رواية احببته دون وعي البارت الثامن 8 بقلم سما محمد
رواية احببته دون وعي الفصل الثامن 8
_سما بانبهار: المكان حلو اووي
_سليم: سما.. انا عايز اقولك علي حاجه.. سما انا بحبك
_سما بدموع: وانا كمان بحبك يا سليم
صوت ضرب نار بقا مالي المكان وسليم كان خايف علي سما
_سليم : اركبي العربيه بسرعه يا سما
_سما ببكاء: سليم... مين دول
_سليم بزعيق: يالا ياسما بسرعه
وركبوا العربيه وسليم بيسوق باقي سرعه
_سليم: سما كلمي عمر بسرعه
_سما ببكاء:حاضر...هكلمه
_سما: مش بيرد
_سليم بعصبيه: رني علي مروان
_سما: الوو...
_سليم بمقاطعه: مروان في ناس بتضرب علينا نار وسما معايا
_مروان بقلق: طب انت فين
_سليم: انا في...
_مروان: انا جاي حالا
خرج مروان ومعاه سلاحه والحراس وراح المكان اللي فيه سليم
"عند حور"
_احمد: القمر قاعد لوحده ليه
_حور بعصبيه: وانت مالك يا عم انت
_احمد: ينفع اقعد معاكي شويه
_حور بعصبيه : لا مش ممكن وافضل امشي بدل ما اعلي صوتي اكتر من كدة وساعتها الناس هتسمعه ووقتها انت هتمشي بس بطريقه مش لطيفه
_احمد: عادي ما يسمعوا هقول خطيبتي وفي بينا خلافات وهنحلها
_حور: انت عبيط يابني.. امشي من هنا
_احمد:طب ولو ممشتش
_عمر: انا همشيك ياروح امك
_احمد: وانت مين بقا ان شاء الله
_عمر: انا خطيبها انت مين
_احمد بصدمه: خطيبها!
_عمر ببرود: ايوة وياريت تتفضل بالزوق
_احمد بعصبيه: ردي دة خطيبك
_عمر بزعيق : قولتلك اه وامشي من هنا بدل ما هتزعل مني
_حور : ايوة عمر خطيبي
_احمد بشر: ماشي يا حور
_عمر بغيرة: هو مين دة وبيكلمك كدة ليه
_حور: دة احمد اخو ريم صحبتي
_عمر: وايه جاب احمد اخو ريم صحبتك
_حور: والله ما اعرف... هو اصلا طبعه كدة دة بيضرب اخواتو البنات
_عمر: هو انتي تعرفي اخواته
_حور: اه سما وريم.... هو انت تعرفه
_عمر بصدمه: اه احمد يبقي اخو سما مرات سليم
_حور: هو اخوك يبقا اللي اتجوز سما غصب
_عمر: اه بس مش هو اللي غصب عليها
_حور: اه ما انا عارفه الحكايه وعرفت كمان ان اخوك قالها انهم هيطلقوا بعد سنه
_عمر بصدمه: يطلقها..... دي دي بتحبه
_حور : بتحبه!
_عمر: اه هي قالتلي
قاطع كلامه صوت الموب
_عمر: الوو... ايوة يا مروان
_مروان: عمر سما وسليم في ناس بيضربوا عليهم نار روح عند عمي وحور خلي بالك منهم
_عمر: انت بتقول ايه قول المكان فين
_مروان بعصبيه: انجز ياعمر زي ما قولتلك وانا في طريقي لسليم
_عمر بقلق: طب انا رايح علي البيت
_حور بخوف: في ايه يا عمر مروان ماله
_عمر: قومي بسرعه يا حور وهقولك في الطريق
"انت تقرا هذه الرواية على مدونة دليل الروايات"
"عند سما وسليم"
_سما بدموع: سليم دول ورانا وبيضربوا نار علي العربيه
_سليم: انزلي تحت بسرعه
بعد شويه
_سما بخوف: هو في ايه العربيه وقفت ليه...وضرب النار وقف
_سليم : مش عارف.... انا هنزل اشوف وانتي متتحركيش من هنا
سليم نزل من العربيه شاف كل الرجاله اللي بيطاردوا علي الارض والحراس بتوعوا حوالين حد راح شاف مين دة اتفاجا انه مروان سليم خدو بسرعه وركب بيه العربيه
_سما بصدمه: ايه دة مروان ماله
_سليم: خد رصاصه... لازم نروح المستشفي بسرعه
ركبوا عربيه مروان وراحوا علي المستشفي
وصلوا المستشفي ومروان دول العمليات
وسليم كلم عمر علشان يطمنهم
_سليم: عمر احنا كويسين الحمدلله
_عمر: طب الحمدلله... اومال مروان فين
_سليم: عمر مروان في العمليات بس هو كويس خليك انت في البيت
_عمر بصدمه: ايه عمليات ليه مروان ماله
_حور بخوف:ماله مروان يا عمر اخويا ماله
