
(عبدالله قاعد ماسك موبايله ولا مركز معاهم)
_انت يااستاذ متشوف بنت عمك عامله اي ف نفسها
(بص عليها وابتسم) ماشاء الله ربنا يثبتك ياحبيبه
_ربنا يثبتها ! هو اي الي بيحصل للعيال دي

(حبيبه فرحت من كلامه):ربنا يخليك تسلم
ماما أنا همشي بقي ماشي متسبوش حد الا لما تنمه عليه ها مش هوصيكي انتي ومرات عمي

والدتها:يلا ياقليلة الادب من هنا احنا بنم داحنا بنسلي بعضنا بس
(عبدالله ابتسم ع كلام حبيبه وقالها)
استني أنا خارج أنا كمان معاد شغلي قرب
_طيب يلا (وبعدين افتكرت أنه مينفعش تمشي معاه اتحرجت منه )
_عبدالله خرج وقالها هتفضلي واقفه عندك
_ها لا أنا جايه اهوه
_بصي أنا عارف انك مش عايزه تمشي معايا ودا الصح بس أنا كنت عايز اقولك كلمتين بما إنك اختي الصغيره
_حطت وشها ف الأرض
_ع فكره انا مش زعلان انك مش عايزه تمشي معايا أنا مبسوط
(ابتسمت)
_الكلمتين الي كنت عايز اقولهملك هما انك متخليش حد يحبطك ولا تسمعي لكلامهم الطريق الي انتي ماشيه فيه صح وانا فكرة الالتزام بتدور ف دماغي ونفسي يكون عندي الشجاعه اني انفذها زيك بس خايف مقدرش

_(قالتله بلهفه)لا هتقدر
_ماشي ياستي المهم دلوقتي انتي حافظي ع حجابك ومتخليش حد يأثر عليكي
_حاضر
_واه صحيح إسلام اخويا مش وحش زي مانتي متخيله حاولي تتقبليه علشان لو حصل اي حاجه متتصدميش
_حاجة اي (اتخضت من كلامه)
_مفيش العيله دي كل يوم برأي
_لا فهمني حاجة اي
_(ضحك)كنتي مكسوفه تقفي تكلميني أو تمشي معايا صوتك علي دلوقتي يعني يلا بقي علشان أنا اتأخرت ع الشغل
_عبدالله عبدالله طب حاجة اي
(سابها ومشي)

_فعلا العيله دي مجنونه
_______$$
(حبيبه ف طريقها لبيت علا عدت ع القهوه الي اسلام قاعد عليها)
_مش دي بنت عمك ياد يااسلام
_ايوا هي ياخويا
_اي الي هي عملاه ف نفسها داه الله يرحم ايام البناطيل والمحزء الي كانت بتلبسه
_بس هما يرضو يجوزهالي وانا هعلمها الادب قال عامله فيها ملتزمه
_اهدي ياسطا اساسا لو انت متجوزتهاش مين هيرضي يتجوزها بلي هي عملاه ف نفسها داه
_هههههه ع رأيك ياصحبي
_____$$

"بيت علا"
_السلام عليكم ازيك يالولو وحشتيني
_(اول لما علا شافتها بالخمار من الفرحه فضلت تحضن فيها)
_اي يابت كفايه احضان هتخنقيني
_محطمة اللحظات الرومانسيه بس أنا مبسوطه اوي لبستيه امتي
_لسه حالا قولت اول خروجه تكون ع بيت علا
وبعدين هتسبيني واقفه ع الباب اي قلة الزوء دي
(خدتها ودخلت) تعالي تعالي احكيلي عملو معاكي اي ف البيت
_تصدقي أنا لو طولت اهرب ههرب أقسم بالله دي شبهه عيلة ابو لهب مفهاش الا عبدالله بصراحه
(علا ابتسمت ليها) عبدالله ها
_بس يازفته عبدالله اخويا مش اكتر بطلي هبل
يتبع الفصل الثالث 3 اضغط هنا
google-playkhamsatmostaqltradent