رواية صفقة ثم عشق السابع والفصل الثامن بقلم مريم جلال
رواية صفقة ثم عشق الفصل السابع
بعد ما زين خلص الشوربه وبص عليها
زين:يارب تكون حلوة يارب انا عايز اشفيها مش أسمها يارب يلا نطلعلها وطلع ومعاه الاكل والدوا دخل لقاها بتتألم وبتصحي حط الاكل علي التربيزة ورحلها بسرعه
زين:عشق مالك ف حاجه وجعاكي
عشق بدأت تستعيد وعيها وفتحت عنيها لقته قريب منها جدا ف خافت وقامت بسرعه وبصتله بخوف
زين حس بيها وحس بوجع من باصتها واستحقر نفسه
زين:اهدي يا عشق والله ما هعملك حاجه انتي أغمي عليكي وجبتلك دكتورة وقالت انك عندك انهيار عصبي وهبوط عشان مش بتاكلي حلو اهدي
عشق هدت الي حد ما وبصت علي نفسها لقت نفسها لابسه قميص رجالي عرفت انو بتاع زين ولقت الجروح محطوط عليها كريم بصتله:متقولش انك انت الي عملت كدة
زين بإستغراب:اكيد انا الي عملت كدة
عشق بدموع:ليه
زين:عشق اهدي وربنا انا جوزك يعني مش حرام عادي
عشق بدموع:بردو
زين بإحراج:عشق انا اسف علي قولته والي عملته فيكي وبصي اخر مرة والله بس انا ليا ظروفي الي خلتني اتعامل معاكي كدة بس هحاول اتعامل معاكي بما يرضي الله انا اسف تاني مرة انا عمري ما اتأسفت لحد بس انا الي غلطان المرة دي
عشق:يعني مش هتضربني تاني وتجرحني
زين:ابدا والله بس ممكن اسأل سؤال
عشق:اتفضل
زين:مين الي ضربك بالطريقه المتخلفه دي قوليلي وانا هنسفه من علي وش الارض
عشق بدموع:هتنسف ابويه واخويه
زين بصدمه:ابوكي واخوكي
عشق:ايوة عشان رفضت اتجوزك
زين:يقومو يضربوكي بالشكل دة
عشق:عرفت ليه انا كارهه حياتي طول عمري بابا مش بيعاملني حلو وبيمشي ورا اخويه ف كل كلمه وعشان اخويه استلف فلوس من ابوك ومعرفش يردها عرضني عليه انا مش رخيصه والله والله العظيم انا مش وحشه الناس كلها والدنيا جات عليا ولما قولت هطلع من البيت اخيرا جيت لإهانه وضرب تاني هو انا ليه مش مكتبولي الراحه ليه وعيطت جامد
زين مقدرش يمسك نفسه وحضنها وحس انو مش راجل فعلا وحس قد ايه هو زباله وحضنها ودي كانت اول مرة زين يحس انو غلطان كدة وبدأ يطبطب علي شعرها
وعشق بردو حست بالامان معاه بالراحه والامان وقعدت تعيط ف حضنه كأنها اخير لقت حد تطلع كل الجواها ف حضنه وزين كان قاعد يهديها ويطبطب عليها
عشق بعدت عنه وزين بصلها ومسح دموعها
زين:انا اسف متزعليش مني هعاملك حلو والله ايه رأيك نبقا صحاب ناخد علي بعض واحدة واحدة
عشق بصتله بفرحه:حقيقي
زين:حقيقي بس طلع شعرك شكله جميل وطويل
عشق اتكسفت:اتلم يا زين بيه
زين بمرح:ولازمتها ايه بيه انا اسمي زين ف واحدة بتقول لجوزها بلاش جوزها ف واحدة تقول لصاحبها يا بيه انا اسمي زين
عشق:ماشي يا زين
زين:والنبي ما كنت اعرف ان اسمي حلو كده
عشق اتكسفت وسكتت
زين:يا نهار اسود الشوربه قام جابها بصي بقي يا عشق انا عملتلك شوربه وعرفت الطريقه من مامت مروان وانا فاشل فاشل ايه انا نيله ف الطبخ ف دوقيها انتي هتروحي المستشفي بس
عشق بفرحه:حقيقي عملتها عشاني
زين:امال عشان امي كلي يلا دة انتي هطلقيني لما تدوقيها
عشق ضحكت:ريحتها حلوة متخافش زين دوقها الشوربه
عشق:جميله جدا تسلم ايدك
زين:حقيقي والله شكلك بتضحكي عليا راح زين داقها
زين تف الشوربه وشنق:ايه القرف دة ازاي قدرتي تبلعيها دة انا احتمال مكلش تاني بسببها
عشق بضحك:عشان انت الي عملها حلوة كفايه انك حاولت هات أخدت عشق الشوربه وأكلتها كلها
زين بصلها بإبتسامه:انتي ازاي طيبه كده
عشق:زي الناس
