رواية فتاة على عهد الالتزام الفصل الأول 1 - ملك محمد

الصفحة الرئيسية

رواية فتاة على عهد الالتزام البارت الأول 1 بقلم ملك محمد

رواية فتاة على عهد الالتزام كاملة

رواية فتاة على عهد الالتزام الفصل الأول 1

_قووومي يابت ياحبيبه نزلي الفطار
_ياصباااح الزفت وانا مالي أنا ماتروحي تنزليه
_احنا هندلع خلصي عمك وعيال عمك مستنين الفطار تحت والعيله كلها متجمعه
_ربنا يتوووب علينا من بيت العيله داه
_خلصي أمسكي
_(مسكت الصنيه) استني حطيلي الطرحه ع شعري
_ياختي بلا وكسه طرحت اي دي دول عيال عمك هتتكسفي منهم
_وربنا ارميلك الصينيه ع الأرض
_هش بطلي الطرحه اهيه (حطتلها الطرحه ع شعرها )
______
_(نزلت ليهم ) السلام عليكم
إسلام: وعليكم السلام ياست الشيخه
عبد الرحمن:اخيرا الفطار نزل دانا قربت اموت من الجوع ياحبيبه
حبيبه:أنا اسفه ع التأخير (وحطت الصينيه)
(وهي بتحط الصينيه اسلام راح شادد الطرحه من ع شعرها) اي الي انتي حاطاه ع شعرك دا كمان انتي هتكبري علينا ولا اي
(عبدالله قاعد ف جمب ماسك موبايله اتعصب من الي اسلام عمله) انت مش هتبطل الغباء الي انت فيه داه بقي وراح واخد الطرحه منه ادهلها

_( حبيبه زعلت جدا وف نفس الوقت عمها ومرات عمها والعيله كلها قاعده تضحك وعبد الرحمن دا الي ف عالم تاني وقاعد بياكل )
(حبيبه خدت الطرحه من عبدالله لبستها وحبت تداري زعلها وضحكت )
جدها (ودا أكتر حد بتحبه): تعالي اقعدي افطري ياحبيبه اسلام بيحب يهزر
_مش جعانه ياجدو بألف هنا انتو أنا ف الاوضه جوه لو احتجتو حاجه

(اسماء اختها كانت بره بتشتري فاكهه ليهم)
اول ما دخلت فكت الطرحه وقعدت وسطهم ع الاكل
اسماء:اي ياجدعان بتاكلو من غيري (وقعدت جمب عبدالله)
إسلام: ياسلام ع الناس العاقله تصدقو العيله دي مفهاش غير اسماء
اسماء:ربنا يخليك ياابن عمي ياغالي

عبدالله قاعد محرج من اسماء لانه مبيحبش كدا
اسماء:امال فين ماما وحبيبه
إسلام:مرات عمي فوق لسه منزلتش انما الموكوسه التانيه قاعده ف الاوضه معرفش البت دي مش طلعالك ليه يااسماء
(اسماء ضحكت وندهت عليها بصوت عالي) بت ياحبيبه تعالي افطري معانا
(حبيبه ف الاوضه ) مش جعااانه
إسلام: وفرتي قومي هاتيلي مايه
اسماء لسه هتقوم تجيب (غمزلها وقالها اقعدي أنا عايزها هي تجيب)
_(عبدالله خد باله قام دخل ع المطبخ وخد من حبيبه المايه واداها لاسلام )
إسلام ادايق: اي ياعم الرخم حد قالك تجيب انت
عبدالله حط المايه وخرج قعد ف الاوضه التانيه
والدته:اي يابني ماتيجي تكمل أكلك
عبدالله: شبعت ياماما
إسلام: وفر هو كمان خليه يقعد جمب المعقده هناك
عبدالرحمن: تخيلوا نجوز المعقد للمعقده هيخلفونا عقد صغيره نقعد نفك فيها
(الكل بيضحك وإسلام ادايق )
إسلام: خليك ف الاكل انت ياعبدالرحمن

