رواية اشتريتها من ميدان عام الفصل العاشر 10 - حبيبة محمد

الصفحة الرئيسية

رواية اشتريتها من ميدان عام البارت العاشر 10 بقلم حبيبة محمد

رواية اشتريتها من ميدان عام بقلم حبيبة محمد

رواية اشتريتها من ميدان عام الفصل العاشر 10

فارس: مخدرات!
كانت ضحي عماله تتكلم بطريقه مريبه تلفت النظر وخدت الحاجه من الراجل وركبت عربيتها وساقت وهو ساق وراها وقعد يوقفها بعربيته عشان تقف هي لحد ما وقفت ونزل من عربيته وهو مصدوم وهي نازله متعصبه 
ضحي: في اي انت جاي ورايا لغايه هنا ليه؟/
فارس: انتي مدمنه!! 
في القصر 
كان عادل وادهم وطارق واقفين مصدومين
طارق: هما عملوا اي 
= اتجمعوا كلهم علي بنت وضربوها والبنت جت اشتكت 
طارق : هما مش هنا بس ثانيه واحده انا هاجي معاكم وهتصل بيهم يجو 
عادل في سره: مجانين والله 
طارق: بتقول اي في سرك 
عادل: المجانين دول مسكوا بنت وضربوها ليه اي الهبل ده اتاري شهد عماله تجمع فيهم كلهم انا بقول بردو اللمه الهما اتلموها دي مش جاي من وراها  خير 
ادهم: انا عرفت هما ضربوا مين 
عادل :قول يا سهونه
طارق فضل مستني الرد
ادهم: فيروز اضربت من بنات في المدرسه انهارده الصبح هما بقا راحوا اتلموا علي البت دي وضربوها 
عادل : طبعا مستني اي من 4 بنات مع بعض 
في مكان اخر 
كانوا واقفين هما الاربعه عمالين يهزروا في الشارع 
فرح: يعيني البت اتفرمت 
فيروز: تستاهل عشان تحرم 
شروق: انا قطعتلها شعرها 
شهد: وانا شدتها من ودنها 
فيروز: مشاء الله كل واحد فينا مسكها من حته 
فرح: هي دي الفسحه الكنتي بتخرجينا عشانها يا شهد الكلب
شهد: طبعا اخد حق اختي 
شروق: اوماااال 
كلهم ضحكوا 
لحد ماا دخلت عليهم عربيه شرطه 
ونزل منها طارق وعادل وادهم والشرطه معاهم 
شروق بخضه: اي ده في اي انتوا اتقبض عليكوا!!
طارق: لأ ياختي انتوا الاتقبض عليكوا 
عادل واقف بيضحك وادهم زعلان ان فيروز زعلانه 
والبنات كلهم بصول لبعض بأستغراب 
في مكان اخر 
فارس: ردي عليا انتي مدمنه !! 
ضحي: اه مدمنه ايوه مدمنه خلاص ارتحت وعرفت الحاجه البقالي شهور بخبيها 
فارس:اي الدخلك السكه دي 
ضحي: عشان اهرب من الواقع الانا بلاقي نفسي فيه
فارس: بتهربي من اي بظبط يا ضحي 
ضحي بدموع غزيره: بهرب من طارق بهرب من كل حاجه ليها علاقه بطارق بهرب من شروق حتي اختك بهرب منها انا حبيت طارق لسنين بس طارق عمره ما حبني ولا فكر فيا عمره ما ادالي اهتمام او نص الحب الانا حبيتهولوا محدش اداني اهتمام ولا عمري حسيت بحد واقف جمبي ولا عندي حتي صحاب كلهم في القصر  بيكرهوني شروق فيروز فرح شهد كلهمممم 
فارس حضنها وهو زعلان عليها وهي حضنته اكتر وهي بتعيط
فارس: انا جمبك وهفضل معاكي بس انتي انسي طارق اعملي اي حاجه غير الادمان تنسيكي طارق مش كل الناس عشان تهرب من الواقع تروح تدمن ده اكبر غلط انتي كدا بتدمري نفسك وبدمري عيلتك وبتموتي نفسك بالبطئ بلاش يا ضحي انسي طارق عشان خلاص بقا راجل متجوز و انتي حاولي تبصي حاواليكي هتلاقي ناس بتحبك و لو شيلتي طارق من دماغك هتلاقي ناس تانيه حطاكي في دماغها ومعجبه بيكي بس انتي مش واخده بالك 
ضحي: انسيي ازاي ازاي قولي ازاي اشيل حد من قلبي ومين البيحبني انا مشوفتش حد حبني في حياتي دي كلها 
فارس: انا بحبك 
في مكان اخر 
الشرطه شدت فيروز وشهد وشروق وفرح من ايدهم جامد ودخلوهم العربيه بتاعت الشرطه
دخلو العربيه وبصوا لطارق وادهم وعادل من الشباك 
وفرح كالعاده قاعده زي كيس الجوافه 
شهد فضلت تبص لعادل بندم كدا 
وهو ولا بيديها اي اهتمام 
وشهد بتعيط وادهم الحنين العطوف بيعيط عشانها 
وطارق وشروق وفرح بيضحكوا
شروق: تعالا ورانا يا طارق متسيبناش عشان خاطري 
طارق: متشرديننن يا متشردين 
شروق: بطل رخامه
طارق: متقلقيش مش هسيبكم 
والعربيه مشيت 
في مكان اخر 
ضحي: بتحبني !!!