زين:ماشي يلا عشان احطلك مرهم تاني علي الجروح دي
عشق بصدمه:لاء طبعا انا كنت نايمه ساعتها الحمدلله لكن طبعا لاء انا هعملها لنفسي
زين:لاء انا الي هحطلك
عشق:طلاق تلاته ما يحصل
زين بتحدي:طلاق علي طلاقك يا عشق لأحطلك انا الكريم
عشق:عشان خاطري لاء
زين:خلاص ماشي خدي أهو
زين قعد قدامها رتبلها شعرها وباس راسها:الجروح بتوجعك
عشق:شويه بس هتخف ان شاء الله
زين:طب حلو انا هنزل تحت
عشق:تمام ماشي
زين وهو طالع بره: سلام يا عشقي
عشق:الواد دة هيموتني والله يخربيت جمال امه اوووف
عدي شويه ولبست عشق بجامه خفيفه بعد ما حطت الكريم ونزلت تحت تشوفه
عشق:زين زين انت فين
زين من وراها:نعم
عشق بخضه:بسم الله الرحمن الرحيم ايه يا بني كح اعمل اي حاجه متخوفناش كده
زين:ابنك دة انا لو كنت اتجوزت كنت خلفت واحدة ف طولك
عشق بغضب:ما انت الي طويل أوي انا مالي انا
زين بضحك:ماشي يا أوزعه
عشق:انا مش أوزعه انا 160سم
زين ضحك:160سم دة انا 190
عشف بصدمه:يخربيت أهلك دة انت عمود نور
زين:يعني انتي الي مش اوزعه توء توء انا عمود نور
عشق فضلت تضحك وزين سرح ف ضحكتها
عشق اخدت بالها واتكسفت
زين:يلا عشان ننام
عشق:ننام
زين بضحك:اه خلاص بقينا صحاب ونقدر ننام مع بعض عادي
عشق:طب مش انهاردة
زين اخدها من اديها ودخلو الاوضه:مقولتيش اي رأيك ف الاوضه
عشق:جميله جدا
زين:دي هتبقي اوضتنا يلا ننام عشان انا هموت وانام
عشق فضلت بصاله:ماشي يلا
زين:اسألي يا عشق
عشق:اسأل ايه
زين:عنيكي فيها سؤال ايه هو
عشق:احم هو ايه الي حصل زمان خلاك تكره الستات لو مش عايز تحكي او دايقتك انا اسفه اني سألت
زين:بصي يا عشق لما احس اني جاهز احكي هحكيلك عشان لما بفتكر بتوجع
عشق:ماشي وانا مستنياك ف أي وقت
زين:شكرا يلا ننام
عشق:ماشي
وبالفعل نامو
رواية صفقة ثم عشق الفصل الثامن
لما كل واحد نام ف جنب من السرير زين كان عايز ياخد عشق ف حضنه بس استني لما تنام وحقيقي لما حس انها نامت شدها عليه براحه واخدها ف حضنه ونام
ف الصباح استيقظت عشق وجدت نفسها ف حضن زين حست بالامان وقالت ف نفسها انها اول مرة تنام وهي حاسه بالامان
وبصت علي زين لقته نايم وكان شكله طفل أوي وهو نايم ف استغلت انو نايم او بيمثل انو نايم بالاصح ومدت اديها علي شعره وفتح زين عنيه مرة واحدة
عشق ابعدت اديها بسرعه:انا...انا كنت ..اصل شعرك حلو ف ...
زين بضحك:وفيها ايه يعني هضربك مثلا لما تلعبي ف شعري
عشق:مش قصدي كنت افكرك ادايقت او مش بتحب الحركه دة
زين:هو انا عمر ما حد مد ايده علي شعري بس مسموح ليكي
عشق:طبعا نحن نختلف عن الاخرون
زين ضحك وباس راسها وقام:هروح الشغل وهاجي علي العشا ماشي
عشق:متأخرش طيب اصل بخاف اقعد لوحدي ف البيت بليل
زين:حاضر اوعدد هحاول اجي بدري
عشق:زين ممكن معاملتك متتغيرش معايا انا خايفه تمشي وتيجي بليل تعاملني وحش
زين حس بيها:دة كان زمان اوعدك اني هاجي وهتفضل معاملتي ليكي زي ما هي وباس اديها ودخل الحمام
وعشق كانت فرحانه وزين لبس وودعها ومشي راح الشركه
دخل زين المكتب وطلب من مروان يجي المكتب
مروان:قالو انك طلبتني
زين:ااه عشان نراجع الصفقه دي بسرعه يلا
مروان:ماشي يلا
قعدو يخلصو الصفقه
مروان:كدة بقت جاهزة خلاص علي التقديم والتعاقد بس كدة
زين:حلو جدا
مروان:مالك حاسس مزاجك رايق ومبسوط كدة ربنا يبسطك اكتر بس مالك
زين:حقيقي مزاجي حلو لاني صلحت العك الي عملته مع عشق
مروان:عملت ايه
