رواية حلم الزين البارت الرابع 4 بقلم سما محمد
رواية حلم الزين الفصل الرابع 4
_حلم بصدمه: انت بتعمل ايه هنا!
_زين بعصبيه: انت مين وايه اللي جابك هنا
_اسر ببرود: اهدي يا زين باشاا انا اسر الالفي
_حور بمقاطعه: ما عرفنا ان حضرتك اسمك اسر الالفي ايه اللي جابك هنا
_اسر: جاي مع عمتي
_حور بعدم فهم: عمتك مين!
_اسر: بصي يا ستي اللي انتي متعرفهوش ان اناا ابن خالك وكنت برة مع بابا من وانتي صغيرة وبابا توفي ورجعت انا علي هنا
_حلم باستغراب: ابن خالي انا! بس انا عمري ما شوفتك خالص ولا ماما حكتلي عنك قبل كدة
_الام فاطمه بفرحه: اسر انت جيت يا حبيبي حمدالله على سلامتك
_اسر: الله يسلمك يا عمتو
_فاطمه: تعالي يا حبيبي اما اعرفك علي العيله.... وخدتو ومشيت
_زين بشك: انا مش مرتاح للواد دة
_حلم: ليه بقي ان شاء الله ماله يعني عملك ايه
_زين: معمليش حاجه بس مش مرتاحله
_حلم: عن اذنك يا زين عشان اروح اشوف ابن خااليي
حلم مشيت وسابت زين وهي عارفه انها استفزته رغم انها كمان مش مرتاحه للشخص اللي بيقول انه ابن خالها
تاني يوم
نور وحلم رايحين الكليه
_حلم: لسه بردو مفيش مواصلات جت(ملحوظة: هما قاعدين في فيلا بس بتاعت جدهم ومن عيله متوسطه مش غنيه ومش فقيرة تمام)
_نور: هنروح ازاي
_حلم: ما هو لو اخوكي مكنش فضل نايم كان زمانا وصلنا
_نور: حلم انتي هتجننيني انا قولتلك اطلع اصحيه قولتيلي ايه ردي قولتي ايه! قولتيلي الاهتمام مبيطلبش وطلعتي هرموناتك صح
_حلم: خلاص بقا
_اسر: احمم... انا ممكن اوصلكوا علي فكرة
_حلم: لا معلش
_نور بمقاطعه: بس مش عايزين نتعبك معانا
_اسر بابتسامه: لا لا تعب ولا حاجه نفس طريقي يعني
_نور: طيب ماشي يالا يا حلم
_حلم بهمس: انتي هبله مش هركب
_نور: ليه يا بنتي هياكلنا ثم لو مركبناش معاه مش هنروح في المكان المقطوع دة
_حلم: ماشي يالا
ركبوا معاه ووصلوا الجامعه وخلصوا وخارجين مع اسر لقوا زين واقف قدام عربيته مبتسم واول ما شاف اسر الابتسامه ضاعت
_زين بعصبيه: انتي ايه اللي مخليكي تمشي معاه
_حلم: زين اهدي بس عادي دة ابن خالي ف
_زين بعصبيه: وحتي لو ابن خالك مينفعش تمشي اتفضلي يالا انتي وهي
_اسر: استني بس يا زي
_زين: احسنلك تبعد عن حلم عشان متندمش
_....: شوفت البت اللي انت قولتلي عليها اعرفلك عنها كل حاجه
=....: ايوة قول بسرعه
_...: شكلها تهمك اووي
=...: انجز وقول
_...: اسمها حلم واللي معاها اسمها نور ولاد عم و من عيله الانصاري وكانوا عايشين في القاهرة ونقلوا اسكندريه من سنتين وقاعدين مع جدهم وو
=....: وايه انطق
_...: مخطوبه لابن عمها الظابط زين سعد الانصاري وبنت عمه اسر الالفي
=.... : اسر وزين مرة واحدة.. اكتر اتنين بكرههم في حياتي تباعها
"في العربية"
_نور:ايه يا جماعه اول مرة تبقوا ساكتين
_حلم:عادي يعني نتخانق مش عاجب نسكت مش عاجب بردو
_نور:زين والله احنا ركبنا الصبح مع اسر علشان انت كنت نايم
العربيه وقفت فجاة
_زين:هو انتو كمان ركبتو معاه الصبح
_نور بتوتر:م م ماا انت كنت نايم
_زين بعصبيه: حلم و
_نور بمقاطعه:والله يا زين حلم مكانتش راضيه انا اللي اصريت عليها
_حلم بعصبيه:بص بقا يا زين انا مش هسمحلك تاني انك تهيني كدة تاني قدام حد ولا حتي بينا وبين بعض انت سامعني اتعصبت عليا قدام اسر وسكت وعملتلك احترام ومتكلمتش لكن لو من اقل موقف هتزعق وتهيني وتهين كرامتي بالشكل دة فيكون احسن اننا نبعد لاني مش هسكت ومش هسمح بكدة فاهم
زين فضل ساكت وشغل العربيه ووصلوا الڤيلا ومتجمعين كلهم
_زين: انا عايز اكتب كتابي علي حلم الاسبوع الجاي
_احمد:ليه السرعه دي وبعدين هي لسه في سنه تانيه
_زين:يا عمي هيكون احسن وعشان محدش يتكلم ويقول لسه مخطوبين
_احمد:انا موافق بس لازم رايها ورأي جدك
_سالم:انا موافق يا احمد
_احمد:وانتي يا حلم ايه رايك
_حلم ببرود:انا موافقه عن اذنكم
_احمد:روحي يا بنتي معاها شوفيها مالها
_نور:حاضر يا عمي
نور طلعت وراها
_نور: ايه يا بنتي مالك هو كل ما زين يقول حاجه في سيرة جوازكوا تطلعي وتسيبينا كدة
.......
_نور: ايه دة انتي بتعيطي يا حلم
_حلم ببكاء: مش عايزة يا نور مش عايزة اتجوزه
_نور بصدمه: انتي بتقولي ايه! طب ليه وافقتي؟هو انتي بتحبي حد تاني؟
_حلم: لا والله مبحبش حد
_نور: اومال ايه
_حلم: انا هحكيلك.... وحكتلها اللي حصل زمان
_نور بصدمه: يعني انتي طول الفترة دي بتحبي زين!
_حلم: ايوة
_نور: طب ايه مشكلتك انتي بتحبيه يا حلم وهو بيحبك والا كدة مكنش اتجوزك مش عايزة تتجوزيه ليه
_حلم بدموع: عشان مش قادرة انسي يا نور.. مش قادرة نفسي امحي الذكرة دي من دماغي بس مش عارفه... بحبه بس كل ما احن ليه افتكر زمان وقسوته عليا.. بفتكر اليوم اللي سابني فيه لما قولتله بحبك وانه قالي اني مجرد عيله بالنسباله
_نور بحزن: طب انتي ناويه تعملي ايه
_حلم: هنتقم منه يا نور وهرجع حق كرامتي يمكن لما ارجعها اسامحه... انتي معايا!
_نور بابتسامه: طبعا معاكي هنعمل ايه
_حلم: هقولك
يتبع الفصل الخامس اضغط هنا