فارس: لأ متفهميش حاجه تانيه اقصد بحبك زي فرح اختي كدا
ضحي: تمام 
فارس: راحه فين 
ضحي: هروح 
فارس: اوعديني تبطلي المخروب البتشربيه ده 
ضحي: مقدرش اوعدك صعب اوي اني اقدر اعمل كدا 
فارس: وانا لو معملتيش كدا هاخدك مصحه 
ضحي: هاخد منكك اي غير كدا اكيد هتهددني يعني انت مش ملاك 
فارس:  انا مبهددكيش بس مينفعش اسيبك كدا انتي محتاجه تروحي لدكتور 
ضحي: سيبني بقا سيبني 
فارس: كل ما بتزودي من البتشربيه بيتعبك اكتر ونفسيتك بتبوظ 
ضحي: عشان اخلص 
فارس: انا هعالجك مش هسيبك كدا 
ضحي: كلكوا كدابين كل واحد كداب وبيحاول يضحك علي نفسه ويبان قدام نفسه ملاك بس انتوا كلكوا شياطين 
فارس: اركبي معايا يلا
ضحي: لا هركب عربيتي وملكش دعوه بيا ياكش اولع ملكش دعوه بيا 
فارس ركب عربيته واستناها تمشي قدامه 
في مكان اخر 
رهف: بقا كدا يا فارس تسيبني بورقه ....ماشي يا فارس 
= بقولك اي يابنتي انتي اصلا السبتيه في الاول ومكنتيش بتحبيه عشانه كنتي عايزاه يكون غني زياده عن اللزوم عشان بناسبك انتي وابوكي 
رهف: ايوه بس انا ليا كرامتي حتي لو هيسيبني لازم يسيبني وهو بيتذللي مش وهو باعتلي ورقه بخط ايده 
= متبقيش جاحده كدا عشان مهما عملتي مش هتلاقي الحب ده من اي شخص ممكن يكون غني بس مش بيحبك متفتريش علي خلق الله 
رهف: وممكن احب واحد غني وهو يحبني عادي 
= ياستي براحتك بس متفتريش 
في مكان اخر 
وائل: في اي بابا بتعمل كدا ليه وهات تلفونها لو سمحت 
مهدي: اقعد يا  وائل
وائل قعد وهو بيحاول يفهم البيحصل 
وائل: !!!! 
مهدي: زينب ....والدتك يعني كانت بتحب فريد العربي ..... وفريد كان بيعشقها وضربني بالنار عشان ياخدها مني ولسه لغايه دلوقتي بيحارب عشانها وانا سجنته وعشان كدا قولتلك ابعد عن البت دي .....انا مش عايز اي حد من عيله فريد يبقي قريب مني ومن عيلتي تاني 
وائل استغرب لوقت وبعد كدا بصله وقاله: امي انا !!! بتحب مين فريد العربي؟؟؟ اكبر رجل اعمال!! 
مهدي: كانت يا وائل 
وائل: فرح ملهاش علاقه بفريد ......فرح بعيده عنه خالص دي تبقي بنت خاله مرات طارق الهو ابن فريد 
مهدي: وتقولي بعيده عنه! 
وائل: لو سمحت يا بابا انا عايز اكون قريب من فرح 
مهدي: قريب !!! 
