رواية حلم الزين الفصل الثالث 3 - بقلم سما محمد

الصفحة الرئيسية

رواية حلم الزين البارت الثالث 3 بقلم سما محمد

رواية حلم الزين كاملة

رواية حلم الزين الفصل الثالث 3

_حلم: لا بالعكس انا غيرت رايي
_زين بفرحه: بجد يعني موافقه 
_حلم بابتسامه: ايوة اكتشفت اني كنت غلط واني مش هلاقي انسب من زين ليا 
_احمد باستغراب: شئ جميل بس ايه اللي غير رأيك بالسرعه دي من كام يوم مكنتيش موافقه 
_حلم: كنت شايفه اني غلط يابابا ولما قعدت مع نفسي فكرت كويس 
_سالم: الف مبروك يا ولاد 
_زين بفرحه: ايه رايك يا بابا نعمل الخطوبه يوم الخميس الجاي 
_سعد"والد زين": والله يابني معنديش مانع بس شوف راي عمك وجدك والاهم راي عروستنا 
_سالم: انا موافق
_احمد: وانا كمان بس نشوف رأيي حلم
_حلم بتفكير: تمام موافقه عن اذنكوا 
طلعت حلم ونور كمان طلعت معاها 
_نور بفرحه: يااه يا حلم هتتجوزي اخيرا وهلبس فستان سواريه اخيرا لا وكمان هكون عمتو الحربايه 
_حلم بضحك: هي دي كل طموحك انك تلبسي فستان سواريه وتبقي عمتو الحربايه 
_نور: طبعا يا حبيبتي اومال بس في حاجه غريبه 
_حلم: حاجه ايه دي
_نور باستغراب: حلم انتي مكنتيش موافقه علي زين وفجأة كدة وبدون مبرر بقيتي موافقه وشايفه انك كنتي غلط في الاول
_حلم بتوتر: طب ما دي الحقيقه يانور انا كنت شايفه اني كنت غلط ورجعت في كلامي صحيح انا مش بحب اخوكي بس اكيد هناخد علي بعض وهحبه مع الوقت
_نور:  لا في حاجه انا مش عرفاها..حلم هو انتي مخبيه حاجه عليا
_حلم بتوتر: ااا لاا وهخبي عليكي ايه بس يا نور انا عمري ما خبيت عليكي حاجه... وبعدين يا جماعه هو انا اوافق تسألوني ليه موافقش تسألوني ليه بردو
_نور بشك: ماشي يا حلم تصبحي علي خير

الوقت بيعدي وطول الفترة اللي فاتت نور وحلم بيجهزوا حاجات الخطوبه والفساتين لحد ما جه معاد الخطوبه (كانت في البيت عادي يعني) 
حلم كانت لابسه فستان اسود وطرحه لونها اسود بردو وزين كان لابس بدله سودة (مفيش احلي من الاسود والله 🖤) 
طبعا عملوا الخطوبه وزين وحلم اتخطبوا
تاني يوم... 
_حلم: يالا يا نور عشان هنتاخر! 
_نور: طيب يالا نبقي نكمل فطار في الجامعه 
_حلم بصدمه: فطار! حراام عليكي يا نور فطار تاني 
_نور: ايه يا حلم مشبعتش الله 
_حلم: مشبعتيش ايه دة انتي ناقص تاكليني
_نور: طب يالا يا ختي عشان منتاخرش 
_زين: استنوا انا هوصلكوا 
_حلم بابتسامه: ماشي يازين يالا 
_نور بهمس: حلم هو انتي سخنه ولا ايه انتي ابتسمي لزين لا وكمان عايزاه يوصلك 
_حلم: فيها ايه مش خطيبي يا بنتي 
_زين: يالا يا جماعه 
زين وصلهم الجامعه ونور نزلت وحلم لسه هتنزل 
_زين: حلم استني عايزك 
_نور: طب هنزل انا يا حلم ولما تخلصي تعالي هستناكي في الكافتيريا 
_حلم: ماشي 
_زين: هو انتي وافقتي علي الخطوبه ليه رغم انك كنتي رافضه الفكرة او رفضاني انا كشخص 
_حلم بابتسامه: عشان كنت حاسه اني اتسرعت في الاول يا زين وبعدين فكرت كويس ولقيتك الشخص المناسب 
_زين: يعني انتي وافقتي علشان انا الشخص المناسب بس! 
_حلم: اومال في حاجه تانيه
_زين بضيق: لا يا حلم اتفضلي 
_حلم: ماشي باي 

_..هي مين البت اللي هناك دي
=..: واحدة في سنه تانيه كدة
_.... باعجاب: لا بس قمر اووي 
=...: ابعد عنها يا عم بيقولوا محترمه وشايفه نفسها شويتين 
_...: عايز اعرف عنها كل حاجه هي واللي معاها دي
=...: تمام

_نور بفضول: كان بيقولك ايه هه. هه. هه
_حلم:ايه يا بنتي انتي مالك اسرار شخصيه
_نور:اسرااار عليا انا ماشي لما اتخطب مش هحكيلك علي حاجه
_حلم:طيب يا ستي هقولك..كان بيسالني وافقت ليه وكدة 
_نور:وقولتيله ايه
_حلم:نفس الاجابه اللي قولتهالك
خلصوا المحاضرات وخارجين 
_......:لو سمحتي ممكن دقيقه
_حلم: نعمم!
_......:انا اسمي آسر الالفي معاكي هنا في الجامعه بقالي فترة مش باجي الجامعه وفاتني محاضرات كتير الصراحه
_حلم:والمطلوب يعني!
_......:كنت عايز من حضرتك المحاضرات
_حلم:طيب تمام هجبهم لحضرتك بكرة معايا
_......:انتي تقدري تاخدي رقمي وتبعتهملي النهاردة اسهل
_حلم:لا معلش انا اسفه عايز المحاضرات هجيبهم لحضرتك بكرة غير كدة لا عن اذنك

_زين بعصبيه:ممكن افهم مين اللي كنتي واقفه معاه دة
_حلم:دة واحد كان بيطلب مني محاضرات
_زين:لا والله يعني ساب الجامعه كلها وجاي يطلب منك انتي محاضرات
_حلم:والله هو دة اللي حصل
_زين بعصبيه:طب يا حلم تاني مرة لو شوفتك واقفه مع شاب تاني انتي حرة....ساامعه
_نور: اهدوا يا جماعه هو مينفعش متتخانقوش يوم 
_زين وحلم: خليكي في حالك 
_نور بضحك: ايه الاحراج دة
وصلوا البيت وهناك كانت المفاجأه 
_حلم بصدمه: انت بتعمل ايه هنا!
يتبع الفصل الرابع اضغط هنا
google-playkhamsatmostaqltradent