_عمر: حور بصي لازم تهدي مروان اخد رصاصه بسيطه في دراعه
_حور بصراخ: وديني ليه يا عمر
_عمر:مينفعش يا حور
_ريم بدموع: طب هو في مستشفي ايه
_عمر: يا جماعه هو كويس والله
_حور برجاء: عمر علشان خاطري وديني لي
_عمر بيأس:حاضر يا حور يالا
_ريم: انا هاجي معاكو
_عمر: طب تعالي يالا
راح عمر وحور وريم المستشفي ومروان لسه في العمليات وريم وحور بيعيطوا
وسليم بيفكر في مين اللي عايز يأذيه رغم ان هو مالوش اعداء وبعدين افتكر ان مفيش غير واحد بس هو اللي ممكن يعمل كدة وانه ممكن يخسر صاحب عمره بسببه
وسما خايفه من اللي حصل وخايفه تخسر سليم او اي حد بتحبه خايفه عليهم كلهم من مالك وخايفه تخسر حد بسببها
حور خايفه علي اخوها وزعلانه وخايفه تخسره
عمر خايف علي صاحبه وزعلان علي حور حبيبته وهو شايفها زعلان ومستغرب من ريم وبكاءها وبيفكر مين اللي ممكن يعمل كدة
ريم بتعيط وخايفه علي مروان اللي بتحبه بقالها سنين وهو ولا يعرفها اصلا
كل واحد في افكاره وتخيلاته وكلهم رغم اختلاف أفكارهم الا السبب واحد وهو مرض وتعب مروان
بعد شويه خرج الدكتور من اوضه العمليات وكلهم جريوا عليه
_سليم: خير يا دكتور.... هو كويس
_الدكتور: اه الحمدلله احنا شلنا الرصاصه من دراعه بس هو نزف كتير ومحتاجين حد يتبرعله بالدم
_ريم: انا هتبرعله
_الدكتور: تمام هنشوف فصيله دمك ايه ولو مطابقه هتتبرعي
_ريم: تمام
_حور: ريم انتي مش مضطرة تعملي كدة
_ريم: حور انتي عارفه مروان بالنسبالي ايه
_حور: ماشي ياريم
دم ريم طلع مطابق لمروان وهتتبرعله بالدم وخرج مروان من العمليات ونقلوه اوضه عاديه
وسليم اقنع سما انها تروح وراح عمر معاها حور وريم مرضيوش يروحوا وقعدوا معاه في الاوضه لحد ما يفوق حور فونها رن فخرجت تكلم عمر
_عمر: ايوة يا حور مروان فاق
_حور بدموع:لا لسه يا عمر ادعيله
_عمر:حور علشان خاطري متعيطيش
_حور:مروان كل حياتي يا عمر مش قادرة اشوفه تعبان
_عمر:حور انا جاي
راح عمر المستشفي واقنع سليم انه يروح علشان سما وفعلا مشي
"في اوضه مروان"
ريم قاعدة وبتتأمله
_مروان بتعب:ااه....انا فين
_ريم:مروان انت كويس
_مروان:اااه....هو ايه اللي حصل
ريم حاكتله اللي حصل واتكلمواشويه وبعدين حور وعمر دخلوا
_عمر:حمدالله علي السلامه ياعم كدة تقلقنا عليك واختك عماله تعيط كدة
_مروان: بس يلا يا اهبل
_عمر بمرح:شفتي اهو زي القرد اهو
ريم وحور ضحكوا
_مروان:عجبتكوا اووي
_ريم:الصراحه حلوة
_حور :ريم عندها حق...هه
_مروان:لا والله
_مروان بهمس:حور هي مين ريم دي..دي كلت دماغي
_حور:مروان..ريم صحبتي وزي اختي
ريم سمعته واتحرجت
_ريم باحراج:احمم...اناا اناا لازم امشي
_حور:ريم اقعدي علشان انتي لسه تعبانه
_ريم:لاا معلش لازم امشي
_عمر:طب انتي هترجعي علي الڤيلا صح
_ريم:ايوة
_عمر:طب تعالي اوصلك
_ريم:لا معلش انا همشي لوحدي
_عمر:طيب ماشي
وخرجت ريم
_حور بعتاب:علي فكرة ريم سمعتك وصوتك كان عالي
_مروان:لا لا اكيد مسمعتنيش هي عايزة تروح بس مش اكتر
_حور:لا ريم مكنتش هتروح ريم كان لازم تبات هنا علشان كانت متبرعالك بالدم وجالها هبوط
_مروان بصدمه:هي اتبرعتلي بدم
_عمر:ايوة يا مروان والصراحه انت احرجتها اووي دي كانت عماله تعيط لما كنت في العمليات
_مروان:والله مكنتش اقصد
_حور بحنيه:خلاص حصل خير انا هكلمها وهصالحها وهي مش هتزعل
"عند سما وسليم "
_سما بدموع:سليم اناا اناا عايزة اتطلق
_سليم بصدمه:نعم!
_سما:زي ما سمعت.
يتبع الفصل التاسع اضغط هنا