وائل: ايوه فرح تكون زميلتي ومتحاولش تقولي ابعد عنها 
مهدي: هتبعد عنها غصب عنك 
وائل: هات تليفونها لو سمحت
مهدي: خد واياك اشوفك معاها 
في مكان اخر تحديدا( الحجز) 
كانت فيروز قاعده في الحجز وادهم بيبص عليها من برا وهي ماسكه في الحديد بتاع الحجز وبتضحك علي البيحصل معاهم 
وادهم تلقائي بيضحك لما بيشوف فيروز بتضحك 
فيروز: مستغرب طبعا اني في الحجز
ادهم: لا عشان هارش الانتوا عملتوه 
فيروز: اااه عارف اننا ضربنا البت الضربتني 
ادهم: اه ياختي
فيروز فضلت تضحك وهي ماسكه في حديد الحبس وهو واقف من برا بيضحك معاها 
وشهد كانت واقفه لوحدها في الحبس وعماله تبص لعادل مستنيه منه حتي يبصلها او يديها اهتمام بس هو حتي مبصلهاش بصه واحده كان مديها ضهره 
فا قعدت واستسلمت انه يكلمها 
شروق كانت بتكلم طارق وهي بتضحك 
شروق بضحكه عاليه: مسكنا البت فرمناها وكل واحده فينا اديتها بالقلم وكل واحده شدت شعرها لا واي كمان فرح قطعت ودنها 
طارق : خدي نفسك هتموتي من الضحك 
شروق: هنخرج من هنا امتي 
طارق: هحاول اجيب البت دي واخليها تتنازل ونعمل محضر صلح وخلاص 
وفرح كانت قاعده زي كيس الجوافه 
فرح ندهت علي شروق من ورا الحديد: شرووق تلفوني معاكي
شروق: لا 
فرح: الاه!! التلفون راح فين 
في مكان اخر 
خبر عاجل زوجه طارق فريد العربي تم القبض عليه هي واقربائها كلا من ( فرح سليمان شهد فاتح فيروز فاتح شروق فاتح ) 
وائل: اي ده !! فرح 
وائل لبس في نص الليل ونزل راح للقسم الهي فيه 
في القصر 
زهره: القصر كله فاضي من ساعه ما العقربه الاسمها شروق وصلت القصر وهي ممخليه القصر كله يهتم بيها 
فا وسط كلامها لاحظت اوضه شروق فدخلت اوضتها 
وبدأت تفتح في الادراج والدولاب لحد ما ايديها وقعت علي صوره بت في دولاب طارق 
زهره بخبث : بقا كدا يا طارق يابني !! بتخون مراتك؟ 
فا حطت الصوره بطريقه تخلي الصوره تبان وشروق تلاحظ 
وخرجت من الاوضه ودخلت اوضتها 
بعد وقت وصلت ضحي ووصل فارس
نزلت ضحي من عربيتها وفارس نزل من عربيته وهو بيرزعها جامد وجري ورا ضحي 
فارس: هاتي المخروب الانتي مخبياه ده 
ضحي: لا وانت مااااالك 
فارس: مش هسيبك تكوني مدمنه 
ضحي: مش هقدددر مش هقدر لازم لازم 
فارس: مش لازم انا هسجنك في الاوضه وهحبسك ومش هخليكي تعتبي برا ثقي فيا انا هعالجك 
ضحي: هتعذبني بالبطيئ هتعذبني
فارس: انتي هتموتي نفسك 
ضحي: مش هقدر متحاووولش 
وطلعت جريت وسابته 
بعد وقت 
طارق وادهم وعادل وفيروز وشروق وفرح وشهد كلهم خرجوا 
ركبوا كلهم العربيه وكانت فرح لسه هتركب 
بس وائل ندهه عليها 
فرح استغربت للحظه وبعد كدا قالتلهم : امشوا انتوا وانا هاجي وراكم 
شروق: بس الوقت متأخر 
فرح: زميلي هيوصلني بالعربيه
شروق: تمام لو احتاجتي اي حاجه كلميني 
ومشيوا كلهم 
واتجهت فرح ناحيه وائل 
فرح: عرفت منين اني في القسم
وائل: الخبر اتنشر علي التلفزيون
فرح : يالهوي يالهوي يالهوييي خبر اي الاتنشر وهما اي حد بيتحبس بينشروا خبر حبسوا! 