(إسلام خلص أكل وراح ع الاوضه الي فيها عبدالله وحبيبه وقال لاسماء أعملي شاي وهاتيه ع جوه)
دخل قعد (عبدالله قاعد ماسك موبايله وحبيبه ماسكه موبايلها)
أسلام:يخربيت القعده وسطكم شكلكم يسد النفس
عبدالله: ماشي يابرميل بهجه
(حبيبه قاعده ساكته)
إسلام: هو انت مش ناوي تتجوز بقي ولا ايه
عبدالله: وانت مالك عايز تتجوز اتجوز انت
(أسلام بيبص لحبيبه) والله أنا نفسي بس ابوك مش راضي مستني حضرتك تتجوز الاول
(عبدالله خد باله أن اسلام بيبص ع حبيبه)
_حبيبه قومي شوفي اسماء بتعمل اي ف المطبخ اعملي معاها
_حاضر
إسلام:اشمعنا يعني عبدالله الوحيد الي بتقوليه حاضر
_اصل أنا بحترمه جدا (وقالتها بطريقه دايقة اسلام)

(قفلت موبايلها وقامت وهي معديه راح اسلام حاطط رجله مكعبلها كانت هتقع راح ماسكها وقالها)
_اووبس أنا آسف مخدتش بالي
_شدت أيدها بسرعه ومشيت وهي متعصبه
(إسلام قام علشان يخرج وراها عبدالله راح حاطط رجله مكعبله)
_اوووبس أنا آسف يااسلام مخدتش بالي
(إسلام اتعصب ولا يهمك يا معقد )
________$$
(اسماء وحبيبه ف المطبخ)
_انتي يابت هتفضلي قافشه كدا ع طول مالك اي الي غيرك مانتي كنتي كويسه
_عرفت أن كل الي بنعمله دا غلط ومينفعش وابن عمك دا مش اخوكي يااسماء ولا عمره هيكون اخوكي
_ياختي اتوكسي وبطلي فرجه ع المشايخ بتوعك دول هيخربو عقلك
(دخل اسلام)
_قوللها ياسمسمه
(حبيبه اتخضت) انت هنا من أمتي
_اي ياختي شوفتي عفريت
_لا مقصدش اسماء خلصي انتي الباقي أنا طالعه شقتنا فوق
(إسلام وقفلها ) ممكن تعديني
(اسماء شدته) مترخمش عليها تاني وتعالي اغسل معايا الفاكهه دي
(حبيبه طلعت ع شقتهم)
إسلام: البت دي مبقتش عجابني هي بتتعامل معايا كدا ليه امال لو مش متربين سوا كانت عملت اي
_سيبك منها قال اي كل داه غلط ومينفعش
(دخلت والدة اسماء)
_ماتبطلو رغي شويه وتجيبو الحاجه)
_حاضر ياماما خلصت اهوه
اسلام:متجوزيني حبيبه يامرات عمي
(اسماء اتصدمت)
والدة اسماء:(ضحكت)
إسلام:أنا بتكلم بجد
_ ومالو ياحبيبي احنا هنلاقي احسن منك فين بس مينفعش عبدالله الكبير
_كل اما اجيب سيرة الجواز تقوليلي عبدالله الكبير وانا أعمل اي يعني لعبدالله
(إسلام خرج وسابهم ف المطبخ )
_اي ياماما الي اسلام بيقوله داه
_في اي يابت هو قال حاجه حرام
_لا بس حبيبه لو عرفت بحاجه زي كدا ممكن تولع ف نفسها
_واحنا بردو بناخد رأي بنات ف الجواز الي جدك يقول عليه هو الي هيمشي وبعدين حبيبه مش صغيره خلينا نفرح بيها بقي علشان اجوزك
_تفرحي بيها اه بس مش وصلت لاسلام
_ومالو إسلام جدع زي العسل خليكي انتي ف حالك بس ادعي عبدالله يتجوز خلي نحس العيله يفك
يتبع الفصل الثاني 2 اضغط هنا
google-playkhamsatmostaqltradent