زين:اتأسفت ليها وقولتلها نبقي صحاب لحد ما ناخد علي بعض دة غير اني لو شوفت اخوها هقتله
مروان:ليه
زين:عطاها علقه موت عشان رفضت تتجوزني
مروان:يقوم يضربها بالشكل دة انت حبيتها يا زين
زين:والله ما عارف يا مروان بس ببقي فرحان معاها وببقي علي طبيعتي وبنسي كرهي للستات واي حاجه حصلتلي وانا جنبها
مروان بإبتسامه:يبقي حبيتها حكتلها علي ماضيك
زين:لاء بس وعدتها اني هحكلها لما ابقي جاهز
مروان:قولها قريب عشان العلاقه تكبر بينكوا علي الصدق والثقه بلاش انكو تخبو عن بعض حاجه
زين:حاضر شكرا يا مروان لانك فضلت معايا بطبعي دة بس هحاول اغيره وشكرا انك فتحت عنيا علي حاجات كان لازم اشوفها
مروان:مفيش شكر بين الاخوات صح ولا لاء
زين:بإبتسامه:صح
مروان:امشي انا بقي عشان ورايه مشوار ملوش اي تلاتين لازمه
زين بضحك:ماشي
وخرج مروان وركب عربيته هو كان رايح يراقب سلمي زي ما بيعمل بقاله يومين من ساعه ما شافها لقاها خارجه من الجامعه وبتودع صحابها وراجعه بيتها زي كل يوم لكن اليوم اختلف ف واحد من الكليه واقفها ومروان ادايق جدا وراقبها يشوفها هتعمل ايه الشخص مسك اديها جامد راحت سلمي ضربته بالقلم علي وشه مروان نزل بسرعه قبل ما يضربها عشان هتبقي ليلته سودة لو عملها قرب مروان سمعو وهو بيقول
الشخص:بتضربيني انا وربنا لأوريكي يابنت ال ..
ومكملش كلمته بسبب لكمه مروان ف وشه
مروان:لو سمعتك بتغلط تاني فيها هقتلك فاهم سلمي كانت بتعيط واتستخبت ورا مروان كأنها مصدقت لقت حد تعرفه
مروان بغضب:عملك ايه
سلمي ببكاء:عايز يكلمني وانا برفض وكل مرة يقف يكلمني وانا برفض ف مسكني جامد من ايدي
مروان مسكه من هدومه:عارف لو قربتلها تاني هعمل فيك ايه
الشخص:وانت مالك عاملالي فيها محترمه وانتي مدوراها يا سلمي هانم
مروان:اخرس يا زباله دي محترمه غصب عنك
الشخص:ايوة طبعا لازم تدافع عن حبيبه القلب والله لفضحك عشان عامله فيها محترمه
مروان:اياك تتكلم نص كلمه عن خطبتي فاهم
الشخص:انت خطيبها
مروان:ايوة خطيبها لو سمعت عن مروان المصري انا أهو
الشخص بخوف:حضرتك مروان المصري شريك زين بيه السيوفي
مروان:ايوة شاطر انك عارف وربنا انسفك من علي وش الارض
الشخص:انا اسف واسف يا سلمي هانم
مروان اخد سلمي وراح ركبها العربيه وركب هو
سلمي بغضب:ايه خطيبي دي هقول ايه دلوقتي لصحابي وللناس ايه
مروان:يعني اسيبو يفضحك ف الكليه
سلمي بغضب:كنت هتصرف
مروان بغضب اكثر:كنت هتتصرف ازاي ان شاء الله هاا قولي
سلمي:معرفش بس كنت هتصرف
مروان:وبعدين انا مش بقول كلام وارجع فيه ودة الي كنت عايز افاتحك فيه
سلمي:ايه هو
مروان:تصدقي بالله انتي غبيه انا بتكلم علي موضوع انك تحددي معاد مع مامتك اجي اخطبك فيه
سلمي:شكرا لخدامتك انا مش موافقه انك تتجوزني عشان تبقي قد كلمتك
مروان بغضب:وربنا هسفخك قلم احولك فيه فاهمه انا مش هتغصب علي جوازة فاهمه انا من ساعه ما شوفتك عند زين وانتي مش بتطلعي من دماغي حبيتك امتي وازاي الله اعلم بس الي اعرفه اني قلبي اختارك تكوني شريكه حياتي
سلمي اتكسفت من كلامه وتوترت:طب هحدد..... معاد . م..مع ماما واكلمك سلام ونزلت من العرببه بسرعه
ومروان ابتسم علي خجلها وشغل العربيه وراح الشركه عند زين
عند زين كان بيشتغل وبيفكر ف عشقه هو سماها كدة وهو بيشتغل مروان دخل عليه وهو بيغني
مروان:وهتجوز ااه هتجوز ااه هتجوز
زين:بس يا أهبل
مروان:هتجوز
زين:مين بقي دي
مروان:سلمي ومن غير ما تتكلم هحكيلك
يتبع الفصل التاسع والعاشر اضغط هنا