وائل: انتي ناسيه انك قريبه شخص مشهور جدا 
فرح: مين الشخص دا 
وائل: معقول متعرفيش .... فريد العربي اكبر رجل اعمال
فرح: يادي النيله طب والحل دلوقتي هروح جامعتي ازاي دول فضحوني 
وائل: هيا اصلا اخر سنه ليا انا وانتي في الجامعه ونكون خلصنا
فرح بأنكسار : تعبتك معايا يا وائل ولتاني مره
وائل مسك ايدها وقالها: ينفع متقوليش كدا تاني ....واتفضلي تلفونك نسيتيه في العربيه المره الفاتت 
فرح: ياااااااه اخيرا ده انا كنت بدور عليه وزعلانه اوي انه ضاع
وائل: يلا يا ستي عدي الجمايل 
فرح ضحكت بصوت عالي 
وائل: شششش وطي صوتتتك العماير كلها سمعت 
فرح: خلاص سكت 
وائل: تعالي اوصلك 
فرح ركبت معاه العربيه 
في القصر 
ضحي طلعت اوضتها ولسه لغايه دلوقتي بتدمن فا دخل عليها فارس فاجأه 
ضحي رمت الكانت بتدمنه من ايدها وقالتله: انت بتدخل فاجأه كدا محدش علمك الادب 
فارس: سيبي الانتي بتدمنيه ده سيبيه بقا كفايا تحت عينك هبب ووشك اصفر زي اللمونه وشويه كمان وهتبقي شبه العصايه كفايه كدا 
ضحي: مش عارفه امنع نفسي مش عارفههه 
فارس خد منها المخدرات الكانت جيباها تدمنها وشدها منها بالعافيه وهي حاولت تضربه وتاخدهم بس هو مع ذلك اصر 
ضحي ببكاء: سيبببب سيب هات حاجتي بقولك 
فارس: مفيش القرف الانتي بتاخديه ده من انهارده ......هتعيشي زيك زي اي بنت 
ضحي: هات بقولك 
فارس: انسي 
خرج بسرعه وقفل الباب عليها بالمفتاح 
ضحي: افتححح ؛ افتح ...مش هقدر افتححححح وفضلت تعيط 
فارس دخل اوضته ومردش 
زهره خرجت علي صوتها 
زهره : في اي 
ضحي: افتحيلي ياخالتو 
زهره: حاضر حاضر 
فارس خرج من اوضته وقالها: لا متفتحيلهاش الباب 
زهره: انت حابسها في الاوضه ليه انت مجنون؟ 
فارس: لو سمحتي متفتحيلهاش لمصلحتها 
زهره: واي مصلحتها انت مش شايفها بتقطع في نفسها جوا ازاي وعماله تعيط 
فارس: مصلحتها حاجه مش هقدر اقولها لحد فا لو سمحتي متفتحيلهاش مهما عملت 
زهره دخلت اوضتها ومردتش عليهم هما الاتنين 
وضحي عماله تعيط 
وفارس دخل اوضته 
في مكان اخر 
في العربيه 
كانوا كلهم متجمعين في العربيه وبيضحكوا 
طارق حاول يلمح او يصالح ما بين شهد وعادل وطبعا كلهم عارفين التلميح ده 
طارق: الا قولي يا عادل 
عادل: قول 
طارق: انت كنت طول الوقت في الفتره الاخيره مع حد معين كدا ومبقناش نشوفك معاه تاني اي الحصل 
عادل: الحصل اننا مش هنفضل طول عمرنا مع بعض يعني لازم نبعد 
طارق: طب ماهو انا وانت طول عمرنا مع بعض من ابتدائي لغايه دلوقتي 
عادل: حاجه عن حاجه تفرق 
انا وانت مطلبناش نبعد عن بعض لاكن الشخص الانا كنت معاه طلب مني كتير ابعد عنه وانا وافقت 
طارق كمل طريقه وهو بيضحك 
وشهد قاعده الدموع بتتراكم في عينها وبعد كدا بصت للشباك عشان دموعها متنزلش قدام حد 
وفيروز وشروق فاهمين كل حاجه وعمالين يتكلموا مع بعض ورا ويضحكوا وفرح قاعده زي كيس الجوافه كالعاده مش فاهمه اي حاجه 
في مكان اخر 
= بقولك اي يا فاتح 
فاتح: ها 
= البت لميس جاتلي انهارده
فاتح: بنتك يعني؟ 
= اه بنتي 
فاتح: كملي 
= وانا طردتها وقولتلها تروح للقصر الشروق فيه 
فاتح: جدعه بس شروق مش هتتقبلها ابدا لأنها مش اختها ولا تقربلها حاجه 
= هتتقبلها اسمع مني 
فاتح: هتروحلها امتي 
= دلوقتي 
في القصر 
وصلوا كلهم القصر وكل واحد اتجهه لأوضته 
وعادل الوحيد البيروح بيته 
شهد ندهت عليه: عادل ... 
عادل وقف بستهتار واستناها تتكلم 
جريت وراه ومسكت ايده : عادل ...انا .....انا اسفه 
عادل: علي اي 
شهد: اسفه اني قولتلك امشي وسيبني 
عادل: انتي معملتيش حاجه غلط تتأسفي عليها انتي طلبتي مني وده كان اختيارك 
شهد: اختياري انك تكون جمبي
عادل: انا مش لعبه يا شهد مش تقوليلي تعالا يمين اجي يمين روح شمال روح شمال انا مش لعبه انا خلاص اخترت اني مكونش جمبك وده نصيبنا وكل واحد مش مكتوبله يكون مع التاني ياريت متحاوليش اكتر من كدا عشان انا وانتي من انهارده مش هنكون مع بعض وساب ايدها ومشي 
شهد فضل واقفه تعيط مش عارفه تعمل اي مش عارفه تمنعه ازاي ترجعه ليها تاني ازاي تخليه يعرف هي بتحبه قد اي طلعت علي اوضتها ورمت كل حاجه في ايديها علي الارض وحتي مغيرتش هدومها نامت بيهم 
في غرفه شروق 
شروق: انهارده علي قد ما كان يوم متعب بس كان حلو والله 
طارق : مجانين اي يابنتي العملتوا في البت ده 
شروق: هي البدأت يا طارق وضربت اختي 
طارق : مجانين تلاقي الخبر نزل علي التلفزيون دلوقتي 
شروق: نعمم! 
طارق: اه طبعا تللاقيه نزل
شروق: يا راحه بالك 
طارق: انا هروح بكره اخليهم يمسحوا الخبر 
شروق: ياريت يعني اومال فين البچامه بتاعتي بقالي كتير بدور عليها
طارق: ما تلبسي بچامه تانيه 
شروق: لأ بحب دي معقول تكون في دولابك 
طارق: هتعمل اي في دولابي 
شروق: اهو يمكن وفتحت دولابه ....اهي البچامه شوفت وتحت البچامه كان فيه صوره البنت شروق خدت الصوره بأنذهال وقالت لطارق 
شروق : صوره مين دي يا طارق وبتعمل عندك اي في دولابك 
في غرفه فرح 
كانت قاعده بتكلم وائل في التلفون 
فرح: بجد بشكرك جدا يا وائل
وائل: قولتلك متشكرينيش بس بقولك اي 
فرح: نعم 
وائل: صورتك بتاعت البروفايل ال علي الفيس قمر اوي 
فرح: وانت صورتك اجمل 
وائل ابتسم وقالها: فاكره لما افتكرتيني بعاكس وانا بندهه عليكي ومترديش لغايه ما ادتيني بالشنطه في وشي 
فرح: فاكره اسكت ده انا كان شكلي مهزق اوي قدامك 😂
في غرفه فيروز 
كانت نايمه وادهم دخل الاوضه حطلها رساله هو كاتبها وخرج 
الرساله كانت بتقول( صباح الخير يا فيروز لو شوفتي رسالتي تعالي في المكان الهقولك عليه ده انا هفضل برا القصر لمده كبيره وعايز اشوفك قبل ما امشي ) 
في غرفه شهد 
كانت نايمه وتفكيرها في عادل مبيخلصش حتي وهي نايمه بتحلم بيه وبتفتكر معاملتها ليه 
بس اتضح ان هي بتحبه جدا وكل لما تقول اسامحه هي مبتسامحوش عشان هو كسرها كتير وزعلها و من ساعه ما حبسها في اوضه ومشي وسابها من ساعتها هي مش قادره تسامحه ابدا ومكدبش عليكم هي لغايه دلوقتي مسامحتهوش 
رن جرس القصر 
نزلت فرح تفتح 
فرح: مين ؟؟ 
= انا اكون قريبه شروق 
فرح: هتستعبطي قريبتها منين اذا كان انا بنت خالتها وعمري ما شوفتك. 
= انا اكون بنت مرات ابوها ......( لميس ) وجايه اعيش معاكم هنا في القصر 
في غرفه ضحي 
كانت عماله تتقلب في الارض وتكسر في الحاجه وعماله تعرق لغايه ما داخت ووقعت 
فارس صحي يشرب مايه .... وكمان كان رايح يدي مايه لضحي واكل عشان متتعبش 
فتح باب الاوضه بالمفتاح 
لقاها واقعه في الارض 
رمي الاكل من ايده وقعد يفوق فيها : ضحي ...ضحي ....ضحي فوقي 
يا تري رد فعل طارق اي اتجاهه شروق لما تشوف الصوره ؟؟ 
و ادهم مشي من القصر راح فين؟؟ 
و شهد وعادل هيرجعوا لبعض ولا لأ ؟؟ 
وفرح وشروق هيوافقوا يدخلوا لميس القصر ولا لأ ؟؟ 
و ضحي هيحصل فيها اي وهيكون رد فعل فارس اي ؟
يتبع الفصل الحادي عشر 11 اضغط هنا
google-playkhamsatmostaqltradent